شكرا جزيلا للأخوة والاخوات في الأمانة العامة و مجلس الإدارة وللأخ عكود .
دورة من أنجح الدورات , نجحت فيها المؤسسية نجاحا باهرا رغم العقبات , تركوا لمن يأتي بعدهم تقليدا راسخا في تجنب التدخل إلا في أضيق الحدود - وآمل أن يحذو القادمون حذوهم . سوانيات خالد الحاج عمل صالح و مبارك لنشر الوعي و المحبة و الجمال . أفخر بوجودي هنا معكم/معكن في هذه التجربة الديمقراطية المتفردة . |
اقتباس:
|
اقتباس:
يمين الله الاتحادي البعدك;) قصدي الدخل بعدك بكونو سألوه أسم رئيس مجلس رئاسة الدولة هو أحمد المرغني مش !! ويكون قال ليهم 00 الصوت البعملوه السودانيين داك البعني ايوا وطوالي ادوه الوظيفة زي نكتة البت السمحة السألوها عن بلد المليون شهيد قالت الجزائر لما جات الشينة سألوها نفس السؤال لما جاوبت نفس الاجابة قال ليها ممكن تذكريهم لينا :D مشتاقين يابو البنات اعفو لينا الونسة في بوست جاد |
اقتباس:
قليل من الونسة لا يضر ... وبعدين ونستنا ليها علاقة بموضوع البوست (مجالس إدارة وكده) عارفة قال لي شنو بعد هرشني .. قال لي أذكر الباقيين ... الغريبة ذكرتهم صاح (محمد الحسن عبد الله يس - مرغني النصري - إدريس البنا - و د. علي حسن تاج الدين) بعد ما لقى إجابتي صحيحة قام قال لي : السؤال ده كان مقدمة للسؤال الرئيسي ... السؤال الرئيسي هو: الجماعة ديل كانوا شغالين شنو قبل ما يجو المجلس ؟ والله العظيم ده كان السؤال بتاع المعاينة ... طبعا ً فشلت فيهو فشل ذريع ... وقام كرشني تاني :D .... أها من ديك إتخارجت من السودان ولي يوم الليلة :) أذكر قلت ليهو إدريس البنا كان شغـّال شاعر ... فضجت الغرفة بالضحك الخلاصة : إنكرشت كرشة عدوك والله أنا لي هسه ما عارف رئيسنا أحمد علي المرغني كان شغـّال شنو (لا قبل الرئاسة ولا لما كان رئيس زاتو :)) |
اقتباس:
غايتو لو العمدة بحبح الاجابة شوية كان مرق جبجى من ورطتها "بس دا العمدة و دى ردودو":D * * دى على وزن "دا الله و دى حكمتو" |
سلام ناصر،
شبارقة ما قصّر وأجاب عنّي. إقتراحك يمكن أن تطرحه عند مناقشة تعديلات اللائحة. سلام شبارقة، جيجي، آمال، أحمد زين، أمير؛ لكم التحيّة وألف مرحب بتعليقاتكم المرحة اللطيفة. سلام حسين، يشرّف سودانيات ويزيدها قيمة، وجود أقطاب مثلك يضيفون لها ويتضارفون عليها. كل التقدير. |
سلام،
الرشيد، رأفت، أسامة عبدالماجد؛ كل الشكر على الدعم والحرص على المسيرة. |
اقتباس:
شكراً لأعضاء مجلس الإدارة والأمانة العامة على ما كابدوه من مشقة وما بذلوه من جهد ووقت وعمل من أجل أن يظل "سودانيات" أجمل الأسافير السودانية. |
سلام يا شباب،
داير أطرح رؤية لإدارة سودانيات، تتلخص في الآتي: - عرض شراء سودانيات من الورثة مع بقاء الإسم: سودانيات خالد الحاج - نقوم بتكوين جمعية عمومية موازية للجمعية العمومية الحالية، من الأعضاء الراغبين في إمتلاك الموقع. - تقوم هذه الجمعية بترشيح أسماء لإنتخاب الأمين العام ويتم الإنتخاب بنفس الطريقة الحالية من قبل الجمعية العمومية الكبرى. - يتم ترشيح وإنتخاب مجلس الإدارة بنفس الطريقة السابقة. سبب الإقتراح: الموقع حاليا عبارة عن ورثة معنوية لأهل المرحوم خالد وهو بالنسبة لهم مجرد رمز لذكرى خالد. الورثة الحقيقيون لهذا الموقع هم صحاب خالد في الكتابة ورعاية الموقع. - أري، لإستمرارية هذا الموقع مستقبلا، أن يكون هناك مالك أو ملاك حقيقيون لهم رؤية تصنع إستمرارية لهذا الموقع. |
انتو هوووى انا موش كونت الحكومة السابقة دى !!
بس مامتزكرة كونت تبع شنو ؟ :eek::eek: الليلة ياعكود خقك راح انت ما اديتنى اخر يدى ؟ وكمان داير تشكل حكومة جديدة ؟ :D:D |
اقتباس:
قال ليك منو ومنو وقاموا فطونا ليك انحنا الاتنين جنس فطه...gap |
اقتباس:
شوية استيضاحات حول الراى بتاعك (المشروع) تقول: اقتباس:
مادخلك أنت بالورثة وبيع وشراء الموقع؟ ثم ثانيآ, هل تظن أن الامر يتعلق بالمال؟ لماذا أوردت مسألة الشراء الرخيصة هذه؟ هسه انت انت دا ياأبولسانآ قدر الفلقة, لو أدوك الموقع دا بيع وشرا , وشالو منو تاريخو والناس البتعمل فيهو دى وتطور فى فكرتو بتدور تسوى بيهو شنو؟ سودانيات فكرة, والأفكار ليست فى مزاد البيع والشراء الا عند الساسة, الذين يجعلون الأرقام تقول عكس ماتثبت, والكلمات مجرد زينة, ومثل حديثك هذا مجرد طق حنك وعكلتة فارغة المضمون, تمامآ كما يفعل الساسة.. خلصنا من بلاوى الدنيا وفاضل لينا انت وعسوم الدايرين تبيعوا الموقع!! هذا الجسد المسمى سودانيات, ياسيد بابكر لم يقوم لم تقيمه الأفكار المهببة بتاعت البيع والشراء الحايما ليك مع كل تبعات بتاع حوار قاسى, هذا الجسد بنته القضايا المفتوحة للنقاش سياسيآ والشعر الذى يخرج طازجآ من ثلوب الاعضاء نحو الشاشة بنته الكتابات الأدبية ومجادعات الدوبيت والمزاح, والحبكانات, والتهريج, والسأم, والعكلته, والكواميج.. بنته الكلمات التى تخرج من الروح صافية أيآ كانت امواج الحياة بناه الصدق ففى أى سوق تود أن تدق أجراسآ لبيع الصدق؟ |
الجيلى يسعد مساك
اتمنى ان تقرا مداخلة بابكر عباس مرة تانية لا اعتقد ان تكون بهذا السوء اختلفنا معها او اتفقنا انها مجرد فكرة وراى مطروح كان ممكن ترد بعدم قبول الفكرة بعيدا عن الحدة الغير محببة فى مثل هذه الظروف اذا سالتنى من الظروف اقول لك ـ تجربة الراحل خالد عليه الرحمة فى ارساء قواعد الديمقراطية فى هذا المكان وجعله ملك لاعضائه.الانتخابات هذه الايام ـ ذكرى معاناته وايامه مرضه ورحيله ليتنا سعينا لضم الصفوف وتوسيع صدورنا اكثر مودة تسعك والمعاك |
اقتباس:
شكرآ على التنبيه الدائم بضرورة سعة البال, فتلك والله من اجمل ماينصح به المرء.. التحايا الطيبة |
اقتباس:
|
شكراً للجميع هنا...
عكود الذي تلبّس شخوصنا أجمعين يعبر بنا ما ترك سبيلاً نؤتى من خلاله الا وتجاسر.. ويُجانب بنا ما استطاع.. ويختبر لأجلنا ما لن نستطيع إحاطته ولو جهدنا العقل والفؤاد. للأعضاء الذين بهم يظل لهذا المكان تفرده, فهم الزاد والعتاد, وهم زهر فوح هذه اللقاحات التي تُخصّب حتى ولكأننا لا نخشى معها فناء. لجسم الإدارة وأمانته العامة.. فللبذل حدود تتجاوزونها بكرمٍ وحسن سخاء, ونحن آخر من يعلم قدر العنت, وثقل حمل ان يكون لكم إختيار جادة الصواب, حتى وبيدكم الخارطة والبوصلة وطوطم نصوح. شكراً أجمعين. |
اقتباس:
قانونيا يفترض انو ملكية المنتدى تنتقل للورثة البايولوجيين الذين قد لا تكون لهم علاقة ولا إهتمام بالعمل العام؟ طبعا هناك تبعات قانونية لهذا العمل العام، لماذا يتم تحميلهم وزر عمل لم يتصدوا للقيام به؟؟ ماذا نفعل لو قرر الورثة تحويل المنتدى لغرض آخر؟؟ عرض الشراء لحل الإشكالية القانونية فقط، ولم أقل ان على الذين يرغبون في إمتلاك المنتدى عليهم المساهمة المادية. |
اقتباس:
ما معروفة بكم ، ليس هنالك تجربة بيع سابقة ، الغريبة لم يطرح احدا حتى الان ارضا للبيع ، ولم نسمع ان احدا يود الشراء ، ............................. واحد من ناس واوسي مشى الدهب عمل 50 مليون ، عاوز يشتري بيها اي حاجة العندو عربية بايعة يقول بشتري ، العندو قطعة ارض يقول بشتري ، الفكرة العاوز يوصلا للناس انو عندو فلوس ، هل ارى ملمحا مشابها هنا ؟ |
بابكر سولك منتدى ، لا اعتقد انه يكلف كثيرا !
بجوك ناس مؤكد !! انا غايتو بضمن ليك محمد فرح ، بدر الدين ، ود الخير ، والرشيد اسماعيل !!! |
اقتباس:
|
اقتباس:
وعادل عسوم و سارة ... |
اقتباس:
اقتباس:
بس فاتت عليك الاشارة ، عشان كدة نزلنا ليك العبارة الفوق دي ، بعد دا اكان فاتت عليك عليك الله اعفى لي ... |
اقتباس:
اقتباس:
غايتو بطريقتك دي، كان سوّيت ليك منتدي، ما بغشك، ما حأقدر أجيك، لكن ممكن أدفر ليك سارة:D |
كل زول يدفرنى لى للتانى ما مشكلة وكل زول بقى يختار لى اكون وين
برضو ما مشكلة بقينا ملطشة:p:D انا عموما بتشرف وبفتخر فى اى منتدى يكون بابكر عباس فيهو عضو خلى يكون مشتريهو |
اقتباس:
|
اقتباس:
وينك يا كبوش؟ |
اقتباس:
ياسر سلامات يا زين تعرف فى مثل بقول كان داير الصيح تعال يوم الهزار هو مثل من غرب السودان حاولت اكتبه بطريقة يسهل فهمه فانا يا صديقى يحزننى انه كل زول شايل بسطونتو وداير يربى الناس على طريقتو وعلى مزاجه ..اكثر ما يحز فى نفسى التصنيف ..يعنى لو قولت رايك فى موضوع يخص شيوعى وكان ايجابى فانت بلا شك شيوعى ابن شيوعى وان قلت رايك فى كوز سلبى ولا ايجابى برضو انت كوز كان رضيت كان ابيت والله والله والله وربى يعلم سمعت الكثير المؤلم فى حياتى ولكن لم يؤلمنى بقدر ما المتنى مداخلة عبد المنعم لكن ربك اسمه الكريم |
QUOTE=الجيلى أحمد;500238]مرحب بابكر عباس
شوية استيضاحات حول الراى بتاعك (المشروع) تقول: هذا من اعجب ماطالعت! مادخلك أنت بالورثة وبيع وشراء الموقع؟ ثم ثانيآ, هل تظن أن الامر يتعلق بالمال؟ لماذا أوردت مسألة الشراء الرخيصة هذه؟ هسه انت انت دا ياأبولسانآ قدر الفلقة, لو أدوك الموقع دا بيع وشرا , وشالو منو تاريخو والناس البتعمل فيهو دى وتطور فى فكرتو بتدور تسوى بيهو شنو؟ سودانيات فكرة, والأفكار ليست فى مزاد البيع والشراء الا عند الساسة, الذين يجعلون الأرقام تقول عكس ماتثبت, والكلمات مجرد زينة, ومثل حديثك هذا مجرد طق حنك وعكلتة فارغة المضمون, تمامآ كما يفعل الساسة.. خلصنا من بلاوى الدنيا وفاضل لينا انت وعسوم الدايرين تبيعوا الموقع!! هذا الجسد المسمى سودانيات, ياسيد بابكر لم يقوم لم تقيمه الأفكار المهببة بتاعت البيع والشراء الحايما ليك مع كل تبعات بتاع حوار قاسى, هذا الجسد بنته القضايا المفتوحة للنقاش سياسيآ والشعر الذى يخرج طازجآ من ثلوب الاعضاء نحو الشاشة بنته الكتابات الأدبية ومجادعات الدوبيت والمزاح, والحبكانات, والتهريج, والسأم, والعكلته, والكواميج.. بنته الكلمات التى تخرج من الروح صافية أيآ كانت امواج الحياة بناه الصدق ففى أى سوق تود أن تدق أجراسآ لبيع الصدق؟[/QUOTE] نعم الرأي رايك ياأخ بابكر يمكن أن (يطرح) كأسهم ويحدد سعر السهم ويذهب ريع ذلك الى ورثة الراحل رحمه الله... والاّ... اذا توفي ممثل المالك -بعد عمر طويل باذن الله- فمن سيكون ممثلا للمالك حينها؟! لا يأتين أحد ليقول: عندئذ يحلها الف حلال :) |
حسبي الله ونعم الوكيل
|
اقتباس:
تعرف يا عادل انا كتبت ومسحت يجى عشرة مرات وفى كل مرة بحس انه فى حاجة سادة حلقى ولما اجى اكتب واقرا بلقى الكتبتوا ما بيوفى عموما فى كلمة صغيرة بقولها ليك الموت ما دعا ولا شتيمة وكل نفس ذائقة الموت لا محالة عكود ربنا يديه العافية وطول العمر خالد عليه الرحمة رحل مؤسس سودانيات رحل وسودانيات لم ولن تمت فان لم تمت سودانيات بموت مؤسسها فلن تموت بغيره سودانيات يا عادل بينخاف عليها منك ومن امثالك ودا الممكن يودى سودانيات فى ستين داهية فلو كنت حريص على سودانيات الكورة فى ملعبك |
الشكر للمجلس السابق
|
سلام عليكم
المقتبس ادناه مأخوذ من بوست الترشيحات .. سبب نقله هنا هو ان ذاك البوست حسب قناعتي ورأي البعض هناك من المفترض انو يكون (صندوق اقتراع) وجلنا يعلم ما هي مهمة صندوق الاقتراع .. أو هكذا يجب ان يكون .. عموماً اقتباس:
|
اقتباس:
انت ما بتفتكر انه الناس الهنا اوعى من التاثر بالغير بدليل انه في ناس امتنعت عن التصويت لانها مابتعرف الناس دي ثم انه مافي انتخاب برفع اليد,,ووتيييب |
عارف يا ود ادريس
السرية دي اكتر جرما في حق الانتخاب على الارض لانها السبب المباشر للتزوير غير انها ممكن تكون وجه من اوجه النفاق وفرصة لممارسته عند ضعاف النفوس |
اقتباس:
نرجع لكلامك الأول :D اقتباس:
اما الجزء التاني اللي بتعلق بالوعي .. أعرف ان جل الناس الهنا واعية كفاية وقصدي من انو لجنة الفرز تستبعد الاصوات الفضحت السرية دي عشان يعرفو انو صوتهم دا مأخوذ به ما دام سريا وغير مرحب به عندما ينجلي :D بمعني (يربوهم) علي احترام عضم الديمقراطية (الانتخاب السري) تعضيدا لها مش عشان بربي النفاق و الكذب زي ما قلتي لاحقاً .. وكمان السرية اللي انتي افتريتي عليها ووصفيتها بانها اكثر جرماً في حق الانتخاب دي وسببتي كلامك دا بانها مدعاة للتزوير !! رأيي انو السرية دي عينها هي (الصدق مع النفس) والقناعة انك بتأدي في شئ مقدس .. |
اقتباس:
ياخ في ناس كتيرة بتمشي تصوت لناس في السر عشان بيدفعوا ليها فلو س بس في رائك دا بيكون صدق مع النفس وفي النوع المنافق البياخد الفلوس ويمشي يسوط للهو عايزه- اها وريني السرية دي خدمت شنو غير انها فتحت باب النفاق ثانياماعارفة لي ما اديت التزوير دا حقو ياخ الشعوب دي اتظلمت بسرية التصويت وسرقةالاصوات الناتج عنها |
اقتباس:
نجي لكلامك المقتبساهو دا كلامي اللي ما بغباهو ولما جيتي تردي رديت ل(عثمان؟) ما علينا .. المهم لو اصلن ممارسة الديمقراطية بدون (وعي) بي اسسها بنفع ما كان في ديمقراطيات ويست منستر عايشة لي يوم الليلة دا ! يعني البدفعو ليهم فلوس عشان يصوتو ديل بعيشو كم دورة ديقراطية مثلن ؟ وهل بتكاثرو عشان يضمنو ديمومة فعلتهم دي ؟؟ علي قول عبد الخالق الله يرحمو ــ قليل من الوعي .. |
اقتباس:
أخي عادل دعني أصحح لك مفهوماً لمسته من كلامك أعلاه فممثل المالك يمكن أن يتغير وهو حي يرزق؛ أي بإمكانه أن يستقيل، أو يقوم المالك بإقالته كما أن ممثل المالك ممكن أن يكون شخصاً إعتبارياً؛ كمكتب محاماة، أو شركة متخصصة في إدارة مثل هذه المواقع ثم يا أخي نحن كأعضاء لسنا معنيين بالعلاقة التي تربط بين الأخ عكود ومالك المنتدى، وهي علاقة ليست خاضعة للنقاش ولا يمكن تناولها بأي صورة من الصور حسبما أرى وأخيراً فإن فكرة الأخ بابكر عباس إن وجدت القبول من أصحاب الشأن فإنني أرى أن يكون هناك شرط في عقد البيع يضمن حقوق المؤسس ويحافظ على فكرته تحياتي |
اقتباس:
استاذنا كيشو .. تحياتى كلامك سليم 100% كالعهد بك فى كل ما تتناوله لكن عادل يطعن فى هو معلوم بداهة وتواترت معرفته لكل متابع ولك أن تطلع على رأيه التالى الذى أثبته فى بوست معتصم الطاهر اقتباس:
اقتباس:
لك شكرى |
اقتباس:
ما قاصد الام والله لاحد ، فقط حاولت اخفف جو البوست المتنشن اصلا ، اسف لو ازعجتك لكن صدقيني لم اقصد ما ذهبتِ اليه ، تستحقي اعتذار كبير لسوء الفهم الحاصل ، وامسحيها في وشي المغمور دا ... ........................... |
| الساعة الآن 07:32 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.