اقتباس:
|
اقتباس:
|
اقتباس:
بس متين:confused: |
اقتباس:
الاحوال ،المقامات ،عند الصوفيه؟ |
اقتباس:
وكذا ﻣﺎ ﻣﻦ ﺭﺟﻞ ﻋﻈﻴﻢ ﻳﺼﺎﺩﻓﻨﻲ ﻓﻲ ﺍﻟﺤﻴﺎﺓ ﺇﻻ ﻭﺃﺟﺰﻡ ﻓﻲ ﺍﻟﺤﺎﻝ ﺇﻥ ﻭﺍﻟﺪﺗﻪ ﺃﻛﺜﺮ ﻋﻈﻤﺔ ﻣﻨﻪ منقول |
اقتباس:
:D أيامي الكنت طالب جامعي كنت بتبرع أدرّس-خلال الاجازة-في بعض المدارس الثانوية بنين وبنات... مرة اتبرعت أنا وواحد صاحبي (صعب شوية) في التدريس بمدرسة ثانوية بنات في الخرطوم وكنت أنا ماسك الكيميا والفيزيا وهو ماسك الرياضايات... المهم المدير من البداية شبكنا ليك لازم تكونو حازمين وصارمين وكدة ...فصاحبي خش على الطالبات آخر تقطيبة ونهير ويابت أسكتي ساكت والبنيات قاطعات الحركة... تاني يوم الصباح جاني شايل ليهو (زهرة) صفرا ومبسوط جاني في مكتب المدرسين شايلا وهو مبتسم وقال: شوف الأسلوب المميز في التدريس والضبط والربط بيجيب شنو...ثم مدّ لي الوردة (محندكا)! قمت ابتسمت ومسكت منو الزهرة وقلت ليهو ياأستاذ دي وردة نبات ال(عوير)* :D:D ـــــــــــــــ *لي ناس الشهادة العربية في المنتدى نبات العوير أسمو عند أهلنا (الخروع) |
مها يا حبيبة بعد اذنك ارد على عسوم هنا
عادل قلت لى ما عدا سارة :( ماشى انا بقول بتستعدى ومصرة على كلامى عشان الوضع هنا غير يعنى كل منتدى وليهو لونه وانت سيد العارفين يعنى صون نفسك من الاذى فيهو حسنة ولا انا غلطانه؟؟؟ هذا لا يمنع قول رايك ولا يسلبك حق بل الشيوعيين لكن دائما تخير الوقت المناسب حتى يؤتى كلامك اكله..يعنى لما الدنيا مولعة وتجى تفتح نار فى الشيوعيين دا عندو معنى واحد انه صب الزيت فى النار ولما تلقى زول روحو محرقاهو ومغبون ويفتح فيك نار يبقى انت السبب فهمتنى ولا لسة؟؟؟ بعدين يا عادل انا قلت الكلام دا وجاهدت فيهو بما استطيع ارفض الشتائم جملة وتفصيلا لكن انت كمان ما تمشى تهبش الناس فى الحتة البتوجعهم وداير ضمان ردة فعلهم ياخ انت زول اعصابك باردة وقادر تتحمل فى ناس غير ودى طريقتهم انت عشان تحافظ على نفسك وعلى اهلك واسرتك من الشتائم فلا تضعهم فى المواضع دى ودى حسنة تؤجر عليها اناما بقول اسكت لكن اختار الزمان والمكان لقول رايك ولا تستفز الناس وتبقى وجهه نظر ونصيحة فقط يعنى غير ملزمة:p:D:D |
اقتباس:
معنى كدا ياعادل عسوم لازم تراعي مود (الجماعة) وتتبين عدد الكاسات الشاربة الواحد عشان تبرا لنفسك وعيالك واهلك من الشتيمة (زي مابتقولي)! ياسارة كدي ارجعي البصر في المنتدى دا وشوفي عدد الداخلين علي عادل عسوم في بوستاتو والترصد والشتايم المبتدرة بدون ماتكون ردة فعل ووريني العدد كم فوق المليون... ياسارة هل من حق الشيوعيين يكتبو كل مابدا لهم ويفرضوا رؤاهم كما فعلوها في مذبحة قصر الضيافة ولا يحق لاصحاب الرؤى الاخرى التعبير عنها الا بعد الاستيثاق من مود اولئك؟! هل هذا قول يقبله عقل او منطق؟! ... |
سارة أخيتى بتنفخى فى قربة مقدودة .. خلينا ننجم شوية مع زهور مها
|
انتيمو الكافر
يااخ مها دي غير ردم الزهور دي الطير عيشتها مع الناس الغبش ديل شنو غايتو النصيحة انت الزول الوحيد البتستاهل يردموك ورد لانك نصير الانسانية الاول هنا ونصير المراة الاول وفترنا ياخ من التغبيش باسم الدين واخوك يكفيه انهه شهيد للحق والامر لله من قبل ومن بعد |
اقتباس:
غايتو ردم الورود دى عجبتنى شديد .. عليك الله حرشيهن اليردمن |
اقتباس:
مع التحية ليك و لى مها و جيجى |
غايتو يا عادل ما دايرة رافت يشمت فينى لكن انت فعلا ما فهمت
كلامى ولا بس داير تتلف عليهو ؟؟؟؟؟؟؟؟ يا زول انا قلت ليك نصيحة غير ملزمة يعنى لو انت ساعى لعمل خير اقصد جاى المنتدى دا وعندك رسالة مفادها تفيد وتستفيد وانت زول حصل ليكم كم هائل من المشاكل هنا فالاجدى والانفع ليك انك تحاول تجنب المشاكل ما امكن ذلك ..هذا لا يعنى بالضرورة انك من تبتدىء لكن لو انا منك الناس الممكن تحصل مخاشنات بينى وبينهم ساتجنبهم ليس خوف منهم ولكن احتراما لنفسى ولاسرتى ولعرضى وللمكان ...زمان فى مثل بقول( العايب بعيبك) دا اصلو ما ادوكم ليهو:p يعنى تجنب المشاكل انا بعتبره نوع من الادب والاخلاق العالية واقول ليك بصراحة ودى مش عشان الناس تحنسنى ولا عشان الفت نظر على قول بابكر عباس انا فضلت لى نقطة واحدة واسيب المنتدى الى حيث لا رجعة كرهت المشاكل والشتائم وسوء الالفاظ وسوء الظن :mad::mad::mad: وهتك العروض والكلام الفارغ :mad: كرهتونا لعب البلى |
اقتباس:
خلاص ياستي الحاجات الكرهتيها دي شوفي البعملوها في المنتدى وقولي ليهم في عينم أنتو غلطانين رضيتو أو أبيتو! أما حكاية اني (أتجنب) شخص جايني شاهر كيبوردو ويشتم ويتعرض لي عرضي وأهلي زي مابتقولي فقد كنت أفعلها من قبل ولك أن تقرأي ردودي الماضية وتتبيني! صحيح أنا أصبحت أرد بصورة غير الزمان ...وذلك استهداء بنصائح العديد ممن آلمهم أسلوب ردودي الماضية و(صبري) على الشاتمين! لكن أحمد الله (لا ولن) أشتم باذن الله و(لا ولن) أستخدم الاّ عبارات ولاد ناس قبل أن تكون عبارات مسلم يعلم يقينا بأن المسلم من سلم المسلمين من لسانه ويده... أما لعب البلي ...فتاني ماأظنكم عندكم قدرة عليهو*:D ـــــــــــــــــــــــــــــ *بعد عملية الغضروف:) |
| الساعة الآن 08:42 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.