يا ناصر كلام بابكر صاح وغالبآ ما تكون الفطريات نمت على
الطبقة الخارجية لشوال السكر نتيجة لارتفاع درجة الرطوبة والحرارة
نتيجة لسوء التخزين(سواء فى بورتسودان او السفينة).
قصة السكر دى زى قصة (الملاح البايت) زمان
الملاح البايت بتغير طعمه ورائحته نتيجة لنمو الفطريات علي سطحه
ففى ناس بياكلوهو ، وبعضهم بيرميهو فى الزبالة.....وكثير ماسكين
العصاية من النص بيزيلو الطبقة السطحية البينمو فيها الفطر ثم
ياكلو الباقى .
لكن يا ناصر السكر بتاعكم دا ، اذا كان فى دولة اوروبية لتم اعدامه
فورآ.



.

قبل سنتين ثلاثة، دخلت في غلاط علمي إسفيري عنيف مع بروفسور عبد الملك مدير مركز أبحاث الإبل بجامعة الخرطوم، حول "إمكانية إنتقال عدوى الحمى المالطية (البروسيلا) من الناقة للإنسان عن طريق الحليب غير المبستر"
بروفسور عبد الملك قال بندوة بجامعة الخرطوم: شراب حليب الإبل الني (raw milk) مفيد للصحة ولا يشكل خطورة على صحة الإنسان
قام إنبرى ليهو بروفسور بدرالدين الهاشمي وأنا دعمت بدرالدين وما خلينا لبروفسور عبد الملك صفحة ينوم عليها وقلنا ليهو: كلامك دا كلام عاطفي وكلام ساكت.
خلال السنتين الفاتن ديل كنت جزء من بحث قام به المختبر المركزي البيطري بدبي وإشتغلنا في حوالي 200 ناقة إيجابية البروسيلا
تصدق بعد البجث دا بديت أميل بدرجة كبيرة لرأي بروفسور عبد الملك وأستطيع القول:
هناك إحتمال صغير جدا لإمكانية إنتقال بكتريا البروسيلا للإنسان بواسطة الحليب من النياق إيجابية البروسيلا.