[QUOTE=kabashi;277275]
اقتباس:
كل عام وأنتم بخير فعلاً معاوية جاويش كان فى تجارة وليس تربية (لعن الله الزهايمر):D |
اقتباس:
مرحباً بعودة القلم الأنيق .. صاحب الرحيق هاشم أبوزيد .. |
الاخوة الاسايطة سلام
وكل عام وانتم بخير سعداء بعودة العمالقة الزول ، كيشو ، شبارقة ، كبوشى - كما يحلو لكمال ، ود البك والاديب الاريب ابوزيد . وخليكم قراب ياخوانا .. ومرحب بالاخ عبود عبد القادر فى بيته . وياكباشى أعتقد أن كل من بالصورة هم شيكانيون وليس فيها من الانقسنا أو بخت الرضا أحد .. وسأذكر 12 بدون ترتيب وأترك لكم الباقى وهم محمد الحافظ ، عبدالعظيم السنجك ،عبود عبد القادر ، منير العوض ،عبد المجيد محمد عبدالمجيد ،عبود مساعد ، توفيق (فقفق) ، معاوية جاويش ( وياخى ألف سلامة عليك وما تشوف شر إن شاءالله ). ، عصام محجوب ،عبدالله البشير (السفير ) ، عمر أحمدحسين ، عبدالرحمن جربو ... هسى إجيكم الجيلى إقولم ليكم كلهم .... |
السلام عليكم يا صعايده
كل عام وانتم بخير أرسلها لكم من جوار المحيط المتجمد الشمالي.. ذكرتني صور ود البيك وعبود بعض من الشخصيات للزملاء والزميلات الأسايطة فرحت بالصور ولكنني تساءلت تري هل بعد كل هذا العمر وتلك المسافات القصية يمكن ان التقي باي منهم؟ السكة حديد زمان والانترنت قربوا المسافات ..بالله عليكم ما تنقطعوا.. وأعزروني في لحظات الاختفاء فليس لدي كي بورد عربي .. العزاء للاخت ندي القوصي وربنا يتقبل فقدكم في الجنة ان شاء الله مع الشهداء والصديقين وحمدا لله علي شفاء الاخ الشقيق عصام جاويش أجر وعافيه وتحياتنا للمدام وعمره مقبولة ان شاء الله للاخ هاشم ابوزيد ومرحبا بعودة شيخي كيشو لسودانيات ولحوش الاسايطة والعيد مبارك للاخ عكود وسلامات محمد الامين وكباشي والزوول ..علي فكرة يا كيشو سجل للزوول 3 شرايط فقد وجدت في درج مكتبته عندما سكن معه الاخ سيد احمد ابوشعر وانا خريج ل أبوداؤدإخنفي مني عندما كنت برلوما ..وما زال ملف د.الزوول مفتوحاً حتي تتم ترقيته الي رتبه (المهم ) يلا سلام |
السلام عليكم....
اقتباس:
اقتباس:
اقتباس:
وأي شيء ملصقينها فوقي بعدين دي فوق ل25 سنة شرايطكم دي ما نسيتوها هسع الزول يعملكم زي فضل المولى يمشي تاني ما يرجع .... طبعاً كلكم عارفين قصة فضل المولى الزول العمل العملة داك ولفائدة البرالمة نحكيها (وأرجو أن تعزروني على الألفاظ التي لا تليق بمقامكم ولكن لا يمكن للقصة أن تستقيم بدونها) ... المهم صاحبنا ( فضل المولى ) ده كان عايش في قرية كده ويوم اتخرج من الجامعة عمدة البلد شاف انو لازم يعملو تكريم فضبح ليهو ضبيحة ودعاه ليها ودعى ليها كبار القوم في البلد المهم ... زولنا ده اول ما داير يقعد في الصينية فلتت منو ضرطة من النوع الضخم ...الشنيع داك زولنا ... اتلفت لقى تقريباً كل الناس سمعوا الفعلة بتاعتو دي الناس الكبار اكتفوا بابتسامات ... والشفع فكوها ضحك عديل كدى زولك مرق زي كأنو ماشي يشرب موية من الزير ومنها على الشارع ... وعيك الشردة الياها خلى البلد ضمة ..ضمة... بعد كم وعشرين سنة ... ماتوا ناس ... وولدو ناس قال لازم يكون ناس البلد نسوا موضوعو داك واشتاق يمشي يزور بلدو اها ... رجع البلد في طرف البلد كدي ... شاف ليهو شاب قال يسألو من أحوال البلد اسمك منو ... يا بني اسمي الطيب انت ساكن في البلد دي اي ... انا ولدوني هنا عمرك كم يا بني والله عمري ماني خابرو عِل ...ولدوني في السنة الضرط فيها فضل المولى في بيت العمدة زولك فضل المولى من محلو داك ورجع .... كيشو .... انت كاتل الرقبة لما يسجنوه سجن مؤبد ... مش بيطلع بعد 25 سنة ؟؟ ..... |
اقتباس:
سجنوه دي يعني يقبضوهو ويحاكموهو انت موضوعك دا ممكن يسقط بالتقادم يعني عشر سنوات بالكتير بس ما يكون حركوا ضدك إجراء من نوع جمع أدلة والبحث عنك هنا وهناك، والإجراءات دي حصل منها كتير وكل مرة أقوم أقطع مدة التقادم بي حركة حركتين (دي شغلتنا وكدا) عشان كدي يا خوي سلم نفسك هنا في سودانيات واعترف وخلي قريبك عكود يديك كم سنة سجن بدل المطاردة دي[/align] |
اقتباس:
يا زول الصورة دي كباشي قال فيها ناس من كليات تانية، وكباشي دا زول راسخ وما زينا بتاع غلاط تحياتنا للمعاك ولي محمد بالله[/align] |
اقتباس:
ان حروفك الطروبة اطربتنا وابتعثت فينا الفرح وغسلت النفوس 00 لانك تكتب النثر وكأنه شعر 00 وتكتب الشعر وكأنه لحن سرمدي يمتد ويمتد في اعماقنا الجافة كانه سهول خضراء في اللا منتهي لافاق خريفية تحمل الدعاش والرزاز والفرح النبيل 00 فكن مطرا هاطلا علي هذا المنتدي وبلل المساحات الجفاف 00 فيا ابو محمد لا تحرمنا من هذه التداعيات ولا تنسونا من صالح الدعوات وانتم في باحة الحرم المكي والحرم النبوي الشريف 00[/color] |
اقتباس:
|
اقتباس:
|
سلآآآآآم عليكم ....
عبود عبد القادر .. نورت الحلة .. ألف مرحب .. أبو شهد الكندي ... ليك وحشه .. وألف مرحب .. العزيز كيشو ... نور بيتنا .. شارع بيتنا ... يوم ماجيتنا ... القلم المنمق المموسق المعبق ...هاشم أبوزيد ... ألف مرحب .. سنهزم الاحزان بهذه الاقلام الرائعة وهذا التآلف الرائع .. شبارقة لا تطول كتير وتتاوق ... أبقى لي جوا ... أبواللمين ذاك المخزون الذي لا ينضب بإذن الله ... أتحفنا .. علي عبد الله ... تحياتي للأخ محمد ... وألف مرحب .. كباشي الطويل ... ياخي ماتطول كتير .. أين أنت يا إبن هارون ..؟؟؟ وأين ... أين ... وأين ودالكاشف ... المرة ديه طولت شديد .. ماتقول لي لسه كتفك واجعك ... متهم شرائط الكاسيت ... العوض ... هلا هلا ... أنا حسابي معاك كتير شديد ...خلي كيشو يترافع عنك ...؟؟ |
اقتباس:
|
اقتباس:
|
عموم الأسايطة ...السلام والتحية والإحترام .
كيشو والجيلى تحياتكم وصلت وأخى محمد يغريكم عاطر التحايا والأشواق . ياعود وأبوريم .. وين صور الإفطار الرمضانى بالسودان؟ ...... مستنين . |
اقتباس:
كل عام وانتم بخير .. اللون الاحمر ده ما لونا :D انت داير تزعل الناس البكتبوا بالازرق هنا ده ولا شنوlooool متابعين كتاباتك الثره بس امرقنا من الكتابات السياسية .. علي فكرة ..وين قائد الاسطول د. كيمو الجاهز؟؟؟ |
اقتباس:
كل سنة وانت والاسرة الكريمة بخير إقتبسنا كلامك الفوق ده ..ونعلق عليه .. شرحواااااااااااااااااااااااااااااااااااااااا |
اقتباس:
سلامات ..والعيد مبارك عليك وعلينا.. وين أخبار السادة البياطرة .. مبارك ..علي حسن .. معي في المدينة الاخ البيطري عبدالله انزلت صورته في مداخلة سابقة ..تركته منتظرا حضور زوجته من مصر في المدينة ورحلت بي ظروف العمل في الاصقاع المتجمده علني التقيه في اجازة اعياد الكريسماس القادمة.. واين انت الان من سؤالك للصور تبدوا من المغتربين مثلنا |
اقتباس:
ينعاد عليكم بالخير واليمن والبركات ان شاء الله لكن ما قلت لي ..لسع نساي والدليل حكوتك دي حكيتها قبل كده .. القضايا الزي قضية الشرائط دي ناس شيخي كيشو لسع بنظروا فيها لانها من ضمن المستجدات تحت بند الملكية الفكرية ما شايف الفنانين في السودان مشاكلهم وصلت المحاكم وما عاد فيها يا اخوانا باركوها ..اها انا عافي ليك شريطي بتاع ابوداؤد بشرط انك توريني انزل فيديو كيف من في اليوتيوب ولا من خلال مواقع اخري ..باقي انت حريف في الشبكة ومقددها ..gooodgoood |
اقتباس:
كل سنه وانت والاسرة الكريمه طيبين. للأسف الشديد مع اللخمه بتاعت تجهيز حاجات الفطورنسيت اشيل معاي الكاميرا...وعمر عود برضو ماجاب معاه كاميرا...لكين في زول رسل ولده عشان يجيب كاميرة فيديو من العربيه وجابها وصور الناس بيها لكين هو منو؟ ما بتذكروا ليك لانو من الناس الاتخرجوا قبل ما نجي اسيوط. غايتو ممكن نديك وصف حي ونوريك منو الكانو حاضرين...من تربيه محمد الطيب وابتسام محمود وعمر الازرق واسامه مامون والضو الشيخ الطيب واديبه حسن الحواتي...من زراعه زهير صلاح حضرة وندى القوصي وامل احمد علي ومن معهد تجاري و سنيه عبد الوهاب وعلي عباسيه وعادل الطيب والرشيد عربي كان واقف جنب الباب وما خش لانو كان عندهم فطور في حته تانيه ومن معهد صحي د. محمد مدني تجارة محمد الحافظ احمد فضل الله ونادر محمد عيسى وعادل محمد الحسن(ريجان)واميرة واسامه الشريف وعمر عود وبعدين رئيس اللجنه بتاعت اسيودان نسيت اسمو والزول الولدو صور بكاميرة الفيديو برضو من تجارة على ما اظن قصرت معاكم؟ |
صباحكم قشطة يا أسايطة
والله يالجيلي شغالين بالكورتزون والعلاج الطبيعي لكن متابع يوماتي تسلموا |
من الناس الحضروا هشام عباس تربيه من اخر دفعه.
... الف سلامه اسامه الكاشف وربنا يكتب سلامتك. |
سلامتك اخي اسامة واجر وعافية وكفارة باذن الله 00 اخي ابوريم الاف التحايا 000 وتقبلو اخوتي الكرام تحايا محمد الرشيد جولوجيا اسيوط ويعزيكم في كل المرحومين 00 وتفاجأ بوفاة قرفة تقبله الله قبولا حسنا 00 التحايا موصولة لدكتور منتصر ولدكتور عصام عليش ونسأل عن عراب المنتدي الدكتور كمال محجوب 000 والسلام 00
|
اقتباس:
|
اقتباس:
ليتني أكون بعضا مما كتبت ... و لكنني أحاول أن أذرع فرحا في بساتين الحزن الشائكة ... حينا أستطيع ... و أحايين كثيرة لا ... فعندما تؤخذ وردة من بستان جميل و تغرس في صحراء جرداء ... فلا أبى لها (أي الوردة) تزبل و تموت ... و نحن هنا لا نصارع الموت ... و لا نغالبه ... و لكننا نحاول أن نأخذ منه القيمة الحقيقية للحياة ... فالضد (بفتح الدال) يظهر حسنه الضد (بضمها)... و ليتني كنت أقيم في مكة المكرمة أو المدينة المنورة ... لكن وجودنا في الرياض ... يذهب عنا عناء تأشيرات الخروج و الدخول ... فنذهب كلما كاد الشيطان أن يهزمنا إلي حيث رجم و يرجم ... و في كل مرة تذهب إلى هناك ... تضحك و تبكي ... تضحك على الدنيا ... لأنك تكتشف في كل مرة أنها لا تساوي جناح بعوضة ... و تبكي على الدنيا ... لأنك لا محال مفارقها ... و تسأل نفسك السؤال ذاته كل مرة ... لماذا تبكيها و هي لا تساوي جناح بعوضة ... و لا إجابة ... و هناك المتضادات كثر ... ( تقف) إجلالا لرب البيت ... و (تسجد) تعظيما له ... ( تصوم ) اليوم كله و تعطش و تجوع و( تفطر) على تمرات و جرعات من ماء زمزم فتشبع و ترتوى ... و عندما نكون ههنا في الرياض نصوم فلا نحس (إلا قليلا) بجوع أو عطش ... و نملأ طاولات الطعام و البطون بما لذ و طاب من أنواع الأكل و ألوان الشرب ... فلا نحس (إلا قليلا ) بطعم الشبع و لذة الارتواء... و هنالك تقف و تمشي و تهرول ...(تقف) لتصلى و (تمشى) لتطوف ... و (تهرول) بين العمودين الأخضرين الشاخصين بين الصفا و المروة ... و هنا في الرياض تقف و تمشي و تهرول ... (تقف) كثيرا لدرجة السأم و الملل في إشارات المرور ... و (تمشي) كثيرا بين ردهات المكاتب ... و (تهرول) لتشتري حاجة من بقالة أو صيدلية أو بائع خضار ... نقف هنا و هناك ... نمشي هنا و هناك ... نهرول هنا و هناك ... فهل من بعض الرحيق.؟ |
[font=Tahoma][size=5][color=#008000]يا جماعة انتو مستغلين حكاية العوض النساي ديك
وأي شيء ملصقينها فوقي بعدين دي فوق ل25 سنة شرايطكم دي ما نسيتوها هسع الزول يعملكم زي فضل المولى يمشي تاني ما يرجع .... طبعاً كلكم عارفين قصة فضل المولى الزول العمل العملة داك ولفائدة البرالمة نحكيها (وأرجو أن تعزروني على الألفاظ التي لا تليق بمقامكم ولكن لا يمكن للقصة أن تستقيم بدونها) ... العوض ... أجمل مافي العوض ... أنه هو ... هو ... و قد إختار لنفسه لقبا لم يختف خلفه طويلا ... فقد إختار إسما يجسد كل المعاني الطيبة ... و القيم الأصيلة ... العوض إسم يذكرك دائما ... بالدميرة ... و المطر ... و الدعاش ... و الطنبور ... و النيل ... و العنقريب ... و العرديب ... و الشاي ... و الباباي ... تذكر العوض ... فتذكر كل شيىء جميل ... و طيب ... و طبيعي ... تذكره ... فتذكر شتاء اسيوط ... و صيفها ... و كان هو بين شتائها القارص و صيفها الحار ... كان ربيعا جميلا لا يخلو من حرارة أولاد البلد ... و قصة فضل المولى التى كتبها العوض ... تحمل كل الصفاء الذي عرفته به ... و تحمل كل النقاء ... الذي لا زال يعيشه ... و حتى صورته التي أطل بها علينا ... تجسد نفس العوض الذي كان يمشي في شوارع أسيوط و يأكل من فولها و عدسها ... و الكلمة التي إعتذر العوض - بطيبته و تلقائيته - المعهودة ليست إلا كلمة عربية فصحى ... و ( أظن) أنها وردت في كتاب طوق الحمامة في قصة الإعرابي الذي ذهب ليخطب فتاة ... فقرر أن يأخذ معه شخص يثنيه ... و عندما دخلوا الى بيت الفتاة ... بدأ الرجل يثني على كل حركة يأت بها الخطيب ... جلس الخطيب فقال الرجل : ما أجمل ما جلس! و إذا تكلم الخطيب قال الرجل : ما أجمل ما تكلم !!! و ما أجمل ما أبتسم !!!! و ما أجمل .... و ما أجمل ......و ما أجمل و في وسط زحام ما أجمل و ما أجمل ... (ضرط) الخطيب ... فقال الرجل : ما أجمل ما (ضرط) فلا هو قرقرها و لا هو كركرها و لا هو .... و لا هو ... و بدا الرجل يتغزل في (ضرطة) الخطيب ... فقال أبو الفتاة للرجل : حسبك ... و الله لو (سلح) في نفسه لزوجناه .... و (سلح) هذه لن تجدوها إلا في المعجم أو في (حفائظ الأطفال) ... ......... و يبقى العوض ... الزول الوسيم في طبعوا دايما هادي ... كما غناها النعام آدم ... و غدا أعود ببعض الرحيق. |
اقتباس:
شفاك الله و عافاك ... و أجر و عافية إن شاء الله. |
[align=justify]سلامات يا شباب ... وماشاء الله عليكم لما تنداحوا
الصورة أدناه من رحلة أسرة الأنقسنا للغردقة في الفترة من 25 إلى 28-01/1986م فيها 3 شباب من تجارة وشاب من الأنقسنا ... هل تذكرونهم؟[/align] [align=center]http://www.sudanorg.tk/upload/uploads/1986.jpg[/align] |
اقتباس:
وبك يتجمل هذا البوست ويلبس جلباب العيد وكأني البس الدمور ورائحة ماكينة الخياطة تنفذ عبر انسجته لتعطر المكان والزمان وكأني اهرول نادها 00الله اكبر 00الله اكبر 00 لا اله الا الله 00الله اكبر الله اكبر ولله الحمد 00 اخي دكتور هاشم ان كتاباتك عيد وحروفك ارتحال في مواسم الافراح والاعراس والنفس الجميل 00 فارجو ثم ارجو واكرر الرجاء الا تبتعد عن منتدي اسيوط وناس اسيوط وعيون اسيوط لانك تاريخها الادبي والشعري والوردي والزمن النبيل 00 وليس امامي الا ان اهديك عبق من رحيق لعله يكون ( من بعض الرحيق ) القصيدة الدسمة لابوبكر الجنيد هل اطعم اللغة المحمرة الدجاج الكسرة المعجونة الايقاع ام صحنا من البوش المدنكل والمقفي فتة ينساب ماء الفول احساسا شفيفاً في ثناياها وزيت السمسم الشعري يمنحها مذاق الفن كي تسري دماء الشطة الحمراء في جسد الحروف انا ما طبختك يا ظروف انا ما خبزتك يا رغيف الحب في فرن المشاعر كي انالك في الصفوف هذا ملاح بائت في حلة الاشعار يصلح للعصيدة فالقصيدة لا تفي بالوعد مذ صار العجين مخمر الكلمات والكلمات فائرة العجين وما لضلع الوصل من ذكر ولا حتي طيوف لكأن ادمعي السخينة من سفينة حزني المعصور كالليمون 000 تجعلني احس بأنني حي 00 وان التوم والبصل المسيل ادمعي قدري ليكسب صحن هذا العمر طعماً لاذعاً ما دام ماء الفول ، ارز الفتة ، الملح البهارات ، السخينة الكوارع فالخروف هل لي بضلع من خروف مالي سوي جوع الحروف |
اقتباس:
|
اقتباس:
كل سنة وانت طيب .. وعيدكم مبارك .. والقابلة حول خط الإستواء عشان الصقط الدخل فى عضامكم دا إمرق .. بركــان وعلى حسن بخير وعافية .. وهما فى مدينة جدة .. تحياتى الحارة لابن الدفعة الاخ عبدالله حسين وإن شاءالله إكون إنجمع شملوا .. أنا بالريلض منذ 2003م ... رد الله غربتنا أجمعــين .. |
[QUOTE=ابوريم;278982][size=3][font=Tahoma]علي عبد الله!
كل سنه وانت والاسرة الكريمه طيبين. للأسف الشديد مع اللخمه بتاعت تجهيز حاجات الفطورنسيت اشيل معاي الكاميرا...وعمر عود برضو ماجاب معاه كاميرا...لكين في زول رسل ولده عشان يجيب كاميرة فيديو من العربيه وجابها وصور الناس بيها لكين هو منو؟ ما بتذكروا ليك لانو من الناس الاتخرجوا قبل ما نجي اسيوط. العزيز أبوريم .. العيد مبارك عليكم .. وكل عام وأنتم بخير .. وهنيالكم العيد وسط الأهل والأحباب ... ولمتكم والله رائعة .. دايما فى الخـير إن شاء الله .. متعكم الله أجمعين بالصحة والعافية . ولازم تشوف لينا الوليد دا زاغ بالكاميرا وين ..؟؟؟ |
اقتباس:
سلامات .. وربنا يواليك بالعافية ...وكفارة وطهور إن شاء الله .. وكل سنة وانت والاسرة الكريمة بخير وعافية . |
اقتباس:
ياخى وهل يخفى القمر فى سماهو .. طبعا أبدا لا لا ... البينك وبين خالد محمد خير إمشى وإجينى ... وعبدالمجيد رابعكم .. ياخى طمنا على صحة شيخ العرب الاخ على مردس إن شاء الله إكون بخير .. وكل سنة وكلكم طيبـــين ... |
اقتباس:
الأخ خالد محمد خير قابلته هنا بالرياض وقمت فيما سبق بإنزال صورة حديثة له (وسأقوم بإنزالها مرة أخرى ) ... أما الأخ الذي بيني وبين خالد في الصورة فقد نسيت إسمو (فله العتبى) أخونا العزيز على مردس تحسنت حالته كثيرا ً والحمد لله ...وكان قد سافر إلى مصر قبل فترة وقام ببعض الفحوصات التي أدخلت الإطمئنان إلى نفسه ... كما قام بزيارة لأسيوط لإستعادة بعض من ذكريات ذاك الزمن الجميل .[/align] |
اقتباس:
السلام عليكم .... تحياتي أديبنا محمد الأمين الذي ضل طريقه لكلية الزراعة كما سبقه قبلاً في ضلال التوجه أخونا د. هاشم أبو زيد .... استمتعت حقيقة بالقصيدة الدسمة وقد جنبتنا بنشرك لها في غير رمضان مشقة تحرى الفتوى في جواز تجريحها لصيامنا :):) التحية لك ولأبوبكر الجنيد وأرجو أن تعرفنا عليه قليلاً .... |
اقتباس:
والله يا عاصم فيه شبه كبير بأخونا أبوبكر (بيطرة) أو كما كان يلقب من شلة مطاميس البيطرة رمزي وطارق وقمر (رِكْرِكْ) ولو أني متأكد انه لم يكن معكم في رحلة الغردقة أو لعله كان !!!! :confused::confused: ... |
اقتباس:
لا بأس عليك أخي اسامة قدر أخف من قدر جعلها الله كفارة وذنوب مغفورة .... |
اقتباس:
والله الزول الأخذ الصورة نسيتو ... لكن عموما ً كنت أنا الذي يقوم بتصوير رحلات ومناسبات أسرة الأنقسنا...( وربيع الشيخ لديه هنا مقولة طريفة فكان يقول : عاصم ماسك الكاميرا وفي الآخر يطلع هو أكتر زول ظاهر في الصور !!!) وهي فعلاً حقيقة فكنت أكثر حظا ً في الظهور في الصور .. لأنو بمسـّك الكاميرا لأقرب زول وبدخل أنا في الصورة :) ... أما الكاميرا فكانت عهدة عندي (أعتقد بتاعت أسامة حميدة) وهي من نوع (ياشيكا) وكانت رائعة في ذلك الوقت قبل ظهور الديجيتال ... والساعة فعلا ً واضحة ولكنها سيكو وليست جوفيال... فعلا ً أسيوط كانت حقبة جميلة ورائعة .[/align] |
اقتباس:
تعرف يا أسامة لما إنت تداخلت معانا هنا من ماليزيا وكتبت بالإنجليزي وقلت إنو اليد اليمين ما شغالة أنا أفتكرتها كناية عن عدم توفر كي بورد عربي لديك ساعتها ... ندعو الله أن يعجـّل لك بالشفاء التام ويمتعك بالصحة والعافية وتسلم من كل شر . [/align] |
اقتباس:
لو كان من بيطرة كان أخونا علي عبد الله عرفو ..غايتو أكان كدى ننتظر الشياب (كيشو وود البيك والجيلي) وكان غلبهم إلا نشوف الشاب (أبو ريم):) [/align] |
| الساعة الآن 03:59 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.