تعرف يا شليل الفكرة أنسانية شديد .. أنا ما قادر أدلو بى دلوى عشان الزول ما مستقر يوم فوق ويوم تحت .. والحياة مجابدات .. بمعنى الإلتزام صعب .. ومشروع زى ده أهم بنودو الإستمرارية .. والأستمرارية يستحيل أن يدعمها التبرع الشخصى المحدود ..

طبعاً دى مقدمة وما تكسيح .. الفكرة أستمرارية المشروع .. وذلك ألأعتماد فى تجارب سابقة وأنشاء مشروع (منظمة) بأسم (أفطار طالب) يكون مدعوم من منظمات أخرى بدخل ثابت وأفكار إستثمارية ..

عندما كنت فى السعودية كان هنا مشروع أسيوى بعنوان (تبنى طالب) .. يقوم أعضائه بدراسة أحوال التلاميذ مرحليا وتحديد الحد الأدنى لحياة كريمة ومستقرة للطالب .. ملبسه وطعامه ومواصلاته وتكلفة الأحتياجات المدرسية (فى الشهر) .. ويوزعون قائمة بأسماء التلاميذ الذى يثبت البحث أنهم تحت حد هذا المستوى المعيشى .. والدعم يكون لفترة زمنية دراسية محددة .. المتبرع يكون معفى من التبنى المباشر لكى لا يثقلوا عليه بالمسئولية .. أعرف الكثييرين من مختلف الجنسيات ميسورى الحال .. دفعوا مبلغ الفترة الزمنية كلها دفعة واحدة وأخلوا مسئوليتهم .. والبعض ألتزم سنوياُ والبعض شهرياً .. والبعض أكتفى بالتبرع للمشروع دون التبنى .. وكل هذه الأحوال مفصلة فى بنود المشروع وجعله مشروع أنسانى عام

طبعاً ده ما إقتراح .. ده تنوير ربما قاد لأفكار أخرى تضمن إستمرار من هذا المشروع الإنسانى

فوق
لم يتبق على فتح المدارس إلا القليل.
ما عايزين تنظير، عايزين تنفيذ.
الكل يساهم بما يستطيع ، ولا نحقر من المعروف شيئاً.
الجنيه(الجديد) بيعمل سندوتش فول أو طعمية.
نشكر المشجعين.

:L:L

سلام يا أحباب.. كتًر خيركم على رفد البوست
لازال في موضوع عالق في مشروع إفطار طالب :
1- إقرار من اللجنة التنسيقية بتعيين (فلان/فلانه ) مسئول مالي ومن ثم :
- تنزيل برنامج إكسل يوضح الوارد ، وتبيان نسبة مئوية للمتحصًل من قروب الشيرنغ ، والمتحصل من خارج القروب/ سودانيات ، والحاجات العينية التم إستلامها..
عشان نقدر نشوف هل الناس إلتزمت ؟ وإلتزامها ده كان قدر كيف !
عشان لاحقاً لو ظهر مشروع نقدر نمد كرعينا قدر لحاف إلتزامنا الأخلاقي..

* المقترحات الإتقدم بيها أبو دعد ، وجيجي / محل تقدير وإحترام إلا إنو جات متأخره شوية.. فالإطار العام بتاع المشروع ده إتختً بعد عك ولك وإجتهادات ، لذلك فالرجوع لحركة ورا ، بيؤخر الخطوات القطعناها دي.. نعدكم بإنو تدرس مقترحاتكم في الإجازة الصيفية القادمة ، والفيها خير ربنا يقدرنا عليها.

* بالنسبة للناس الما بيقدروا يلتزموا شهرياً ، في قروب مخصص ليهم.. وأي حاجة بتقدروا عليها لزوها ، سواء كانت عينية أو مادية ، حسب الوضع المالي.

* إتصل على الزميل ش من السعودية ، وقال إتمررت الفكرة دي على مجموعة نساء تقدر عدديتمهم ب 25 ورحبوا بالفكرة وأبدوا إستعدادهم لإنو يقدموا البيقدروا عليهم.. المبلغ المتوقع جمعوا منهم يفوق 12000 ريال... مبدئياً في 4 أخوات جمعوا مبلغ 2500 ريال حيقوم بإرسالها لنبراس.
تحياتي.

عيال بتسرح في المدارس
والفطور نجما بعيد

القدال
طواقي الخوف

شكرا ياجميلة

مبلغ بطرفي قيمته 2500 ريال سعودي

سعر الصرف اليوم 1400

القروش بالسوداني 3500000

سوف أرسلها لعروستنا الجميلة نبراس لانو حافظ حسين ما بيرد علي التلفون

* المبلغ تبرع من سيدات أعمال سعوديات نتوقع أن نحصل المزيد منهم لاحقا
سوف أقوم بأرسال خطابات شكر لهم بأسم القروب لوقفتهم معنا .

ولي قدام .. من أجل أطفالنا و حق الفطور..


طلابك وأقلامنا هويتك ..
قدامنا قضيتك سبورة ..
رتّبنا الخرطة البتوصل ..
أدِّينا الخاطر يا نورة ..

اقتباس:
المشاركة الأصلية كتبت بواسطة ناصر يوسف http://sudanyat.org/vb/images/buttons/viewpost.gif
تاني فوق ،،،

المشكلة شنو يعني ...



سلام يا ناصر أين ما كنت ..
البوست دا .. ما احسن يثبت ؟
ثم أين الأخ شليل ؟
وآخر أخبار المشروع شنو ؟

السلام عليكم
في أتصال مع الأستاذ عبدالرحيم , أفاد أن السيول جرفت معظم مناطق المنطقة مما حدا بهم اغلاق المدارس الي بعد العيد و لذا سوف يستأنف البرنامج بعد العيد

لقدام ..

الشييت يا شينين

عشان نبدأ .. الالتزامات .. ( ليس التبرعات) .