للاسف لم استطيع ان استمع للصوت
ما عارف الحاصل شنو لكن لم اجد الايقونة التى تجعلنى استمع للصوت ارجو من الاخوة فى الادارة حل الاشكال مع خالص حبى وامتنانى للجميع واخص الاخ مبر بالشكر الجزيل |
مبر يا جميل ...
انت عارف الحته البتاخدنى ليها الصوفية امدح بصوت حب في حب الحبيب وانا زي مى لو حضرت كانت حضرتنى زغرودة وجد في صوت نديان بالحب للمكرم محمد صلي الله عيه وسلم |
اقتباس:
ومواهبك ربانية يصونك ويحفظك ربي من كل شر |
صل الله وسلم عليك يا سيدي يارسول الله ،، وسلم تسليما كثيراً .. !!!
|
هسة بالبمدح ده مبر :eek::eek:
ياخ والله صورتك الخاتيها فى بالى ساطت سواطة .. الواحد برسم صورة بمزاجه من وحى الكتابة .. لكن كده لخبتنى مرة واحدة جميل والله جميل .. |
تحياتي لكل الرائعين أعلاه
غايتو البوست دا فكرت أشرد منو فد مره .. ياخي كلامكم نبيل و في نفس الوقت مُرهِق النت عندي بطئ جداً سأعود لكم فرداً فرداً أول ما تتحسن الشبكة |
اقتباس:
تحياتي البتشبهك, لا أفزعكِ الله أبداً, كوني دائماً بخير |
اقتباس:
عبد الجليل .. سلام ومحبة يا صاحب هذا التدوين الذي أقترفته يدآك شاهق الجمال والمتعة نسخَت به في داخلي مدينة روعة كاملة، بشوارعها، وأحيائها، وسكانها البسطاء الطيبون إنهم جميعاً الأن في داخلي، وأكاد أسمع صوت "فتاتكم" يصدح متسائلاً : متين يا مولاي ؟ نعم ! حتماً سنصعد يا صديقي فقريباً سيلفظ البحر الزبد، وقريباً سيكتشف الجميع أن قميصنا قد قُد من "دبر" |
اقتباس:
يا زولة حواشة أدب وتُرعة لطافة الحرف منك، يملأ الزول لآمن يدفق .. أيه الطعامة دي !؟ يا ستي وجودك بالقرب منا محفز جيد لنتحسس إنسانيتنا |
اقتباس:
والله يا سمراء أنا ذاتي زيك كدا، للأن مندهش طبعاً ما من صوتي، لكن من مديحي ! المديح في رائي هو منظومة مُتكاملة لأدوات وقيم لا تنفصل عن بعضها البعض للأسف الشديد فأنا لا أملك من هذه القيم والأدوات غير الصوت المعقول وبعض معرفة بالرواية يعني يا سمراء لا عندي أدب ليهو لا عندي محبة سلفيني محبتك وطيبتك دي وشوفني أسوي بيهن شنو بس .. |
اقتباس:
تحياتي البتشبهك وتمنياتي الطيبات, كن أبداً بخير |
اقتباس:
مودتي ومحبتي الما بتعرفيها كلو كلو محبة ومودة من النوع أبو كديسة ثم قال : ربنا يزيدك هُيام في حبو |
اقتباس:
أرآك حمّلتني ما لا طاقة لي به، وأصبغت علي ما لا أستطيع أن أتلونه طاقتك الفصلتها لي دي، قَدُر ما باصرتها في دقنوسي دا القاها كبيرة، ياخ دي طاقية وأسعة بالحيل ! طبعاً شهادتك التخصصية عندي محل ثقة بالتاكيد، ولكن يبقى موقفي من هذا الأمر مثلما قلت لسمراء. فالمديح عندي يتطلب إلتزام وأدب وأخلاق محددة وإلا تحول لسلعة و(عداد) ليس الا، وهذا ما لا يليق به أبداً. ولا أخفيك إن علاقتي بالمديح جمالية أكثر من أنها دينية، مجرد فتنة بالحكايات والأحاديث القديمة المعتقة ليس الا، ففي إعتقادي الشخصي إن أجمل المنظومات (من نظم ينظم نظماً) السودانية هي المديح، وهو عندي يتفوق جمالياً وبلاغياً حتى علي اشعار الحقيبة والدوبيت _ لدي كُتيب قيد التدوين هو عبارة عن رصد ومعالجات نقدية في هذا الشأن، وعد مني أن تكون أنت أول من يطلع عليه لو قدر لي الفراغ منه عموماً وبصورة شخصية كدا وليك انت بالذات أنا علي إستعداد إن قُدر لنا أن نتقابل أن أمدح لكَ لآمن تقول كفى، وحتى إن لم نتقابل فأنا علي إستعداد أن أقوم بتسجيل بعض الأمداح صوتياً وإرسالها لك عبد العزيز خطاب .. ياخ السلام عليكم ورحمة الله تعالي وبركاته |
اقتباس:
في رائي يتوكل علي الله ويقول: مي هاشم، يا زولة يا مى هاشم يا مي ياخ إنتي في محلك وأنا في محلي وبرضو وصلتيني ! قالت سكة قالت ! |
سلام يا مُبر،
ويا سلام عليك . . أدهشتني المدحة والصوت الطالع من جوه الجوه. وأدهشني أكثر، مناسبتها التي تشي بالتجلّي في ذات اللحظة والصفاء الروحي المتل شُخب اللبن الخاتي السبيبي. دي ما كانت جلسة . . كانت حضرة كاملة الأركان و محضورة، أدعو الله أن تتكرّر مرّات ومرّات. |
| الساعة الآن 04:35 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.