اقتباس:
بداية مشجعة goood اهو لحنا بنحاول نصحي الناس دي من النوم التقيـــــــــــــــــــــــــــــل تسلمي |
اقتباس:
سلام لا ظلم ولا اجحاف كلامي دة فيه صراحة ولانو الشعب ما متعود على الصراحة دي كلامي دة مااااااااا بتهضم ل بالساهل مع كل الاحترام |
اقتباس:
ما كيتاً فيني ,, في غير بتاع الجامبو دة كتير , بتاعين امجاد , وحافلات وركشات كمان معلقين صورة البشير بالبدلة العسكرية ومكتوب فيها (رمز السيادة الوطنية) عشان كدة قلنا الشعب واقف ضد الجنائية مع انو السواقين ديل بما فيهم بتاع الجامبو بقطعوا كل يوم ايصال عشان يقدروا يشتغلوا لكن بعد دة مبسوطين من البشير |
اقتباس:
تعرف ياوليد اسلوب طرحك للموضوع ضيع المعني الحقيقي للموضوع..كلامك كلو صح من ناحية التحليل لكن ما كان فيي داعي انك تسيئ للشعب السوداني وكنت ممكن ببساطة تقول تحليلك بحساب النواقص وتخلي الناس براهم يصلو للنتيجة بدون ما تكب اساءاتك ..تعرف ياوليد أنا حأضرب ليك مثل قبيح جدا عشان تفهمني بنفس طريقتك في الطرح..الليلة لو في واحد أمو عاهرة عديييل وهو عارف انها عاهرة لو جيت انت قلت ليهو يا ابن الشر...... ممكن يكتلك بي سبب الكلمة دي مع انك ما قلت غير الحقيقة...فهمتني ياوليد:confused::confused: |
نسيت أقول ليك لما كنا طلبة في براتسلافا أخونا أمير عبدالله خليل حكي لينا انو في مرة كانت في مظاهرة قدام بيتم عاملا الحزب الشيوعي وكانو بيوزعوا منشورات فيها عبارات عن أبوهو زي الخائن والعميل ألخ... أمير شال منشور وداهو لي أبوهو وعمنا عبدالله خليل لما قرا المنشور قال لي أمير..تعرف يا ابني الكلام المنشور دا كلو حقيقة وصح لكن ما كان في داعي للعميل والخائن والشتايم دي..شفت كيف ياوليد.:D:D
|
اقتباس:
سلام يا بلة المشكلة انو الناس بتنظر للمحاسن لمن نسو انو في مساوئ وكمان كتيرة لحنا لو فضلنا نشكر في نفسنا ونوصف السودانيين بالشعب البطل الفضل الأبي ما حنقدر نحل المشكلة فالشعب اذا كان بطل وفضل ما كان رضى ب 21 سنة من الذل تسلم على المداخلة الجميلة |
اقتباس:
سلام يا اروي انا بقدم في اليقدم فيهو دة بكشف السلبيات والمساوئ الدايماً الشعب داسيها وما عايز يعترف بيها |
الاخ وليد سلام
قلت انك بتقدم فى البتقدم فيهو دا يعنى بتكشف السلبيات وداير حسب وجهة نظرك تورينا عيوبنا كشعب سودانى بدس راسو فى الرمال.ياخ وكت انحنا كشعب سودانى بى سجم رمادنا دا طلع مننا واحد زيك بيعرف يطلع عيوبنا بمعنى اخر بيفهم اكتر من بطانته معناها بجى مننا الخير ويمكن حواء تكون انطست فى نظرها وولدت زيك كم واحد مش برضو جائزlooool يعنى هل شعب انجب زول يوريه الصاح من الغلط بيستحق المفردات الانت استعملتها؟؟ دا سؤال غير ملزم بالاجابة |
اقتباس:
كلامك فيهو تعميم مخل وجلد للذات ربما هو ناتج عن نوع حب قاسي لمواطنيك وامنيتك أن يكونوا خيرا مما هم عليه الآن -أنا هنا أفترض حسن النية لك لأننا لو كنا كما وصفتنا لما تشرفت أنت بأن تكون سودانيا يكتب في "سودانيات" ياوليد : لو أطاح الشعب بعد شهر بالحكومة , هل يكون في نظرك قد شفي تماما من كل ماوصفته به ? |
اقتباس:
لانو المنتمين للمؤتمر الوطني فاسدين ومصلحجية (وهم كثر) قلنا انو الشعب لصوص وانو السوداني عشان شوية ملاليم مستعد يبيع ذمتو حاولت ارد على الانا وانت ما متفقين فيهو والباقي ما قدرت ارد عليه لانو كلام سليم بس كل واحد بشوف الحاصل من منظور مختلف وانت اذا كنت متفائل فانا في اقصى درجات التشاؤم شكرا عبد المنعم سعيد جداً بمداخلتك |
الاساتذ فتحي
شكراً على المرور الاستاذ بدر الطائف انا ما بحرض على ثورة لانو اصلا فاقد الامل في انو دة يحصل شكراً الاستاذ رافت تشكر كتير |
اقتباس:
الاستاذ فتحي سلام الالفاظ جارحة لكن البسوي فيهو الشعب دة بنرفز بالجد وبخلي الواحد يكتب كلام زي دة شكراً تاني لاني شكرتك في المرة الاولى واللي نزلت بعد مشاركتك دي الظاهر انك سريــــــــــــــــــــــــــع:D |
اقتباس:
طبعاً انا عااااارف انك مبيتة المنية وكدة :eek: طبعاً حوا ولدت زيي كتار عارفين العيوب بس ساكتين وما بقولوها حتى لي نفسهم شكراً على المداخلات الغاضبة جداً |
اقتباس:
التعميم المخل دة هو ردة الفعل علي التعميم بتاع انو الشعب واعي وبطل وفضل واللي هو مخل برضو لكن الناس من كترت ما سمعوهو واتعودوا عليه صدقوهو الناس ما تفهم انو انا ناكر لي سودانيتي بل بالعكس هي شرف بس النقد لي الشعب العايزنو يشرفنا تسلم كتير |
اقتباس:
الناس ياوليد لا يقرئون ما بباطن النفوس بل يحكمون بما يرونه من ظواهر الأمور من خلال تحليل كتابات البعض لذا علينا أن نكون حذرين في ما نكتب وهذا واضح في تصنيفاتنا للأعضاء فلم يلتحق بعضوية المنتدي فرد كتب في بروفايلو كوز أو مؤتمر وطني ولكن من خلال ما يكتب نستطيع أن نحدد اتجاهه فيتم تصنيفه واضافته لجهة معينة وغالبا ما يكون هذا التصنيف دقيقا الا في حالات قليلة شاذة وهذا شيئ نجده في عدة منتديات والأمثلة كثيرة وان اختلفنا في تحليلنا لما نراه.. وضف الي ذلك حماقة السودانيين التي تساهم بشكل كبير في تحديد مسار العضو فنجد مثلا عضو يكتب كلاما يفهمه البعض انه تطبيل أو دفاع عن جهة نتفق علي انها فئة مارقة فنقوم بالهجوم العنيف علي هذا العضو بسبب ما كتبه ونكون بذلك قد دفعناه دفعا للانتماء الي فئة هو ليس منها.. |
| الساعة الآن 11:40 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.