اقتباس:
أي فكر لا ينعكس بصورة موجبة وخلاقة ومفيدة علي مقتنعه فهو خواء. |
اقتباس:
عموما كلامك والله مرتب ومقنع ....بس !!! بالجد لخبطتنى .. |
اقتباس:
عن تجربة شخصية ... انا انضميت للجبه الديمقراطية ... تحالف (الطلاب الديمقراطيين مع الشيوعيين).. وكانت فترة انضمامي لهم منذ اول اسبوع دراسي لي في الجامعة ... واستمريت معهم 6 اشهر ... كانت كفيلة بأن تجعلني اقرر ابتعد عن هذا الكيان ... بغير رجعة ... الكلام دا كان منذ 15 سنة ... ووحاتك من اليوم داك انا تاني ما فكرت في موضوع الرجوع نهائي... |
اقتباس:
انت الحولت خلافك مع افراد لي هجوم علي حزب كامل وعلي كل عضويتو وريني ماخذك شنو علي الحزب غير غبينتك الشخصية وانو فرع الحزب الفي اخر الدنيا فصلك بتلفون ل وباقي القصة خلاص تاريخ الحزب كلو بقي معلق في نقطة دي بعدين ليه ماخدا شخصي شوف توجه البوست دا والكلام عن الحاد الشيوعيين والاسطوانة اياها تصور لو اعتذار لي نفسي ابدا ماكان تعبتا وطالبت بيه وماحصل طلبت من زول يعتذر لي اعتذر للتاريخ ياخالد للماتو والحيين للشهدا لعلي فضل شخصيا لازمك اعتذار كان شيوعي وبتشهد كل بيوت الديم علي اخلاقو وانسانيتو واستقامتو اقتباس:
ومحترمنو وعلي راسنا م فوق بس ابدا مابديك الحق تلغي نضال ناس لسة ماسكه الجمر ويوماتي بتناضل وبتعافر في وحل واقع السياسة السوداني وضد المؤتمر الماوطني مابنفع انك توصمم بي ناس القعدات مابنفع ياخالد |
اقتباس:
بتعرفي تطاعني كمان :D يوم تركت الحزب يا آمال "مطرودا" قلت لك في رسالة وضعتي بعضها هنا "أنا لا أبصق علي تأريخي" . وتركت الحديث في هذا الموضوع واعتبرته تاريخ ومضي بخيره وشره . هل تركوني هنا ؟ هذا هو السؤال يا آمال .. لكنك لست مهمومة به .. علي الاطلاق... أنت لا تبحثين هنا عن حقيقة يا خيّ !!؟؟ أبصق أنا علي كل مدعي النضال وعلي كل مشاي بنميمة وعلي تاريخي في هذا الحزب النتن . |
[align=center] * حزب أبي وأُمي
ألا حُيِّيت حزبَ أبي وأُمي وجَدّي والحفيد ونسغ ذاتي وياقبسَ الضميرِ الحيّ كن لي شموعا في دروبي الموحشاتِ لمولدك الشذيّّ صنعتُ مهدا من النخل الحسينيّ الفراتي اذا سفكوا جنانك خذ شفاهي لتقبيل الجروح النازفاتِ وخذ دمعي كؤوسا للعطاشى وخذ خدي دثارا للحفاةِ وخذ دمعي وأَنى متُّ حبا فخذ كفني رداءً للعراةِ وخذ عُنُقي اذا الشنّاق نادى وان لاقيتَ حتفك خذ حياتي عدوّك بالليالي السود ماضٍ ووجهك بالشموس الشقر آتِ * قالوا شيوعيون قالوا شيوعيون قلتُ أحبتي فالبدر في زمن الظلام شيوعي قالوا جياعٌ قلتُ أذبح مهرتي بطريقهم وأُقيتهم من جوعي قالوا عطاشى قلتُ أسكبُ مهجتي بكؤوسهم أسقيهمُ بدموعي قالوا عراةٌ قلتُ أجعل جثتي ثوبا لهم وألفُهُمْ بضلوعي خلدون جاويد [/align] |
خالد وامال ....... فى مديده باردة ....نسخنه ليكم ;):D |
كنت في يوم من الأيام شيوعي ، وكنت لمن أزهج بكون شيوعي زهجان وبالمناسبة عندي واحد صاحبي كان خميري حمر برضو لمن يزهج بيكون خميري حمر زهجان صاحبي ده ما بعرف إذا كان نادم على الفترة القضاها مع الخمير الحمر وللا لأ لكن إذا وجهة البوست ماشه في طريق هل الواحد بيندم على قناعات إتبناها في فترة من الفترات ؟ فإجابتي ليك عن تجربة شخصية يا عبد العزيز: لأ.. وعلى الإطلاق ما تاروتني ذرة ندم على قناعات إخترتها بمحض إرادتي ومشيت في طريقها بل بسببها أفنيت فترة لا بأس بيها في السجون والمعتقلات والكوماج.. ما ندمان يا بنج.. بل ومستعد لإنك تحاورني في أي محور يجي في راسك.. بس بنقاط واضحة لو تكرمت لأنو لحدي هسه ما قدرت إلتقط وجهه محدده للبوست ده أبقى طيب إنت والمتداخلين. |
الاعزاء خالد و آمال :
ارجو ان لا يعميكم الغضب و ردة الافعال، و ينسيناكم حق زمالة و ود و محبة "سودانيات" التي تجمعكم، فتحاوروا بهدؤ و اقناع رأي و رأي آخر، و اذا كان هذا النقاش لا يقود لاتفاق و يزيد الشقة بينكم، فلا داعي له، فابحثوا ما يجمعكم و يوحدكم .. تحياتي .. |
اقتباس:
ليه دائما الشيوعى لمن يتزنق ....بيقول عبارتك دى !!! تتزكر بوستينى الفتحتو داك ....كلهم جونى قالو لى كده!! الكلام ده واااااضح ياخ ماتشتتو الكور ....وخلونى نقدر نفهم حاجه looool |
اقتباس:
كما بقي بتل البتسوي فيهو وصدقت فعلا برجع ليك:p ياخ انا مرة قريت لي شوقي انو والدتك الغالية كانت توزع المنشورات في سوق السجانة عشان كدة جبت ليك قصيدة خلدون جاويد;):) اما دي اقتباس:
وزي مافي ناس ازوك في ناس وقفو معاك وادانو الحصل فلا يجرمنكم شنان قوم علي ان لا تعدلو -حالة سامقية-:D فرز الكيمان ياخ واعتذارك صلحو ورجعو علي ان يشمل الوالدة الكريمة وكل من يهمهم الامر هسي الجيلي دا زنبو شنو :p:D |
اقتباس:
من زمان دايرة لي فيك لمة:D هسي في زمتك كلام خالد دا المرتب فيه شنو صدقيني حرنة شايقية ساي:D:p فخلي قناعاتك في محلا وماتتجهجي مديدتك مابناباها في الصقط دا:D فيصل يارئيس شفتنا اتفالقنا هنا واتطالعنا الخلا:mad: اهو بنتحاور ونتحاور بدون اي فاولات او صفارة حكم |
اقتباس:
الشيوعي لمن يزهج يبقى شنو العوده للصوفيه هل الموضوع ضياع زمن وللا حاجه تانيه هل بندم على إنتمائي الحزبي.. أشوت ياتو كوره في ديل ؟ بعدين : اقتباس:
مافي زول حيقبضوهو بالثابته هنا ، عندك قناعات دافع عنها ، في زول أقنعك بعكس كده.. مرحب بيهو.. أقنعتو بعكس قناعتو برضو مرحب .. الرهان على الكلمة يابت عمك. |
تم حزف المداخلة احتجاجا
|
اقتباس:
ياخ انت اللزيزة ...بس عليك الله خفى شوية من على الخال ده انا مابرضى فيهو ياخ ده بقى ولى امرى looool |
اقتباس:
وده حال الشيوعى بتاع البتلفون .. :Dgoood:D |
اقتباس:
شاعر الشعب محجوب شريف وكجبار الدم شلال ..... السد ارواح الموج اترنح في الحلال اتراح اتراح شهداء حياتم يا لله تلال .. وظلال ومعيشة حلال..... وضمير مرتاح تاح... تاح .... تاح.... تاح بينم وبين الحبة محبة وبينم وبين الضفة صراح جنا يا حليلو سبيط اتدلي... مرصص راح كم الورد صباهو .. عيونو لسع فيهن باقي مزاح اسال عنو حفيف العشب لم يكسر في عمرو جناح غني معاهو القمري زمانك حسع راح بابا جاب الهم والذم والسد ينسد وحسع ينزاح بابا جاب الهم والذم والسد ينسد يوما ينزاح نحن كذلك برضو كفاية .... كفاية كفاية كفاية جراح اي زيادة حنبقي نفاية ويبقي الطمي في العين سفاية وكل وطنا بيوت اشباح اهي دارفور الصمت رماها جياع وحفايا وآ اسفايا وآ اسفايا كاني بايدي طعنت قفايا كفاية كفاية كفاية كفاية حريق وصياح ويا ادروب سامحنا سكتنا عرق اتصبب .. ودمك ساح سلك.. وزلك..راحل ضلك..منهك كلك ليل وصباح ويوم فتحتو وراكم.. تاح ترراح... تاح ترراح السودان الوطن الواحد شبرا شبرا بقي نتاح يا اشعار العار العار اذا ما الحنضل بقي تفاح وتم تررم.... مع تاح ترراح كم سفاح ارتاح واتقدل.... والكاتلنا انحنا سماح اعتي دروع وجذوع تتهاوي.. وشتلة تقاوم اعتي رياح اهم ديل الادبم الحزب واحسن تاديبم |
[web]http://www.midan.net/nm/private/news/aliawad27_10_07.htm[/web]
|
اقتباس:
مقداد خالد مدخل: معلق على مشانق الصباح وجبهتي بالموت محنية لأنني لم أحنها حية أمل دنقل (1) يوم الجمعة الثامن من ديسمبر العام 1961م تخير محمد عبد الرحمن شيبون الأستاذ بمدرسة الأمل برفاعة أن يضع السطر الأخير لسنوات عمره لتتوقف عند سن الثلاثين، بإختياره التدلي من عود مشنقة نصبها لنفسه بمدينة الحصاحيصا، عوضاً عن تحمل نتائج الحملة المنظمة التي تشكك في وطنيته وإنتمائه للحزب وقادها بعض رفاقه الشيوعيين الذين لطالما علمهم الرماية بحسب آخر رسالة خطها يراعه. ومنذ ذلك التاريخ والى يومنا هذا لا تزال تهمة التوقيع على دفتي كتاب حياة شيبون ملتصقة بالحزب الشيوعي أو بالأحرى سياساته، وما أدل على ذلك من الحبر الكثيف الذي عمد الى تعليق التهمة على مشجب الحزب، لمرتين، مرة بتهمة القتل المعنوي، والثانية بإغلاق الطرق أمام شيبون في مقابل تعبيد طريق وحيد أمامه ومؤداه الموت. (2) إغتيال الشخصية، يصنف على أنه أبرز الأسلحة فتكاً في تصفية الخصوم، خاصة وإن تعلق الأمر بالسياسة، في وجهها القذر، والسبب في ذلك نتائجه الوخيمة التي ربما أدت في أعلى سقوفها للإكتئاب الحاد المفضي الى الجنون أو الإنتحار. وبحسب التعريفات العلمية فإن إغتيال الشخصية سياسياً مصطلح يتم للتعبير عن الحملات المنظمة والممنهجة، التي تهدف لتشويه سمعة شخص معين بإستخدام عدد من الأساليب، في مقدمتها الشائعات، وإبراز (السقطات والزلات) ، ورمي حجارة الإتهام في البركة الساكنة، وكل ذلك بغية نسف الضحية معنويا،- أو حتى لمجرد إرهابه وتوجيهه في قضبان طريق محدد. وتحتاج عملية الإغتيال الناجحة الى عدة عوامل مساعدة، منها توافر شروط محددة في الضحية، منها الرمزية السياسية، وقابلية الخضوع للإغتيال، فضلاً عن توافر البيئة المجتمعية المناسبة التي لا تستنكر الفعل وتعمل على سياقته ضمن الأطر الطبيعية. ولأن السياسة السودانية نهلت من عدة مشارب فكرية، لم تكتف في ذلك الورد بالثمين فقط، إذ إستصحبت معها الغث كذلك، ولذا راجت فكرة إغتيال الشخصيات سياسياً منذ وقت مبكر وارتبط استخدام ذلك السلاح بصورة كبيرة بالأيدولوجيات العقائدية (الشيوعيين والإسلاميين) وهو الأمر الذي عزاه د. محمد محجوب هارون أستاذ علم النفس السياسي بجامعة الخرطوم الى تطرف العقائديين في خصوماتهم، جراء الضيق الشديد في مساحات التسامح داخل أروقتهم الحزبية وذلك بعكس بقية الأحزاب التقليدية ذات الجذور الصوفية والتي تقل الظاهرة عندها بدرجة كبيرة تكاد تصل حد الندرة. (3) ولا تخلو الدفاتر الحزبية -بحال- من سجلات مريرة، تعرض لها بعض من القادة والرموز، في مضمار إغتيال الشخصية، أبرزها مساع نظام مايو لغمط الزعيم إسماعيل الأزهري الرئيس الأول لجمهورية السودان وزعيم الحزب الإتحادي الديمقراطي، كسبه السياسي، حتى بعد موته (وتشير الشبهات الى أنه إغتيل) بالتقليل من الدور الذي لعبه في الحياة السياسية ودوره الرائد في صناعة الإستقلال، لدرجة نعته فيها إذاعة هنا أم درمان بسطر واحد فقط لا غير مفاده أن (توفي اليوم إسماعيل الأزهري الأستاذ السابق بالمدارس الثانوية). ويرى البعض ان السيد الصادق المهدي من الشخصيات التي تعرضت لمحاولات اغتيال معنوي خلال حقب مختلفة، وكان الصادق يقابل هذه الشائعات بالرد عليها تارة، وبالاعراض عن بعضها تارة اخرى، فقد دفع الصادق الاتهامات التي تصفه بأنه كحاكم كثير التردد عند اتخاذ القرار، فقال ان اتخاذ القرار اسهل ما يكون في النظم الشمولية، اما النظام الديمقراطي فطبيعته تقتضي التروي..ولم يسلم الصادق من الشائعات ومحاولات الاغتيال التي مست خصوصيته. وعقب مقالات الاستاذ عبدالمحمود نورالدائم الكرنكي عن مقتل المهندس داؤود بولاد المنشق عن صفوف الحركة الإسلامية، تحدث الكرنكي عن عدد من قيادات الاسلاميين الذين تعرضوا لمحاولات اغتيال شخصية لكنه رمز لهم باحرف. وأشار الأستاذ عبد العزيز البطل في صفحته الإسبوعية الراتبة (شرقاً تجاه الغرب) بالزميلة الغراء (الأحداث)، في وقفته عند المقالات التي نشرها عبد المحمود الكرنكي ، الى التهم التي أشاعها الإسلاميون عن الراحل، كإتهامه بنشر مقال بإحدى الصحف الألمانية يحوي في ثناياه تسريباً لمخططات الإسلاميين بالإنقضاض على الديمقراطية في الفترة التي سبقت إنقلاب الإنقاذ، إضافة لإتهامه بالتواطؤ مع الحكومة الأمريكية، الى جانب القدح في ذمته المالية بالحديث عن تحويله اموالا تخص التنظيم الى مصلحته الخاصة، وامتدت حملة التشويه بحسب الكرنكي وقراءات البطل الى ما بعد مقتله بالإشارة الى تنصره، من خلال الحديث عن إزديان عنقه بالصليب ساعة وفاته. أما الحزب الشيوعي فإنه (فات الكبار والقدرو) من خلال إمتلاكه قائمة طويلة وممتدة من ضحايا التصفيات المعنوية عن طريق إغتيال الشخصية تحوي: قاسم أمين النقابي العمالي البارز، فأمين الذي كان أهزوجة لمنسوبي الحزب (يا موج البحر الأحمر .. سميناك قاسم أمين)، ألصقت به تهما اخلاقية، الأمر الذي أدى به لأن يعيش معظم حياته في المنفى. وتمتد القائمة المتطاولة لإغتيالات الشخصية داخل الشيوعي لتشمل عدداً مقدراً ممن قرروا مغادرة الحزب وصفع بواباته كالشاعر الكبير صلاح أحمد إبراهيم، والدكتور الراحل الخاتم عدلان مؤسس حركة القوى الديمقراطية الحديثة (حق)، ورفيقه في التأسيس الأستاذ الحاج وراق الصحفي البارز، والأستاذ فاروق أبو عيسى رئيس كتلة التجمع البرلمانية، فضلاً عن د. عبد الله علي إبراهيم المرشح الرئاسي والذي استخدمت أسلحة عديدة لإغتيال شخصيته والآخرين ممن إختاروا طريقه وتتراوح بين التجاهل، ومحو المساهمات مهما بلغ نفعها بـ (الإستيكة)، والإتفاق على حد أدنى من (السقطات) ولوكها بإستمرار، فضلاً عن الرمي بالإنتهازية، واليمينية، والعمالة. ومع تعدد وضروب الإغتيال المعنوي، تعد ممالئة ومهادنة الأنظمة الشمولية، الفساد، والثراء الحرام، التهم الأبرز، بحيث نالت معظم الأنظمة السياسية نصيباً وافراً منها. (4) وتشتد جذوة إغتيالات الشخصيات السياسية إبان فترة الإنتخابات، كإحدى آليات إقصاء المنافسين، ومع إقتراب السباق الإنتخابي لم يستبعد د. محمد محجوب هارون إستخدام الإغتيال السياسي للشخصية، السلاح القديم المتجدد وقال لـ (الرأي العام): إغتيال الشخصيات سياسياً سيكون حاضراً في الإنتخابات كأحد وسائل العنف ولكنه توقع بأن يتم ذلك خلال كيانات سرية تعمل على تشويه صورة الخصوم، بطريقة (أضرب وأهرب) أو عن طريق إدارة حملات منظمة ومدعمة بالحقائق والإسانيد. ووفقاً لقاعدة أن الذئب يأكل القاصي من الغنم، سيكون المستقلون في إنتخابات أبريل المقبل، أمام إختبار قاسي لأجل البقاء في الساحة السياسية، فالمستقلون الذين يعوزهم السند، يعدون عرضة أكثر من غيرهم لحملات التشويه، وهو ما أشار اليه المرشح المستقل لإنتخابات الرئاسة د. عبد الله علي إبراهيم بتعرضه لحملة شرسة يقودها الشيوعيون ومن أسماهم باليسار الجزافي بإجترار ذات التهم القديمة الموجهة له لأجل إبعاده عن الساحة. وعن كيفية التحصن ضد ذلك السلاح الفتاك، وضع وائل عمر عابدين مساعد رئيس الحزب الوطني الإتحادي لشؤون الإنتخابات روشتة علاجية لخصها لـ (الرأي العام) في: تبني خطاب موضوعي، وعدم الدخول في سجالات مع الجهات الواقفة وراء تلك العملية وتجاهلها ما أمكن. (5) و في ظل توافر العوامل المجتمعية والمحرضة لإصابة الشخصيات السياسية في مقتل كإرتفاع نسبة الأمية، والحالة الاقتصادية المتردية، فإن الانتخابات تشكل بيئة مناسبة لحبك عدد من الحلقات الجديدة في مسلسل إغتيال الساسة في شخصياتهم. http://www.rayaam.info/News_view.aspx?pid=515&id=38785 |
تم حزف المداخلة احتجاجا
|
اقتباس:
http://www.sudanesehome.com/forum/sh...64725&p=283899 هل يا ربي يقود ود الحاج "انشقاقا ؟ " أم أن الأمر صار عادة طبيعية للرفاق الشيوعيين ؟؟ |
تعلم ياخالد
كم احترم قناعاتك وخياراتك وتبقى البيننا عامرة ولايهم اى طريق نخطو لكن ياصاحب لاتهيننا مجانيآ وبالجملة.. داير تقول( فى ناس) جوا الحزب دا عندهم ممارسات ماممقبولة, دا كلام على العين والراس لكن تجى تهيننا بالجملة فوالله مامبلوعة ياخالد ولابتتفوت.. كلامك دا كان وين قبل مشكلتك الآخيرة مع الحزب..؟؟ انت تعرف ان هنالك من وقفوا بجانبك فلا تصفنا كالقطيع ولاترمنا بكل ماهو خسيس وقذر ومهين.. لماذا لم يخرج هذا الذى تقوله قبل معتركك الآخير؟؟ مرقتا من الحزب ياخالد دا ببقى خيارك ولك ان تنتقد ماشأت وستجد آذان صاغية هنا وهناك كلنا عندنا كلام وقاعدين نفكو فى السهلة ولانهتم بشئ لأن الغرض هو التقدم بالمؤسسة والعمل السياسى للأمام وليس تصفية حسابات بعينها مع مجموعة محددة لاتمثل مجمل المؤسسة اقتباس:
شئ مؤسف بحق وبرضو شكرآ ياصاحب |
تم حزف المداخلة احتجاجا
|
اقتباس:
والله يا كينين:Dgoood دي علي وزن يا بنج... حاول تمعن كلامي جيدا حتي تلتقط وجهة البوست ... الذي تم تحويلها قسرا... |
اقتباس:
|
اقتباس:
:D:D:D:D |
اقتباس:
هي هزيمة دنيا ساكت.... |
اقتباس:
ده والله موضوع جديد كدى حاول اشرح العبارة دى لو سمحته :D |
اقتباس:
اتفضلت مشكورا وحددت انو وجهة بوستك الصوفية وسلمت بإنو إتحول قسرا بعيد عن الموضوع.. جاييك للنقطة دي لكن قبل ده داير افهم البيخليك شنو تقتبس كلام " سمراء"- اللي رديت عليها سلفاً- وتضع كم ايقونه خضراء امعانا في إنو الضحك شرطك.. حإتغاضى عن أيقوناتك ، وعن (الكور) المقنطره في بوستك بالنسبة لسؤالك اقتباس:
ليه ما يكون شيوعي زي ما كان ؟ قناعاتو وين ؟ برنامج الحزب ده برنامج بتاع مطالعه وترميهو ساي ؟ عندك راي فيهو بيصب لصراع فكري من شأنو إنو يطور الحزب ، وللا إنت زول تمامة عدد ساي؟ فترت ؟ آس الموضوع ده قناعاتك ، في أي تنظيم كان إقتنعت بيها.. تقدر تضيف حاجه للمؤسسه المنتمي ليها ما عندك قناعات وخشيت المؤسسة الحزبية دي عشان وجاهه إجتماعية ، وشوفوني أنا مناضل وبتاع مظاهرات تكون زي نمر الورق ، ما بتطلع من الإطار الرسمتو بمحض إرادتك لنفسك وبالتالي حتكون مهزوز وتلجأ لأي شكل من أشكال الزهد عن الحاجه الكنت بتنتمي ليها عشان تواسي ذاتك بإنك إنت ( ملوي هدومك ) فبتلجأ للخيارات دي : 1/ يا إما تنتمي لمؤسسة سياسية إنت أساساً كنت بتصارعها ، إمعاناً في kiss my ass يا التنظيم الكنت بنتمي ليهو ، ودي بمثابة إنك تشفي غليلك وأنا حر ، وبمحض إرادتي أعمل الداير أعملو ، وبختها ليكم. 2/ يا إما تتغيب ، تزهد عن الواقع اليفترض إنك تصارعو وترسي حاجاتك ، والتغيب ده بيلقى نفسو في الكيانات الدينية ( أنصار سنه ، تكفير وهجره ، صوفيه ) وإللي هي بتعزلك تماماً عن أسئلتك الوجودية الملحة ، وبتحجم من مشاهداتك اليومية ، بل ومن علاقاتك.. ده إسمو ( الإغتراب ) إغتراب عن ( الأنا ) و ال ( هو ) وعن محيط حياتك.. مردو غالبا ما يكون إنك في يوم من الأيام بعدت من واقعك ودروت حرب دينكوشوتيه ضد السماء .. فطالما إنو كرعيك ماثابتات كويس طبيعي إنك ما تكون ثابت ومتجهجه أي ريح فكرية طاشه توقعك زي الترتيب. |
العزيز شليل ...لك التحية
يبدو لي من اول مداخله دخلتها في هذا الموضوع ... انك جئت ... محمل ببقايا ما كتبتة سابقا عندما حظرت عضوية احد الاعضاء... انا اقول تريث قليلا اخي.. انا اقولها لك بملء الفم ... احد اسباب استقالتي من الجبهة الديمقراطية في الجامعة كان نتيجية لجبن من وصفتهم بالنضال ... ياخ نضال شنو علي ناس ليس لديهم عقيدة يكافحون من اجلها سوي البهجة والمسرات... اريني نضال واحد قام به هؤلاء الديمقراضيون استفادت منه البلد سوي شعارات واشعار براقة، ليس لها مداليل. بل انني اضعهم في مرتبة واحدة مع الكيزان اي انهم احد طرفي الموس الذي ينحر هذه البلد ... يعني يا شليل ... بعد ان يتم تعبئة الطلاب جميعا في الجامعة لعمل اعتصام واضراب وفي يوم الاعتصام والاضراب يأتي الكل ويتغيب فقط من يهللون (بلدي ولا ملي بطني) ... وبعد داك يجو يكون اعتذارهم انو التغيب كان نتيجية لتأمين الكوادر ؟؟؟ ياخ كوادر شنو القاعد تدسها دي وانت بتنادي بأعلى صوتك (النضال النضال النضال)... والله يا شليل انا بقول ليك عندما تكون واضع امل كبير في شيئ وتأتي وتلاقيه سراب .. اكيد بيحصل ليك احباط شديد... وبعدين كلامك (فطالما إنو كرعيك ماثابتات كويس طبيعي إنك ما تكون ثابت ومتجهجه أي ريح فكرية طاشه توقعك زي الترتيب) ما عارف انت قاصدني بيهو انا ولا قاصد بيهو واقع الحال علي كل من ترك الحزب وتصوف .. ولا قاصد بيهو خالد الحاج ... |
إزيك يا عبد العزيز
اقتباس:
بكتب من أجل الكتابة مامن أجل إنو كون علاقات سايبريه ، بطرح رؤيتي وبالتأكيد رؤيتي ما بتحمل صبغة قداسة ، قدرت تفندها الحمد لله ، ما قدرت تفندها الحمد لله برضو إلى حين إشعار . وإذا طلعت من إطار الموضوعية في يوم من الأيام ، إنفعالاتي بنزلها دفعه واحده وما بخلي ذرة تيراب أوكي! اقتباس:
بعدين إتحداك يا عبد العزيز أكان مرقت لي من برنامج الجبهه الديمقراطية فقرة بتتحدث عن الإلحاد ، اللهم إلا تكون إنتميت لبرنامج البهجة الديمقراطية.. ثقافتك دي ثقافة سماعية ، وما ممكن زول يكون إنضم للجبهه الديمقراطية يطلع منو كلام زي ده.. كلام ماواعي وماسليم. بعدين علاقة الجبهه الديمقراطية بعنوان البوست ده شنو.. الجبهه الديمقراطية جسم منفصل من الحزب الشيوعي يا ولد أبوك. اقتباس:
زي ديل يا عبد العزيز بنط ليك في حنان حلتم ، بلاش تأمين كوادر بلاش ديناصورات معاكم دي حالة مرضية ليس إلا.. بداوس معاهم لمن يعرفوا حاجه ، في الجسم وللا الهيئة الإشتغلت فيها.. ما نفع بخش الغابه:D وأرجع زي ماشايفني :شيوعي لما يزهج.. اقتباس:
واحباطي ده بيكون من تأثير شخوص بعينم وباخد حقي منهم لكن مابخد حقي من الجسم الإنتميت ليهو والفي سبيلو مشوا عشرات الناس. واقع سياسي قذر ، وشخوص سياسيين أكتر قذارة لكن الفكرة على الإطلاق ما ممكن تكون قذرة الفكرة الإقتنعت بيها في يوم من الأيام هي الشكلت معالم شخصيتك ورؤيتك للقضايا العامة اقتباس:
أبقى طيب. ------- التوقيع : شيوعي ( سابق ) بيحاول يكتب : لمن يزهج يبقى شنو لحدي ما واحد شيوعي يستلم البوست ده.. إنا لله. |
الكريم
عبدالعزيز عرفنا زهجة الشيوعي ديل الشغالين فينا ديل حالتو مبسوطين بعملوا فينا كده وطيب لو زهجوا يعملوا فينا شنو ودقي يا مزيكة |
اقتباس:
؟؟ وطيب الشيوعيين يبقو شنو؟؟؟؟؟ كفار ؟ من الأول قلتا ليك كلامك دا ماراكب عدلو ... |
كتبت ياعبد العزيز
اقتباس:
اقتباس:
اقتباس:
وياتو بهجة الشفتها فى البيوت قول يالطيف |
الشيوعى لما يزهج
ببقى اسمو شيوعى زهجان |
اقتباس:
والله طرشانة جنس طراش... طيب انا ما بعرف النضال ... لكن الشايفو بالكتير النضال زمان مجلة الميدان وجريدة الشرارة ... وهسه تقبيل يدين المؤتمر الوطني ... كأنو غاية النضال هو نيل رضا الحكومة... أي نضال تتحدث عنه يا ابو نضال... ياهو النضال بتاع الهجرة الي اصقاع البلاد والحصول علي جنسيات الافرنج ... والله يا الجيلي مافي اي حاجة مشجعة لتناول احوال الاحزاب السودانية بهذه الحمية... شيوعية مين وكيزان مين واتحادي وامة مييييين... علي حسب المعلومة التي عندي ان الجبهة الديمقراطية هيه ... تحالف مرحلي كان في ذلك الوقت بين الطلبة الديمقراطيين والشيوعيين... ولا انا غلطان؟؟؟ اما وجهة البوست التي غابت عنك يا اخي ... (لماذا يتحول الشيوعي عندما يزهج الي صوفي) وهذا محور سؤالي ... اما الدوران حول احداثيات مواضيع اخري ... هذا من شأن المتداخلين... وليس لي عليهم سلطان... وقع ليك يا بنج... يالطيييييييييييييييييييييييييييييييييييييييييييف |
اقتباس:
اقتباس:
اقتباس:
عبد العزيز سلامات والله العنوان الفوق دا قدر ما شلتو وختيتو وقلبتو ورميتو الصراحة ما أتبلع لي دا فى البداية انت بديت البوست دا بطريقة محيّرة أوردت خبر بعض من تعرف انه تحوّل من شيوعي الى صوفي مع ذكر اسماء . وعنوانك سؤال عن (لما يزهج الشيوعي ببقى شنو ) دي أى زول بيفهمها حسب الطريقة اللى انت كتبتها بيها تضمينك لأسماء أصبحوا فيما بعد صوفية لا يعفيك من العنوان (اللى بيجهجه الواحد !!! ) . طيب حسب السؤال انو الشيوعي لما يزعج وزي ما قال ليك العزيز الجيلي ببقى شيوعي زهجان دا على حسب فهمي وفهم أى زول يقرأ سؤالك العجيب والأعجب منو ما قصدته لاحقاُ فى مداخلتك الاخيرة دي . يا عبد العزيز اذا كان تقصد تصوف بعض الناس اللى بتعرفهم وقبل تصوغهم كانوا شيوعيين دا ما حكر على الشييوعيين دون غيرهم من الناس ، ياخ في كيزان بقوا صوفية وفي ملحدين بقوا صوفية وفي اتحادييين وفى ناس لا ينتمون للاسلام واصبحوا صوفية يعني بقت على الناس اللى بتعرفهم وكانوا شيوعيين ؟ معقول بس تجربتك فى فترة ستة شهور وتلقيك لطعنة وقصة انو الناس ما حضروا معاك للنضال صباح يوما ما ثم معرفتك بعدد قليل من الاصحاب اصبحو فيما بعد صوفية هل هذا يعني أن الشيوعي لما يزهج ببقى شنو ؟؟؟؟ . يعني أسه الشوعيين اللى بقوا صوفية ديل بقوا لانهم مجرد شيوعيين زهجانين ولا كيف يا باشا ؟ وهل دا بيعني تاريخ الواحد فيهم كشيوعي إتلغى مجرد انو زهج وأصبح صوفي ؟؟؟ غايتو دا غلبني افهمو كلو كلو اقتباس:
اقتباس:
اقتباس:
انـــــا لله الفوق دا ردك على مداخلة الجيلى فما عارف انت اسه بتقول دا النضال وعايز تلبس الشيوعيين فكرة النضال بالطريقة دي ولا الفهم شنو ؟؟؟ . يا عبد العزيز الناس بتعمل الحاجة المقتنعة بيها فى نهاية الأمر والحاجة دي ما مقصورة على شيوعي زهجان او كوز جبان كل زول بيعمل وبتعامل بالطريقة اللى بتعجبو وبقدر يتماشى بيها في حياتو فااااااااااااااا بالله ما تفصل حاجة على مقاس وجهة نظرك وترميها كدا كانها شئ مسلم بيهو والناس تقتنع بيهو او ملزمة انها تقول الكلام دا هو الصحيح . لو اتمدّ في الاجل بجيك صاد فتك بعافية |
اقتباس:
بس والله مشغول شديد ما قاعدر اتلفت... |
بسم الله الرحمن الرحيم
الأخ تجانى .. و أهل المسيد .. !!! تعرف يا تجانى أتردد فى المشاركة فى بوستات .. ربما يطالها مقص الرقيب .. خوفاً من الخلط المخل حيناً .. ونأى عن الجدل أحياناً أخرى .. وحين لا تستبين وجهة نظر صاحبها ..إلا من وراء زعلة :D الحوار البناء يجب ألا تكون للنفس فيه نصيب .. وارقى الناس من يؤلمه إحساس أنه يجرح أحد يحبه .. وتنزيل تجارب الأفراد على مجمل الأشياء .. يوهن الفكر ويعبث بالعقل .. وكما تعلم أخى .. فالنصيحة فى العلن إساءة .. يقول الإمام الشافعى : ما ناظرت أحد إلا وتمنيت أن يكون الحق على لسانه !! ونحن نقول ما ناقشنا أحد إلا ورغبنا أن نمسح به وبفكره الأرض .. !! سبحان الله .. الكلمة الطيبة جواز مرور لكل المحطات .. وقنديل يضئ المساحات المعتمة .. ولقمة سائغة ( نبلعها ) ونحمد ربنا أما تلك التى اجتثت من فوق الأرض .. أمرها عجب !! تترك فى الذاكرة صدعاً .. وفى الحلق غصة .. كيف السبيل الى حوار تعجبك أحرفه .. ولا نحسب أن كل صيحاته علينا .. نثبت فى عجزه ما نفيناه آنفاً فى صدره .. وكيف الوصول الى كلمة سواء .. وبننا ما بننا من الوشائج والصلات .. شكراً لك .. مرورك الجميل والشكر موصول لمفترع البوست والعتبى لمن لامست إنحرافات البوست ممرات آمنة فى دواخلهم ولكــــــــم جميعاً |
أستاذ النور سلامات و أسعد الله أوقاتك بكل خير هو ذاك المطلوب في كل النقاشات أن (نبرّد النفس) حتى وان أصابتنا بعض الكلمات بقصد أو دون قصد ... ما نكتبه هنا للاستفادة ومشاركة الناس حتى وان سلمنا بخطأ الكاتب ... عارف يا أستاذ النور (مقص الرقيب ) دا أنا عندي معاه حساسية :D ولكن في نهاية الأمر أقول طالما هناك دور رقابي وحفظاً للمنتدى بصورة عامة وان الناس اتفقوا على ترشيح مشرف برضاء الجميع اذا لا ضير من الدور الرقابي وفق رؤية المشرف ( ونقبله على مضض :D :D ). وكما تفضلت الكلمة الطيبة جواز سفر لك المودة وكامل الاحترام ... |
| الساعة الآن 09:50 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.