اقتباس:
دي نظرتي أنا للعلمانية ومبر عندو نظرة تانية واحنا ما مختلفين عليها والخلاف بس بالنسبة لرأي بدر الدين الكل واحد فينا شايفو من زاويتو.. |
.....
كدى يا بابكر بعد ضمنت شفافيتى خلينى أتونس معاك شوية :D:D أكتر حاجة لفتت إنتباهى فى تناولك دا يا بابكر إنك جيت للموضوع من سكة مائلة شوية نحو اليسار ، حتى عين البت النعسانة ذاتا شمال بالرغم من إنو طرحك واضح لى كطرح نقدى فى الأساس لحتمية التصنيفات الإيديولوجية خصوصا أيام الجامعة و القصة دى باينة من العنوان ، يعنى شيوعى خطير دى أدتنى إيحاء إنك حتشدَّها مع الشيوعيين أكتر لكن الحصل إنك ونستنا عنهم بى حاجات تحسب لهم أكتر مما تحسب عليهم ، والجماعة بتاعين أقصى اليمين و يمين الوسط و الوسط الراسو عدييييل ، ديل ما راحو فى غضب الله مع البياص الحاصل دا. بالمناسبة فى فترة من الفترات كان فى موجة بتاعة ( وسط ) غريبة كدا إجتاحت الجامعات السودانية و كان خلقت وجود فكرى*1 و تنظيمى خطير للغاية و برز لها منظرون خطيرون ، الشغل دا كان مُمثل فيما سُمى بحركة الطلاب المحايدون*2 و كان عندهم تحالفات مع حركة الطلاب المستقلين و حققوا وجود كبير حتى على مستوى تجمع القوى الوطنية بتاعة الطلاب ، و الشفوت ديل كانوا خطيرين لأنهم بيلعبوا على ذات الأوتار البيتكلم عنها بوستك دا ، بيضمنوا ليك الحفاظ على التلاتة حاجات الذكرتهم إنتا ديلك ، ما ملحدين ، و ما رجعيين و بناتم سمحات :D، و ليس عليهم من ممسك ، و بيدعموا ليك فكرة التصالح مع الذات ، شفتا كيف ؟ المشكلة الوحيدة يا صديقى إنو التيار بتاع الوسطية حقهم دا إتعرض لكمية من الإختراقات ، و تنظيمهم إتحول بقدرة قادر لكمية من الغواصات حتى صار إختراقهم منافسة شرسة جدا بين اليسار و اليمين ، فى النهاية بقى الواحد يقول ليك مِحايد و هو يا كوز يا " شويعى " :D ملاحيظ: أتفهم تماماً ، ليه ما قلتا لينا كوز خطير :D *1 حسب إعتقادهم بالطبع *2 كانوا مصرين علي التسمية مرفوعة كدا ما عارف ليه يمكن ضرورية شعرية وسطية:D ..... |
سلام يا عم فتحي..
الليبراليه مشروع معرفي ضخم ومتعدد المداخل، وقضية الدين فيه تعتبر أحدى هذه المداخل التي تندرج ضمن منظومة الرؤية الإجتماعية لليبراليه. ومن هذا المنطلق يمكنني أن أقول إن خلافي مع جملة بدر الدين في إنها تعميمية وتتعامل مع الليبرالية بإعتبارها خشم بيت معرفي واحد، وفي هذا تجافي أكاديمي وخطاء منهجي بيّن. الليبراليه غير العلمانية، رغم التقاطعات الكثيرة التي بينهما. فعن نفسي تجدني ليبرالي نص كم، فأنا معني بالليبراليه في شقها الإجتماعي والسياسي، وغير معني بها، بل ضدها في ما يتعلق بشقها الإقتصادي واسانيدها الفلسفيه. |
اقتباس:
أنا يامبر قلت اني متفق معاك في الكتير وقلت انو خلاف الرأي كان في تحليلك لي جملة بدر الدين بطريقة أوسع منها عشان سبب المداخلة أصلا ما كان عن الليبرالية والمداخلة كانت ردا علي أم التيمان في موقف يخص الدين ولو انت كنت قريت كلام بدرالدين في البوست المقصود كنت فهمت أنا قاصد شنو وعرفت انو بدر الدين كان بيقصد الدين تحديدا ولم يكن يحاول تعريف الليبرالية يصورة شاملة..تسلم وشكرا ليك يامبر:).. |
اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif. - يا رباطابي رايك شنو نضم فيصل دا لبابكر مخير و نعفي ليهو في موضوع الإقتباس دا؟ كيفك يا فردة والله حاولت اتفادي الاقتباس دة لكن لقيت الموضوع مشي كتير.. عقدتنا ياخ(بتشديد القاف) والله انا موافق علي بياض لمقترح ضمي لبابكر مخير وبشرفنا جدا ضمنا ليه برغم اني اجهل التقسيم والتصنيف الذي اعتمدته انت والرباطابي بس باستثناء خيار وحيد هو خياره السياسي ودي د بابكر بيتفهما كويس بعدين شايف البوست بقي من بوستات الشباك (يستحق السعفة الذهبية عديل كدة) سلامي للجميع ود مخير |
في منتصف التمانينات كان في طالب مفصول من الجامعة من السبعينات، و الراجل كانت عندو مرض نفسي (أتمنى انو يكون إتعالج بعد داك).
كان ساكن بالبركس و بجي الجامعة يوميا، مرات تلقاهو في المعامل و مرات داخل قاعات الدراسة و كثيرا بالمكتبة ينسخ في الكتب كتابة! لانو قال هو خائف المكتبة تحرق! الطلبة كانوا بشكل عام بتعاملوا معاهو كويس جدا أها الزول دا مرات كان بعمل أركان نقاش، يبدأ الركن حول موضوع جادي جدا و يظل يغطي موضوع النقاش من كل جوانبه، يقوم الحضور الذكور بكوركوا ليهو: الموضوع الاساسي يا "بانقا"* الموضوع الاساسي الموضوع الاساسي أها بانقا يقول: أوكي يا أخوانا خلونا نرجع للموضوع الاساسي ( في الوكت دا طوالي البنات بقومن جاريات) المواضيع الاساسية بتاعة بانقا القاعد يرجع ليها؟ ما بقدر أكتبها كلها هنا، لكن بديكم نموذج من باب التوثيق للمرحلة زي ما قال مُبر: مثلا واحد من المواضيع الاساسية البرجع ليهو "بانقا" و بنهي بيهو ركن النقاش: "و فجاءة وقع في المويه بجعباتو" * إسم بانقا إسم حركي مني أنا |
اقتباس:
بحاول أجي راجع تاني لبقية أسئلتو الساهلة و الصعبة بطنشها! موش البوست حقي و أنا حُر يا عملات الرشيد! اقتباس:
|
اقتباس:
|
اقتباس:
اقتباس:
|
اقتباس:
|
بت الجبهة الديمقراطية أم عين نعسانا، تزوجت قريبي سنة 88 (قبل سنة من الإنقاذ)، العرس كان في الخرطوم تلاتة، يوم العرس كل اليسار السوداني كان حاضر، و الله، اليوم داك جاني ليك إحساس قوي خلاس بانو مشاكل البلد دي كلها ممكن تنتهي، يا أخي الله دا قادر جنس قدرة!
قبل عشرين سنة من التاريخ دا، عمي أبو العريس دا، كان راكب ليهو حمار و سايق قدامو عشرين حمار من غرب شندي و وداهن باعن في القضارف و بالقروش إشترى عيش باعو في مدني و إستقر هناك و بعد شهرين رسل جاب مرتو و ولدو (العريس) الزمن داك كان عمرو سبع سنين، أهلتو بدخول مدرسة الأهلية الأولية سنة 68 (قبل سنة من مايو). العرس دا أنا سميتو غزوة الخرتوم تلاتة. سنة ألفين و تمانية إتصلت بي "أمل" (أم عين كانت نعسانا) من السودان بالتلفون: - بابكر دايراك في خدمة؟ - خيرك سابق يا ستي، نسيتي انتي العلمتيني أكل السندوتش من غير ما أوسخ يدي؟! - انت و الله رايق. - آمري - دايرا فيزا لدبي عندي مشروع تجارة شنطة، الأولاد في الجامعة و ود عمك إنهار و أضناهو النضال. - بكرة بتكون عندك رسلي الأوراق |
اقتباس:
انا شاهد عصر على زمن المحايدين دا الكلام دا عندي فوقو رأي كبييير قد تستغرب لكن ... لكن بعرف كتير من المحايدين ( ملحدين ) .. شنو ليك!؟:D و كل اصحابي ( الشيوعيين ) بالدرب العديل داك ما فيهم ملحد واحد * و منهم ( سامر حسن ) مؤذن مسجد ترهاقا راسو عديل .. دا بجانب انو مادح .. و عضو كورال الجبهة الديموقراطية! تصدق!؟:D ------ ما اتشرفت بعضوية الـ ( ج د ) و لا يوم . لكني ( كنت ) شيوعي |
اقتباس:
نحنا الجارقونات على ايامنا الواحد الشيوعي يقول ذي في الحتة دي ذي عايز اقول وفي اللحظة دي بينتف في تفته النصف قطرها متر لي سنين ما عارفة الحاميه يقول الكلام دزززززززز شنو وليه ذي عايز على العموم بوست سمح شديد ذكرني النت في بدايته الشيوعين وغير الشيوعين والمحايدين كلهم في البوست دا يغردون مع بعض بدون دواس.. رمضان كريم |
اقتباس:
يا أخي بنات الجبهة الديمقراطية في الثمانينات كانن جسر تواصل و محبة بين الفلوتر و الشيوعيين شمباتي فلوتر قال في بت الجبهة الديمقراطية المن مدني: يا حلاتك و انتي شايلة السندوتشي و انتي شايلاهو و بتمشي روحنا ما محشية فوقو |
| الساعة الآن 02:35 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.