كل اسبوع-قصيده واغنيه وصوره للراحل. مصطفى

[mahdy alamin]

الأعزاء
هذه السلسله تقدمها لكم واهداء لكل الأعزاء في سودانيات مكتبة الراحل المقيم مصطفى سيد أحمد - الامارات
وفي كل اسبوع سنقوم بتقديم اغنيه وصوره وقصيده او مرثيه
وترقبوا قريبآ اللوحات التشكيليه التي رسمت بريشة الراحل مصطفى سيد أحمد

ودمتم
مكتبة الراحل المقيم مصطفى سيد أحمد - الامارات
http://sudaniyat.net/upload/uploading/Zawaj.jpg


http://sudaniyat.net/upload/uploading/بنفسج الضباب.ram

[mahdy alamin]

هذه اغنيه بنفسج الضباب
من كلمات الأستاذ مظفر النواب
وهي من القصائد النادره جدآ
ويا جماعه العندو الكلمات كامله ياريت لو ينزيها علشان يكتمل البوست
ودمتم

[فيصل سعد]

سافرى فىّ
شموساً ووتر
لأغنيك التماسك
أبتغى منك الوصول
أمنحى القمح الخصوبة
أمنحينى نفسى دون خوف
دون همس
وأمنحى المدن الدليل
فيا طفلة
ظلت تفتش عن ضفيرتها،
بين دمع ورحيل
هل يكون الموت نوعاً من تآلف
فى غيابات الخليل؟

يحى فضل الله

[حمد فتح الرحمن]

لك الشكر اخي مهدي علي هذا المجهود الرائع .
ارجو ان يستمر عطائك في هذا المشروع الكبير

[فيصل سعد]

يا مشرع الحلم الفسيح
أنا بينى مابينك جزر
تترامى والموج اللّديح
القدرة والزاد الشحيح
كملتو ما كِمل الصبر
نتلاقى فى الزمن المريح
ميعادنا فى وش الفجر
يا مشرع الحلم الفسيح

[أبو العز الجنوبي]

الاخوة مهدي
المسافة
شكرا لكم على هذا البوست الذي اتمنى ان يكون رائعا كروعة الراحل المقيم ....
في انتظار الاستمرارية

[وضاحة]

سلام ياحلوين
مشكورين على البوست الجميل دة وح امشى واجى تانى انشاء الله
لانى من اشد االمعجبين براحل المقيم الفنان مصطفي سيد احمد
ومرة تانى شكرالكم

[النذير التوم]

وينك يا مهدي ما قلنا كل أسبوع غنوة و نغم لفارسنا الأصيل ...

منتظرين و متابعين..و يلا نغني مع مصطفي

مكتوبة في الممشى العريض
شيلة خطوتك للبنية .. مرسومة بالخط العنيد
في ذمة الحاضر وصية
شاهدة التواريخ والسير والإنتظار
أدوني من قبلك مناديل الوصول
وفردت أجنحة العشم في ساحة الوطن البتول
وضحكت ما هماني شئ .. وبكيت ولا هماني شئ
عندك وقفت من المشي .. وغرقت في ضوء النهار
كانوا بتمنوك لو ترتاحي لحظة على الدرب
حبوك حب قدر الحروف الحائمة في بطن الكتب
قدر الخيال ما مد يدو على السحب
كل خاطر قال بريدك
إلا ريدك كان رسول الدهشة في كل الديار
وأنا زي عوائد الشعر فارس شد خيل الكلمة ليك
مصلوب على ظهر البداية القالوا آخره بين يديك
قلت يا مهون تهون شان أجيك
كنت بريدك وبتشتيهك
أنكسر فيني الترجي ونلت من سفري الخسار
بس دائر أقولك يا أصلية
لو تعب فيني التمني ... و إنهتك وتر المغني
لو تسدي علينا طاقات البشائر وأنهزم يوم التجني
_________________

[فيصل سعد]

....................
....................

ونقرط لى الحمار
نقريط الحمار
لاتنسى النِعال
الطِرقِى الخدار
اللِّبِس الجديد
تسريح السفر
لى الماشى الصّعيد
ماشى الدّيش نَفَر
والبال إشتغَل
بى الأبى ما يعِيد
الحول ما أشتغل
الغُبُن الشديد
السابا ورحَل
لضيق المحَل
والفرج القريب
الجا وما وصَل
زى الحال ده يوم
لا كان .لا حصَل
والبال إشتعَل.....
...................
...................

[فيصل سعد]

مـلّـيـت تـبـاريـح الجـراحات
البـقـت بـعــدك أسـى
وزمــنــاً قـســــــا
وحـــالاً أســيـف
ومـشــيـت أفـتـش عـن
خـطـاويـك الـقـبـيـل
مـضّــارى من زمـناً
وراك مـلانى خــوف
أشــتــقــت أرتـاح فى عـيـون
فـيـهـن مـلامحــك ذاتــا
مــن غـير أىّ زيـف
وإشــتـقـت لى ضـحكة صـبـاحك
والدعـاش عـطّـر رزاز
مـطـر الخـريف
نا وإنـت والدنـيـا الزمـان
والناس وفـا وخـوّة صـفــا
ودفء المشاعر الشاتية صيف
أنا وإنت والدنيا الزمان
زمن الغناوى الطالعة من قلباً رضى
وحســّاً ندى وزوقاً رهيف
أنا وإنت والـدنيــا الأمــان
ما العمر شتّان
بين أوان زمناً حييتو
وعمر ما بتقدر بتعرف
بكرة يصبح حالو كيف

:o :o

[فيصل سعد]

طيبة
محمد الحسن سالم حميد

كل ما تباعد بينا عوارض
كل ما هواك يا طيبة مكنِّى
تلد الغربة الكُربة الواحِد
بيكى أسمى الشوق وأكنـِّى

لمـّا أفوتك من دون خاطر
أو دون خاطر منى تفوتى
بلقى حبايب فى كل حِتـّة
وكل بيوت الفُقراء بيوتى
لا غيرت وراك الجِتـّة
لا بدلت ملامح صوتى
لا غافلنى وهادن فنى
غامل المدن الما عِرفتنى
تبن الشوق الصبرو مصوبر
للأرياف الكم وفّتنى
وللأطفال الناشفة ضلوعا
ونازفة بغنى
أطمن روعا
وأهدى دموعا
ببسمة بكرة اللاّها تمنى
ولا مصنوعة

أغنى لشعبى ومين يمنعنى
أغنى لقلبى إذا لوّعنى
مخيـّر دربى الما رجعنى
إذا طلعنى نخلة القرب
أو الغربة الكدروبية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية

أغنى الناس الما بتسمعنى
المِنِّى بعيدة ومبعدة عنى
النادا نشيدا وكنت المعنى
الإيدى فى إيدا وإيدا بتبنى
فى دنيا جديدة اليوم راح تدنى
وأريت غنواتى فى ناس شغالة
تكون سُندالة وعود طورية
ضراع رجالة كتاب أطفالا
وجملة بالا الما مكرية
سدّة مالا وبقـّة فالا
فى ليلة الدخلة
على أسمى قضية


حبيبة قلبى يا سودانية
يا أسمى معانى فى زول بيعانى
ياود ضكران ويابتْ دغرية
وأنا إنْ سامعانى فضـّلت
أغانى غُـبش فقرية
وروح غانيانى
حويتك منك يادافعانى
براحة إيديا
ويا جابدانى برفق عليا
وما بتحيـّر بين الفوق
وبين الناس التحتانية
إلاّ مغـيـّر ولاّ عقُوق
ولاّ كفيف الإنسانية

ومنـِّك وين يا كاشفة عينيا
بنور الإلفة ضِيا الحنية
وحِلم العالم ناس تتسالم
والبنى آدم صافى النية
والأطفال الناشفة ضلوعا
يطمِّن روعا
وتبدى تغنى
غناوى البكرة
الكم مسموعة
حسيس طنبارة مع نـُقارة
صفِقتاً حارة ودارة تغنى
فيا حلتنا عليكى تـُرابك
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا
وتمحى ظلام الحاصل عنـّى