كيفيـــة التعـــامــل مــع تقنيـــات المنتــدي الجــديــــــد

[حمدي اب جقادو]

http://www.traidnt.net/up/Registered/besm3.gif

سلامات احبابنا
كل سنه وانتو طيبين وسالمين وغانمين
ومليون مبروك لي ود الحاج وست الدار علي هذا الانجاز الرائع

سبق وان قمنا بنشر هذا الموضوع من قبل في المنتدي القديم والمنتدي الجديد في منتدي الحاسوب ونظرا لعوامل كثيره سااقوم اليوم بتنزيل نفس الموضوع ولكن مع اضافات كثيره واهمها شرح كيفية رفع الاغاني ونشرها علي صفحات المنتدي وكيفية استخدام ايقونة مكتبي واتمني ان تعم الفايد علي الجميع (ودعواتكم)
وسوف نبادا بشرح كيفية ادارج موضوع جديد وهو كما يلي :

اولا قم بتسجيل الدخول الي المنتدي (وان لم تكن عضوا ) اضغط هنا للتسجيل الان (http://sudaniyat.net/vb/register.php?)
وقم باختيار المنتدي الذي تريد ادراج موضوعك فيه (منتدي الحاسوب مثلا او منتدي الحوار او منتدي اصدقاء الكتاب الخ...) وعند فتح الصفحه الاولي للمنتدي المعني ستظهر لك ايقونات ادراج الموضوع الجديد كما في الشكل التالي :

http://www.up2up.com/uploads/d4d66e3af5.jpg

بعد ضغطك علي ايقونة ادراج موضوع جديد سينقلك متصفحك مباشرة الي لوحة ادراج النصوص والروابط والصور وكل الملتميديا (لوحة الانشاء)
وقبل البدء في الشرح لابد من الانتباه لشي مهم جدا وهو (ان لوحة المفاتيح او الانشاء في المنتدي السابق كانت محدوده جدا جدا ولكن هنا الحال يختلف تماما لان لوحة المنتدي الجديد فيها امكانيات لاتحصي ولاتعد وقبل ارسال ردك او موضوعك لابد ان تعمل معاينه مبدئيه للرساله والانتباه لشكل الخط ويجب الا يكون حجم الخط اكبر من font5 وذلك حفاظا للشكل العام للمنتدي) .... بعد الدخول في اللوحه ستجدكل ماتحتاجه من ادوات واذا لم تعرف وظيفة اي من الايقونات او الازرار الموجود علي اللوحه فقط قم بتمرير الماوس عليه وستظهر لك رساله صغيره توضح وظيفة الايقونه ... (وهذا سنشرحه لاحقا ايضا في نفس البوست ان شا الله)

بعد كتابة نصك الذي تريد ارساله قم بتظليله ولا تستخدم (شغل الكسلانين داك ctrl+A ) لانك اذا اسخدمتها في تظليل النص وادرجت نوع النص مثلا وتريد ادراج مقاس الخط (سيقوم بطلب تظليل تاني) ولذا انا اري ان استخدام الماوس افضل طريقه للتظليل والسرعه ايضا

في الشكل التالي شرح كيفية تظليل النص واختيار شكل الخط ومقاس الخط وزخرفة الخط :

http://www.up2up.com/uploads/d25f82ef44.jpg

-------------------------------------------------

بعد الانتها من تظليل النص واخيار نوع الخط ومقاسه وزخرفته يمكنك بعد ذلك اضافة ماتريد من(اغاني وروابط وصفحات انترنت تعرض من داخل صفحتك )

وقبل ان انسي احبتي اريد ان انوه (الي ان هذا المنتدي لايقبل اكثر من 5خمسه اشكال في المشاركه الواحده اي بمعني لايمكنك اضافه عشره ابتسامات في المشاركه ...الكلام ده ليك ياخطاب وياجمال وشوشكم الحمره ديك الا تاكلوها تاني)

وفي الشكل التالي سنري كيفية ادارج الاشكال وتلوين الخطوط الخ ......

http://www.up2up.com/uploads/51b67617af.jpg

[حمدي اب جقادو]

عدنــــــــــــــــــــــا

الان اعتقد بان الجميع يستطيعون تجهيز نصوصهم وتشكيلها وتجهيزها ... وقبل الارسال لابد وان نعرف كيفية ارفاق الملفات (كبيره او صغيره) وسنري في الشكل التالي طريقة ارفاق الملفات ....

في نفس صفحة كتابة الموضوع الجديد (لوحة المفاتيح والانشاء) اذا نزلنا لاسفل الصفحه سنجد مربع حوار صغير مكتوب عليه الخيارات الاضافيه كما في الشكل التالي :

http://www.up2up.com/uploads/03a5413225.jpg

وبعد الضغط علي ايقونة ادارة المرفقات ستظهر لنا النافذه التاليه :

http://www.up2up.com/uploads/bb7cb0c3d3.jpg

وانوه احبتي الي الالتزااام بفورمات الفايلات المعتمده (يعني مافي زول يحاول يرفع ليهو ملف Dll ويجي يقول ابي يترفع

الي هنا اعتقد ان الموضوع بسيط جدا جدا جدا (بس عايز ليهو شوية تركيز)

-----------------------------------------------------------

الردود والتحرير والاقتباسات

والان وبعد ان عرفنا كيفية اضافة مشاركه جديده وكيفية ارفاق الملفات سننتقل الي كيفية ادراج الردود والرد باقتباس والتحرير ..

طريقية ادراج الردود في هذا المنتدي تختلف قليلا عن المنتدي السابق اي بمعني انا هنالك طرقتين لادراج ردود علي المواضيع وسنقوم بشرحهما مفصلتين ..

الطريقه الاولي وهي الرد السريع
وهي ان تقوم بالرد علي موضوع من نفس الصفحه دون الحوجه الي الانتقال الي متصفح اخر .. اي بمعني عند النزول الي اسف صفحة الموضوع الذي تقرا فيه تجد اخر الصفحه مربع حوار صغير مكتوب علي (ادراج رد سريع) ومربع الحوار هذا لايدعم بطبيعة الحال ازار ادراج الصور والافلام والاغاني انما هو فقط يدعم تضخيم وتنسيق الخطوط وهو كما في الشكل التالي :


http://www.up2up.com/uploads/daabd10aa5.jpg


الطريقه الثانيه
وهي الطريقه العاديه بالضغط علي ايقونة اضافة مشاركه جديده كما في الشكل التالي :

http://www.up2up.com/uploads/04504d3262.jpg

وسنلتقي لاكمال باقي الشرح مع الصور
حبي لكم جميعا
حمدي اب جقادو

[حمدي اب جقادو]

يلا من تاني ياحلوين عدنا


بعد ان عرفنا الردود وانواعها وكيفية التعامل مع النوعين ..الان سوف نتعرض لاهم معلومه (في راي جقق) في لوحة المفاتيح وهي كيفية التعرف علي وظيفة اي ايقونه من الايقونات الموجود في اعلي اللوحه ....

وسوف اشرح هنا كيفية التعامل معها وبعدها سوف نقوم بالاطلاع عليها في الصوره ... .. عندما تود استخدام اي مفتاح من المفاتيح الموجوده في اعلي اللوحه وحتي اذا كنت متاكدا من وظيفة المفتاح حاول ان تمرر زر الماوس علي المفتاح المراد استخدمه من غير الضغط عليه وعندها ستظهر نافذة حوار صغيره جدا مكتوب عليها وظيفة المفتاح المحدد ....

اما الطريقه الثانيه قم ايضا بتمرير الماوس بنفس الطريقه علي اي ذر ترغب في استخدامه وفي اقصي يمين لوحة المفاتيح واسفل ايقونة الميديا بلير بالتحديد ستجد لمبه (لمبة قلووظ صفراء)لووووول.. هذا اللمبه ايضا توضح مهام اي زر تمرر عليه الماوس كما في الشكل التالي :
http://www.up2up.com/uploads/60ed619686.jpg


الاقتباسات والتحرير

بعد ارسال اي مشاركه يمكنك تحريرها والاقتباس من باقي ردود الاعضاء بطريقه سهله جدا وعمليه جدا مع اختلاف بسيط جدا عن المنتدي القديم وهي ان ايقونات الاقتباس والتحرير في المنتدي القديم كانت تظهر في اعلي المشاركه في اقصي اليسار اما هنا في المنتدي الجديد فهي تظهر في افل المشاركه في اقصي اليمين ولاتتطلب شرح كثير وهي كما في الصورة التاليه :

http://www.up2up.com/uploads/dda648f63c.jpg


التحكم في الوان المنتدي

هذا المنتدي من امكانياته الجميله جدا انه يدعم امكانية التصفح باكثر من لون وهما اللون البني واللون الاخضر وللانتقال بين اللونين لاتحتاج سوي ضغطه خفيفه علي الماوس كما في الشكل التالي

http://www.up2up.com/uploads/96c75a0254.jpg

كما ترون في الصوره ان هذه الخاصيه متوفره في اي صفحه من صفحات المنتدي في اسفل الصفحه (يعني في اخر حتي تحت بتلقي الحاجه الظريفه دي ) عارف في ناس حيتوهو


------------------------------------------------------------------------


ناس الفلقصه والكتابه باالانجليزي (لووول صغيره)

توجد في لوحة التحكم لااضافة الردود والمواضيع الجديده خاصيه جميله جدا جدا وكثيرا ماارهقت الناس بالبحث في الانترنت وهي (لوحة المفاتيح العربيه) ةهي سهلة الاستخدام ومامحتاجه حرفنه وهي كما في الشكل التالي :

http://www.up2up.com/uploads/f46ede6b57.jpg

ويلا ابقو شمس مابتغيب
واي استفسار واي زنقه قول لي عوك في الخاص او في الماسنجر hamdi@larrycomsp.com

وتحياتي كيمان كيمان
حمدي

[حمدي اب جقادو]

الحلوين الزينين

هناك امر هام جدا وقد نسيت ان اتطرق له فيما سلف وهو موضوع ادراج الصور من الانترنت .. وعادة تكون هذه الصور كبيره جدا (في المساحه ) يعني الصوره ممكن تكون 80000pixels في 80000pixels زي حنينه يوم المسابقه الشتره بتاعتها ديك :D

وهذه الصور ذات الاحجام الكبيره دائما ماتشوه شكل الصفحه او البوست ...ولكي لايحدث هذا لاحقا وددت ان انبه الجميع الي ان لوحة التحكم لاضافة الردود والمواضيع الجديده تحتوي علي خاصيه جميله جدا الا وهي تهذيب الصور الشتره دي واظهارها بمظهر جميل ولائق

طريقة الاستخدام كما في الشكل التالي :

http://www.up2up.com/uploads/0b81497640.jpg


ايضا هنالك طريقه اخري وجميله وسهله الاستخدام لرفع الصور الي المنتديات ... وهي لاتحتاج الي رابط من الانترنت ولا لي اكواد اظهار وهي كما في الشكل التالي :

http://www.up2up.com/uploads/ebd1dac478.jpg

احبابنا اتمني اذا واجهت احدكم اي صعوبات ان لايتردد في الاتصال بالاداره او بشخصي المكوجن:D وايميلي زي ماانتو شايفين مشروور برّه
يلا ابقو شمس مابتغيب

والشوق جداول جداول
حمدي اب جقادو

[حمدي اب جقادو]

احبابنا ياغاليين

في هذا البوست سوف نقوم بشرح كيفية رفع الملفات الصوت الي المنتدي ومركز تحميل المنتدي

نبدا الشرح

اخي العزيز لكي تنشر ملف صوتي في المنتدي لابد وان ترفع الملف المعني اولا الي الانترنت ومن ثم نشره علي صفحات المنتدي وستكون الخطوات كما يلي

اولا تذهب الي اعلي الصفحه في المنتدي وتحت شريط الاخبار مباشرة ستجد حوالي اربعه ايقونات تفاصيلهمات كما يلي
اول ايقونه هي للاستماع للاغاني المرفوعه في موقع سودانيات عموما والايقونه الثانيه لرفع الملفات الصوتيه (وهي التي نعنيها من هذا الشرح) والايقونات الثالثه والرابعه ارشيف انظر الي الصوره التاليه للتوضيح اكتر :
http://sudaniyat.net/upload/uploading/uploadpc1.jpg
وبعد الضغط علي ايقونات تحميل الملفات (ام فولدرين دي ياحميد وعمه) سيينتقل بك متصفحك الي صفحة رفع الملفات وعندها سيطلب منك مركز تحميل ملفات سودانيات اسم المستخدم وكلمة المرور (ماتخاف هسه بتجيك بي غادي في الايميل اترقب بس) وعندها قم باادخال كلمة المرور واسم المستخدم واختار الملف الصوتي الذي تريد ارفاقه واضغط علي كلمة (تحميل) وبعد الانتها من رفع الملف ستظهر لك النافذه التاليه (انظر الصوره بالاسفل)
http://www.sudaniyat.net/upload/uploading/uploadok.jpg

كما موضح في الصوره احبتي نرجو الانتباه الي نسخ رابط الملف الذي قمت بتحميله

اخواني
اتمني انو اي زول يلاقي مشكله مايموت بيها عشان انحنا عايزين نستمتع بي مشاركاتكم الحلوه واغانيكم المدفننها وقاعدين تسمعوها براكم دي

ابقو شمس مابتغيب
حمدي اب جقادو

[حمدي اب جقادو]

احبابي الزينين

والان سوف نشرح كيفية الوصول الي لوحة التحكم الخاصه بك وكيفية تغير كلمة السر خاصتك وكيفية الوصلو لكل المواضيع التي اشتركت بها ومالي الي ذلك من معاني

طبعا كل هذه المهام والخصائص تجدها بالضغط علي ايقونة مكتبي وعندها يمكنك التحكم بكل الخصائص المتاحه لك وهي عمليه بسيطه جدا جدا كما هو في الشكل التالي :

http://sudaniyat.net/vb/images/uploads/342_128434353bc81e3aee.jpg

احبابنا الحلوين
الي هنا سنتوقف اليوم ... واتمني من كل الاخوه ان لايترددو بطرح الاسئله حال ما واجهو اي مشاكل خلال التصفح

ولكم الود كله حمدي اب جقادو

[3mk-Tango]

اب جقادو العزيز ..

انا زمااان قلت شنو ؟ مش قلت ليك عشرة علي عشرة ..
عشان تعرف بس انا عندي نظره ما بتخيب ..

لك كل الشكر علي الشرح الوافي الكافي ..

وابقي شنو ...

تنقو

[أبومناهل]

العزيز اللذيذ / حمدي
غايتو قاعد أتخيل في شكلك بعد ( الحصة الدبل ) دي ... شكلك القميص مشكوك من قدام ومن وراء فاكي ... وممسح بالطباشير من رأسك لي كرعيك وشايل ليك ( قناية ) في يدك الشمال واليد اليمين حاجات كده ووراك واحد شايل الكراسات ...
تسلم يارائع على هذه الشرح الوافي الكامل ... بعد كده مافي أي عذر عشان نشوف الحاجات الجميلة المبدعة ...
إقتراح للإدارة لتثبيت هذه البوست ولو مؤقتاً إلى حين تعود الأعضاء على المنتدى الجديد ...
وأبقى شمس ما ( بتكسف ) ولا بغطيها سحاب ...

[mohamed hemaid]

حمدي أخوي..
سلامات وما قصّرت معانا ..
ومافي مادة صعبة طالما الأستاذ شرّاح
ويوصّل المعلومة حتى للشارد من الحصة..
ومسؤول من الخير..انت وكت جبت الموضوع تاني
من ألارشيف كان تخت ليك خط أحمر في محل إسمي
خط من نوع الخطوط الخاتيها في محل الباسوورد حقك..
الظاهر عليك كنت من النوع الجنو بص من جارو في الكنبة
زول نقل ساكت..كوبي بي ضبانتو.. :)

تشكر على هذا الشرح الوافي..

دمت أخي..

حميد..

[عكــود]

مع سودانيات التحميل أروع
تأكد من صحة كلمة المرور و اسم المستخدم

أب جقادو الحبيب،

تشكر على الشرح..
قمت بالخطوات كما هو مشروح، وأدخلت كلمة المرور وإسم المستخدم خاصتي وقلت بسم الله..
وبعد إختيار الملف الصوتي (بدون رموز ولا فراغات) والضغط على كلمة "تحميل" ظهرت بعد فترة الرسالة أعلاه..

يا ربي يكون في كلمة مرور وإسم مستخدم تانيات؟
وللا أنا عملت حاجة غلط؟

أفيدنا أفادك الله،

عكــود

[المجدلية]

العزيز حمدي

تشكر والله على المجهود الجميل المبذول هنا

وأبقى شمس ما تغيب

[محمد أحمد]

أب جقادو ، العزيز

التحايا الطيّبة ،،

وشكراً ليك يا " حمدي " على هذا الشرح الوافي ، وزادك الله ، تعالى ، من نعيمه ..

نوَّرتنا بالحيل ، فلك منّا صادق الدعوات بموفور الصحة والعافية والنجاحات ..

وبالطبع ، سنـتّجه إليكم باستفساراتنا ..

مزيداً من التقدم ،، ودمتم ،،/

[غيداء]

حمدي اب جقادو سلامات
شكرآ ل المجهود العظيم
لدي مشكله حين اقوم بكتابةمشاركه اوموضوع ثم اضغط علي ايقونة معاينه قبل الارسال تأتني رسالة اداريه فحوها انه يجب ان ادخل الاسم والباص ورد وحين افعل تا تيني رسالة اخري عن وجود خط ما؟؟؟طبعأ اختك (الصبر ليس من صفاتها) فهل هذا طبيعي؟؟
تقبل شكري قبلآ وبــعد
غيداء

[حمدي اب جقادو]

حمدي اب جقادو سلامات
شكرآ ل المجهود العظيم
لدي مشكله حين اقوم بكتابةمشاركه اوموضوع ثم اضغط علي ايقونة معاينه قبل الارسال تأتني رسالة اداريه فحوها انه يجب ان ادخل الاسم والباص ورد وحين افعل تا تيني رسالة اخري عن وجود خط ما؟؟؟طبعأ اختك (الصبر ليس من صفاتها) فهل هذا طبيعي؟؟
تقبل شكري قبلآ وبــعد
غيداء

غيداء ياست البلد
سلامات وكل سنه وانتى طيبه

ياعزيزتي المشكله عاديه ومافي مشكله ... انتي كده شكلك قاعده في كمبيوتر خاص يعني حقك ومافي زول بشاركك فيهو وعامله الدخول تلقائي اول ماتفتحي صفحة المنتدي (والله اعلم طبعا):D ...ويلا عشان نقوم ننتهي من المشكله بتاعتك دي اعملي خروج من المنتدي ( sign out ) وعندما تقومي بالضغط علي ايقونة خروج ستظهر لك رساله تسالك عما اذا كنت تريدين مسح الكوكيز واضغطي علي الموافقه بمسح الكوكيز وسجلي دخول من جديد واعملي الانتي دايراهو بعد كده ولو غلبك او قابلتك مشكله جديده قوووولي عوووووك :D

وابقي شمس مابتغيب
حمدي اب جقادو

[حمدي اب جقادو]

اب جقادو العزيز ..

انا زمااان قلت شنو ؟ مش قلت ليك عشرة علي عشرة ..
عشان تعرف بس انا عندي نظره ما بتخيب ..


تنقو يالذيذ

وانا والله فرحان بيك (وبي تطنيشك لي:D ) ياخي راجع بريدك الخاص في المنتدي القديم
حيرتني الله لايحيرك ......


تنقو والاحباب
انتبهو وراجعو اخر خمسه صور


حمدي جقادو

[حمدي اب جقادو]

العزيز اللذيذ / حمدي
غايتو قاعد أتخيل في شكلك بعد ( الحصة الدبل ) دي ... شكلك القميص مشكوك من قدام ومن وراء فاكي ... وممسح بالطباشير من رأسك لي كرعيك وشايل ليك ( قناية ) في يدك الشمال واليد اليمين حاجات كده ووراك واحد شايل الكراسات ...
تسلم يارائع على هذه الشرح الوافي الكامل ... بعد كده مافي أي عذر عشان نشوف الحاجات الجميلة المبدعة ...
إقتراح للإدارة لتثبيت هذه البوست ولو مؤقتاً إلى حين تعود الأعضاء على المنتدى الجديد ...
وأبقى شمس ما ( بتكسف ) ولا بغطيها سحاب ...

هههههههههههههههههههههههههههههههههههههه شكيتك ياابو مناهل
طبشير شنو ياخي انحنا في زمن white board marker :D

شكرا والله ابو مناهل علي المداخله وطبعا بي شفتنه مني عرفت انك (السيد احمد ابراهيم) ولكن نفسي اعرف ليه غيرت اسمك القديم مع انو جميل ومميز ؟؟؟؟:D

ابو مناهل والاخوان
ارجو مراجعة اخر خمسه صور جيدا لانها مشاركات جديده

ابقو شمس
حمدي

[حمدي اب جقادو]

زول نقل ساكت..كوبي بي ضبانتو.. :)


حميد اليوم الابيض
سلامات

بس شاحد ربي بكره يتصل بي عثمان حمدمن برلين ويقول لي قطعو ضنب حميد :D

ياخوي الفيك بدربو شكلك كده كنت بتعمل كوبي بي ضبانتو لمن مرقت من ثانوية كريمه للجامعه (والدليل علي كده انك هسه في الجيرمان) ياسنجك ياسجم انت

شكرا والله ياحميد (وبيني وبينك انا والله البوست مابركب لي راس الا اشوف اسمك فيهو ومعاك شافعتك العسل دي ) :D

حميد والاخوان

ارجو مراجعة اخر خمسه صور فهي مشاركات جديده

ابقو شمس
حمدي اب جقادو

[حمدي اب جقادو]

أب جقادو ، العزيز
التحايا الطيّبة ،،
وشكراً ليك يا " حمدي " على هذا الشرح الوافي ، وزادك الله ، تعالى ، من نعيمه ..
نوَّرتنا بالحيل ، فلك منّا صادق الدعوات بموفور الصحة والعافية والنجاحات ..
وبالطبع ، سنـتّجه إليكم باستفساراتنا ..
مزيداً من التقدم ،، ودمتم ،،/

العزيز الاديب محمد احمد
اسعد الله اوقاتك بكل ماهو جميل ياراجل ياروعه

شكرا عزيزي علي الاطراء الذي لايستحقه شخصي الضعيف

استاذنا محمد احمد
يامرحب بيك في اي وقت والي استفسار اخوك جاهز بس انت وقت الكمسيبه قول عوووووك :D

محمد احمد والاخوان

ارجو مراجعة اخر خمسه صور فهي مشاركات جديده ومهمه

ابقو شمس مابتغيب
حمدي اب جقادو

[حمدي اب جقادو]

العزيز حمدي
تشكر والله على المجهود الجميل المبذول هنا
وأبقى شمس ما تغيب

المجدليه (ست اجمل صور مرفقه في عالم المنتديات )

اولا شكرا لتشريفكم ولاول مره (احدي مواضيعي) واتمني ان اكون عند حسن الظن ايتها المجدليه


مجدليه والاخوان
ارجو مراجعة اخر خمسه صور فهي ضروريه لرفع الصور وارفاق ملفات الفيديو والصوت

حمدي

[عبدالله الشقليني]

عزينا حمدي

الله يدبِل ليك من الحور العين
دُنيا و آخرة

[فيصل سعد]

SEASON GREETINGS HAMDI
THANKS & REGARDS.

[حمدي اب جقادو]

up:D

[Aboremaz]

شكرا يا عم حمدي على اعادة الدرس الخصوصي :D
(شايف فيه ناس بهزو روسينم معاي زي الفاهمين ) :p :o

بس فيه حاجة ...
اغلب الصور في البوست بتاعك لما تحاول تشوفها بقول ليك page cannot be desplayed

[الجيلى أحمد]

(شايف فيه ناس بهزو روسينم معاي زي الفاهمين

:(
:D

[د.سيد عبدالقادر قنات]

السلام عليكم ورحمة الله وبركاته
لكن يا حمدي اخوي
الدرس لمن يكون طويل بكون ممل
وبالذات لمن يكون مكرر


ومع ذلك
هل عندك حصص ودروس خصوصية ؟

جوطة الفصل نحن ما بنقدر عليها ؟


يديك العافية
وتدوم المحبة
ويسهل الفهم