وامغستي رحل تلوت الليل
وشقاوتي رحل تلوت الليل
واكتلتى رحل تلوت الليل
واعذابى رحل تلوت الليل مسالكي ضلمة مابتنشق
سكت روح نويرة ا لفرقة جوة الجوف تسوي البق
مشيت لا زاد اشيلو معاي ولا زولا مع اترفق
ولما بقيت مفارق نجيم الليل مشي ا تفرق
بكيت وبكيت طريف العين متمسح وبالدموع رقرق
اسوو الووب نحاس احزانى جوه قليبى ينقر دق
يلوعنى يوهدبنى واخاف من المصير واشفق
اوادع الناس افوت مجبور يجينى نغيم من الطمبور
واشوف لى جنى وقف صفق يطير لا فوق يطير يندق
واطير واندق

وادنقر فوق تراب اهلى اخم بى ايدى فى رحلى
ودنقر فوق تراب بلدي واخم بي ايدي في رحلي
اقول يا ليل وافارق الدار واجر فوق الوداع مسدار
انوني انوني شاق الواح محال ارتاح
ادخل ايدي في رحلي ترابا فيهو تسوي الكون
تراب بلدي
اشيل منو اشم وارتاح
اشم طيبة اهلي منو تفوح ترد الروح
عويناتن تلوح وتلوح
انين الساقي لما تنوح حسيس البربخ المفتوح
عراريقن طواقيهن طواريهم سواقيهم
اشيل من زادى واتكرف واشوف فيك يا تراب اهلى الحنين الما بتوصف
بشوف فيك صورة ما بتنشاف
واشم ريحة الكليت والشاف
بنات بلدى يا ناس بنات بلدى
بنات بلدي بنات بلدي
طريحاتن مناديلن رقيصاتن شبابيلن
حليلي حليلي يا حليلن
سماح ناسا حلات ناسا بلا السكر
طعم قراصة في قدحا من الدبكر
كواريك شفع المغرب يقلبوا في الجمر قنقر
ولاد بلدي
جبابيدن سنانيرن نقاقيرن طنابيرن
وافوت يا ناسي في دربي واقول يا اهلي وا غلبي
خلاص ريدكم ملك قلبي
منو الغيركم بشيل حبي
تراب بلدي يا ناس تراب بلدي

والله يا ست الجمال انا ماني
باكي علي ضياع آمالي فيك
ولا حتي نادب حظي ساعه جابني ليك
و خلاص قنع قلبي القبيل ميال عليك
يقنتو يا ست الجمال علمتو
ما يشتاق يشيل الشوق يجيك
****************
مع اني يا ست الجمال عارف جمالك في الجمال طاغي ورهيب
وعارف مشاويرك طوال لو ما ني عاشق كان مشيها علي صعيب
ما شفتي قلبي وحالو كيف من وقده الشوق اللهيب
وصبرا يطول يبقي زل والنوح كمان للمتلي عيب
وانا قلبي يا ست الجمال طيراً سماهو افق رحيب
رحال وما اتعود شمس تشرق عليهو محل تغيب
وين قولك القلتيهو لي انو الزواج قسمة ونصيب
دايرة الرجوع وما بيامنك قلبي الجروحو بدت تطيب
انسيهو يا ست الجمال الماضي فات والجاي غيب
**********************
لوميني اه لوميني اه لوميني اه
لوميني ما انتي الغدرتي وقلبك اختار زول سواي
وخطواتك اختارن درب عكس المشنو قبيل معاي
مع السلامة بقولة ليك وأعبر بحور الشوق براي
دنياكي منها شن لقيت ياما سقيت ريدك دماي
والزكرة منها بعتبر لو روحي حنت للوراي
ولو مرة اضناني المسير بركز علي صبري وغناي
وبعد الحصل والله يا ست الجمال
من شوقي ليك حاضن الصبر ونيران هواك ايام طوال
دربك مشيتو بلا امل ولقيت وصول اخرو المحال
وحملتا آلام فرقتك الفوق حدود الاحتمال
وصديت ولسان الحال يقول ياغافل الاحلام ضلال
واحترت فيك كيف كنا يا ست الجمال
ماشين وقلبك شاغلو غير
لو جيتك القاكي السراب
وتجيني تلقيني الغدير
غلطان انا انا غلطان انا
غلطان انا السكنتك اعماقي البعيدة ووهبتك الحب الكبير
غداره يا ست الجمال مغرورة يا ست الجمال
غدارة عزت نفسي اعظم من جمالك وبي كتير