تحياتى ياعبدالعزيز
وصباحاتك بى خيرا سؤالك ماراكب عدلو عشان كدا الاستنتاجات الطلعت منو جايطة زييو؟؟ الشيوعيين جزء من تركيبة المجتمع السودانى يعنى ناس سودانيين والصوفية جزء اصيل من تركيبة السودانيين بشكل عام لذا ليس بمستغرب ان تكون هنالك ميولات نحو الصوفية فى اى انسان سودانى شيوعى كان او اى جن احمر.. طريقة طرح السؤال تحاول الاشارة ضمنيآ الى قطيعة بين الشيوعيين والدين وهو شئ تم الخوض فيه على مستويات مختلفه ويتم طرحه باستمرار , وليس لدى مانع من الخوض فيه اذا كانت الرغبة هى دافع اثراء النقاش والتجربة الفكرية على مستوى الماركسية او تجربة الشيوعية السودانية المتميزة عن بقية التجارب الشيوعية .. ولكن للدخول فى مشروع نقاش كهذا يجب شرح شئ مهم: الحزب الشيوعى ليس بحزب دينى كما انه ليس ضد الدين فى شئ وفى داخله تجد كل الوان الطيف الدينية والاجتماعية فمن اراد ان يتصوف ويحضر ابريقه وتبروقته فليفعل ومن اراد ان يصبح مسيحى فليفعل ومن اراد ان يلحد فليلحد.. الحزب الشيوعى السودانى فضاء مفتوح والماركسية ليست بدين _______________ بتقول فى شنو ياود الحاج؟؟ كلام مدهش منك |
اقتباس:
بس دى ياها سنة الكون يافردة ياخ يعنى اسع داير الشيخ المرتاااح ده ، وبيخدم فيهو طرشمية من الحيران يكون وسخان !! ولا حفيان !! بعدين قانون الفى ايدو القلم ده ماتنساهو ... ونحن فى السودان نهوى اوطانا |
العزيز الجيلي...
نأسف لانو السؤال ما راكب عدلو ... لكن انا حبيت انو اوضح ملاحظتي ... علي انو كل الشيوعيين لما يخلو الحزب بيبقو متصوفة.. اما في كلامك بأن طريقة السؤال توحي بقطيعة بين الدين والشيوعية.. انا لم اقصد هذا الفهم.. وياريت تحاول تفيدنا بما لديك من معلومات عن التجربة السودانية الماركسية... ـــــــــــــــــــــــــــــــــ يازول ود الحاج دي نتائج وصل ليها او علي ما اعتقد معلومات وصلته ... فلما الاندهاش تحياتي |
اقتباس:
طيب يا باذخة الشيخ دا برضو عندو نفس الفهم بتاع انو الناس شركاء في كل حاجة ... طيب علي الاقل يشوف حال الحيران بتاعنو ديل شوية ... وزي ما قلتي الفي إيدو القلم ... ونحن في السودان ... وتاني شئ زي ما قال المثل (جات الحزينة تفرح ... زي الشرا في القندول)goood |
الكريم
عبدالعزيز بشر بشر بشر |
اقتباس:
اى التشكيل يافردة عشان نواكب هسعانا قريته بنشر بنشر بنشر |
[align=center]"لئيمة مكايد الاحقاد
وكت تنعيكا للدنيا قبيحة خناجر الاصحاب وكت تطعن ضهر غنية [/align] [align=center]استنيت خلاص بلدى بايد ثوار من المريخ سيوف ميتة وطول اقزام كرهت تفاهة الثوار وكت يبقى النضال "قعدة" كرهت قصائد الحفلات عن "الثورة" وعن "الجبهة*" كرهت معارك الأحقاد تحيل اسم البلد لعبة كرهت تطاول الاولاد و الساقطين من النقاد وصوت فنان ملوث بى هوى الاسياد وساقط من ضمير الكلمة والمبدأ وحامل راوية الاوغاد..[/align] (هاشم صديق) |
اقتباس:
وجع ...والله ويادنيا لو ماكان فيك هاشم صديق .... كان يقفلو ابوابك الا حين اشعار آآآخر مشكور ياعمووو خالد :D |
اقتباس:
واقوي كلام قاله في هذه القصيدة (قبيحة خناجر الاصحاب وكت تطعن ضهر غنية) تعرف انا لما كنت برلوم في الجامعة انضميت للجبهة الديمقراطية ... تعرضت لي طعنة من زميل في ضهري كرهتني ليك السياسة والشعارات البراقه |
وكنتو زمان بتعملو كدا برضو
ياخالد الحاج لما شيوعي يزهج:confused: حالة البصق وانت راقد علي ضهرك |
اقتباس:
والله يا حبيبنا نزار ... ما عندي مشكلة ببشر ليك علي الخط طوالي... بالمناسبة انا قريتها بشير بشير بشير ... قلت في نفسي الله نزار عاوز يعمل دعاية انتخابية ولا شنو؟؟؟؟:D |
اقتباس:
شكرآ ياخالد وياعبد العزيز لو جادى فى طرحك بجيك صادى ________________ بعض الأمور لاتحتمل الهزل |
اقتباس:
شفتي الاسئلة التعسفيه دي صعبة خلاص |
اقتباس:
[align=center] "نتفلسف عن الثورة وعن المنفى وعن الاحباط ونتحذلق عن المعنى وعن الاسقاط ونتحامل على التأريخ ونجرح صحاف الشرفا بالتلميح ونتفنن فى ختم الشعرا بالاختام ونغرق فى بخار التيه وننبدل سيوف افعالنا بالاحلام وفى الدوامة تتبدل سمانا سواد يموت معنى الوطن وفى زفة الاوغاد يضيع نبض الوطن فى زحمة الاحقاد يئن شرف الوطن من جزمة الاسياد يغيب شرف الكلام فى بحة المذياع وفى تهويمة التلفاز وفى مسرح صبح مشنوق بحبل المافيا...."[/align] (هاشم صديق) |
اقتباس:
ننسي او نتناسي ان الشيوعيون هم بشر فيهم البطال والكويس يمتاز الحزب الشيوعي بالتربيه الحزبيه والنقد والنقد الذاتي لعبد الخالق محجوب الذي كان يحفظ المصحف كاملا وثيقه تسمي اصلاح الخطا بين الجماهير اكيد خالد الحاج اطلع عليها فاذا كان قد قد تعرض لموقف مثل ماذكر فلا يصح ان يعمم اهلنا بقولو ماتاكل في الماعون و تت... فيه وماذكرته هنا البصق وانت راقد علي ضهرك تعبير خالد نفسو ذكر فانما انت مذكر يوجدهنا شيوعيين كتار لم يتعرض لك احدهم ب سؤ عندما اعلنت موقفك فلا يصح هذا التعميم اعتذر ياخالد كدا ماصاح ابدا وشوف منو البستدل بي قصيدة هاشم فهل اصبحت معهم في خندق واحد |
| الساعة الآن 08:55 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.