اقتباس:
|
اقتباس:
|
اقتباس:
ما ده سبب مغستى ذاتا .. يقعدوا ينظروا كدة لامن يقدوا عينا .. والكلام سلس قدامم زى موية الينابيع |
اقتباس:
|
اقتباس:
__ يا رأفت، يبدو إنك فهمتني غلط، مداخلة "اللهم زدنا علماً" ديك، كانت للدلالة علي الاستمتاع بالفكرة، الظاهر فهمت إني بسخر من توصيفك وتحليلك للبيت الشعري. بالمناسبة: متفق معاك في شرحك لقيس، ومفردة جقة دي للآن متداولة بنفس الرمزية، يعني ما حكر علي زمنكم عشان تجهد روحك مع قيس دة.:D عموماً: كامل الاعتذار لو حصل ليك لبس في فهم مداخلتي ديك |
اقتباس:
بسم الله الرحمن الرحيم :D:D يا مقدس بالهداوة .. ( ردحيك ) ده كلو ما بسوى من فسيخ النص ده كباية ليمون ياخى والله معاناة السودان ده مفروض تخلق من زى ناس أستاذ هاشم صديق ديل ألف أمرؤ القيس .. عليك الله أرجع للأكتوبريات وشوف تفاعل الأستاذ نفسه مع الحدث .. هسى الكلام الممكون ياتو لما لليل الظالم طول****وفجر النور من عينا اتحول قلنا نعيد الماضي الأول ماضي جدودنا الهزموا الباغي**** وهدوا قلاع الظلم الطاغي وفي ليلة وكنا حشود بتصارع*****عهد الظلم الشب حواجز... شب موانع جانا هتاف من عند الشارع قسما قسما لن ننهار**** طريق الثورة هدي الأحرار والشارع ثـــار وغضب الأمة إتمدد نار***** والكل ياوطني حشود ثوار وهزمنا الليل..... وهزمنا الليل والنور في الأخر طل الدار **** والعزة اخضرت للأحرار وطني نحن سيوف أمجادك**** ونحن مواكب تفدي ترابك ولسه الشارع بيشهد لينا **** في يوم الغضبة حصاد ماضينا مشينا نعطر حقل الثورة **** بدم نفديه بلادنا الحرة وكان (اكتوبر) فجر الغضبة**** كسرنا قيود الماضي الصعبة لما مشينا موالكب صامدة**** تهدر..وتغلي..تهتف راعدة الرصاص لن يفنينا **** الرصاص لن يفنينا وسال الدم في أرض الوادي**** فدينا النور بالروح يا بلادي وكانت صفحة حكاها العالم**** وفجر (أكتوبر) طل وسالم كان في الجامعة موكب هادر**** صمم يجلو الليل السادر وكان الليل السادر غادر**** وكان الليل السادر غادر فجر غدره سموم دخان ***** ورصاص من صوته صحي السودان والشعب الثائر صمم هادر**** يصرع لنا الداجي الطول وكان القرشي شهيدنا الأول وما تراجعنا .. نذرنا الروح**** مسكنا دربنا ..وما تراجعنا للشمس النايرة قطعنا بحور **** حلفنا نموت او نلقي النور |
اقتباس:
|
اقتباس:
|
اقتباس:
يعني بتقصد من النوع ال(يؤثرون على أنفسهم ولو كان بهم خصاصة)؟ :mad:غايتو ياخالد ما أظن في خوف من زول على بكّة الاّ أنت دا قول ما شاء الله وما (تحقد) على الراجل :D |
.
أتفق مع الرأي الغالب هنا - وهو ضعف النص - و الذي جاء بعد التقييم قياسا علي قامة هاشم صديق الشعرية من البعض و مقاييس أخري من آخرين لم يتفقوا عليها و لكن إتفقوا علي النتيجة. أما مقياسي أنا إنما أبنيه علي إحساسي الشخصي بالنص عند قراءته دون الرجوع إلي تعاريف الشعر أو مقومات القصيدة. قرأته مرتين فكان إحساسي به لا يشبه أبدا إحساسي بكثير من شعر هاشم صديق سابقا. هل تدري يا أخ النور يوسف أن هاشم صديق كتب الملحمة و هو طالب بالمرحلة الثانوية. هل تدعم هذه المعلومة نظرية معاويه ؟ و إذا إبتعدنا عن موضوع البناء الشعري والتقييم الفني و تابعنا الأخ رأفت في درب السياسة و الوطنية، فبلا شك سوف يتوقف بناء حمار شيخنا رأفت عند هذا الجزء من النص. لأنه ليس لا يصب (ضد) الحكومة أبدا بل هو سخرية غير لائقة ولا مقبولة من شاعر كبير من حال هؤلاء البسطاء الذين حلت بهم المصيبة و الكارشة ليلا وهم نائمون فبدلت أمنهم فزعا و رعبا و صاروا علي تلك الحالة التي صورها الشاعر بكل سخرية كأنه يحكي لنا عن فيلم كوميدي هابط: اقتباس:
|
اقتباس:
اقتباس:
وبعدين زولة الأعشى ما جقة ولا حاجة، أسامة والرشيد شافوها وبعرفوها كويس :D |
اقتباس:
أوسكار يا كيشو. :D |
غايتو أنا فهمي للحكاية إنو القصيدة دي خاصة جداً بهاشم صديق، يعني بينو وبين نفسو أبيات فيها قهر وتِسِخِّط خاص بيهو كبني آدم، وليست للنشر، بس شنو الخلاهو ينشرا؟ الله أعلم
|
اقتباس:
من جهة تسخط فهي تسخط جد لكن هي للنشر بل ولتردد كما كانت تردد ما بُنيت عليها ... يُحمد لهذه (الطيارة) التي حطت بسودانيات أن جاءت بنقاشات مثمرة وإن بدت الأشواك التي تنثني عند الطعن في بعض ثمارهاgap .... |
اقتباس:
أنا لم استصحب أي أغراض للقصيدة يمكنها أن تحققها ... ولكن تناولت النص كنص شعري - مجازا - وقلت أنه ليس شعرا ... هكذا ... بنفس الحدة التي فاجأني بها هل لي أن أقرأ من مداخلتك أن الواقع السيئ يجب محاربته بأدب سيئ ؟ إذن لماذا لم تفعل أنت ؟ وبين يدينا الجيد والمتماسك من النصوص في نفس هذا الواقع الفاسد المعطوب ؟؟؟ |
اقتباس:
إن حَققت فإنها ستحقق -إن صادف ترديدها مثل سابقتها المبنية عليها- السخط العارم على المآل وظني بالنظر إلى تجربة هاشم صديق قياساً على محل التقريع فإنه من الممكن لنا القول أنها ليست بالمستوى الجمالي لما عهدناه فهل خُلقت عن قصد لتتناسب والسوء الحاصل مثلاً يجوز ذلك أو هي متلائمة مع الوضع الحاصل في الشعر المتداول وأعني ما يُنتج ليسير به الناس ممن يرددون ويحتفون بالقنبلة وشبيهاتها يجوز ذلك أيضاً .... وأبداً أعذر الشاعر فللكتابة كبواتها وصبواتها وهفواتها اتفق معك تماماً في عدم محاربة السوء بالسوء... وعن سؤالك المفزع فإني لا أرى للشعر والشاعر عمراً افتراضياً لكن من الممكن حدوث ذلك على مستويات فردية .... بقي أن أشكرك لإطنابك على ما قرأت من هزالي |
يا أخوانا ما تتحسسوا من كلمة (جقة) دي ساي .. فهي كلمة سودانية مستحدثة .. وهي عادية إذا ما جردناها من لحمها وشحمها looool بنستخدم عادي كلمات من نفس حروف وإستهجاء كلمة جقة .. بنقول : الملاح (أو الطبيخ) قاعد يجقجق في النار (وهو وصف يسيل له اللعاب طوالي :)) وهناك أكلة معروفة هي (الجقاجق) وهي تقابل الكمونية (لغير الناطقين بها) ولو أضفتوا ليها قرنين شطة خضراء حيجيكم إحساس زي نقر الأصابع لما ترتاح للموسيقى . كلام رأفت صحيح فالجقة (المتعارف عليها :)) هي المرأة التي تجاوزت سن القعاد بقليل وما زالت محتفظة بجمالها وألقها وغالبا ً بتكون سمينة (تمشي الهوينى كما يمشي الحمار المكادي الوحلان في الطين أو في الميعة كما قال عمنا رأفت) كلمة جقة ليست شوارعية وليست معيبة ولكنها قد تكون كلمة دكاكينية ... هي كلمة قد تكون مخجلة للبعض الذين يتحسسون من ذاك الوصف عندما يتخيلون المرأة وهي تمشي كما الوجي الوحل ُ |
سوق كعب :D هسي يا شباب لو قريتوها ، غانيه ، مكتنزه الأرداف وللا حاجه بالشكل ده.. مش كانت مشت فيكم ومافي زول إتوقف فيها..:D ، المفرده دي موجوده في واقعنا ومافي مايمنع إستخدامها في ضرورة شعريه..
لكن هل في ضرورة شعريه لكده ؟ أنا مشهد تصوير عبور الجقه وهي جايه السوق ، جهجهني.. لأنو أول حاجه جات في راسي البحلقه.. وأنا كجمهور ( دفاعات جويه سودانيه ) ما بتستقيم البحلقه دي في سماء جمهورية السودان البلًوشيه و إللي قدت من دبر كم وكمين مرًه.. لمن أعدت القرايه تاني.. لقيت مافي داعي كان أسرح بعيد في مشهد البحلقه لأنو عبور الجقًه مقصورد بيهو : إنو الطيارات الإسرائيلية جات على مهلتها . كقارئ ما بطًال.. مافي حاجه إستوقفتني غير توظيف مفردة ( الجقًه ).. ما الجقًه في حد ذاتا:D باقي الكلام حاسي بإنو قريتو في مجلة الصبيان زمااااان ، وللا سمعتو في منلوج ، أو ألقتو على مسامعي السنينه مرة جحا في مرًه من المرائر |
اقتباس:
اقتباس:
اقتباس:
يغنيها سريح الجرجير والنعناع البلدى والبنادوا فى دلالة الكراكيب ويرددا العتالة فى الميناء والسكارا فى الأنادى وكماسرة البصات .. الجزء الأكبر من المقهورين فى عصر الإنحطاط زى ما قالت أمال خليكم فى برجكم العاجى ده وقولوا فى كلام الصفوة الذى يغنى عن جوع .. ده كلام زى طقطقة الرصاص للواطين الجمر .. أنتوا لسة قاعدين فى البركس تشربوا فى الليمون البارد وتفكوا البيرق لامن الكيزان يجوكم بالسيخ .. ولسان حالكم بقول (شنو التخلف ده .. ناس ما عندها منطق حضارى) .. كان كنتوا أهل الفصيدة دى .. كان رديتوهم زى الفيران بقت فيكم (تحسبو لعب .. تلقاهو ركب) .. هاشم صديق يا معاوية ما طلع من المسار ولا خرف .. الزول بشوف بعيون مليانة بالحقيقة .. |
اقتباس:
ياخي شعر حميد ومحجوب شريف وهاشم صديق مارق من الشرايح دي وراجع ليها ... ودا سبب تماسكو وجمالو وديمومتو !!! |
اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif :L:L:L البتغيظ كلمة (أدب سيئ) دى .. مافى حق تقرير زى ده لقصيدة شعبية موجهة لعموم الأرض الضاربا الزلزال .. زى ما قال ليك بله تُنشر وتردد .. وممكن يتغنى بيها ويطلعوا بيها مظاهرة يغنيها سريح الجرجير والنعناع البلدى والبنادوا فى دلالة الكراكيب ويرددا العتالة فى الميناء والسكارا فى الأنادى وكماسرة البصات .. الجزء الأكبر من المقهورين فى عصر الإنحطاط زى ما قالت أمال خليكم فى برجكم العاجى ده وقولوا فى كلام الصفوة الذى يغنى عن جوع .. ده كلام زى طقطقة الرصاص للواطين الجمر .. أنتوا لسة قاعدين فى البركس تشربوا فى الليمون البارد وتفكوا البيرق لامن الكيزان يجوكم بالسيخ .. ولسان حالكم بقول (شنو التخلف ده .. ناس ما عندها منطق حضارى) .. كان كنتوا أهل الفصيدة دى .. كان رديتوهم زى الفيران بقت فيكم (تحسبو لعب .. تلقاهو ركب) .. هاشم صديق يا معاوية ما طلع من المسار ولا خرف .. الزول بشوف بعيون مليانة بالحقيقة .. لا فض فوك :D كنت داير اقول لايك .. لاكني مضرب (ضم الميم واسكن في الضاد واكسر الراء) عن مفردات الفياسة* :D * دا تصريف من فيس بوك :p |
اقتباس:
اقتباس:
نسيتوا طعم القرير بعد الدميرة ;) |
الجقة حسب علمي، هى الناقة الكبيرة وحتى إستعمالنا لها في السودان في الزمن الماضي كان عاديا زي ما شرح رأفت.
اللفت إنتباهي وخلاني أتداخل في بوست يتحدث عن الشعر؟؟ هو كثرة إستعمال الأقواس في القصيدة، والأقواس دائما تعني انو الكلمة البين قوسين تحمل معنيين يريد الكاتب أن يضع تورية خلف الأقواس، وبس |
اقتباس:
القصيدة ما تفرق من الملحمة ولا أصبح الصبح .. الفرق زمنى سحيق .. ما بين التحليق فى السماء والخفوس فى سابع أرض .. سيبك من قصة عيون الشعر وبحور اللغة وما شابه .. خليك فى الأحساس بوقع الكلمة فى الوكت المناسب والزمن المهبب أتخيل لامن محجوب شريف يقول ليك: (أصبح الصبح ولا تسجنو ولا السجان باق) .. بعد ثورة أكتوبر كانت تردد بزهو كامل .. هسة لا تعنى أى حاجة .. وكلام ليس له معنى .. الحاردلو قال نحن أولادنا ضلالات ونحن بناتنا محروسات نط الصبى دق الأرض داير يشقها أتنين وفى زمن قدو قدو تغنى الناس بأسى بديع أنحن أولادنا فسايات ونحن بتاتنا مطلوقات وجرى النيل خجلاً .. ما تكسر رقبة الكلام يا أسامة .. أنا ما حددت شرايح .. أنا غنيت القصيدة بالناس الشغلهم بى حلقومم .. البنادوا فى السوق |
...
.. بعيدا عن شاعرية هاشم صديق ..... كيف نجعل لغة الناس هي لغة الشعر .. ؟ وننزل الشعر من عليائه .. وعزلته .. إلى البسطاء.. والناقمين .. والعاجزين عن التعبير عن انفسهم .... ( .. مشهد من احد ونسة الحضر والبوادي عن الطائرة ) .. .. السر (ود النقارة ) ... رجل ساخر .. ولماح .. دخل .. يعيد .. علي علوية بت حسن .. قعدوا في الراكوبه .. و الصاج .. والجبنة مدوره .. .. قالت ليهو.. البلد بقت ممحوقة .. الطائرات تجي شاقة الواطة .. اصلوا سمانا ده مطلوق ساكت ... وين الديش .. والداهي داك الاسمو .. الرادار ليه ما ... ( قام ) .. رد علي الطائرات .. ... رد عليها (ود النقارة ) بسخريته المعهودة ... جات شاقة .. ساي .. تتضرع .. زي صاحبتك .. ( الجقة ) .. لمن تجي داخله السوق ... .. وقال ليها .. هسي (صاجك ) .. ده .. لو ( تاور ) تقدري تعوسي .. بدون ( طايوق ) ... اها .... رادارنا .. زي صاجك ده .. ( بتاور ) .. وبنعوس فيهو .. بدون ...( طايوق ) .. عشان كده .. ما ( بقوم ) .. * مفردات الصاج ( قام .. تاور ) يرجي الاستعانة بقاموس عكود/ شبارقة .. .. كل الحب .. |
اقتباس:
التورية خلف الأقواس أو حتى أمامها ومن بين يديها ومن خلفها لن تحيي نصا ولد ميتا !! انت رايك شنو في النص ماقبل الاقواس وما بعدها ؟ :D |
اقتباس:
أبيت والله أرشكم لامن الله يغفر ليكم :p |
اقتباس:
كلامك دا وقع لي في جرح وحا يبعدني من برجي العاجي القعدني فيهو رأفت ميلاد مع سبق الإصرار والحاجات فكرتك جيدة ولكنها تنزل بالشعر للعادي ولا تصعد بالعادي للشعر ... ودي المعادلة الصعبة شوف حميد لمان قال فيما قال " بعتو شفيعكم للراسمال ؟ هاكم دي " ويتبع النص حركة تتعمل في الخيال لحركة كشح الواطة في العيون ... هي من نفس ونسة زولتك دي لي زولك داك ... بس معاها شيلة الناس لسما الشعر ... مش رمي الشعر في واطة الله ياخي انا تماضر حمزة دي ماقعد تشوفني واللا شنو ؟ :D:D:D |
اقتباس:
طقطقة الرصاص ياخ الأطرش بحس بيها فى رجفة الواطة .. |
اقتباس:
|
اقتباس:
مبالغة يا اساكة مبالغة يا صاحب:L:L |
اقتباس:
مرة زمان علقت على أغنية أبو عركي البقول فيها: "الحمامات الحزينة قامت أدتا برتكانة" الجماعة زعلوا مني، من الزمن داك بطلت أعلق على كتابات الشعراء والفنانين الكبار! |
هسة يا شبارقة أعدلا كيف وأسامة معاوية أقتبسا :o
اقتباس:
الغريبة أسامة ذاتو يوم عدلنى فى الخاص .. حاجة عجيبة الناس ديل ترشهم بدون تردد وهم يعدلوك غماتى .. موش يمكن يكونوا بخافوا منى .. أنا أب زرد :p شكراً حقيقى يا شبارقة .. هسة الأمين العام ممكن يدينى شهر لنشر رسالة خاصة :eek: يا زول أنا أستأذنت شبارقة وشاهد ضميرى المات فى اليرموك :o |
اقتباس:
وفي الحالتين اصبحنا في النازل!!! |
اقتباس:
|
اقتباس:
|
اقتباس:
|
مافهمت مداخلتك أسامة
لكن أظنّها والله أعلم شئ كويّس:p أسّي لو أنا الكاتبة الحاجة دي، كان مسحتوا بيّ الأرض:D بسوّي ليّ اسم وبجيكم |
اقتباس:
صحيح انا ممثلة القواعد ولكنى لا اقل جمالا وشاعرية من تماضر الخنساء:p يا اخوانا انتوا لازم ترفعوا من معنوياتنا الهابطة ما ممكن عشان هبط ميزان الشعر تهبطونا معاهو:p:D:D |
اقتباس:
غير البهارات ماعندي شئ ياخ أنا محض طرطورة وضنب عنز.* * المقولة مستلفة من ضنب عنز أقصر منّي:D:D |
| الساعة الآن 02:36 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.