اقتباس:
معليش حآخد مشاركاتك هنا دون ترتيب اقتباس:
هل هو كافة الشعب السوداني؟، أم هم أعضاء سودانيات؟ زوار سودانيات ما معانا (هذا السطر موجه للعزيزة آمال:)) |
اقتباس:
سلام يا باشمهندس أولا ً : تقول إن الإدارة متهمة مقدما ً ثم تقول إنها جاءت بديمقراطية مثلى !! إني أرى طالما أنها جاءت بديمقراطية مثلى فلا يجرو أحد على أن يتهمها مقدما ً . ثانيا ً : بالنسبة للمرحوم أحمد شـِبك فأنا أرى أن إسمه كان متواريا ً خلف شهرة إسم ثنائي الجزيرة الذين تقوقعوا منذ فترة طويلة جدا ً.. شهرة محمود عبد العزيز طغت على ثنائي الجزيرة نفسهم ناهيك عن أسمائهم .. أنا أستمع لثنائي الجزيرة منذ طفولتي وبالرغم من ذلك لا أعرف إسميهما ومثلي كـُثر ... نحن جيل يعرف ثنائي الجزيرة وناس الإدارة شباب يعرفون محمود عبد العزيز أكثر من أحمد شـِبك ... فلا تثريب عليهم في خطابهم. شكرا ً لك ،،، |
اقتباس:
كيف أحوالك يا شبارقة ما عارف لكن عند الرحيل جردة الحساب ما بتكون على الخواتيم فقط ـ بشأن الدنيا هنا ـ بكامل محصلة سيرة الراحل تاريخ ثنائي الجزيرة ككل يقف خلف الراحل أحمد شبك وعند نعيه فإنما نعني تعزية كل الذين كان ثنائي الجزيرة قد شكل جزءاً من وجدانهم الادارة كذلك مطالبة بما يتجاوز الفئة العمرية التي ينتمون اليها مع أني ما أظن أن الاخوة في الادارة ـ عدا مهند حسب ما أعرف ـ هم جيل محمود عبد العزيز لكن المهم : الفرق في لغة العنوانين ما كبير ، وما شايف أنو محتاج ليه بوست ومهند بدوره ما مطلوب منه تبرير كل ما يصاغ تم نشر النعي .. ودي خطوة كافية ومحمودة كمان ما تنسوا أن الراحلين طُمبرابية ليس الا ... ـ |
اقتباس:
أفترض أن اجابتي على سؤالك ستكون فذلكية ، يعني جماهير شعبنا دي كان قلت انها الشعب السوداني البطل بجمل ليك في زمرتم شعبنا في سودانيات (حتى الما عندهم رقم وطني :D ) |
اقتباس:
اقتباس:
اقتباس:
اقتباس:
اقتباس:
|
اقتباس:
أحسب أنك أبلغ مني خطاباً ... بس تعقيبي الوحيد انو شهرة محمود قصاد ثنائي الجزيرة ما معقودة بالأجيال ، يعني محمود فايت الثنائي في الفئات العمرية كلها ومن منها فئتكم زاتا :D |
مع إحترامي للجميع
ونعي لمحمود عبد العزيز وأحمد شبك ولكن من هو أحمد شبك دا أول سؤال بدر لذهني لمن قريت النعي من الصعب ان نضع محمود عبد العزيز واحمد شبك في مقام واحد حيث أنو محمود عبد العزيز رغم كل شي هو رقم يجب الوقوف عنده ومرض ووفاة محمود تشهد بذلك انا بسمع لمحمود وبموت فيهو وبرضو بسمع بثنائي الجزيرة لكن والله لمن سمعته بأحمد شبك ما عرفتو بغني شنو ؟؟ لمن قوقلته حتى عرفته وفعلا يا معتصم محمود عبد العزيز فقده كل الشعب السوداني وليست الشهرة أو الفن بالعمر وإنما بما قدمه الفنان ووجوده في وجدان الناس يعني مثلا لا قدر الله لو توفى الفنان محمد الأمين هل سيكون حزنه قاصرا على الشيب فقط لأن عمره تعدى الستين ؟؟ اكيد حتقوم الدنيا وتقعد لان لمحمد الأمين قاعدة جماهيرة كبيرة جدا وهنا الفصيل |
اقتباس:
الأهم عندي كان استخدام المجلس لكلمة "شعبنا"، هذا التعبير كأنه يرسل إشارة إلى ماهية "سودانيات"، هل سودانيات حزب؟ أم منظمة مجتمع مدني؟ أم ماذا؟ أنا عصام دا عضو في سودانيات لأكتب وأتواصل مع زملائي الأعضاء، ولكنني لست محصوراً في"سودانيات" حتى تعتبرني (شعبها) ، ولا أقبل أن يزج بي مجلس الإدارة في دروب لا أعرف كيف أتعامل معها، مجلس الإدارة لم يُنتخب لهذا |
اقتباس:
اقرأ مرة أخرى بعين ثانية ,,, وسأعود لك |
اقتباس:
اقتباس:
محمود عبد العزيز أخذ حقه في بوستات أخرى، ولم يحتج أحد، ولكن أن يأتي مجلس الإدارة ويخرج عما يجب أن يكون عليه خطابه؛ فهذا ما لزم الوقوف عنده |
اقتباس:
سأقرأ مرة أخرى وبعين ثانية، بس أديني مَهَلة :) غايتو مبدئياً كدا؛ أحسن شعبنا دي تكون واقفة في ناس سودانيات، لأنها لو تجاوزتهم يمكن البشير يتحسس وكدا :D |
اقتباس:
سلامات يا ماجد نعم هي خطوة كافية عندي ولكنها غير (متكافئة) عند صاحب البوست وصاحبو (صاحبو أقصد بيها مولانا / كيشو) اقتباس:
|
اقتباس:
ناس مجلس الإدارة ديل برضهم أصحابي حرنتنا أنا ومعتصم مقصود بيها تجويد العمل صلاة الجنازة ما تغيرت ولكن البكا اتغير، حصل شفت الإمام شايل عمتو وبيهتف بيها قدام الناس؟ (مع التحفظات المعهودة طبعاً) لو مجلس الإدارة عايز يعمل تغيير في طريقة النعي ويعتمدا رسمياً حقو يساوي بين الميتين، ويخلي الأعضاء يكتبو الزيادات حسب فروق الحسرة :) |
اقتباس:
شكرا ً يا مهند غايتو ربنا يعينكم في القيام بمهامكم ...وأكيد ح تستفيدو من ملابسات نعي المرحومين محمود وشـِبك التي أشار ليها الأخ معتصم . |
اقتباس:
اقتباس:
ومعا يامعتصم وكيشو وشبارقة والجميع من أجل فضاء معافى |
| الساعة الآن 11:43 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.