سودانيات .. تواصل ومحبة - الظاهر بدأت على اعراض الخَرفْ ٠٠٠ !!!

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - الظاهر بدأت على اعراض الخَرفْ ٠٠٠ !!! (http://www.sudanyat.org/vb/showthread.php?t=22213)

بديرى يا صاحب

انت قطع شك مخرف:p:D:D

وحات الذمة دى علاماتو:p

اقتباس:

المشاركة الأصلية كتبت بواسطة azzam_farah (المشاركة 414648)

البِديري.. أوْصي بِزِيارة طبيب مُخْتص.. ما مِن بأس في ذلِك يا عزيزي.. قد فعلت أنا ذلِك مَرّتَين وفي كُل مره كُنت أشْترِط علَيهِ أن يتجاوز الأسْئلة الكِلاسيكِية التي على شاكِلة:
[كيف كانت العلاقة بَينك وبَين والِدُك]
[هل هُناك أمْرٌ ما حدث لك مع والِدتُك.. أتُريد أن تتحدث في هذا]
[أرجو إذا لا تُمانِع أن تسْترسِل في عِلاقتُك مع إخْوتِك البنات]
[حدِثًني قليلاً عن مُدرِسيك؟!]
[ماذا عن الأصْدِقاء.. هل تُحِبهُم.. قُل لي هل تُحِبهُم! خُذ وقتُك]

قد لا تنجح وصِيتي.. فقط الذي أعلمهُ يا عزيزي هو ضرورة أن تُراجِع طبيب مُخْتص.. قد يفْلح الأمر.. وحتى حين، دعني أقول لك بِأن الإسْلام لم يتطرق لِلْدَولة فنحنُ أولى بِأمر الدُنيا.. الإسْلام جاء لِيُعبِد لنا الطريق لله، وبِالأرض ناموسٍ مُخْتلِفٌ جِدا

إحْتِراماتي،،،

أنا غايتو نصيحتي ليك ياعزام تدخل خلوة لمدة اسبوع وشوف النتيجة حتكون كيف ..كان ما طلعت من الخلوة زي الرجل الأخضر لومني..كان زول زعلك تتنفخ وتهد لينا المنتدي فوق ريسينا:eek:

اقتباس:

أنا غايتو نصيحتي ليك ياعزام تدخل خلوة لمدة اسبوع وشوف النتيجة حتكون كيف ..كان ما طلعت من الخلوة زي الرجل الأخضر لومني..كان زول زعلك تتنفخ وتهد لينا المنتدي فوق ريسينا

فتحي مسعد حنفي.. والله ما فهمتك.. إنت عاوِز تقول شنو؟

اقتباس:

المشاركة الأصلية كتبت بواسطة azzam_farah (المشاركة 414874)

فتحي مسعد حنفي.. والله ما فهمتك.. إنت عاوِز تقول شنو؟

دي هسة يشرحوها ليك كيف ياعزام..أنا شفتك أديت نصيحة لي الراجل عشان يمشي لي دكتور نفساني ولقيت طريقة كتابتك بالتشكيل زي كتابة الآيات القرآنية وقلت تمشي تجودا في الخلوة وتجي تعمل لينا فيها زيي وتعمل كوز زي ما أنا عملت في بوست القذافي شهيد..وبدل الطبيب تقول ليهو تمشي لي شيخ كارب..الناس ما عندهم قروش للدكاترة والفكي أرخص..:D:D

اقتباس:

المشاركة الأصلية كتبت بواسطة فيصل سعد (المشاركة 414610)

يا زول انت صاح لكن
الناس و الزمن هم الخرفوا ..

ارقد عافية ..

فيصل اخوى : سلامات ياخ
يازول كلامك دا راجعوا بجيب الهواء البارد ٠٠ !! :D

ارقد عافية ياراقى ، والله يصلح الحال باذنة

اقتباس:

المشاركة الأصلية كتبت بواسطة azzam_farah http://sudanyat.org/vb/images/buttons/viewpost.gif
دعني أقول لك بِأن الإسْلام لم يتطرق لِلْدَولة فنحنُ أولى بِأمر الدُنيا.. الإسْلام جاء لِيُعبِد لنا الطريق لله، وبِالأرض ناموسٍ مُخْتلِفٌ جِدا

إحْتِراماتي،،،

لا حولاااا طولت طول ما لاقيت لى مسلم عارف دينو كويس .. أو بمعنى أدق .. الكيزان ما أكلوا راسو .. عفارف عليك يا أبن عمى ..

وأبنى عمى دى لزم لعلمك

اقتباس:

المشاركة الأصلية كتبت بواسطة رأفت ميلاد (المشاركة 414928)

أها ياعزام بدون خلوة جريت كراع القبطي أمال بعد ما تدخل الخلوة حتعمل شنو:confused::confused::D

فتحي مسعد حنفي

اقتباس:

أها ياعزام بدون خلوة جريت كراع القبطي أمال بعد ما تدخل الخلوة حتعمل شنو

الكِرْعين البره كتييييره يا عزيزي.. وفي ناس كُراع بره وكراع جُوه.. وفي كُراع جيابا

ود ميلاد

اقتباس:

لا حولاااا طولت طول ما لاقيت لى مسلم عارف دينو كويس

العارفين ما بكْتبو.. والبِكْتبو -في الغالب- ما عرفين