سودانيات .. تواصل ومحبة - 20/12/2012 ح تحصل فيو حاجة

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - 20/12/2012 ح تحصل فيو حاجة (http://www.sudanyat.org/vb/showthread.php?t=26118)

اقتباس:

المشاركة الأصلية كتبت بواسطة قيقراوي (المشاركة 503275)

انا ذاتي ما عارفا شنو ,,
لكن التركيبة دي 2012 2012 ما بتجلي ساي!!

-----

اهو كان حصل ,, ببقى نبي
وكان جلت عاااادي ,,
ما خسرت حاجة الدنيا دي فيها 6 مليار زول ساي (ما نبي)

تركيبة التاريخ دى يا قيقا ماعاديه وتوحى بحدوث شئ غير عادى.

عشان كده لو حصل شى بيكون عادى.

ولكن الانبياء هم ما يتنبواء بحدوث شى غير عادى فى يوم (تاريخ)عادى.

حبوباتى اتعلمت منهم الدعوة مع غروب الشمس
ويقومن يعاينن تالا المغرب وعاد يوم تلقى الحمار (السماء عليها خطوط حمرا كثيفه)
تقوم تدعى دعاء النجاة من كل هالك و فاسق و انصرنا على من ظلمنا وانصرنا على من عدائنا وياربى من اشوف النبى الدجال ولا احضر زمن غلبة الدين و قهر الرجال

بعد تتم دعاها اقوم اسعال الحمار مالو ياحبوبه
- شؤم لامن يربط فى السماء فى شتين بكون
-تقوم حرابه و تسيل دماء

البشوفو ده كل يوم حرابه و زهق ارواح و دماء على الارض (الله يرحم حبوبتى الما شافت دم الترعه)

اها
جهجتونى بالجد
نمت نومة جرة واحدة على السقط الفى
اقوم فجر بدرانى داك

واعاين القى الحمار رابط وكتير كتره

قت عرفنا حمار المغارب
حمار الشروق ده شنو (ما كحلتو عينى اصلو)
ياربى تكضب شؤم اليوم ده و تدينا خيره

وتجعلو مميز لينا فى خير

حكاية الجماعى يدخلو الخنادق
والشعب السودان يطلع الشارع
ويدك الحصون و كفانا خوازيق

سلامات قيقراي
مع اني عارفك بتهظزر ومتاكد انك بتضحك علي الجماعة المتنبيين ديل
العددم حصل لحد الان خرتمية وشوية
عارف اليومين دي ياها الشغلة
كلة سنة طالعين لينا بي حكاية نهاية العالم والموضوع الفارغ دا
يا اخي احسن ذاتو القيامة تقوم تريحنا من النحن فيهو
بس حبيت اقتل ليك الدش في ايدك
عارف تاريخك دا تقريبا كل سنة بتكرر
اه دا تاريخك
2012 2012
وقارن.
2011 2011
2010 2010
وقس علي ذلك

بالجمبة كدا باقيليك في باقي اليوم بتحصل حاجة

وتحياتي لك وللجميع