اقتباس:
المشاركة الأصلية كتبت بواسطة محمد فرح http://sudanyat.org/vb/images/buttons/viewpost.gif إخوة التنظيم في بداية الإنقاذ لم يعرف الناس شيئاً كثيراً عن إخوان الرئيس، فقد كان السؤال عن إخوان الرئيس بصلة القرابة ليس مهماً في بداية الأمر، بقدر ما كان المهم السؤال عن الإخوان بالمعنى التنظيمي. وربما ذهب البعض إلى حد القول إنّ نجم (إخوان الرئيس) لم يظهر إلاّ بعد الإنشقاق الذي حدث في المؤتمر الوطني، ويتفرع من هذا الإثارة إتهامان: الأول ان الرئيس إعتمد بشكل كبير على قرابته وأسرته، والثاني أن الإنشقاق أثّر على مبدأ المحاسبة والمناصحة، ويرد د. عبد اللّه على هذا القول بأنه إتهام وتفسير لا يرقى إلى درجة الرد عليه، ويشير إلى أن التنظيم كان ضعيفاً منذ أن تم حله، ويؤكد أخوه محمد أن الرئيس لم يعتمد على أسرته إطلاقاً منذ قيام الحكومة وحتى الآن،لا في إتخاذ المواقف أو إختيار الأشخاص.. ويضيف: لم نكن مراكز قوى في أية مرحلة من المراحل حتى نساند الرئيس.. ويتابع: نحن لا نؤثر على قرارات الرئيس لا من قريبٍ ولا من بعيدٍ. وساعد على عدم إهتمام الناس بالسؤال عن إخوة الرئيس ان بعضهم كان خارج السودان، يمارس مهنته مثله مثل أي مواطن دفعت به ظروف الأسرة والرغبة في تحسين الوضع المادي إلى الهجرة خارج السودان، مثل د. عبد اللّه (كان يعمل في السعودية) ومحمد (كان يعمل في الإمارات) وصديق (كان يتخصص في الطب ببريطانيا). ويُذكر د. عبد اللّه أنه عندما قَرّرَ العودة الى السودان بصفة نهائية، كان من رأي البشير أن يبقى حيث هو في الغربة وكان تعليل الرئيس وقتها مقتضباً (عشان تساعد أهلك). عاد د. عبد اللّه إلى السودان في العام 1991م وأنهى عشر سنوات من العمل في الخارج، وكان تقديره الشخصي وأشواقه التنظيمية تقول له إن العودة إلى السودان أصبحت ضرورة لتأمين الثورة الوليدة من محاولات الإسقاط عبر قطاع الأطباء على الأقل، ثم إلتحق بعد حوالي ست سنوات بالسلاح الطبي بناًء على توجيهات من (إخوانه في الحركة الإسلامية) كما حكى د. عبد اللّه لـ (الرأي العام).. والذين لهم ذاكرة فوتوغرافية يتذكّرون أن ضابطاً برتبة العميد كان يجلس على مسافة ليست بالبعيدة من الرئيس البشير خلال النفرة الشهيرة للمؤتمر الوطني في فترة الإنقسام العام 1999م ولم يكن ذلك الرجل سوى د. عبد اللّه. |
ابو الزفت
رافت جاءك يا كووووووووووز :D |
اقتباس:
المشاركة الأصلية كتبت بواسطة محمد فرح http://sudanyat.org/vb/images/buttons/viewpost.gif العودة النهائية المهم أنّ الرئيس البشير الذي أبدى رأيه في قرار أخيه د. عبد اللّه بالعودة النهائية إلى السودان، لم يبد رأياً في قرار إلتحاقه بالقوات المسلحة، فقد دَرجَ الرئيس - كما يقول د. عبد اللّه - ألاّ يتدخل بصورة شخصية إذا كان الأمر متعلقاً بقرار التنظيم، خاصةً أن إستيعابه كان بناءً على مؤهله الطبي الذي تحتاج إليه القوات المسلحة كما يروي. عندما عاد د. عبد اللّه إلى السودان بصورة نهائية أوائل التسعينات واستقر وأسرته الصغيرة مع أهل زوجته في حي المايقوما، وانتظر عاماً ليكمل منزله في حي المعمورة، وبعدها إنتقل إلى منزل حكومي في حي المطار، وأثار هذا الإنتقال كثيراً من علامات الإستفهام حول د. عبد اللّه، وتحول الإستفهام إلى إتهام لدى البعض بأن (أخو) الرئيس استغل نفوذ شقيقه للحصول على منزل حكومي في حي المطار الراقي.. وكان هذا مصدر تساؤل: هل حصل كل ضباط الجيش في رتبته على منزل في حي المطار؟. هذه الأسئلة ذاتها طرحتها على د. عبد اللّه الذي أجابني: بيتي في المعمورة كانت به مشكلة أساسية تتمثل في أنه يعاني من تسريب المياه بصورة مزعجة، ولذلك تقدمت بطلب لإدارة القوات المسلحة للحصول على منزل أسوةً بزملائي الآخرين، وقد كان أن منحوني منزلاً في حي المطار العام 2003م، وكل زملائي الذين كانوا بحاجة إلى السكن تم منحهم منزلاً، إلاّ أنّ بعضهم كان يُفضّل السكن بأم درمان بحكم القرب من السلاح الطبي، لكني فضّلت السكن في حي المطار بالقرب من الوالدة، وبعد فترة تركت المنزل المخصص لي في حي المطار طواعيةً دون أن يطلب مني أحد ذلك، ولو سألتني عن السبب - يقول د. عبد اللّه - فقد كان البيت تعبان جداً حتى أن المهندس الذي جاء لصيانته قال لي ساخراً (ياخي البيت دا تعبان لدرجة إنو أنا لو عاوز أدق مسمار بتطلع الطوبة من الجهة التانية)، السبب الآخر هو أن منزل حي المطار لم يُعد مناسباً لأسرتي خاصةً بعد أن كبر الأولاد والبنات. |
اقتباس:
المشاركة الأصلية كتبت بواسطة محمد فرح http://sudanyat.org/vb/images/buttons/viewpost.gif حكاية كافوري ترك د. عبد اللّه بيت حي المطار، ولكن الإتهامات لم تتركه، فقد انتقل إلى مكان أرحب وأفخر في حي كافوري، الذي يبدو أن وقوع منازل إخوان وأخوات الرئيس به كان سبباً رئيسياً في الإتهامات بالثراء وامتلاك العقار.. ففي هذا الحي يوجد منزل الرئيس البشير شخصياً (تحت التشييد)، ومنزل أخيه محمد (مربع تسعة) ومنزل أخته زينب، ومنزل أخيه عباس (تحت التشييد)، وفيه مجمع النور الإسلامي (كان من المفترض أن يسمى مجمع حسن أحمد البشير، ولكن الأسرة عدّلت عن هذا الاسم)، وفي ذات الحي توجد مباني مدارس المواهب (التي تم تصويرها في بعض مواقع النت على إعتبار أنها قصور تخص الرئيس البشير). المنزل الذي انتقل إليه د. عبد اللّه في كافوري كان مملوكاً لزوج أخته أسماء (اسمه نور الدائم إبراهيم)، ويُحظى نور الدائم باحترام واسع وسط أسرة الرئيس البشير، ويتحدث عنه د. عبد اللّه وأخوه محمد بنبرة تقدير عميق، ويقول محمد حسن أحمد البشير إن نور الدائم ترك أعماله الخاصة وذهب إلى الجنوب مقاتلاً ثلاث مرات، ولم يدخل طوال سنوات الإنقاذ في أي عطاء لتشييد مبانٍ حكومية، وإنما اكتفى بالعمل الحر وتوسع في ذلك بفضل اجتهاده ومساعدة إخوته بالخارج، ويبدو أن نور الدائم لعب دوراً مهماً في امتلاك إخوة الرئيس لمنازل في منطقة كافوري بحكم عمله في مجال المقاولات، ويقول محمد حسن أحمد البشير، إنّ نور الدائم بنى كل المنازل الخاصة بهم بهامش ربح يكاد يكون صفرياً، بالإضافة الى امامته أحياناً لصلاة الجمعة في مسجد الشهيد عثمان حسن أحمد البشير بـ (مربع تسعة) في كافوري الذي أسْهم في تشييده بالتعاون مع الرئيس وأشقائه. http://www.rayaam.info/News_view.aspx?pid=911&id=73649 |
المقدمة بعنوان:بخصوص ثروات إخوة البشير
اقتباس:
|
اقتباس:
وكوبى بس طوالى الا الجليل الرحيم بس دى كنوز والله :D |
شقيق الرئيس البشير دكتورعبدالله انا مديون.. وحسابي في البنك والله ما فيهو الف جنيه
الأحد, 13 آذار/مارس 2011 14:34 شقيق الرئيس البشير دكتورعبدالله لـ(السوداني): أنا مديون.. وحسابي في البنك والله ما فيهو الف جنيه! وهذا (....) هو راتبي في الشهر!؟ هؤلاء (....) نتحداهم جميعاً.. ومن يجد أرصدة في البنوك فليعيدها للشعب فوراً..! أحزاب المعارضة تكلّست وهرمت وخرّفت..! إحنا (بنلقطا) وهؤلاء ما عارفين قصة بيتي شنو..! والثورة لن تحدث في السودان لهذه (....) الأسباب..! حوار: رفيدة ياسين طبيب معروف.. ولواء عسكري.. وقطب هلالي... رجل يستمد أهميته من اعتبارات كثيرة... لكننا التقيناه بصفته شقيق رئيس الجمهورية عمر البشير.. إنه الدكتور عبدلله حسن أحمد البشير مدير مركز القلب علماً بأنه كان أخيراً ضمن قوائم الترشح لمجلس إدارة نادي الهلال... فتح لنا الرجل قلبه وحدثنا بجرأة عما تردد مؤخراً من أقاويل حول ثراء أشقاء الرئيس البشير، مستبعداً انتقال موجة الاحتجاجات إلى السودان لأسباب ذكرها في تفاصيل الحوار... * في البداية د. عبدالله أريد أن أسألك عن موجة الاحتجاجات التي اجتاحت المنطقة هل ترى أنها يمكن أن تصل للسودان؟ = أعتقد أنني لست الجهة المعنية بهذا السؤال لأني شقيق الرئيس وبالتالي رأيي يكون منحازاً له.. لكني سأحاول أن أرد عليك رداً موضوعياً.. وأولاً أنتهز الفرصة وأشيد بكل تلك الثورات ونتمنى أن يوفق الله الشعب الليبي بسقوط القذافي أيضا... لكن بشكل عام الثورة كانت يمكن أن تحدث في السودان أواخر التسعينات وليس الآن. * ولماذا في التسعينات تحديداً؟ = لأن النظام في ذلك الوقت كان قابضاً جداً نسبة لأنها كانت فترة تمكين لذا كان لابد من تلك القبضة القوية، أيضا الوضع الاقتصادي وقتها كان سيئا لكن الآن أصبح هناك متغيرات كثيرة. * وما هي هذه المتغيرات؟ = التغيير الأول هو النهضة الاقتصادية التي حدثت بسبب إنتاج البترول، رغم أن كمية البترول قليلة جدا لكن تم توظيفها بطريقة ممتازة، والناس كلها ترى ذلك التغيير، هذا بالاضافة للانتخابات الأخيرة كانت حرة ونزيهة وكانت هناك مساحة للجميع للترشيح.. وهو ما أثبت حصول المؤتمر الوطني على الأغلبية الساحقة بحصوله على 87% من تأييد الشمال. * لكن هذه الانتخابات وصفها البعض بالمزورة؟ = الانتخابات شهدها العالم كله وكانت بها مراقبة إقليمية ودولية والجميع رأى ذلك، صحيح كانت هناك أخطاء لوجستية في الانتخابات لكنها لم تشب من نتيجتها او نزاهتها، ولم تقلل من حريتها وافتكر أن المؤتمر الوطني والبشير حصلوا على الأغلبية الساحقة.. وعامل آخر أيضا يحول دون حدوث ثورات الآن في السودان هو أن المعارضة ضعيفة وهزيلة للغاية مثلا الحزب الاتحادي وهو أكبر حزب له عشرين عاما لم يعقد مؤتمرا.. بل إن زعيمه مع احترامنا الكبير له جاء بخلفية دينية. * لكن أحزاب المعارضة ليست كلها ذات خلفية دينية فهناك أحزاب أخرى منها الحزب الشيوعي وغيره؟ = أحزاب المعارضة جميعها "ميتة"، أما اليسار فهو منذ ضربة النميري للحزب الشيوعي السوداني" ما قامت له قايمة تاني"، وساهم في ذلك انكسار الشيوعية العالمية.. وبشكل عام في السودان الأحزاب تكلّست وهرمت وخرّفت... ولا توجد معارضة حقيقية، "ما تسمعي الكلام البقولوا ده كلهم تلاتة اربعة أنفار بتكلموا ساكت، حسي كان قلنا ليهم طلعوا مظاهرة ما هيطلعوا معاهم حتى 200 نفر". * هل ذلك لأنه لا توجد بدائل؟ = لا ليس ذلك هو السبب.. بل لأن الوضع الحقيقي على الأرض في السودان يؤكد أن الأغلبية الساحقة المؤثرة هي مؤيدة للنظام.. وأؤكد لكِ أننا إذا دعونا لمظاهرات مليونية في السودان، فمؤيدو الوطني هم الذين سيخرجون في مظاهرات مليونية وليس العكس.. ويتجلى للجميع ذلك من خلال لقاءات وزيارات الرئيس لكل ولايات السودان وهو ما يؤكد دوره الحيوي وشعبيته لأنه بسيط ويتعامل مع الناس ببساطة وتواضع وأريحية. * قلت إن الثورة لا يمكن أن تصل للسودان لأن هناك طفرة اقتصادية ألا ترى الغلاء في أسعار كل شيء... خاصة بعد انفصال الجنوب ومنع استيراد سلع كثيرة الأمر الذي كان نتاجه ضيق في المعيشة. هذا بالنسبة للانسان البسيط واللا منتمي سواء لمؤتمر وطني او احزاب معارضة أليس ذلك كافياً لخروج الشعب السوداني للشارع؟ = بالفعل وجود تنمية لا ينفي وجود ضيق وغلاء، كما أن انفصال الجنوب انتقص %70 من موارد البترول والمتبقي يكفي فقط للاحتياج الداخلي.. "يعني ماهنقدر تاني في شمال السودان نصدر برميل نفط واحد". أتفق معكِ في أن الناس تعيش في ضيق والمرحلة المقبلة ستكون أصعب من ذلك، ولكن الحكومة أبدت مقدرات عالية في معالجة الوضع ففي سنة 90 البلد لم يكن بها أي موارد والعالم كله كان مقاطع السودان في ذلك الوقت وكانت مرحلة صعبة لدرجة أن السكر لم يكن موجوداً.. والناس وقتها كانوا يشربون الشاي بالبلح، ورغم ذلك الحكومة استطاعت أن تقوم ببعض الضوابط والتوزيع الحقيقي للموارد بصورة عادلة وتخطي الصعاب، وأعتقد أن الحكومة قادرة على أن تتخطى الأزمة الحالية أيضا والشعب يعرف ويصدق ذلك لأنه عايشها لأكثر من عقدين، و"الشعب عارف وشايف القروش بتمشي وين.. وشايف الطرق والكباري والتنمية اللي علمتها الإنقاذ". * عذرا يا دكتور ولكن الشعب لا أظنه يعرف أين تصرف النقود.. وهو ما دفع الرئيس نفسه لإنشاء مفوضية للفساد مؤخرا؟ = سكت قليلا ثم قال: "بيكون في فساد لكن ما بالصورة الظاهرة. أصلا مافي ملة في العالم كلها خالية من الفساد.. أكيد الرئيس شاف في مشاكل عشان كده أنشأ مفوضية فساد لكن مقارنة بالفساد الشايفنو حسي في الدول والأرقام الخيالية لأرصدة المسئولين في البنوك فلا يوجد فساد ظاهر في السودان". * كل هذه الأرصدة التي تتحدث عنها لم تظهر إلا بعد سقوط الأنظمة فقط؟ = رد وهو رافعاً إصبعه السبابة: "نتحداهم ونعلن للعالم كله من الآن، أي مسئول عنده رصيد في البنوك بره يرجعوه لشعب السودان فورا". * هذا عن المسئولين الحكوميين.. لكن ماذا عنكم أنتم إخوة الرئيس وما يتردد من إشارات لثرائكم.. ما تعليقك على ذلك؟ = رد ساخرا: "نحنا في كلام عننا لكن أنا أقول لك حاجة ممكن ما تصدقيها.. البيت الأنا ساكن فيهو لحد حسي عندي باقي ديون.. وده موثق لدى محامي وهو دين لم أسدده حتى الآن... وأنا الليلة مسافر لندن إلى الآن لم أجد حق تذكرة السفر". * هل لديك جرأة أن تكشف لنا بصراحة كم يبلغ رصيدك في البنك؟ = حسابي في البنك والله ما فيهو الف جنيه سوداني. * لكنك دكتور كبير ومعروف ولديك أعمال عديدة ولديك دخل لا أظنه صغيرا؟ = دخلي ما بيكفيني أنا وأسرتي وما قدر حاجتي، وما عندي حاجة موفرها. * هل لنا أن نعرف كم يبلغ دخلك الثابت شهريا؟ = طيب شوفي يا ستي أنا باخد من القوات المسلحة كضابط زي (1400) جنيه وباخد من مركز القلب حوالي (6000) جنيه ومن شيكان باخد حوالي (1400) جنيه يعني مرتبي كله زي (8.5) مليون بالقديم.. وعملنا بعض الشغل كنت ماسك الموارد في الهيئة الخيرية وعملنا شغل للهيئات الحكومية ودي بناخد قصادها زي 2 او 3 مليون في الشهر يعني احنا بنلقطا والحمد لله.. والجيش مديني عربية وبرضه معهد القلب مديني عربية والحمد لله، لكن غير كده ما عندي حاجة، وأنا بالمناسبة طبيب لي 32 سنة واغتربت في السعودية أنا وزوجتي وهي طبيبة ايضا لأكثر من 10 سنوات، الناس مستكترة انو أنا عندي بيت، وهي ما عارفة حاجة ولا بتتخيل قصة بيتي ده شنو!!!.. * نريد أن نعرف هذه القصة بالتفصيل إن سمحت لنا بذلك؟ = جدا... أنا بيتي في كافوري كان بيت اختي وزوجها اسمه نورالدائم إبراهيم محمد مقاول معروف ومشهور زول سيرته معروفة عنده اسم في السوق.. لما الإنقاذ دي بدت أنا كنت ببني.. بيتي ده؛ اشتريته من اختي وزوجها بالأقساط ولحد حسي مديون ما تميت قروشه. * وماذا عن بقية إخوانك؟ = تذمر قليلا لكنه قال: أنا عندي اخوي مغترب دكتور صديق حسن أحمد البشير شقيقي أصغر مني مباشرة لحد الآن مغترب في لندن رغم أن شقيقه رئيس منذ أكثر من 20 سنة فافتكر إنه احنا أصلا لو عندنا قروش بنخلي إخوانا يغتربو ولا بنخليهو قاعد في لندن، هو يحب السودان جدا وبيجي كل سنة لكن ما قادر يرجع لأنه لو اشتغل هنا مرتبه ما هيعيشه كويس وما هيكفيهو رغم انه استشاري باطنية، وعندي أخوي علي حسن كان في فترة الضيق كان بيمشوا يستقطبوا اموال من الخليج للتصنيع الحربي وجياد وغيرها، وعلي مرة ربط على نفسه انه هيستقطب 15 مليون دولار من الخليج وبنوا (جياد والتصنيع الحربي وسوداتل) وما دخل في جيبه دولار واحد كلها دخلت للدولة... الآن أصبحنا نصنع العربات تصنيع محل |
اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif المقدمة بعنوان : بخصوص ثروات إخوة البشير فى إحتمال تجيه أوامر بالتعديل أو غالباً الحذف سلام ود ميلاد لا أعتقد حدوث أياَ منهما ، فالرجل ناقل لكفر جماعته ، كما الحمار يحمل أسفارا .. لكن بالجد كدهـ إحترت فى قوة عين الجماعة ديل .. والأنكئ من ذلك إن هذا التحقيق جاء فى جريدة ... ولكن إذا عرفت إن هذه هي جريدة آل العتبانى فإن كل ملامح الدهشة تزول ، لتبقى الدهشة والدحشة فى خبر كان .. كلم لينا شوقى بدرى يكتب فى هذه المحنة .. لأنه الجدير |
[justify] [/justify][justify]
شئ عجيب ويحير طيب ببساطة كدا شخص كان عندو عجلة قبل عشرين سنة وحاليا يمتلك ما يساوي قيمة طائرة خاصة ومن كسب مشروع .. والله ببساطة مفروض تدون هذه الطريقة في كتب وتدرس في كليات الاقتصاد بدلا الكلام الفارغ الدرسناه من زمان وما جايب همو .. يلا نحن لاشاكين في زمة اي احد ولا متهمين ولا نعتقد انه اخوة الرئيس استفادوا من منصبه في الاثراء فقط نريد ان نتعلم من جديد هذه الطريقة السحرية ان ظل في العمر بقية .. [/justify] |
اقتباس:
يا جماعة انتوا ناسين حاجة اسمها ليلة القدر و نبى الله الخضر وخاتم سيدنا سليمان (خاتم المنى وعود الاكسيرر و التنقيب فى الدهب امكن عتروا فوق كنز فى باطن الارض يعنى برضو المفروض تستصحبوا حسن الظن |
* هذا عن المسئولين الحكوميين.. لكن ماذا عنكم أنتم إخوة الرئيس وما يتردد من إشارات لثرائكم.. ما تعليقك على ذلك؟
= رد ساخرا: "نحنا في كلام عننا لكن أنا أقول لك حاجة ممكن ما تصدقيها.. البيت الأنا ساكن فيهو لحد حسي عندي باقي ديون.. وده موثق لدى محامي وهو دين لم أسدده حتى الآن... وأنا الليلة مسافر لندن إلى الآن لم أجد حق تذكرة السفر". * هل لديك جرأة أن تكشف لنا بصراحة كم يبلغ رصيدك في البنك؟ = حسابي في البنك والله ما فيهو الف جنيه سوداني. * لكنك دكتور كبير ومعروف ولديك أعمال عديدة ولديك دخل لا أظنه صغيرا؟ = دخلي ما بيكفيني أنا وأسرتي وما قدر حاجتي، وما عندي حاجة موفرها. * هل لنا أن نعرف كم يبلغ دخلك الثابت شهريا؟ = طيب شوفي يا ستي أنا باخد من القوات المسلحة كضابط زي (1400) جنيه وباخد من مركز القلب حوالي (6000) جنيه ومن شيكان باخد حوالي (1400) جنيه يعني مرتبي كله زي (8.5) مليون بالقديم.. وعملنا بعض الشغل كنت ماسك الموارد في الهيئة الخيرية وعملنا شغل للهيئات الحكومية ودي بناخد قصادها زي 2 او 3 مليون في الشهر يعني احنا بنلقطا والحمد لله.. والجيش مديني عربية وبرضه معهد القلب مديني عربية والحمد لله، لكن غير كده ما عندي حاجة، وأنا بالمناسبة طبيب لي 32 سنة واغتربت في السعودية أنا وزوجتي وهي طبيبة ايضا لأكثر من 10 سنوات، الناس مستكترة انو أنا عندي بيت، وهي ما عارفة حاجة ولا بتتخيل قصة بيتي ده شنو!!!.. * نريد أن نعرف هذه القصة بالتفصيل إن سمحت لنا بذلك؟ = جدا... أنا بيتي في كافوري كان بيت اختي وزوجها اسمه نورالدائم إبراهيم محمد مقاول معروف ومشهور زول سيرته معروفة عنده اسم في السوق.. لما الإنقاذ دي بدت أنا كنت ببني.. بيتي ده؛ اشتريته من اختي وزوجها بالأقساط ولحد حسي مديون ما تميت قروشه. ( الزول دا بنى ولا اشترى ؟ ) * وماذا عن بقية إخوانك؟ = تذمر قليلا لكنه قال: أنا عندي اخوي مغترب دكتور صديق حسن أحمد البشير شقيقي أصغر مني مباشرة لحد الآن مغترب في لندن رغم أن شقيقه رئيس منذ أكثر من 20 سنة فافتكر إنه احنا أصلا لو عندنا قروش بنخلي إخوانا يغتربو ولا بنخليهو قاعد في لندن، هو يحب السودان جدا وبيجي كل سنة لكن ما قادر يرجع لأنه لو اشتغل هنا مرتبه ما هيعيشه كويس وما هيكفيهو رغم انه استشاري باطنية، وعندي أخوي علي حسن كان في فترة الضيق كان بيمشوا يستقطبوا اموال من الخليج للتصنيع الحربي وجياد وغيرها، وعلي مرة ربط على نفسه انه هيستقطب 15 مليون دولار من الخليج وبنوا (جياد والتصنيع الحربي وسوداتل) وما دخل في جيبه دولار واحد كلها دخلت للدولة... الآن أصبحنا نصنع العربات تصنيع محل اقتباس:
22 سنة ما سدد قروشه برغم دخله العالى جدا دا ( اذا اقتنعنا بيهو ) :D تمنه كم مليار بالله ؟؟ |
اقتباس:
المشاركة الأصلية كتبت بواسطة أبومناهل http://www.sudanyat.org/vb/images/buttons/viewpost.gif اقتباس: المشاركة الأصلية كتبت بواسطة عباس الشريف http://sudanyat.org/vb/images/buttons/viewpost.gif يقوم على الصديق حسن احمد البشير المزارع البسيط بقرية صراصر و قريب البشير بإستلام مبلغ مئتى مليون جنيه شهريا من القصر الجمهورى لا لشئ إلا لينفقها على بعض المقربين و أهل الحظوة بمسقط رأس البشير...قرية صراصر...و هى قرية صغيرة جداً تقع على الطريق بين مدينتى طابت و الحصاحيصا...و لكن لأنها مسقط رأس الرئيس فقد تمت سفلتة شوارعها الداخلية فى بادرة تنم على محسوبية بالغة عباس ياخ إنت من الجزيرة .. الجزئية دي من المقال في إمكانية لتصديقها ياركس .. ياخ كان محمد فرح بقى لينا ( كنز ) واقع من السماء زي ما قال شيخي الجيلي . . إنت كمان ما تجيب ليك شئ يجافي المنطق . أولا يا اخ عباس اذا بتتكلم عن الشارع الذي يربط مدينة طابت بالحصاحيصا فالطريق اساسا جاي من الحصاحيصا الى قرية الفريجاب والفريجاب دي منها د عمر الطريق تبرع به الدكتور محمد سلطان القاسمي امير إمارة الشارقة بدولة الإمارات العربية الى ابن المنطقة الشيخ رجب محمد رجب الذي ابتلاه المولى عز وجل بفقد بصره وصراصر دي في نفس الطريق بس فيها دخلة شوية كدا وشوارعها عادية متلها متل اي قرية وفعلا القرى عندنا في الجزيرة وخاصة داخل المشروع ارض زراعية يعني ( لُكٍّة ) ما بتتمشي في الامطار هذا للعلم وشكرا |
[glow1=#ff0000] شقيق الرئيس البشير دكتورعبدالله انا مديون.. وحسابي في البنك والله ما فيهو الف جنيه[/glow1]!!!!!!!:mad::mad::mad::mad: |
اقتباس:
المشاركة الأصلية كتبت بواسطة أبو دعد http://www.sudanyat.org/vb/images/buttons/viewpost.gif يا جماعة انتوا ناسين حاجة اسمها ليلة القدر و نبى الله الخضر وخاتم سيدنا سليمان (خاتم المنى وعود الاكسيرر و التنقيب فى الدهب امكن عتروا فوق كنز فى باطن الارض يعنى برضو المفروض تستصحبوا حسن الظن اخ ابو دعد الامر ما فيهو استهزاء:mad: |
اقتباس:
هدى ديل كذوبون ويتحرون الكذب دهية تاخدهم انشاء الله |
يازول خلى اتوار الثائر وتعال شوف جنازتك دى
|
قالوا مدارس المواهب دي قصور أخوان البشير الآن حصحص الحق |
يا امنجى ما قلنا ليك تعال
شوف جنازتك دى ماتزوغ يا ارزقى |
محمد فرح
ماتبعر وتزوغ تعال لم بعرك دا من هنا وات قاعد الان ابقى راجل وتعال رد |
اقتباس:
[glow1=#ff0000][frame="1 50"]ونفى محمد شقيق الرئيس البشير أن تكون عائلتهم تملك قصوراً في الخرطوم. وقال إن «هناك مجمع مدارس خاصة فخمة أديرها، ما أوحى للبعض بأنها قصور خاصة بالرئيس البشير». وأضاف أن «هذه المدارس شيدت بقرض من بنك التنمية الإسلامي في جدة بمبلغ خمسة ملايين ونصف المليون دولار، بضمان وزارة المال السودانية». ورفض اتهامهم باستغلال نفوذ الرئيس، لافتاً إلى أن «كل القروض الخارجية تأتي بضمان وزارة المال».[/frame][/glow1] طيب دا شنو يا محمد فرح... محمد شقيق الرئيس بلسانه يعترف ان المدارس دى مبنية بغرض من بنك التنمية الاسلامى بضمان وزارة المالية السودانية.... من بتين الحكومة صارت تقدم ضمانات للاعمال الخاصة... يعنى لان محمد شقيق الرئيس... هسع لو البزنس خاصة محمد دا ضرب الواطة.... من الذى سوف يرد القرض.... قال حصحص الحق.... اريتو الحصى يحصحص العيون ويحشو الافواه التى تنطق كذبا |
اقتباس:
( مشاريع ) للقطاع الخاص فى اى دولة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
واذ اقتنعنا بالكلام دا كله برغم
مافيه من تساءولات وخروقات واضحة برضو بيعنى انه اذا فشل فى السداد الشعب السودانى سيدفع للبنك خمسة مليون دولار عدا نقدا وتالتا هل حجم المبنى الذى سمى مدرسة المواهب يستحق مبلغ الخمسة مليون دولار ؟؟؟؟؟ |
إنتوا في البشير وأخوان البشير وبس ؟؟؟!!!!!
والبقية الباقية الباقية في حياتنا كلنا أنا موجود هنا جوه البلد دي وبعيني دي شايف الما بتشاف أقسم بالله العلي العظيم شباب الواحد فيهم لسه سن التلاتين دي ما وصلها .... المال العندو .. !!!!!!!!!!!!!! حولاااااااااااااا أسكتوا خلوه ساكت في سياسة التمكين برضو في مسألة هامه جداً يا شباب عند الإنقاذيين ديل ( المؤتمر الوطني ) يقوموا أو تقوم الحكومة بفتح أبواب التسهيلات لبعض أعضاء الحزب وتفتح ليهم دييييك يا الشركات ... والعطاءات تبقي حِكر عليهم هم بالذات ... لأنو عندهم ربط مالي مُقَدَر لااااااااااازم يجيبوهو لمالية الحزب ... ومال إييييييييييه سرقة عيني عينك وبإسم الدين والشريعة غايتو ذكروني بتاع الحسابات الشغال في الخليج مع مجموعة من ناس الدين البتديهم الحكومه قريشات لأجل اليتامي والمساكين والخلاوي والمساجد وشنو شنو من عمل الخير داك ... وهم ماكلين السُحت الحرام وتلاتة أرباع القريشات ماشية بطونهم بالحرام ... وفي نهاية السنة وبعد ما قدموا خطاب الدورة والموازنة المالية حلفوا بأغلظ الإيمان إنو كل ما أعطي لهم من مال قد ذهب إلي مصارفه ... أخونا الرطاني الماسك الحسابات المسألة دي غاظتو ليك جنس غيظه .. رفع يدو وقال ليهم: إذا كان هذا ديييييييييينكم ... فينعل د ــــــــــــــ يا شيخ أحييييييييييييييييي أنا من وجع مصاريني وروحي دي أللهم أسقط الإنقاذ والمؤتمر الوطني إلي مذبلة التاريخ يا أرحم الراحمين أللهم أرنا فيهم غضبتك يا رؤوف يا رحيم أللهم أرفع الظلم عن كاهل بني وطني يا الله |
بوست تحفة للشبح الإسفيري المسمى محمد فرح ولعله شيطانٌ يكتب لهذه الفئة الشيطانية.
الفساد الذي أدخله البشير وإخوانه في السودان لم يسبق له مثيل في التأريخ المعاصر، ودونكم لقاء شقيقه الأبله الذي كذّب وكأن الشعب له قنابير. سيأتي الحق ولو بعد حين وسيحاكم البشير وإخوته ومعهم كل المفسدين، بيت بيت، زقاق زقاق، شارع شارع وسوف ترى والسلام... |
| الساعة الآن 04:26 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.