اقتباس:
اهو بالمرة نرتاح منو...:D |
الوضع يعني الترطيبة
يعني الوضع الاجتماعي شرتيت واملاك وحسابات بنكية اسي لو ما الوضع دا كان حبينا الغزال دااااااك ^_^ |
اقتباس:
دي قوية |
بعد (الانضراسة ) الغنائية دي يبقى السؤال...
لماذا هذا الهبوط في الاغنية السودانية ... هل تدنت ثقافة الشاعر؟؟؟؟ او احساس المغني...؟؟؟؟؟ او تدني ذوق المستمع؟؟؟؟؟ ام هي مخارج من حالة ضياع شباب جله عاطل تشله حالة اقتصادية خانقة..؟؟ |
اقتباس:
كلو ملحوق الا ماعرفنا الغزال داااااااك نافر في ياتو صوب.. لو باريت الوضع يا وجدي ح تدقس ويجيك مقص..:D |
سلام ومحبة
أوعى أكون داخل غلط يا اخي حليل الكلام الفتر خيل الخيال شان ينزل نغم تحياتي واحترامي |
اقتباس:
|
اقتباس:
وحلييييييل الغنا ياخ الغنا سمح في خشم سيدو هل ينطبق الكلام دا مع المقصات الدايرا تقطع في عصب السمع الراقي... لينا الله في (اضنينا.:() شكرا بلة على مشاركتنا (طمام) السمع :) |
اقتباس:
منور يا ريس بس النصيحة الشماته ماااكويسة;) |
صباح الخير يامرافي وضيوفك
الكلمات واللحن وطريقة الأداء ( أم سلاسل مالية الرقاب دي:) ) تحتاج لأكثر من الحيرة التي نبديها، ذاك انعكاس لحياة وواقع وأمنيات شباب اليوم، يغنون ما يغنوه باطمئنان ومتعة كبيرة بادية على الوجوه.. يعلم الله حيرونا:) شكرا لفتح النافذة وتحريك الحوار في هذا الجانب. تحياتي |
اقتباس:
ود عثمان ده كان لقيتي فرصة شماتة ما تفوتيها يضرب باغنية في الأنكل يخلي الزول يتلفت:) |
سلام جاكم وعافية تغشاكم ..
عجبني البوست .. وبالمناسبة دى ..حضرت مرة حلقة فى قناة هارمونى اسمها زوق جيل ..!!!! كان فيها ثلاثة ممن يسمون مجازا فنانين .. ومعاهم شاعر اوقيل انه شاعر .. ومعهم صحفى ممن يهتمون بالصحافة الفنية اسمه عاطف ..كانت حلقة عجيبة .. كتلنى الفضول ..وسمعت العجب .. الفى ريدو فرط دقس مهند ونور .. ده نوع الاغنيات .. منتهى الميوعة .. نواصل .. |
اقتباس:
المشاركة الأصلية كتبت بواسطة مرافي http://sudanyat.org/vb/images/buttons/viewpost.gif اقتباس:
تانى واحد يجي يقول ليك ..ما فى غنا هابط هبوط .. لحدى ما وقع و عمل حفرة .. |
هناك مشكلتين فى غنا الاولاد* ديل
واحد : بغنوا أغاني البنات الكلماتها بتقولها البنات " يعنى غازلنى و مسكني و ما داير أقول الباقي " ثانيا : بدافعوا عن الهبوط بتاعهم و بقولوا إنهم بعبروا عن جيل ..ياتو جيل با ريت لو يكتفوا بقول " نحن بنغنى الغنا دا فى بيوت الاعراس حيث الناس بتسمع برجلينها" و هناك مشاكل فى الشعراء الجادين لماذا لا يكتبون أغاني خفيفة للغناء أغاني يرفعون بيها الحائط حتى لا يتلب حرامي القلوب .. و أيضا يأخذون هذه الالحان الجميل منها و يؤلفون لها ..مفردات و عندنا مثال جميل جدا الموصلى .. يا ود عثمان .. ألحقنا بيها بالقديم و الجديد .. فى الفجرية طالع .. و من قبل كانت " ال*** الكان معانا ياناس ما لو ما جانا " |
اقتباس:
حقيقة اتساءل دوماً لماذا هذا التدحرج المريع للاغنية السودانية..؟؟؟ اين الخلل ؟؟ هل هذا الهبوط للاغنية هو حقاً واقع وامنيات شباب اليوم..!!! هل نضب الابداع وعقم رحم الفن ..تعج الساحة بكم هائل من المؤدين لا اقول فنانين والحصيلة زيرو هائل للابداع ..الشعر لا يختلف عن تلك اللغة المتداولة حالياً بين الشباب مزز دقس مقص ..!!! هل نسمي هذه الكلمات الهابطة معني وتركيبة شعراً !!!؟؟؟ والاعجب ان هذا الغناء الغث عداداتو رااامية وبقدرة قاادر صار المؤدين له فنانين شباب...وعجبي!!!:( |
اقتباس:
الرماد كال الذوق لو العينة دي..هي ذوق الجيل خضرت الحلقة دي وكلها عينة دقس دي. بس الصحفي كان مستاء جداً من غناهم وناقشن كتير بس مين يسمع طالما العداد راامي الشعر اريتو بالخراب..:) شكراً نجاة ومستنين مشاركاتك وتواصلك بس دي حيرتني تاريخ التسجيل: Jan 2008 المشاركات: 2 :confused: معقولة بس. في رجاك |
اقتباس:
هبوط بالمظلات .. من العلالي غناء الحقيبة شوف اتدحرجنا وين...!!!! |
اقتباس:
افتكر انو الشعراء الجادين وقفوا محلك سر مما اتاح الفرص لاستشراء هذه الكلمات الهابطة وكذلك المطربين المبدعين نضب معين الجديد عندهم وصاروا يجتروا في الغنا القديم وبس.. فصار الغناء نوعان ... فنانين شباب يؤدوا غناء العملاقة ونايمين على كدا ومسترزقين.. ومؤدين.. كل يوم اغنية جديدة اكثر هبوطاً من سابقتهها بالله يا معتصم متين آخر مرة استمعت فيها لعمل جديد لفنان من العمالقة؟؟ توقفوا حيث بدأ هذا الغث ينتشر ليملأ الساحة اتساءل اين لجان الشعر ولجان الالحان من ناس دقس ديل...؟؟؟ |
فعلاً هو زوق جيل
وحصاد جيل .. فلنسأل أنفسنا ماذا زرعنا لهذا الجيل . حتى ينتج مثل هذا المسخ المشوه من الكلمات.. بإختصار .. هذا الجيل قامت بتربيته القنوات التلفزيونية .. هذا لايعني أنها لاتقوم بدورها الأكبر لا .. لكن هنا ..انسحب البساط من أيدي الأسرة .. ينعزل الطفل عن أسرته طوال اليوم .. ولاينفض أيديه عن التلفاز وماشابه الإ وهو على أبواب الجامعة .. فيكتشف .. قتامة الواقع ... واختلاف دنيا التلفزيون .. عن حياته بأجمعها ثم أختلاف أفكارهم . عمن سبقوهم... و تأتي تعاليم ومبادئ الأسرة في الزمن الضائع.. لتنحت على صلابة رؤوس المراهقين فماذا ننتظر من هؤلاء .. نحن لحدي رابعة إعلام - السودان .. في ناس مابعرفو يكتبوا .. أخطاء إملائية شنيعة خليه البكالريوس .. في المجاستير ده .. في ناس مابعرفو يكتبو.. ان كلمات هذي الأغنيات ..هي مفردات التواصل بينهم من أين يأتي هؤلاء بالمفردات الجزلة .. خليها الجزلة دي .. طيب المعبرة .. . |
مع الأسف جيل (سبيستون) و(طيور الجنة) يتحدث لغة عربية بطلاقة ..لكن أين الأسرة ..أين المجتمع .. التعاليم الدينية ..الغيرة على الوطن ..كل الحاجات دي مافي حتى ولو كانت موجودة غير موطنة زاتياً ....ياخ الزمن ده الحبوبة مابتربي والام زاااتا تربيتا مابتكون بصورة لصيقة ..
ماذا ننتظر من هؤلاء؟؟ خلي بالك معاي يامرافئ .. .. شاعر ..بنات الجامعات .. الفي ريدو فرط دقس .. ولو قايلة ريدتنا زي مهند ونور ..قرأ إقتصاد جامعة الخرطوم ...؟؟ شوفي شاعرنا أبوصلاح ..قرأ خلوه وماكملا ثم درس اولية ثم عمل نجاراً وميكانياً ولكنه كان يقرأ لأبي ربيعة وأبن زيدون وشوقي والنابغة والعباسي ليأتي ويقول منشداً ماحت بالصدود وحشاي دوابه وزي صيدة الخلا المن الرصد هوابه وسط القامة مقسومة الضمير هوابا تتبختر أبت ماترد علي جوابه شوفي معاي جمال كلمة (هوابا)) والجناس الفيها ووقعها على النفس ..هوابه الاولى معناها خائفة ..من هاب يهاب .. والثانيه .. ((هوابا)) تعنى أن خصرها من شده رقته هوى بها مع الأسف الأغنيات هي مرآة الواقع ..كل هذا لاينفي وجود مثل هذه الأغنيات في السابق .. لكنها لم تكن الأغلبية .. |
الليلة اتذكرت لي ذكريات جميلة ياخ
زمان لمن كنت في الفيس بوك واحدة من اسامي العجيب كان عندي اسم (الفي ريدو غونزاليس) ^ــــــ^ المهم ما علينا آيوتة كدي خلينا في الاول نعمل فلاش باك ولاحظي معاي مراحل الغنا السوداني من الجابودي لمن اتحولت لي حقيبة اتخيلي معاي جيل ناس الجابودي كان مفهومهم شنو عن غناء الحقيبة؟! وما هي ردود رواد غناء الحقيبة علي حبيبنا الكاشف؟! وما هي ردود افعال جيل الكاشف وعثمان حسين وابراهيم عوض علي جيل زيدان ابراهيم؟! وما هي اقوال جيل زيدان ابراهيم علي غناء جيل محمود عبدالعزيز؟ كدي جاوبي لي علي الاسئلة اعلاه دي وبعدين نجي نشوف الغنا الهابط دا |
اقتباس:
|
اقتباس:
|
اقتباس:
الظريفة ياوجدي .. أنو الأغنية كلها بقت عبارة عن موسيقى .. أو تتكون من كلمة واحدة ..يا خ .في أغنية أسمها (تعالي لي وتعالي لي) والنص بتاعا برضو تعالي وتعالي .. تاني مافي اي حاجة:D |
ياوجدي المقاربات مابين المراحل التي ذكرتها وهذه المرحلة تتفق فقط في الاستهجان الذي ذكرته الأخت آيات.
غير أن المراحل المتعاقبة من الجراري الى حدود محمود عبدالعزيز (نوعا ما)، لم تهوي العبارة المغناة مثلما هوت فيما نحن بصدده في هذا البوست. الكاشف حين كسر نمط الحقيبة غنى لشعراء نابهين تجمّلت أحرفهم ولم تغادر فلك الحقيبة إلا قليلا في ناحية الاداء واللحن والموسيقى. وهكذا كل الاجيال التي لحقت بالكاشف . غير أن الذي أمامنا ( شيتن كُتُر ياخي) .. أتفق مع مداخلات آيات المتعلقة بانهيار قيمة التعليم في البلاد ( اسري لظروف الناس وتعليم دراسي لغياب المنهج الصحصح). لن يخلق لنا هذا الواقع المأزوم، سوى أشباح للشعراء وللمغنيين والأهم من كل ذلك .. وجدان سليم. كل ذلك لا ينفي وجود اشراقات هنا وهناك هي الأمل. |
اقتباس:
الغناء اخد نفس وضعية النظام الغذائي عليه يبقى اغنية (تعالي لي وتعالي لي) بتكون زي (اندومي) شعيرية في شعيرية gap |
اقتباس:
|
لالا بس الإندومي دي
أنا مابرضى فيها |
يا طارق ما ذكرته ما كانت مقاربات
لكن دي مراحل تطور للغناء السوداني انا مع اني ما عندي اي معرفة بتاريخ الغنا السوداني لكن قطع شك بكون ناس الجابودي استهجنو (كلمات) غناء الحقيبة وايغاله في المباشرة انو بذكر محاسن الحبيبة بصورة مباشرة وناس الحقيبة بكونو استهجنوا جيل الكاشف انو ميع الغناء بالموسيقى وناس الكاشف بكونوا استهجنوا جيل زيدان انو ما محترمين وبجوا الحفلة (لط) وبغنوا غناء راقص اكثر من انو غناء استماعي وهكذا يعني يبقى لمن يا طارق تجي تقول لي غناء مبتذل وهابط وشنو وشنو بقول ليك لانو الوضع الاجتماعي اتغير من زمان يعني ناس الحقيبة لمن شاف حبيبتو مارقة تكشح موية الغسيل ورجعت سريع سريع وقعدوا يغنوا (حاول يخفي نفسو وهل يخفى القمر في سماهوووو طبعا لا لا لاع شفناهو شفناهوووووو) اها الحبيب هنا بكون حبيبتو بيتت معاهو في اوضتو موش شافها في العمر مرة واحدة زمان بتذكر في السينما لمن يجي البطل يبوس حبيبتو ويقوم الماسك الطارة يسحب اللقطة الفي سينما كلهم يقعدو يجوطو( اختك؟ اختك؟ اختك؟ مالك ومالها خليها ياخ) اسي يا معلم تلقى الاسرة كلها قاااااعدين يتغدوا ومشغلين ام بي سي تو والبطل قاعد يمصمص في حبيبتو زي الما حصل شيء اها جيل زي دا عاوزو يغني ليك شنو؟! بعدين ياخ شوف العالم كلو بقى شغال هيب هوب والشباب تلقاهم بسمعوا لي فنانين اجانب عااااادي الفنان تلقاهو جادع كلام ينبذ في امه او ام البتكلم معاهو من نوع الكلام داااااك (تباً لي امك) علي حسب ترجمة انيس عبيد اها جيل زي دا موش كتر خيرو ما جاب لينا كلام الخواجات دا؟ gap |
اقتباس:
حق الناس تشيل حقك تخلي؟! :p |
وعليك الله يا ايات لمن تجي تاكلي اندومي
اتخيلي روحك قاعدة تسمعي في اغنية (تعالي لي تعالي لي) لكن لمن تاكلي ملاح ام رقيقة اتخيلي روحك قاعدة تسمعي في اغنية (عشقتك وقالوا لي عشقك حرااااام) gap |
هاكم واحدة معبرة علي قول سماح
[rams]http://sudanyat.org/vb/uploaded/2167_1348352198.mp3[/rams] |
اقتباس:
أنت منو القاليك انا مابسمعا:p لكن عاوزة أناقش ليه نحن وصلنا المرحلة دي ؟؟ |
مثال لي اغاني ام كلثوم قبل الاغنية بكون في موسيقة طويلة في نظري دي حاجة كويسة لو نهج الماحنين والفنانين هسع الفنانين مثال كابلي ووردي يرحمة الله ومحمد الامين بكون في موسيقة قبل الغنية بتخلي الواحد عايش في ملكوت برررررراهlooool
|
اقتباس:
دا للإستماع في اجواء مغلقة والسماعات في الاضنين اما الفوق داك شغل العدادات الرامية ثلاثة صولات وجملتين والساعة حداشر تكون جات والله يحب المحسنين اقول قولي هذا واستغفر الله لي............ |
بس الحفلة كلها جوطة والغنية داخلة في الغنية وما بتفهم حاجة وتحس بي راسك جايط وبذات لو كانت بنت يا دددددوب الجوطة حصلت لكن لو الحفل ابتدت من بدري الفنان بغني بي روقة :) انا خضرت حفلا لي سلفر كانت مبالغة :D
|
اقتباس:
تحية طيبة وشوق واحترام شكراً وقد فتحت هذه النافوحة علي بعض الألم هُنا في السودان الشقيق ده ياخ سبق وقلت كلام موازي للكلام الحأقولو تحت ده في بوست نُشر هنا في سودانيات وكان بيناقش نفس المسألة علي ما أذكُر شكراً ليك ولك ضيوفك وأظن أختي آيات شرحت المسألة تشريح سليم وكذا معتصم الطاهر وطارق كانديك وإنتي برضو وبقية الشباب اقتباس:
بالطبع لأ ،،، المشكل كامن في كل مناحي حياتنا السودانوية يا مرافئ التدهور المريع أضحي في كل شئ من حولنا في حياتنا والهبوط النحن شايفنو في الأغنية دي وإنو والله ديل مجرد عيال مايعين وشنو شنو داك ،،،، أصلو ما بنفصل من إضمحلال وإنحاط المجتمع ككُل ولأسباب عديدة ،،، كدي تعالوا نمشي علي بيت العِرِس ده ونشوف المناظِر دي ياخ ،،،، أوووووووول شئ الـــ (فشخره) الفارغة بتاعة المرأة السودانية ،،، في الزي الكاسي عاري ( وهسي كلو بقي عاري يعلم الله ماشيات ساكِت أمفكو ياخ التقول القُماش قَصَّر ياخ ) ;) ناس البيت بيتناضمو في إنو الطباخ لاااااااااازم يكون من الجماعة إياهم ،،، آآآآآآآآآآآآآآآي ياخ إيدو طاااااعمه ولسانو الحُلُو داك ،،، وإشمعني ناس ( فلانه جابوه نحن ما نجيبو ليه يعني بس ؟؟ ) زيدي علي كِده فطور العريس الرسلوه بالعربات (كونفوي) من الخرطوم لغاية كسلا ،،، ده لما يصل هناك وياكلوه ماااااااااا بسممهم ياخ ;) أهل البيت زي ما قالت آيات بقوا ما فاضين لعيالهم ،،، ما فاضيين عديييل كده ،،، وعلي قول وجدي الأسعد ،،، القنوات الفضائية سوت سواتها فينا كمجتمع محتفي دايماً بالوافد من ثقافات تانية أجنبية ،،، ثم الموضة والإنترنيت ،،، ثمَ آفتنا القبييييحة الإسمها السياسيين البقو آآآآآآآآآآآآآآخر إهتماماتهم هو المجتمع ومجرد إهتمام صُوري فقط في شان يتمكنوا أكتر ،،، مجرد فقاعات إعلامية جوفاء وخرقاء وين كُبارنا من موسيقيين ومغنيين وشعراء ؟؟؟ والله سؤال منطقي وكبير ياخ ،،، قاعدييييييييييين ،،، قاعدين يتفرجو وبس ،،، عاد شِن يسووا ياخ ؟؟؟ والشباب ديل أنا والله ما بعصر عليهم شديد ،،، ما بلومهم ،، ياهو العندهم ولقوا المساحة قدامهم فاضية وتوووشك دخلوا ،،، والأدهي ،،، لقونا نحن كمجتمع فاتحين ليهم بيوتنا وصالاتنا وحدائقنا في حفلاتنا ،،، في عرباتنا بنشغل الإم بي سري والكاسيت وال سي دي في أي بكان بنحتفل بمقدمهم ،،، الحل شنو ؟؟؟ الحل قلناه زمان ،،، ياخي عاوزين لينا زول ديكتاتور راسو عديييييييل كده يجينا ويشيل يضرب فينا من طرف أي زول ما مستعدل ،،، اليستعدل ياخ وبـــــــــــــــــس |
اقتباس:
افتكر انو ردود الافعال ما اعتراضاً على المضمون ولا الكلمات بل على قالب الاغنية وكيفية ادائها والتدرج من ناس الجابودي (الجابودي دا منو.:)؟؟) وللحقيبة ولجيل ناس الكاشف كان تغيير في شكل الاغنية لكن الكلمات كانت متينة واغنيات جيل العمالقة ديل كانت تسمى بالاغنية الحديثة وكل شيء حديث هناك من يعارضه يعني ناس الحديث جابوا موسيقى وايقاع سريع واختصروا كتير من زمن الاغنية لذلك امكن دا السبب للاعتراض على فنهم ممن سبقوهم بالغناء والله اعلم :) اما غناء بعض فناني هذا الجيل فالبون شاسع بينه وبين كل الغناء الذي سبقه على تدرج مراحله الزمنية |
اقتباس:
وارى هناك اتفاق في المضمون بين مداخلتي ومداخلتك الا عاد مداخلتك دسمة شوية..:D |
ممكن أشارك ;)
ورغم انو هواك لي فيهو دهور انت عاديه لاملاك لاحور يعني يامنقه انتي عايشه الدور هسي بالذمه انتي تشبهي نور لالالا شوفي ليك دكتور |
| الساعة الآن 07:27 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.