تحياتي اخي
قد سمعت كثيرا عن هذه الرواية لكني لم اسعد بقرأتها وما يحير العقل هو هذا التكميم والتعتيم والمنع والى متى؟ اليس من حق الكاتب ان تصل فكرته الى الناس وهل مازال الادب جريمة ؟ هي أسئلة تلسعنا في الاعماق ولا نجد لها اجابة |
فقط البس الحروف ثوب حياءها
الاخ الكاتب ساكن
الجنقو مسامير الارض روايه جميله جدا تفننت في ابراز جوانب شخوصها وكانت تحمل مع اجيج الحرف جذءا من اسرار البوح الممنوع في ظل موروثاتنا وتقاليدنا ومجتمعنا المحافظ فما تكتبه ياصديقي ليس ملكك بل ملكته بشعلة ابداعك لمعجبيك فرجائي ان تبدل التعريف المنبوذ لسلوكيات بعض من شخوص روايتك كي تخرج للمجتمع معافه من الشذوذ المعرفي فانت لا تكتب لشلة من اصدقاءك تسامرهم بلغة خاصة بل تكتب لمجتمع ينفر من كل ماهو شاذ في مضمونه فانت تملك الكثير الجميل من الابداع فقط البس الحروف ثوب حياءها ولك اعجابي وجيدة |
الرواية فيها من الابداع ماقل ان يوجد في غيرها
تصاوير وانتقال حركي بالاحداث يحير العقل وملكة مخزون تراثي كبير في قالب شعبي مبهج وواقعي حد الدهشة مامنطقي ننظر لأي قرار أو قانون بعين المعارضة للحكومة وبدون تفكير بعض العبارات والنعوت تحتاج لتهذيب ومراجعة كي يستوعبها ماعون آدابنا العامة لانو مافي واحد فيكم بيرضى إبنته المراهقة او ولدو يقرأ بعض الألفاظ الواردة فيها خلونا نكون منطقيين تحية كبيرة للأخت وجيدة على الرأي السديد والتحليل الواقعي اقول قولي هذا واستغفر الله لي ............ |
كتبت المداخلــة دهـ فى بوسـت محمد عبد الرحمن ..( لكنه لا يمكن الوصول اليـه )
قمــت بانزال الروايــة .. وقراءة منها فى ليلة ( 85 ) صفحــة ... لــدى المـام ومعايشـــة للشخوص الافتراضيــة فى الروايــة فــهــى مكررة فـى مجتمعات القضارف .. النيل الازرق ... المفردات / البيئــة / النماذج الحياتيــة / الاعراف / القيــم المجتمعيــة / الاساطير / التديــن / الحــرف / القوى العاملـة وسوق العمل / العلاقات بين المنتجين / المكونات الاثنيـة /حتــى اسماء الخمــور .. ( السجــن ) ليــس ســوى رفـض لادوات مجتمعيــة للحفاظ على ما توافق عليه المجتمع مــن قيــم وموروثــات .. ......... الـدعــوة منــى ليكـم فــى طلــب استعراض الروايــة ومكوناتها والمثال القيمــى والسلوكــى الذى تعمل على ايصالــه للقارئ ... __________ توجــد إشــارة باهتــة جــدا الــى ( المدرســة الشيوعيــة الصينيــة فــى منهــج التغييــر ) |
الشكر لجميع الذين قرأوا أو كتبوا او فعلوا الإثنين معا
التحية للذين جعلوا هذا المكان منتدى للقول و الراي هنا مع احترامي لكل الآراء اريد ان اقول شيئا مهما، وهو ان الألفاظ و التعابير وطرق الحياة المذكورة في هذه الرواية ليست خلقتي وبعض شللي، انها صنيعة هذا الشعب السوداني ، واعتقد اني لا استطيع ان البسها ثوب الحشمة أو ادور حول الشيء، لأنني لا استطيع ان ارى الواقع إلا بعينه و انفه و حسه ذاته، وهنالك كتاب يقومون بالمهمة الأخرى، اي اختيار ما يرونه جميلا و معقولا و محتشما و نظيفا و اخلاقيا، وهم كثر ويستطيع الناس ان يكتفوا بهم، اما المنهج الذي اتخذته لنفسي هو انني لا اخلط الحبر بالفضيلة، وعندما اكتب، اكتب الشيء ذاته، ولا اتذكر ماذا يظن اطفالي في، بناتي، اصدقائي المحتشمون، زوجتي، بنات و اولاد حلتنا، البوليس، رجل الأمن، المصنفات ، الدين، الكجور، الحكومة او غيرها، تلك هي سبيلي، واحترم فقط اخلاق النص،واحترامي لبنية الشخصية الفنية، واحترامي لما اعتقد في تلك اللحظة، وارجو الا افهم خطا، فالكتابة عندي، كائن له عالمه الفني، وليست له اخلاق او قيم خارجه. اما من جهة أخرى ، اليس من حق اي شخص ان يكتب و يقول و يظن و ينشر ما يعبر عن فكره و رايه، الا يكفل الدستور ذلك؟ الا يكفله الميثاق العالمي لحقوق الإنسان؟ وهنالك شيء ارجو الا يغفله الناس لم لم تصادر الحكومة روايات فلان وهو كتب بحرية و بفن ووصف وحكى؟ لم لم تصادر كتابا مشهورا به كل تلك الألفاظ التي يرون انها نابية، ويعرفه الجميع و يوجد في كل بيت؟ اهي نظرية الحيطة القصيرة؟ |
اقتباس:
والابداع تيمان عديل كدي او قول قلب ورئة البقيف فيهم بكتل اخوه عليكم اللعنة يا هولاء القوم وانتم تقتلون الابداع وده الفوق ده للاتفاق لك الله بركة لك الله وللوطن |
اقتباس:
الاخ عبد العزيز ... لقد قمت بتصوير الواقــع كمـا هــو ... الا تعتقد ان دور الكاتب ( القاص ) اكثر من ذلك ؟ ما هو مافى زول فى الدنيا دى ما عندو ( مثال ) عايز الناس / المجتمعات / القيم تصل ليهو انت المثال العايز الناس يصلو ليهو شنو فى الرواية دا ؟ فهم الناس الخاطـئ كما تقول الا يقود الى ( رفض للناس لبعض قيم ومفردات النص ) ؟ القلم والفضيلــة ( الكاتب والالتزام الفكرى ) حلقة نقاش ... ___________ نظرية الحيطة القصيرة جديرة بإظهارهــا الى القراء ( للفهم / التعاطف معها ) .. |
اقتباس:
ده من ناحية ومن ناحية تانية أنا ما عارف منو القال بإنو للكاتب دور في تغليف الأشياء وتنقيتها من شوائبها ( أخلاقياً) ؟؟ ومنو البيحدد ماهية الأخلاق في الأصل ؟؟ ده أمر شااااااائك جداً وبعدين شابكننا أنا ما برضي لبناتي وأولادي إنهم يدخلوا ويقروا قِلّة أدبكم دي هنا يا كُتاب وشنو شنو .... إلخ وكأنوا قِلّة الأدب دي جابوها الكُتَاب ديل من وحي خيالهم :D :D عبد العزيز بركه ساكن قالها فوق واااااااضحه وأنا بوافقه في كل كلامه الفوق داك : واحترم فقط اخلاق النص،واحترامي لبنية الشخصية الفنية، واحترامي لما اعتقد في تلك اللحظة،فالكتابة عندي، كائن له عالمه الفني، وليست له اخلاق او قيم خارجه. إذا كنت يا أخي بدر الدين بتقِر بمعرفتك بما جاء في رواية الجنقو مسامير الأرض لعبد العزيز بركه ساكن وإنك مُلِم بِكُلِ ما جاء فيها .. طيب ما ياهو الواقع الصورو عبد العزيز بركه :cool: :cool: ولا لأ ما يصوره حسب وجهة نظره .. وعاوزين منو بإنو لااااااازم لااااااازم كِدَه يصور الواقع من وجهة نظرنا نحن ؟؟ طيب ما نكتب نحن !!! :D :D [/align] [align=right]ولا شنو ؟؟ [/align] |
لله درك يا ساكن
فرغت من قراءتها بالامس فقط لقد ارحتني بها هناك بعض القول لا يستقيم الا اذا قيل كما هو بدون رتوش او تجميل او قليل احتشام لو كتبت تلك الروايه باي حروف اخرى لما حكت الواقع هذه الكلمات قد لا نستخدمها ولكنا نعرفها و قد نسمعها في اي مكان ما الجديد في ادراجها في الروايه هل نطمئن ان ابنآنا وبناتنا لا يسمعون ابشع من ذلك في الجامعات الاسواق الهواتف الايميلات او حين الاختلاء بانفسهم كما قال ناصر فلنكتب نحن اذا |
اقتباس:
عندى ( الفــه ) ( الفـا ) فى سودانيزاونلاين .. فرض عليه اكتبها هكذا ( كدى ) ( كدا ) ... ________________________________________ انت يا استاذ تبنيـت ليك مداخلة كاملــة ... فيها الكثير والمثير ... بهدوء تعال شرح بنيــة المداخلة الفوق وابسط لينا فيها ومنها : الكاتب والالتزام ( الفكرى ) تصوير الواقع بالنص . اعتذار الكاتب عن عدم انتمائه اللفظى والقيمى لشخوص الرواية . وهل يفهم من ذلك رفض الكاتب للواقع المنقول ( ؟ ) بالاحمر رؤوس مواضيع قابلة للاخذ والرد .. ما تحتــه سطر ما عارف كيف يمكنك ان ترد بالنيابة عن الكاتب .. |
اقتباس:
يا أخوي كيفنك ونعلك عافية شوف يا أخوي أنا لا زول فلسفة وفكر وإنتماء وتفكيك بنية النص ومدلولاتها وشنو شنو داك ولاني زولاً بفهم في النقد والتحليل .. أنا بس ضِد مفهوم قهر القلم بحجة خروجه عن المألوف وبس .. ولمتين بيكون المألوف جاسم علي صدورنا وبيحكمنا كلنا ؟؟ وكيف بيتم التغيير في المجتمعات ؟؟ وهل ناس اليوم هم نفسهم ناس السبعينات ؟؟ وناس السبعينات ذاااااتهم هل هم نفسهم ناس سنة 100 ميلادية ولا 1010 للميلاد ؟؟ ولا حصل تطور وتغيير ؟؟؟ أنا إعترضت علي بعض حديثك وحديث بعض آخر من الأقلام الإتداخلت هنا وتاني بكررها وبقولها بالوااااااااااضح المو فاضح داك ... أنا ما ناااقد ولا صاحب فِكر معين ولا بتاع فلسفه وبنيوية وشنو شنو داك ... أنا زول الله وضد تكميم الأفواه وتحجيم الأقلام بدعوي خروجها من المِلّة ( وعليك الله هو ظااااااتو ياتو مِلّة دي البنتكلم عنها ؟؟ ) وبياتو كيفية ؟؟؟؟ أحيييييييييييييييي يا وجع قلبي [/align] |
اقتباس:
1/ يمنع منعاً باتاً انتحال شخصيات الآخرين - بالذات الموجوعيين - الـ هنا 2/ ممنوع الوحوحة والجرسة والحاجات الزي دي عشان الضرس بتاور .. أو كما قال 3/ ناصر يوسف براحة ياخ مايطق ليك عرق من الباقيات 4/ ناصر يوسف ازييك وعساك فاين وتبرى من وجع القلب 5/ عذراً لصاحب البوست عن الفتلة دي اقول قولي هذا واستغفر الله لي ............ |
اقتباس:
[align=right]وهو فضل فيهِن باقي عِرِق يا زول ؟؟ أقصد يا زول الله ؟؟؟ :D :D :D[/align] [align=right]الله يعنِي ويعينك ويعين الوطن ومواطنيِ الأفاضِلُ الأماجدُ الأكارِم [/align] |
اقتباس:
:D:D:D:D:D:D:D:D:D |
اقتباس:
تحياتي وسلامي إليك زول الله ده قاصدني أنا بكلامو الفوق داك إنتَ مالك هسي الزول ده هبشك ؟؟ هبشك الما ضَرّاك يا أخوي [/align] |
| الساعة الآن 09:38 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.