سودانيات .. تواصل ومحبة - الوز .. عوام .. ياناس الله .. !!!

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - الوز .. عوام .. ياناس الله .. !!! (http://www.sudanyat.org/vb/showthread.php?t=45472)

اقتباس:

المشاركة الأصلية كتبت بواسطة نبراس السيد الدمرداش (المشاركة 206421)

صديقي طارق
صباحاتك نديه

كنت مشتاقه اقرا ليك حاجه جديده و الحمد لله بليت شوقي

جميل جدا البحر و احساسك جوا المويه ,, انا زيك ما بعرف اعوم بس ما كنت بخاف من البحر
ذكرتني ايام كنت ساكنه قريب جدا من شاطئ خليج عدن في مدينة اسمها بوصاصو بالصومال
رغم بدائية الشاطئ الا انو كان جميل جدا و المياه عجيبه و منظر الموجه شايله الموجه و تضربك و منظر الغروب و طيور البحر تحلق فوقك ومراكب صيد من البعيد

تخريمة:
قريت العنوان قلت البورد دا قلب بيت عرس ولا شنو
عباس منزل تعليم رقيص الدلوكه ,, بدور عاوزا تتعلم البخور ,, جيت انت بالوز عوام

زول ينزل لينا البلابل الموجه شايلا الموجه(ما بعرف اسم الاغنيه)

نبراس ياصديقة

نهارك سعيد

شكرا لمتابعتك ما أكتب .. !!

البحر جميل وانت جنبو بس .. متأمل وسعيد بالمنظر .. بس أخوك خلاص فك الخوف .. :)

تحياتي

اقتباس:

المشاركة الأصلية كتبت بواسطة هيفاء عبدالستار (المشاركة 206424)

الانيق طارق..لك التجلة لانك بسيط كالماء ورقيق ٌمثله ..
تعرف اجمل ما في السباحة هي انك في المويه بتكون خفيييييييييييييييييييييييف ..وممكن تعمل كل الحركات الما ..بتقدر تعملا على اليابسه..لك الود ..
وهذا النيل يعرفنا احبته يرووينا محبته يصبحنا يمسينا ..

د. هيفاء

ولك من التجلة مثلها وزيادة .. !!

النيل طااااعم يا أنيقة .. !!:)

أن نسبح ذاك شئ بديع بالفعل .. !!

مودتي

اقتباس:

المشاركة الأصلية كتبت بواسطة رأفت ميلاد (المشاركة 206440)

لكن يا طارق ما مسحت بينا الأرض .. من الشكابة وما بتعرف العوم :eek:
ولكن إذا ركنت للبوح .. فالخوف من البحر وليس من العوم .. تعلمت العوم باكراً فى (الترعة) .. (وطرت) منه منذ أتت جثة تطفوا داخل شوال .. رغم أنها كانت بفعل فاعل ولكن إرتبط الماء فى نفسى بالموت .. عدت للعوم فى بورتسودان فى حمام السباحة (الحوض الإنجليزى) .. ثلاثة أشهر داخل الماء بلا إنقطاع .. ولكن لم أجروء العوم فى البحر المالح الذى أدمنته فى صيد السمك .. على جوانبه أو ظهره يحمينى منه سطح المركب .. صادقاً عمت لأبلغ السفينة (الغرقانة) فى منطقة الملاحات .. هربت منها بعد أن تردد بأنها مأهولة بسمك القرش رغم أنها كادت تجعلنى أتخلص من عقدتى .. عدت الى مدنى وأدمنت حوض نادى الجزيرة .. ولم أجروء يوماً أن أعوم فى النيل حتى بمساعدة (بطة) ..

نشأتنا وقصص الغرقى وفقدان الأحباء فى الرحلات المتكررة التى تبدأ بالغناء وتنتهى بالعويل جعل بينى وبين البحر علاقة غريبة بين إدمانه وتهيبه ..

أذكر ذات يوم حادث حدث لى فى (أم سنط) لم أخبر به أحد .. فى حينها تكرر الغرق بصورة متقاربة .. ودائماً الغريق يكون وحيداً .. ورغم ذلك نُسجت القص على ظروف غرقهم رغم لم يك معهم أحد :) .. تحدث البعض عن الجان الذى يأتى فى شكل جنية حسناء تقود الضحية مأسوراً مسلوب الإرادة الى حتفه .. ومنهم من أدعى أنه رآه وتعددت أوصافه ..

يومها كنا ثلة من رحلة ذهبنا لغسل أوانى الطبخ فى الماء .. رجع الجميع وظللت وحدى على الشاطئ أجلس على (القيفة) وأرجلى فى الماء .. عندما غاب الجميع رأيت عن بعد جزع شجرة متيبس ترآى لى مثل رجل جالس ينظر لى .. (دخلتنى خوفة) وشرعت فى القيام ولكن كان (القيف) ينهار من تحتى .. فأخذت أتشبث وأزحف الى الخلف ويتهدم كل مكان جديد أجلس عليه .. لم أيأس ولم أتوقف رغم شعورى بأنى أنسحب الى الأسفل .. فقدنى زملائى وكانت فكرة عدم الذهاب الى البحر وحيداً فى هذه المنطقة (مسيطرة) على الجميع .. فأتى الجميع عدواً يتصايحون بإسمى .. عندما ظهروا من بين الأشجار كدت أن أصرخ مستنجداً ولكن فجأة وجدت نفسى تمكنت من أرض صلبة .. هببت واقفاً وتنفضت وإنضممت للآخرين (مقطعه فى حشاى) .. وهكذا أصبح بينى وبين البحر الود والخوف ..
رغم أبنائى يعومون كالأسماك منذ نعومة أظافرهم أظل فى هلع عندما يذهبون للعوم فى النهر .. (أقطعه فى حشاى) ولم أمنعهم يوم

كده كويس يا كانديك تطلع المخبأ كل هذا الزمن بشوية رصة كلمات تأسرنا بيها :mad:

:D:D:D

من الشكابة وما بعرف أعوم شوف ليك جنس ( خوف ) ... !!;)

أمتعتني مشاركتك بالفعل .. اذ أكملت ناحية كانت في خاطري وأيم الله غير أني آثرت أن أشهد النص المليان بالفرح من البحر .. !!

كم من أحبةٍ لنا جرفتهم أمواج النيل الأزرق في ذاك المكان ( أم سنط ) أو على مقربة من الشكابة ... ليس أخيراً شابان في مقتبل العمر من أقربائي منذ سنتين أو تزيد قليلا .. أغرقهم الأزرق الوهاج دون رحمة .. !!

يظل الهاجس ساكناً في أعماقنا يعلن عن نفسه ماوجد الى ذلك سبيلا .. !!:D

متعك الله بالصحة أنت وأبنائك ومحبيك .. !!

تقديري ومودتي

اقتباس:

المشاركة الأصلية كتبت بواسطة محمد أبوعاقلة (المشاركة 206457)

الحمدلله على خفة الموية .. وحركاتها...goood

يااا طارق يا صديق .. جابت ليها كمان بط ... يكلؤك الله يا ود أمي..
يا جماعة والله الزول دا بجلّع بت عدنان دي جنس جلع ...
تقررررب تقول ليهو واي فكني ...
.
.
.
.
معاك كشاف بحري رقم 27765 ... فـ (كن مستعدا) ياااااا أبوبطة :D
وربنا إن داير يغتّس حجرك .. باريني

هوايتي المفضلة السباحة .. وبعدها طوالي صيد الاسماك ... وتالت حاجة أقعد جمبو :D ورابع حاجة إني أمرق بي غادي إذا غتست ..
أما الرماية .. فلما اشتد ساعدها رمتني .. وقمت تاني اتنفّض :D .. وأعلى ما في خيلي التي لم تجقلب بعد .. ما بركبو :D
يعني يا طارق بقيت تطفّح كما قال ارخميدسgooodloooollooool
حسنا .. اقطعو لو بتقدر ؟؟
ياخ البحر دا أكتر كائن سمكي بحبو في الدنيا دي ..
بعدو مباشرتن الكائنات الأخرى التي تمشي على رجلين .. ويسترها البكيني goood:D بقدر المستطاع ...

الكشاف البحري ...

ارتبط حبي له بالخوف .. سكونه هياج .. وهياجه مرعب .. !!

أشاركك ذات الحب .. !!;)

ماااااا بفكها .... !!!looool

أرقد عافية أو كما قال ود سعد ..:D

اقتباس:

المشاركة الأصلية كتبت بواسطة أميرى (المشاركة 206664)

طارق ياحبيب
كنت أحب البحر ومن الحب ما قتل
تواريت امام خوفى...فكان الشاطئ آخر عهدى بالبحر
الشاطئ بين يمينك والجكسوية ملك يمينك
والبحر أمامك...وما تشتغل بيهو شغلة
تغرق فى عيونها وبر الآمان قريب لا يحتاج
الى بطة ما...

ثم انك حكاااااى يااخ

أميري

صباح الغرق في العيون والمشاعر

أن تجالس الحب في حضرته ... دفقٌ عجيب .. من كل لون .. !!

شكراً

اقتباس:

المشاركة الأصلية كتبت بواسطة جعفر بدرى (المشاركة 206695)

ثم انك حكاااااى يااخ[/color][/B]

العزيز/ طارق
تحياتى و إعجابى

تدهشنى قدرتك على الإستيحاء
و استطاعتك .. أن تخرج لنا من المواقف العادية ... نصوصا غير عادية ... بأسلوب
رشيق جذاب لا تملك إلا أن ... تسعى وراءه ... حرفا و كلمة و عبارة .

و ما اقتبسته من كلام ... العزيز / أميرى
كان أكثر مما توقعت أن أكتب .
لكما التحية .

و على المحبة نلتقى .[/QUOTE]

استاذي الجميل جعفر بدري

وعليكم السلام ورحمة الله

تلك عين الرضا التي ولطالما حسنت المساويا ... شكرا جميلا .. !!

تقديري واحترامي لك وللخ أميري

مودتي

اقتباس:

المشاركة الأصلية كتبت بواسطة النور يوسف محمد (المشاركة 206704)

بسم الله الرحمن الرحيم

سلام كانيك ..

أتفق مع صديقى الأستاذ جعفر فى قدرة صاحبنا على الإستيحاء المدهشة ..
ولغته الجميلة .. غير أن أختلف معه فى أن الموقف لم يكن بالنسبة لمضيفنا عادياً ..
فهذه النشوة الأرخميدسية التى سرت فى جسده , كانت ملهمة , وإن تعدو نعمة الطفو لا تحصوها ..

بالنسبة لنا كعساكر ..
السباحة إجبارى .. السواقة فرض عين .. ركوب الخيل سنة مؤكدة ..الرماية كسر رقبة ..
يعنى فرصة الإستمتاع بهذه الأشياء ليست من المشاعر المتاحة ..

شكراً طارق ..

الجميل النور يوسف

وعليك السلام والمحبة

بل القراءة لك هي المتعة بعينها .. !!

ما اجمل اقتباساتك يا ندي الحرف .. تأثرني جدا هكذا نعمة .. !!:)

شكرا جميلا

تحياتي

اقتباس:

المشاركة الأصلية كتبت بواسطة مي هاشم (المشاركة 206709)

قرأت باستمتاع قلّما أجده هذه الأيام..
سبحتُ بين سطورك في ذكريات جميلة منذ طفولتي وأيام تعلّم السباحة إلى أيام الرحلات العائلية على الشاطئ..إلى رحلات الدراسات الميدانية(الجامعية) في بورتسودان وسواكن..إلى أجمل أيام عمري في شاطئ الشارقة بدولة الإمارات....
سيظل البحر ذلك المحبوب المهيوب..وتظل السباحة خليط من مشاعر الرقة والقوة والحرية والضآلة في آن..

برة..قلت لي الوز عوّام!!!:D

مي هاشم

نهارك جميل

لعل أنه من الجميل أن نصادق البحر صغارا ... ( تعليم الكبر ده متعب ياخ ) .. !!:)

بره ... عوام عوام .. looool

تحياتي ومودتي

اقتباس:

المشاركة الأصلية كتبت بواسطة سمورية (المشاركة 206731)

صباح الخير يا طارق
البحر والموية ماعندي معاهم علاقة
ابعد من انو يسمع مني وانا ساكته
واسمع منو بدون كلام
لكن حكايتك معاهو زكرتني حكايتي مع الرعد
كنت بخاف منو خوف الموت
مع اني عارفة انو ما اكتر من صوت عالي
بس تقول شنو
لغاية ملقيت الخوف منو مشي لي بنوتي
وبقيت اعمل بطل وعاااادي ما حاجة بتخوف
لحدي مالخوف طار مننا الاتنين
الممتع كان ما الاحساس بعدم الخوف
الاحساس بي خليت الخوف عشان منو
سلمت يا اخي سلس الحكي

سمورية

نهارك سعيد

عارفة أجمل شئ أن تنتصر على ذاتك والأجمل من كده أن يكون الدافع ليس ذاتياً بل أنه .. عشان خاطر العصافير الجميلة دي .. !!

بيني وبينك أخوك برضو بلاوز من الرعد .. !!!:D:D

متعك الله ومن معك بالعافية وأزال المخاوف .. !

تحياتي

:D:D:D
طارق حقيقي محروم من نعمه السباحه
بس الحمد لله الله شافك
واتفكت العقده
ياخ حكيت لمن كيفتني
بس انا السباحه دي عشقي بقطع العطبراوي وبرجع بكون في قمة سعادتي
حتى حمامات السباحه ما بتكيفني
والعجب المالح فيه لذه غريبه
بس لو عمت من غير بطه حاول جرب انواع البحار
انا جربت الاحمر والنيل والهادي
المنافسين وين يجوا يعملوا احصائيات

اخ طارق...

بو ست جميل و حكاايه ممتعه جدا..

فاضل ليك الغوص يا حبيب...و لو جربت بحر المالح
تانى تقول يا ريت لو كنت سمكه...;)

شكرا ليك..

اقتباس:

المشاركة الأصلية كتبت بواسطة جانيت (المشاركة 206896)

جانيت

نهارك فرح

مرحب بيك بين الأمواج ..

والله خطيرة لو بتقطعي (اللتبراوي ) ... !!:)

مودتي

اقتباس:

المشاركة الأصلية كتبت بواسطة طارق صديق كانديك (المشاركة 207564)

جانيت

نهارك فرح

مرحب بيك بين الأمواج ..

والله خطيرة لو بتقطعي (اللتبراوي ) ... !!:)

مودتي

بتك يا العطبراويlooool

اقتباس:

المشاركة الأصلية كتبت بواسطة wadosman (المشاركة 206943)

ود عثمان يا صديقي الجميل

الغوص ده ماااا عصرتا بيهو علينا شوية ... ؟ لسه أخوك بقول ياهادي .. !!

أما أمنياتي في الاستسماك فدي قبل الغوص حاصلة .. !!looool

مودتي

اقتباس:

المشاركة الأصلية كتبت بواسطة جانيت (المشاركة 207568)

بتك يا العطبراويlooool

مرحب ب ( العطبراوي ) ... وبتو .. !!:)

والتحية للفنان حسن خليفة العطبراوي .. !!