اقتباس:
رفعت مفترع ليه تلاتة سنين استثمرت خلاف خالد الله يرحمو مع الشيوعيين وتاجرت بيه لصالح قضيتك الخسرانة واوهامك الداير تقنعنا بيها وبدون خجلة بتقول المنبر محتقن من زمان بسبب الشيوعيين ياخ عيب الكلام الدار هنا دا بتقري في اطارو وفي الظرف الحصل فيه وما ليه دعوي بهواجسك وطواحين الهوا البتحارب فيها وداير تقنع الناس بانها عدو حقيقي |
اقتباس:
لا علم لى بنيات البعض اقوال المرحوم خالد عندى لا يجب استحدامها الان لمنافحة الاخرين. |
اقتباس:
انا انتهيت كلاعب سوداني ، انت مالك ياماجد حايم ونفسك قايم وكل شويتين تجي تفتح بوست او ترفع بوست لمن تفلس عشان تكون تاني مداخلة ليك فيهو "ودي آخر مداخلة" كعادتك؟؟ ياماجد والله بالطريقة دي ليوم الدين ما ح تاكل الكتف... امر جردة الغياب يهمني فعلا صدقت او لم تصدق ، ولكن كما قال الرشيد مرة مامعناه ان كل منزوي ومبتعد لأنه لم يرضى بنتيجة انتخابات أقرت اللائحة (والحادبون) والمخالفون - عداك - بقانونيتها هم متبرومون من فعل ديمقراطي ولا أزيد عن أني اتمنى عودة كل منزوي اليوم قبل الغد .. هذا المنتدى ياماجد ستجد في بحثك في ارشيفه في احدى رحلات صيدك ، انه قد انقسم وفقد نصف عضويته ذات خلاف ، ولم ينتهي أو ينعق البوم فيه وظل يستقبل المنتسبين والاعضاء الجدد بعد ذلك ومنهم شخصك ، فالأفكار لا تتعلق بافراد يبقون أو يذهبون والا لكان من باب أولى أن تذبل هذه السوح حين ذهب نصف العضوية او حين غيب الموت بانيها... عن أي فكر يجب علي اعماله تتحدث؟ عن فكرك انت؟؟ انا منحاز لطرف هذه الفكرة وأؤمن اني في سبيل ذلك قد أختلف مع بعض الزملاء هنا وتلك سنة الحياة ، فمن استطاع احتمال الخلاف فدروبنا سوية الى اتفاق واختلاف ماشاءت الأفكار ، ومن لم يستطع فلا سلطان لأحد على أحد... أنا لا أصرخ ياماجد ، فلست أنا من رفع هذا البوست ، ولست من افترع بوست احتلال الشيوعيين لسودانيات ، انظر من يصرخ ، وطبعا لايهمني من توصيفاتك أعلاه شئ عدا اتهامك بتجييري للائحة لصالحي خلال تصفية حساباتي ، هذا اتهام يعني ياماجد انك تنتقل الى مرحلة جديدة تنحى فيها للكذب والافتراء بعد أن اعياك نيل مرادك ، هذا اتهام يلزمك دليل عليه كيلا تكتب كذابا ... |
اقتباس:
|
اقتباس:
اقتباس:
عن أي دليلا تتحدثان يا اخوتي هل تمعنتم في كتابات اعلاه ووجدتم انه يسعي لايصال وايراد أدلة علي شيء لا يوجد دليل لأنه لا يوجد شيء |
اقتباس:
نفترض جدلاً إنو دي واحده من مهام الأمين العام إنت يا ماجد مهمتك شنو؟! تكشف مخططات الشيوعيين و أجندتهم الخفية البيمررو فيها من خلال سودانيات بالإضافة لي تطفيش العضوية القاعده تتفرج في معركتك دي لا يدنا لا كراعنا يعلم الله كل ما أخش القى الفرناغة دي مدوره و المنتدى يتبرز جهراً يا عملات ام التيمان بطني توجعني كرهتنا لعب البلي في الرملة يا ماجد يأخي |
اقتباس:
انت كلامك دا متاكد موجه لى انا سارة ؟؟؟ واتمعن فى خلفية بوست قديم فى شان شنو؟؟؟ البوست يا اخ علاء موجود فى المنتدى ولم يتم ارشفته ولم يتم مسحه او تحويله ادينى بند فى اللائحة ولا فى القانون ولا فى المسؤلية الفردية ولا الجماعية يمنع تداول البوست او موضوعه:confused::confused: خالد الحاج عليه الرحمة ما كتبه موجود ومتاح فى منتدى خاص به ولم تمنع فى البوستات الذى كتبها خالد بنفسه التداخل فيها رغم انه حتى المتداخل يعرف انه صاحب البوست غير موجود ولكن طالما منشور ومسموح بقراءته لا يوجد حق يمنع احد من قول رايه انا شخصيا ما عارفة الغلط العمله ماجد تاج شنو؟؟؟ الشىء الوحيد الانا فكرت فيهو لما شفت البوست فوق ترحمت على خالد لانه هو الوحيد الغائب ودى المشكلة على الاقل بالنسبة لى لكن تانى ما شايفة اى حاجة هنا غلط ماجد لو شايف البوست بضيف لرايه فى الشيوعيين والشيوعية دا حق مشروع لم اقل انى اتفق معه ولم اعلن مخالفتى لكن حسب ظنى لا ارى مشكلة وانا لا احاكم بالنوايا ولا اعرف حقيقة ان كان ماجد ينوى خير او شر بهذا. |
اقتباس:
انا اقسم بالله العلى العظيم انا شفت البوست واول شى خطر ببالى خالد الله يرحمه لم توقع ولم اصل لانه ماجد عندو كلام داير يقولو وحتى ولو المشكلة وين يا امال؟؟؟ ماجد تاج لو عندو حاجة خلى يقولها بالدرب ولا باللفة كذبة ولا فرية ولا مصيبة المفروض يترد عليها صاح ولا انا غلطانةlooool لو سمعتى كلام اخيتك وراجعتى مداخلتى تانى يمكن تتفقى معاى كدى طولى بالك وقولى يالطيف |
اقتباس:
ماجد لو سألناه ليه اختار إلبوست ده ماحيجاوب ومداخلتك دي والتحتها لامال ح ياخدن ماجد كضهر يسندو انحنا لحدت هسي بنحاول ما يجيب سلف انتهي رأي ماجد والغير ماجد ما حرمناه بس ما بالرخصة في تداول حاجة ماليه فيها غير مواصلة فبركة فجيغ الطين دي ولو فيه رأي إليجي بيه |
علاء انت زول اخوى وخلينى اقول ليك كلامك دا ما ليهو اى سند
وزى ما بقول الجيلى وفى رواية اخرى بكة كلام عاطفى ومطلوق فى الهواء ساكت اولا نسال ماجد تاج ليه وباى حق؟؟؟ يجيب البوست ولا يشيلوا يعلقو فى رقبتو نسالوا ليه؟؟؟ وتحت اى بند؟؟ ماجد عضو كامل الاهليه حسب ظنى ومن حقه يجيب ويكتب ويرفع البوست البعجبو زى اى زول سبب واحد يخلينى انا سارة دى اقول ليهو كلامك غلط مافى ماجد رفع البوست انت يا علاء خليهو يكتب ورد على كلامو بدل فجيق الطين دا على كلامك |
اقتباس:
والله العظيم بقيت لمّا أقرا ليك أسطوانتك "التاسعة" دي، بجيني إحساس إنو سودانيات دي ياها الجنّة البدخلو ليها الناس البصلّو والبزكّو والبيصلو الأرحام. المهم: مصدر خوفي بقي: إني يوم أمشي صلاة الجمعة، وألقاك إنت الخطيب اليوم داك، لكن كل ما أتذكر إنّك خارج السودان، وأنا في الدمازين؛ بطّمّن شوية. طلب: ياخي لو ممكن نتناقش أنا وإنت بشكل مباشر في بوست تفتحو إنت يكون محورو اسطوانة مهند والامين العام والشيوعيين وسودانيات وخوفك "الافتراضي" عليها، وباقي الإكسسوارات البتحبّها دي، يكون أحسن عشان نمرق برؤية واضحة ونشوف وجهة نظرك بشكل بيّن بعيداً عن غشاوة الشيوعيين. أمّا إذا الموضوع ما بيستاهل من وجهة نظرك، فلو سمحتَ يعني ما تتخيّل سكات بعض الناس عن الموضوع وطريقة تناولك الغير سليمة والعاطفية برضو، هو اتفاق مع طرحك، لأنّك حتكون في الحالة دي أعمي بصيرة، تحكمك العواطف ومستفز برضك .. ملحوظة: في حاجة يا ماجد ما قاعد تلاحظ ليها في تداخلك في كل ما يخص سودانيات، اللي هي التقريرية الناضحة يقيناً دي، زي: اقتباس:
لو الموضوع قابل للنقاش بالأدلّة من جانبك كمدّعي، أهلا وسهلاً ويكون خير وأفضل للجميع، ولو الحكاية بس بقت محض صعلكة إسفيريّة وحركات أولاد قلِبا، برضو أهلاً وسهلاً، عشان نحسم الموضوع والواحد علي الاقل يعرف نفسو واقف في ياتو جهة، حقت مالك ولّا رضوان هاذي الجنّة. تحياتي |
اقتباس:
انا ما انكرت على ماجد حق انو يقول رايو نهائي بس كدي ارجعي للاقتباسات الجابها اول اقتباس بخص خالد الحج عليه الرحمه حاليا خالد يقدر يناقش ماجد في مقتبسو دا ممكن يوضح ليهو قصدو من الكلام سواء بالسلب او الايجاب |
نبراس يا حبيبة اسالك سءال وما تزعلى منى؟؟؟؟
انتى لما جيتى فى مداخلتك استنكرتى على ماجد تاج رفع البوست وقلتى بالحرف(معنى رفعتك للبوست دا شنو؟؟؟) هل ماجد ملزم بالاجابة عليك وانه رفع البوست عشان شنو؟؟؟ خلينا نفترض ولا اقول ليك خلينا نتهم ماجد تاج باستقصادوا للشيوعيين وقعد يبحبت لامن الله وقعوا فى مداخلة تخدم غرضه هل عندنا حق نقول ليهو تجيب مداخلة سيدها ميت ليه؟؟؟ ولا نخليهو يكتب فهموا ونناقشوا زى ما ناقشنا قبله؟؟؟ خالد الحاج الله يرحمه لاقى ما لاقى نظير ما كتبه اذا ماجد تبنى نفس الفكرة الشيوعيين يدوهو بالفجة الفيها الحديدة ولا ان شاء الله يتفوا كفته:mad: المهم الناس حسب وجهة نظرى الغير ملزمة تتكلم كلام موضوعى بدل البحصل دا مع احترامى لكم جميعا |
اقتباس:
من حق ماجد يجيب اي مداخله ومن حقي استنكر لما القى سيدها ميت وما بقدر يدافع عنها خاصة وانو ماجد مستشهد بيها في موضوع خلافي وخوفو على المنبر من الشيوعيين واستخدمها لتاكيد حقيقه في خلدو هو ودعم بيها فكرة انو الشيوعيين اثارهم سالبه على المنتدى وعميقه عمق نشأته انا ما منتظره اصلا اجابه من ماجد لما سالتو على فكره فهمو كتبو انو عاوز يرجع الناس لمربع صفر او الامور لنقطتها الاولى بعد مشت قدام 3 سنوات بخيرها وبشرها بزعلها وتصافيها وتسامحها وتفضيل مصلحة المكان قبل الشخوص وانتي ادرى بالمكان دا |
يا ستى الفيها خير الله يسويها والبكان دا على قول اهلى الغرابة
البكان دا الانفصال ما وقفه عن رسالته فمافى شى بيوقفه هذا واحد ثانيا وهو الاهم دا منتدى عام للحوار الزول بتوقع اى شى وكل شى وطول البال سمح وانا شخصيا شفت ماجد رفع كلام خالد لكن صراحة ما استنتجت الانتى قلتيه دا اخيتك المخ تخين بعيد عنك لكن برضو الموضوع لا يعدو كونو منتدى حوار وكل زول يقول البيؤمن بيهو والبعجبو واهو ريحة المنتدى طاقة الحمد لله وما محتاجة ليها لكواميج:p:D |
اقتباس:
اقتباس:
يا سرور دا ما استنتاج دا كلام ماجد نفسو ارجعي ليهو في الاقتباس الفوق دا بتلقيهو اي ريحه يا ستهم ما فهمت وحياتك غايتو لو ريحه حلوه دا المطلوب اما لو ريحه نتنه نقول ريحتو طاقه نزيدو زياده يعني بس وقعت عليهو لقى في النار زادو حطب |
اقتباس:
|
اقتباس:
اقتباس:
يا أمير الزول دا سلط علي سيف اللائحة مرتين ظلماً في موضوع هو طرف أصيل فيه وبرغم ذلك جند نفسه حكم وكتب لي كلام كله سب في ثوب قشيب ، وأتبعه بالعقوبة دون وجه حق .. وغض النظر وأعرض عن الرد على شكوى قدمتها وردت بدلاً عنه لنا جعفر مستندة على اللائحة وكيفية رفع الشكاوي باسلوب حوار الطرشان ـ المفروض ترفع الشكوى للامين العام .. ـ أيوة أنا رفعتها للامين العام .. ـ لا لا المفروض ترفع الشكوى للامين العام .. ـ أيوة ياخ والله انا رفعتها للامين العام .. وهكذا حتى تاريخه المداخلة دي أنا ح أبقيها فقط حتى أطمئن لقراءتك انت ومهند لها وح أحذفها لأنها داخلة في سياق تاني ولولا سؤالكم ما كتبتها . ـ |
اقتباس:
تحياتك لا تلزمني في شيئ يا رشيد .. بالله الحق كل من نحسبه موسى نفجع فيه .. على كل .. كتير من كلامك دا الرد عليه ممكن يفضي بينا لمسائل أخرى أنا ما عايز أصل ليها لذلك أعرض عن الرد عليه ، لو كنت احتفظت بعبارات شوفوني أنا مناصركم ، واكتفيت بباقي الكلام كان ممكن أرد عليه .. لكن يا رشيد .. صعلكة اسفيرية دي كتيرة منك بالله الحق ، ولا يمكن بعدها يستقيم أعوج .. بس اطمئن .. أنا أجيد الصمود في جولات الصعلكة الاسفيرية أو الواقعية إن لزم الامر يا ريت انت برضو تكون كدا .. وأنا ما إمام مسجد ولا خطيب جمعة زي ما قلت .. ـ |
اقتباس:
ما تخين .. نضيف ـ |
اقتباس:
سارة كيف أحوالك .. للحق أنا لي فترة كنت متوقف عن المشاركة بسبب بوست ام التيمان الاخير ( المنتدى ... جهراً ) وتداعياته ، حزنت للغاية بسبب اختفاء ناصر يوسف ، وشعرت بأنه رحيل بحجم الفاجعة .. لأنه الرجل أنا ـ ع الاقل ـ شايف أنو ركيزة هنا بسبب القلب الصافي الذي يحمله .. بساطته المتناهية ، وركونه الدائم للموادعة والمسالمة كان عامل حفز مهم للغاية في بقاء الامور في حدها الدانى من التسامح والقبول .. زعلته وما تلاها .. والتفاعلات ال صاحبتها .. ومداخلات أعضاء كثيرين وتعرضهم للكيفية التي تناول بيها الامين العام لكل الموضوع .. وتمسكه الاشتر للغاية بحتة الحق في التعبير وحرية الكتابة حتى لو نتج عن الحق دا قباحات زي القاع تنبعث من البوست إياه ، وإنكشاف عدم قدرته على التمييز بين الحق والتعسف في استعماله .. كلها خلتني أميل للقراءة أكتر ، ع الاقل أفهم ليه فلان بيكتب كدا ، أو التعليق المبطن داك بيشير لي شنو ، أو باقي القصة ديك وين أو .. أو حتى ع الاقل الواحد يقرأ حاجة غير الغثاء المنطرح حالياً ـ وقتها ـ على صفحة المنتدى ، واللي أدى بوضوح لنفور الكثيرين عن المشاركة كنت بفتش لمداخلات عضو معين أو مواضيعه ( سلطان ) وبالصدفة عثرت على البوست دا .. أول ما لفت انتباهي ليه مداخلة للاخت سمراء علقت فيها على طريقة الشيوعيين في إدارة معاركهم الاسفيرية ، اقتبستها ورفعت بيها بوست الشيوعية والاسلام ـ خاصتي ـ لأنها وضحت لي طبيعة الهجوم الاتعرضت ليه وخلفياته .. اطمئنيت الى أنه الخلل مش فيما اطرحه فقط ، لكن لإرتباطه بتاريخ لم اكن طرف فيه حملت بعضاً من أوزاره قسراً .. ثم وجدت مداخلة خالد الحاج التي اقتبستها هنا .. وأشعار هاشم صديق .. وربطت كل ذلك بما حدث في لندن .. وما يحدث على صفحات النت .. الكيفية التي يتكالب بها الرفاق على الخصم ، والتي يديرون بها صراعاتهم سواء بينهم أو مع الاخرين .. البوست كشف لي جانب مهم جداً في أساليب الشيوعيين في إدارة معاركهم وخلافاتهم .. لخصته مداخلة خالد الحاج المقتبسة .. ومع أختلاف فكرة القعدة من وسط لي وسط .. فيس بوك .. اسكايب .. ماسينجر أو خلافه لكن ما زالت الامور تجري لديهم وفق ذات النسق .. لذلك رفعت البوست ربطاً له بما يجري هنا .. بلا أجندة أو كلام مغطى .. قلت ما أريد .. لكن كالعادة لن يتحمل الشيوعي أن يترك بوست كهذا والمداخلة الاخيرة فيه لماجد تاج لازم يكيلوا عليها عشرات المداخلات لمسحها أو اخفاءها على الاقل أنا غير معني بالخلافات القديمة .. ولن تفيدني كثيراً أو قليلاً .. ومع أن الكثير يمكن قوله هنا .. لكن ثمة فتن أنجانا الله منها بأبداننا ، لن نخوض فيها بألسنتنا .. دا كل الموضوع يا ستي .. والله المطلع على الخفايا وعلى ما في القلوب ـ |
اقتباس:
يا حجة أمنة .. أنا غير مسئول عن القبح الذي تنضح به الردود أنا مسئول فقط عن رأيي ال بقولو .. لو لقيتي فيه البكرهك لعب البلي .. أبقى غلطان ، واعتذر ـ |
للحقيقة اخ ماجد انت مثير للتساؤل عن ماهيتك في كل ماتكتب
|
ماجد سلام
خلينى اتكلم معاك بمصداقية او بمعنى اصح بما احمله فى خاطرى انا لو فى محلك ..يعنى اقصد زول خلينى اقول عندو رايى او مشكلة او مواجهات مع الشيوعيين فى المنبر مثلا بفتش لاى شىء او اى كلمة او حاجة تبين رايى فيهم وانا شخصيا ما معترضة اطلاقا على حقك فى هذا. لكن يا ماجد يا ود امى مرات مرات بقرأ حرصك على هذا المكان وخوفك الزائد عليه وعلى العضوية ودى فى حد ذاتها انا سارة دى بعتبرها واجب كما قال صديق جميل كان هنا يوما ما بعتبرها واجب علم وينفذ ..لكن لو رراجعت البوست الانت رفعته يا ماجد صحيح انك لقيت غايتك حسب وجهه نظرك لكن كنت اتوقع منك وانت الحريص على المكان ان هذا النوع من البوستات رفعه قد يفش غبينتك ولكنه يكون وبالا على منتدى يحاول الكثيرون لجعله جاذبا يعنى يا ماجد هو المنتدى ناقص كواميج؟؟؟؟؟؟؟؟ولا جروح ولا حزن ؟؟؟؟؟؟ يعنى رفعك للبوست رغم احقيتك فى ذلك لم يكن موفقا ودا رايى يا ماجد محبة واحترام وتقدير يقينا تعلمها |
اقتباس:
لا تحتاج سودانيات لماجد ليحرص عليها عليه تسويق نفسه في حيز غير هذا القالب ففكرة انه حادب علي المنتدي دي قصة مفبركة والشيوعيين مجر مطية ليه دمت بخير |
اقتباس:
احترم رايك لكن انا خلينى اضع حسن الظن واعتبر ماجد حريص على سودانيات مثل الكثيرون فمن واجب الحريص كما قال الاخ النور يوسف فى مداخلة مرة بما معناه نقدم حرصنا على المكان وعلى من فيه على كل غرض دا حسب فهمى لمداخلة النور والله ما متذكراها وين عشان اجيبها المهم خلونا دايما يكون حسن ظننا ببعض يسبق كل شى حتى يتبين العكس لك ولماجد كل الاحترام |
اقتباس:
لا اري فيه مشروع ناقد ومحلل وحاكم علي الفكر الشيوعي لانه حتي الان لم ياتنا بقبس معرفته |
اقتباس:
ياود سارة كمان ماماجد |
اقتباس:
التسجيل في مارس 2013م .. والمشاركات 14 .. ورغم ذلك تقول حتى الان ؟ غايتو لا نقول يا دياب الا : " الضبر ضبر البلقاء ... " ـ |
شكراً يا سارة
اقتباس:
للحق .. كلامك صحيح كنت غير موفق في رفع البوست ـ |
اقتباس:
والضبر ده شوفو براك وهادي مرقة |
اقتباس:
|
اقتباس:
|
| الساعة الآن 09:52 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.