المساعد الشخصي الرقمي

مشاهدة النسخة كاملة : الشـقليني وجـيه كعلبة الدنهـيل و شكلو مغتربين مغتربين

الطيب بشير
31-12-2005, 01:05 PM
الشـقليني وجـيه كعلبة الدنهـيل و شكلو مغتربين مغتربين
هل أنتم مثلي ترسمون خيالآ لمن تعرفونهم بالتلفون/الإنترنت/المراسلة؟!
في حالة الحبيب شقليني أرجو أن أعترف أني ظلمته
و بهذه المناسـبة نخلع عليه لقب وجـــيه البورد :D
طبعآ الراجل ما بقولوا سـمح ، لكن شقليني شكلو مرتاح ، تحس إنو خالد الحاج دة سواقو؟ حارسو الشخصي؟ غايتو بالكتير يا خال سكرتيرو.. لوووووول .. :cool:
السـيد وجيه البورد تقبل إعتذار من بنات أفكاري و تلاوة سرية من بنات في البورد..
عبدالعزيز خطاب
31-12-2005, 04:53 PM
الشـقليني وجـيه كعلبة الدنهـيل و شكلو مغتربين مغتربين
هل أنتم مثلي ترسمون خيالآ لمن تعرفونهم بالتلفون/الإنترنت/المراسلة؟!
في حالة الحبيب شقليني أرجو أن أعترف أني ظلمته
و بهذه المناسـبة نخلع عليه لقب وجـــيه البورد :D
طبعآ الراجل ما بقولوا سـمح ، لكن شقليني شكلو مرتاح ، تحس إنو خالد الحاج دة سواقو؟ حارسو الشخصي؟ غايتو بالكتير يا خال سكرتيرو.. لوووووول .. :cool:
السـيد وجيه البورد تقبل إعتذار من بنات أفكاري و تلاوة سرية من بنات في البورد..

يا أبو الطيب ياجميل

شقلينى وجيه البورد وناثر عبق الجمال فيه..

بل هو كعلبة شوكلاتا سويسرية فاخره..

مغرد .. متفرد .. جالب للبهجة والمتعة .. واكتمل البدر برسم البعد الثالث

التحية والحب والامنيات

عبدالعزيز خطاب
عبدالله الشقليني
31-12-2005, 07:27 PM
حبيبنا الطيب .

حأحكي ليك قصة جَد جَد ،
لكن ما تكلم زول :

جات زارتنا زوجة صاحبنا ، وكانت موجودة في مدينة العين ،
وتبعد 140 كيلو من أبو ظبي . وكانت معي البنت الصغيرة
وهي في عُمر 15سنة ، وطولا زي بالضبط ، وهي وأنا نسكن لوحدنا
في الشقة وهي في أولى ثانوي .
مشينا الفندق عشان نلاقيها ، وكنت طولت منها تسعة سنوات ،
وكانت في مناسبة زواج بت أختا في العين .

المهم اتعرفنا وكانت معاي ( فيروز ) البنت الصغيرة ،
وزوجة صاحبنا عرفتُم علي ، وقالت :
ـ عبدالله دة صاحب زوجها عبد الرافع و دُفعتو .

بعد مسافة جات تضحَك وقالت لي :

ـ تصور أختي زعلانة قالت لي وَكت هو قَدُر عبد الرافع
مُعَرِس ليه بت صغيرة ليه؟ .

وقامت تضحك وقالت ليها :

ـ دي بالمناسبة بِتُو الصغيرة! .

الولية انهجمت .
معتصم الطاهر
31-12-2005, 07:43 PM
و بهذه المناسـبة نخلع عليه لقب وجـــيه البورد :D
..

الله يالطيب

ياه لو عرفته عن قرب

لعرفت قول الله

( لقد خلقنا الانسان فى أحسن تقويم) ..
الطيب بشير
31-12-2005, 09:55 PM
شقلينى وجيه البورد وناثر عبق الجمال فيه..
أهلين خطاب
هو كذلك شقلينى وجيه البورد
نتمنى، و قد رأينا الصورة، أن نراه جهرة
ربما في زيارة أو كونكشـن للبلد
الطيب بشير
31-12-2005, 10:00 PM
الولية انهجمت .
so did I
مراحب شقلينى وجيه البورد
الصـور كانت أجمل مفاجأة
نتمنى أن نتعرف على جميع حبايبنا في البورد
سـنة حلوة يا شقلينى وجيه البورد
الطيب بشير
31-12-2005, 10:08 PM
( لقد خلقنا الانسان فى أحسن تقويم) ..
هـلا يا معتصـم يا هندسـة
و مع خلقة الله
هنالك touch بتاع أناقة و رووووقة كدة ، يذكرني بتفرد عطر الكاشيت أيام كانت عطورنا لا ترقى للتسـمية ، لما الشباب بيخـتوا السيجارة في مبسـم أسود و الولاعة مذهبة و تقدح بلا مجهود يذكر، لما كان الموضة تحرمني منك مشـخت و الشعر آفرو ـ خنفس ـ ..
هـو ..
وجـييييييييه البـورد
الجيلى أحمد
02-01-2006, 02:14 AM
الطيب الزول البركه

هناك ايضآ touch of عمه وجلابيه بيضاء ..سجائر بينسون ومركوب جلد نمر..
سبقتنى بالكتابه عن حبيبنا الشقلينى واليك نظرتى

زول قصير ..قمحى
طوالى خاتى طاقيه فى راسو يامقبقب العمه عشان الجلحات مايظهرن (زى عكود)
زولآ وناس وزعلوا بعيد بالو طويل متل سماد البايونير
وزعلو كعب مابتراد
والزول بحر
فن
ثقافة
سياسه
وكان جيت على الشعر وشواطينو هلا هلا

الطيب يااخوى عمنا الشقلينى
Is easy like sunday morning
ربنا خلق السماء وقال للنجوم ضوى
الطيب بشير
02-01-2006, 04:45 AM
حبيبنا الجـيلـي بي ذاااتو؟
كيفـنك ؟ تسـلم ..تسـلم
والله شقليني زولآ داخل القلوب و ساكنها
خلعتني الوجاهة، الروقة، ربنا يزيد و يبارك
هداوة بال يا الجـيلـي شـيخي..و بسـمة رضـا
الله يديهو العافية .. وجـيه البـورد
أبوذر بابكر
02-01-2006, 07:36 AM
العزيز الطيب

تحايا وأمنيات حلوة فى السنة الجديدة

ليك وللشقلينى ولكل الأعزاء هنا

الشقلينى وشت بيهو أناقة حروفه وحلاوة حضوره ومعناه
وأكيد لا ينبت الجمال إلا من لدن الجمال

تعرف أنا متخيله كيف

يكون كده زى يوم العيد بالمساء

الناس كلها اتلاقت وباركت العيد وهجست فى البيوت
بعد الحوامه
الجو فيهو نسمات صيفية رقيقة وصديقة
وريحة الفريق عابقه بصندل الأنس والأعراس

وعثمان حسين يغنى فى الراديو

حاولت اديك من روحى شويه

وتحايا مجددا
بحلاوة الشقلينى
الطيب بشير
02-01-2006, 02:27 PM
مرحـبتين يا أباذر يا حبوب
سـنة حلوة ع شـانك
قلت لي وجيه البـورد زي أماسي العـيد
رائع هذا الشقليني، و كما تفضـلت، كانت كلماته تنبيء باختلافه
عسـى أن يأتني بكم جميعآ
عبدالله الشقليني
02-01-2006, 03:11 PM
الحِبَانْ سلامْ :
الطيب
والمعتصم
والجيلي
وأبو ذر
والجميع


من عَسل الكَلام طَفَرْ الدَمِع يَكنُسْ قَزَازْ عينينَا
الطيب فَرَع و وَد الطَاهِر نَقَزْ ، الرَيدَة مالا عَلينا؟
أبوذر فارِش سَباتُو والجَيلي بيشِيل يَوَصِّف فينا
أخوكُم قِصَيِّر شان ، لكِن بالحُب خَلاص طِوِلنَا رِبينَا

**

ما أجمل الدُنيا بينكم ، وما أصغرني عن أوصافكم .
أنـزلتُم علىَّ من فضل الحديث أكبر من شأني .
بمحبتكم تأخذ الدُنيا دورتها ، ترقُص العصافير على أنغامِكم ،
وتُميل الأغصان ناعِسة مما تقولون .
وإني كما قال أكرم الخلق ( المرء مع منْ أَحَبْ )
فمعكُم نفسي و الروح وقِماشة الود النبيل ، نعمَ هي السماوات ،
فقد ازدادت رِفعة بِكم .
**
{ لو قَرَتْ كَلامكُم دَة واحدَة طَيبَة و بِنحِبَها قاعدة في السُودان ..
تَجي طايرةَ طيران تحَصِل قبل ما تتقَدَم لي وَاحــدَة :) }

الشقليني