|
|
|
|
|
|
|
حبيبنا الزوول
عيد سعيد .ز دي احلى عيدية ياخ! ---------------- بس مالو زي الصوت ضعيف شوية .. قدر ما اجتهدت فيو برضو ضعيف .. و لّ ان بقيت طروشي براي!؟:D |
شكراً يا الزوول .. .أُولى قصائد اللقاء .. [frame="7 50"] السلام ملح المشاعر [/frame]ومافي حب الا انبدابو وبالعديلة الجانا ساير يا حبابو الجاب عقابو همبريب السلم يقدل والأمان يربط سحابو والدمقراطية تنزل والوطن يخضَر ترابو الفتح نيران في خيّو يمّه اخير يفتح كتابو المعارف تبقى ضيّو من بدل يدقس في غابو كل طاير فرّ يرجع للعشيش المرّة سابو أصلو مما ازهارو تبقى الربيع يحلوّ دابو البلاد في صباها لسّة والوطن في عز شبابو دار يشوفنا ودايرة تسمع حس أنيسا الطال غيابو أسألوا النيل شيمة شيمة طول جريفاتو وضفافو عن تواريخنا المقيمة والعز الشوف عينو شافو أُمّة ما بنعرف هزيمة لا انكسارات لا خلافو واليهش طيرُن في نيمة وا حراق شُدَرُو ونشافو والوطن دفتر عزيمة ويوت جلودنا سُمر غِلافو والعلينا قليبو ديمة حقو فيهو الله نخافو |
اقتباس:
زولي المَلامُو مَحَـنّة، كُتر الريدة غَي قَــلَـدِي سلامو الحِـنـّة شالت في يَدَيْ يا الإن بقيت قصّرت فيك تصيدني فَيْ وقتي البقُش الدمعة من صفحة وشيك تزيدني سَيْ يا الله وين في الدنيي زي وطني البموت و بخلّي حي حمّيد أي مَحَــنّة هذه التي (تشيل) في الأيادي في مسافة قلدة؟ .. فـ (تشيل) فعل حِـنّة (وقيل مضارع)، ماهل وطوييل .. لا تفوقه مَهَـلة إلا (مُروق) الحنّة نفسها .. والتي غنى لها عاطف خيري ذات مهلة: أمرُق على مهلك، مُروف الحنّة من ضُفر العروس هذه لعمري مَحَــنّة لو عرفت النساء لها درب، لبارت (النشادر) في رفوف كل الدكاكين .. . |
اقتباس:
[frame="7 50"]مناديل من كفن المسيح أوعى الكلام الفارغ المنفوش فشوش هقّالي إمبريالي سام حِفض السلام في ايدينا ما فِيد عمِّ سام بس بالمطايبا بالسماح أرضاً سلاح منْك السلام ولك السلام وبك السلام مِيّاك وِليد الحِنْ لَـزَم طيّاب نفج لي صدري بي عطرون زغاوة نقاوة لَو شَقّاق هجم، ماك الولي ماك الكسيت الكَعْبَة ديك ماك السقيت بآبار علي ماك العزمت علي الفقير العقلو راح إبن النُصاح سوّا النَصاح قول للزنوج النوبوية، دم العرب كيف البيجاوية، وأريحية الحلب لي كل خُلاصات النسب من بطن سودانيي جد بطراني، أي، بالحيل نعم ما سادنا دون سودانّا سيد طول الزمن شانك خدم ليك يا وطن جمعاً عبيد لا لليَسَو دا عِريبي شو بلويت بجم جلابي مندوكرو انقهم تلك النعوت الماها فيك والماهو فيك ماتشيلو هم سمحي المشاغلة عن وداد فِرّيق، قطع قافات، مزاح قِرّيق، مُوْ زَمْ هيظار حبايب أباني خالا لاباني عم مو دُواس ودم سيب للزمن ما للزمن تلك النعوت هيا بي فهم نحيا وتموت موت الخُرافات الوهم عِن فتحة الموية العويش والروث تفوت كل السخافات للعدم يبقى الدم السوداني دا الوين زيو دم أما الفواخير الوخم من منقد الزمن الجحيم إتكوّمت رتّت فحم يا ملمِّع القِدر القديم لمّعنا من قدَر السجم وملّسنا من خرش الشلوخ خلّصنا من نتش الوشم وسّمنا صاح بالإندياح والإرتياح لبعضنا صاح إثنيـّّي لي واحد تشِق عِرقِـيّـي ما عادت فهم الشي ابن آدم فَـد عِرِق والدم دوم تحت اللحم كل اليقلب الخوّة دم كل اليكِب في الجوّة سَـم ما لمّ لم، سودانّا صَـم مابتنضرع غير للزرع ومابتنقسم غير إنّها الأوطان قِسَم زيح عنّو روحك واستريح بعضاً من الله يا وطن واحد صحيح من يقسم نُصّين كضب من يرسمك وطنين، ولا في ولا اترسم سودانّا بس، ما سُوء فهم جوّانا بس كيف نَحَيَا صاح جم جم صُراح سوا بالكفاح هوا دا الأهم يا مثبّت الريش في الجناح ثبّتنا صاح كركون سلام لوطن دوام واحد تمام قدّام وطن دايماً أمام طوالي في صلاة الزمن لي جُملة الأوطان إمام أسمع كلامي، دا ما كلام كِير الحرب ما عندو حد مُو لعب قعونجي ألْمِي السعير قلبك تعب، قبلك كتير يابا الحرب مي فيها خير ثماً في خيراً في الحرب إنّك عصي ولايوق قدُر ما كالهدي وطيّب قلب أسمع كلامي دا يا تِلِب أختا الحرب درب السلام مو الكان بعيد للحول قرب ما الحرب آخرتا غير نخور على خيرنا تنكالب أمم طول مابتنكافا الطيور يا بختها الحِدِي والصقور حظ المرافعين والرخم أرخى الجناح فوق الجراح أرضاً سلاح أسمع كلامي دا يا بلد كان ذات زمان كان في بُكان زي البُكان دا وها الزمان وقعت شرارة علي بُرج ساكنو الحمام فسراع هرع ريح الخريف من جاي وجاي لمّ الغمام فسراع هرع ريح الخريف من جاي لي جاي لمّا الغمام نزلت مِطيرة برت برت طفت الحريق والريح معلق في الركام لما اتنفض وقف المطر والجو برد فزعوا العصافير لي بعض حفتوا الحطام مرق المرق واللِنحرق بين الورق لفّوهو بي كل احترام قبل الضلام يغشى الفريق زي اكنو ماقد كان حريق كان البرج زي ماهو قام من تاني قام سكنوا الحمام باض الحمام هدل الحمام نزل الحمام طاهر قدم على جملة الإيمان قسم الدندريس ود حوّا أبو الهدهد جزم والمنصف البستان حكم بوم الخراب وين باني جاني ومتهّم في كل حربة ويات سهم مسنون من أعواد السلم في راسو سَم كل اليقلب الخوّة دم كل اليكِب في الجوّه غم ما لما لم لا ديمي راح يبقى الوطن دا وهيط خلاص و اوسع براح آخر الكلام منو السلام إن جيتني جد وا جيتلنا وجيت للبلد يا ابن الكرام حل العُقد حلّيتا بيطول الحبل فكّيتا راح يصل الدلو البير الحلو ويات من ولد تلقا استمخّ مع النشل وسقى البلد ياحوّا بنوتك ملو ويادم جناتك تغتسل من لوثة الزمن الفسل يازول وفي وسمّح خلاص يامن عشان عين الوطن تبرد نشيل الدنيي حاس قوماك ياخيي ندوس دواس كجّنا ياجنا ها العكاس يضرسنا كلنا حس رصاص دايرين نونس ما احنا ناس على أحلى نخب وداد وكاس من راس قرورة لحدي كاس وزي ما بيعاطن الموج درج او ما بيباطن الغيم أويل نلهج لهج حلو سلسبيل والنيل يغني حليلي والله حلالي انا المكتول عديل في حوش البلد مكتول كتل وياك بالفعل سوداني يا موية الحياة ياخالدة يا منذ القدم لا ريحة لا لون لا طعم الماهو فيك ماتشيلو هم أدّ الوطن مادّاك يا أدّو الحياة ويي دا الأهم بالجاي راح ننسى اللراح فر الجناح فوق الجراح أرضاً سلاح، ياجمّنا أمسك شُباطين الصراع الفكري صاح أنضر حزم بين باطك الدفّاي يا خيْ حزم الكفاح بالوعد بي شد البصيرة علي الشعاع الدغري راح نصلو الصباح لا بالصياح لا بالتباكي علي بوانكي اليانكي لا بالإنبطاح تحت السواهي وتحت السواهي دواهي ناصباها الضباح أنا شوقي لا متناهي للوطن البراح أنا دمي دم ما شاهي وين شاهي الصباح بي همي لا تلاّهي همي أنا شايلو صاح لي آهي لا تشّاهي لا بالله يا نخب الكساح وديتي وين وطني الخزين سبتيلي هادي التاح تراح وانت العليك ركتنا هات جكّتنا سايمين المهج ودينا خاطرك يا وطن ناس في سبيلك كالغيوم وا شوقنا للوديان زمن سكتنا دغريي و حداك جاتك بشاراتك إذن علّمنا نستشهد فداك نحنا البنتماوت سُداً[/frame] . |
الاخ الزوول و كل الاحباب في هذا البوست الدافئ ..
كل عام و انتم بخير و شكرا لهذا التوثيق و الجهد المقدر و امطارنا شجنا و شجونا و محبة و الفة و اخضرار .. |
| الساعة الآن 08:06 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.