اقتباس:
متين بالله ح تدونا صفة كوز وامنجى ..الخ |
اقتباس:
عذرا ياصاحب قريب انشاء الله بس ما تتبري منهم لانو في كثير بقي يعجبهم التنصيف دا مش رغد حياة وحريقة فينا نحن |
ياعريس سلامات
بالنسبة ملايكة اللقب ده كتير علييييييييييي:D مع الجلبطة الحاصلة :rolleyes: المهم انا دايما بقيف في صف المسكين و المظلوم لكن انا بفتكر ببسطاة فهمي انو الناس بتخلط الحاجات دايماماسكين في تهميش الله لاوراكم نحنا بعملو فينا شنو اسع نحنا ناس الوسط ديل تهميش ما عادي من ناس الانقا ذ والحرب في دافور سببها الحكومة مع بعض منتسبيها من المؤتمر اولادها جرو لاهلهم الخراب والناس الببكي انها عارفة السبب اغلب الاتمردو ياالحافظ عايشين ف رغد والراحو هم المحتاجين للامن ولقمة العيش وبعض ماجاء به المانحين لو ترشد وجدو من المفترض مدراس حتى ينتشلو من الجهل وعقدة التهميش ياخ دافور دي منارة القران وبلد تسد رمق الجعان ياخ يجب ان ترفع الراية البيضا لاجل الحياة الكريمة بدل الهتافات وعن التباكي للتهميش اسه لو كل مغتني من اولاد دافور من الحرب بنى فصل وكل جامعي خلى الخرطوم بس يتناوبو على المدارس لخرجنا من دائرة التهميش والحرب وانتظار المنح يكفي نزيف جرح الجنوب النازف المتقيح احييييييييييييييييييييييييييييي حتى لانتبكاى ياهلنا ودمنا على دافور اوقفوا الحرب بينكم ياخ تورتو نفسي وقلبي زاد جروح |
اقتباس:
عزيز قَتل اخاهو الضابط فى بداية الحوادث فى الفاشر لو تدرى كمية الحسرة والحزن المتمكنة من اسرة هذا الضابط حتى الان..لادركنا جمعينا ان ليس فى الحرب "كاسب" مهما كانت النتائج... سكن كافورى ما بنابهو بس الله يرجعنا من غربتنا دى سادى:D |
حبيب ألبي الود حافظ ....
تعرف ياحافظ ؟ الكتبة البررة المن عوالم ما هاجسا حليب الاطفال وأمانهم وقرايتهم....الكتبة ديل ماتصوتولم :D:D الكتبة ديل بيغرقو في وجوديات ورغم كم الصدق المبذول في الكتابات وهندساتا وتنظيراتا لكن بتحس انه الكتابات دي جاية من روح متململة وتكوينا مغاير وقلقة...بس كده ...لكن بعيشو عادي بي قلقهم لكن لمن تكون انت قلم ألمك...ومدادو الدم في نفس الآن ده بيعني انه سكان السما العاشر هم الح يتململوا !! وبكونو ساخطين انك ساخط....وانك مزعجهم بي أنينك . ولأنه القانون بيكتبوهو الأقوياء انكتب في القانون ع سيزيف انه يقضي العمر صعود مؤلم ومكرور وهبوط متدحرج وقاسي وياويلو لو قال آآآآي وياويل الصخرة العلى ضهرو لو ما واصلت رمي صهيرا على ضهرو المكدود وسيزيف هنا مواطن عادي شديد لكن مصر يكون ذاتو ومصر يكون قلقو وعصيانو... وعشاااان عصيان حامل الصخر ده واصرارو على مناظرة الآلِهة كتبوهو مهرجل وحدفوهو هنا عشان الشمس تحرق جلدو وهو بيصعد وقالو ليهو ده بيزيد أجرك فاصبر فصبروصبر وصبرحتى صار صبّار . عبث الوجود فارض انتباهو العسكري على المنحولين (والناطقين بي اسم آلامهم) عشان ما يسمع ولا شهقة ولا يشوف ولا لمحة أعتراض... الوجود ماعايز يتغضن وش ترفو الرقيييييييق بي أي تقطيبة جاية من المكلومين المسحوقين...ولا عايز يغير مودو المدلل ويسمع أنين سكان الأراضين التحتانية ! الحزن مُكوِّن شهق انفاسو الأولى معاك....وانزرع فيك ماساي ماف صدف هنا... كلو بتدبير ياشيخنا :D:D وكلو ابتلاء من القدير..... اسكت بس... ياحافظ انت خرقت سكون الكون وبتحاول تأسس لي جوقة منشدين متحررين؟؟ تباً لك ياود امي حليماي انقهر قهرك وامش....ناس فوق ماعايزين ازعاج ----- مشتاقين ياسغيل جداً... اسمع ..حرر النخيل...الشعب يريد تحرير النخيل:D شايفاهم كللللهم متجرسين فقلت آآزرهم حبة:D |
اقتباس:
معاك انا ذاتي بتأسف علي حياة شقيق صديقك الضابط الأتكتل في الفاشر و كيف أسرته حزينة .... لكن خت في بالك دا ضابط و ما مشي الفاشر دي نزهة ..... أتكتل هذا الضابط الفرد و أسرته متألمة.... لكن قارنه يا أمير بأسرة بتتكتل كلها و بخلوا منها فرد واحد عشان يتألم .... هنا الخسران و الهزيمة مضاعفة...... و الله يا أمير بكاءك و حزنك علي الضابط ما ذكرني الا قائد الجنجويد الحرق قرية كاملة و بكي بكاء مر علي شقيقه ال هو كان جنجويد و مات أثناء اداءه لواجبه في قتل و حرق العزل ... قائد الجنجويد بكي و توعد بحرق و قتل الالف الامبايات ثأراً علي شقيقه الذي ربما يتقبله الله شهيداً بكرر تاني في الحرب ليس هنالك كاسب لكن قطع شك هنالك من هو أكثر خسراناً |
اقتباس:
تعرف يا حافظ لي فترة كده فكرة ( صديقي ) الموت ملازماني علي طول وصدقني ما خايف منو يجيني كلو كلو ،،، عموما كلها شهر وندخل في زمرة ناس فيصل سعد و الباش معتصم وفيصل سعد ونَجُر الخمسين ،،، ثُمَ إنو عرَسنَا وخلفنا بنيات حلاتهم ربنا يحرسهن ياخ ،،، تاني شنو غير نحِج ونجاور ،،، يا الحبيب باكر العصرية نتلاقي في حمد النيل ،،، مشتهي قلبي ضربات النوبة وقولة لا إله إلا الله ،،، اللهُ يا حيُ ،،، ليك المحبة يا صديقي الوفي |
اقتباس:
و الله مرات كتيرة انا بحسد صاحبي شهاب دا يا خي عملها بكل قوة عين و رقد حمد النيل أتخيل هو العرفني بحمد النيل دي لكن بعد ما مات كنت بمشي يوم الجمعة العصر قبره, اي ما بقول اي حاجة بتأمل فقط جلال و هيبة الموت ... لحد ما ذات جمعة قلت أشوف الناس ديل .... لقيت الموضوع ما كعب شديد و من ديك ليبيا فتحت .... يا خي أمس طالع من المكتب ما بقول ليك زهجان لكن كنت محبط و منهك لدرجة اني ما داير اشوف لي مخلوق بس في اللحظة رن التلفون و انا حاضن التلفون ...... رجعت و كانت حولية فوق العادة و جري حمد النيل و ربك كان ما حضر ما ودر يا خي نقزت نقز لدرجة الواحد بقي ظلامي زيه و زي اي البديري :D:D يا خي رقصت في مدحة بتقول (يا ربي صلي علي .... محمد جانا بالشريعة ) شريعة شريعة وين المشكلة؟ نتلاقي عصراً كبير و موعدنا حمد النيل |
اقتباس:
شكراً وجه القمر |
اقتباس:
ربنا يرحم شهاب ويغفر ليه ويرحمن ويغفر لينا ياصاحب وزي ما قلت ،،، جلال وهيبة الموت بتمرقك من كونك مجرد إنسان عادي جاري وراء الدنيا ومادياتها ،، وتعرف كيف إنك صغير جداً وهين ولين ولا حولة ولا قوة ليك أمام هذا المدعو الموت ،،، وأمام الله ،،، |
اقتباس:
رحم الله الحاج الماحي ذلك المغني المادح بواسع رحمته الهي صلي على الخيارى محمد الجانا بالشارة شرعت مدحا باسم ربي الهانا المنهو الجبارة واحد الحق جلاله جل وفي غناه العباد فقارى ومالك الملك والملوك وجاعل الليل والنهار دحى الارض بالجبال رساها رفع سماه حاكم البصارة ثنيت بي صاحب الرياسة محمد الاتى بالنذارة شفيعنا يوم موقف القيامة نهار يقومو الخلوق حيارى ملا الجبين بالعرق عرايا وشاخصات العيون سكارى من العلينا الجميع بكينا ماحالة طال الوقاف فتارى علي الرسل جملتم شكينا بلاه ما عندهم قدارى وبعد ذلك اتينا عيسى وقال يا امتو البشارة ياقومو داك الرسول محمد وصاحب الشامة والامارة مشينا زفة علي المصفى جلى الوجوه من بعد غبارا حبيبي لي ربه خر ساجد وقالو قوم هيلك الخيارا وانت يا الشافع المشفع تنال مرادك في ذا النهارا نعيمي بيك وخلقتو ليك على الامم امتك بدارا مع عجبنا يزيد طربنا يزخرفولنا السما ديارا معاهو فزنا نعيما حزنا ملابس العز والافتخارا المسك ترابا الحسان شبابا صبايا عين كلهن صغارا بناها عالي وسكونا فالي بناها لا سوم لا تجارا بناتا بكر طعاما سكر عقودن اللولي والكرارا وجوها تضوي وحجولا تعوي وتدهشك من حسن وقارا وكت يجنك يعجبنك مساويات ما فيهن قصارى في كل اصبع مسوي خاتم تجيك تالا ايدا بي سوارا ولافي ضربا ولافي حربا ولافي غصبا ولافي غارة يجيه المسلمين جميعا صليحو فاز كردفان وبارا سواكن البر صعيد وسافل شروق غروب لا عرب فزارا بجاهك اخواني بيك تمنو مويس مع شنتي والحوارا ولد سعد ود بليل وصالح يفوزو في زفتك بدارا لبيبك الماحي فيك ظنو عبيدك العايب الخسارة ذنوبو خايف يجرسنو طبايعو افسل فيه حرارا نهار سقيم شوفو اعفو عنو عند الممات لا يضوق مرارا في قبرو حورا يآنسنو مطيعة ما بعرفن الضرارا صلاتي ترضي بعد فرض عليك يا مركز الحيارى نبات الارض نبق وقرض تفوق علي القطر والبحارا تقول في عرضي حوجن تقضي لبيبكم عاوز الاجارة الهي صلي على الخيارا محمد الجانا بالبشارة |
اقتباس:
"الجنوب" بعد مفاصلة القصر الشهيرة خازوقاً فى صحاب الامس.. معاك فى الحرب اكثر خسارناً برضو الحرب لا تقدم زهوراً ولا عنباً اذا اردت حرباً عليك ان تعى وتتوقع تبعاتها..والحقوق اذا سلمنا بها فهناك اكثر من وسيلة للوصول اليها..وما مانديلا وغاندى إلا امثلة تتحذى |
اقتباس:
معليش يا أمير أسمح لي أقول ليك وقعت في نفس الفخ الواقعين فيه كثير من مثقفي الشمال, مثقفين ضمايرهم ما بتسمح ليهم يتحملوا كل الجرائم الواقعة في دارفور و بالمقابل نفس الضماير دي ما بتسعفهم ينتقدوا الحاصل هناك .... عشان كدا بلفوا و بدوروا حول نقاط محددة و تصوير, أن الحرب في دارفور هي حرب بين الشعبي و الوطني.... و وقت الجرائم تقع قدام عيونهم في الخرطوم أو مدني .... بجوا ينتقدوا ابناء عمومتهم في الحكومة و يقولوا ليك في بيوت الاشباح الكان بعذبونا ناس دارفور... هسي يا أمير لو قلت ليك ضربة الفاشر البتككلم عنها دي و الاتكتل فيها الضابط ما قاموا بيها ناس العدل و المساواة و انما حركة التحرير بقيادة عبدالواحد وقتها كما اعلن ذلك رسمياً حتقول شنو؟ و لا عبدالواحد برضو دباب؟!!!!! و مين قال الحرب بتقدم زهور و عنب لكن برضو للحرب قوانينها الاخلاقية حتي لو كانت ما مكتوبة لا تجهز علي الجريح... لا تبيد الحرث, لا تقتل الاسير.... لا تقتل النساء و الأطفال أو المدنين.... ما أتخيل لي في زول ازمنة الحروب بكون نفسه في عنب و زهور بقدر انه نفسه فلذات كبده تنجو.... قلت لي إذا أردت حرباً يجب أن أتحمل تبعاتها يا أمير في البداية أنا داعية بتاع نضال سلمي.... لكن الانسان الفي مناطق الحروبات لا تسقط عنه هويته كانسان مجرد انه هنالك و الحرب الدايرني أتحمل تبعاتها دي و لو الكلام زي ما انا فهمته من صياغه خطر جداً و أتمني أني أكون غلطان تبعات الحرب دي في إغتصاب لنساء لو أنا أتحملتها هل انت بتقدر تتحملها؟ و خت في بالك أن النساء ديل ما شاركن في الحرب و لا بعرفن المتقاتلين منو و في شنو؟ الحرب دي يا أمير من تبعاتها حرق القري , أنا شخصياً ما بتحملها انت قادر؟ تبعات الحرب دي يا أمير أطفال بدون اي عايل و لحد هسي بتبولوا وقت يسمعوا صوت الطيارة , حتقدر تتحمل كل دا كيف؟ تبعات الحرب شيوخ اتكتلوا و شباب رغم انفهم اجبروا علي حمل السلاح بتقدر تتحمل دا؟ و لو داير تشوف تبعات الحرب امشي سوق نيالا, الجنينة, الفاشر, أو زالنجي و لكل سوق مجانينه و مجنوناته أساكر جونا .... أساكر جونا وااااااااااااااااااااااااااااااااااااااي وااااااااااااااااااااااااااااااااااااااااااي امسكي وليدي دي دي نموزح لأحد مجنونات الجنينة كتبعات للحرب زولة بتغني و فجاءة بتصرخ و أتمني يا أمير تتحمل دا كله و صدقني لو قدرت حتستاهل وسام التحمل دون منافس |
اقتباس:
فى 2003 د.خليل من لندن ادعى مشاركة الجناح العسكرى للعدل و المساواة فى احداث الفاشر...ما علينا من قتل الضابط "مااصلو ما جاء نزهة!!! بالله قتل الروح ساهل ومبرر كدا"... الاهم دخول العدل والمساواة فى الصراع البسه شكل ولون صراع إثنى قبلى بغيض حوله الى ما الت اليه الامور بعد ذلك... بعدين منفستو الاخلاق الجبتو فوق دا مفروض يتقيدو بيهو الطرفين مش طرف واحد منهم يعنى اعتداء الدافوريين على النساء وإغتصابهن وقتل الاطفال وبقر البطون ..الخ حلال عليهم وحرام على غيروهم (عليك الله ما تجيب لى المثل بتاع الجنجويد تانى عشان معيار الاخلاق ما كمى:D) الاهم لما جبت سيرة "التبعات" كان قصدى منها التجاوزات والانفلاتات التى بتصاحب الحروب ان كانت على مستوى شخصى او جماعى .. كلمة اخيرة يا حبيب السلام لا يصنع باجترار المرارات او الأ ستعداء..بل بنشر ثقافة التسامح وتخطى حواجز الكراهية و البغضاء. دم بخير |
اقتباس:
نحن سمعنا عن المرتزقة بتاعت مبارك الفاضل من لبيبا للخرطوم ليه الناس نسيت الموضوع داك وبتكلموا عن دخول الفاشر , الخرطوم ناس الاسود الحرة وجبهة الشرق كانو بوزعوا في بسكويت . ولا شكولاتة ليه كان طيران مافي ولاشنو _ ولا الابابيل كانت معطلة وكل حرب براها بعدين تظاهر سلمي بتاع شنو يازول في الثورة شباب التغيير كل الخرطوم والسودان طلعوا مظاهرات كانو بضربوهم بالبمبان والذخيرة المطاطية لما ناس نيالا طلعو ضربوا اثتاعشر طالبة ثانوي بالرصاص متذكر ولا دي برضو حالة حرب نعم السلام بجي بالتسامح والرغبة من الطرفين ما كيد وتخدير لكن ماكل الجراح بتندمل بسرعة حتي لو تدوات بكون في اثر ندبة أو رصاصة في النفس الاستعداد للسلام ما كلام ولسان قول وفعل _ ورينا السبب في فشل ابوجا منو - ج تقول الحركات لانو دوما الغلط من هناك هسي وثيقة الدوحة فتش عن القصور وين حتعرف الاستعداد للسلام بكون كيف وكيف تقبل تتنازل لأخوك مش هو قطعة منك |
حافظ وأمير ازيكم .... عاجبني الون تو البتعملو فيها دي... لكن كده اشرحو لي يعني شنو نضال سلمي يامتعلمين يامتنورين يابتوع المدارس يامتثورنين... لو طلعتو ما متثورنين اعفو لي بس :D لكن ظني كان انه حافظ ثورنجي....ع الأقل الله يكضب الشينة بس معليش ح ارجع التفكيك لي حتة ورا.... بس مستفزة حركة غاندي دي شديد :D:D:D |
اقتباس:
|
اقتباس:
اعتقد ان Pacifism هى نفسها nonviolence بس فى شوت وتى شيرت دينى...:D عشان كدها تبناها اغلب دعاة الحقوق المدنية المرتبطين بالدين كمارتن لوثر كنج وغاندى وغيرهم.. ومانديلا كان داعية سلم فى بداية نضاله متاثرا بغاندى (كان مانديلا في البداية يدعو للمقاومة الغير مسلحة ضد سياسات التمييز العنصري، لكن بعد إطلاق النار على متظاهرين عزل في عام 1960، وإقرار قوانين تحظر الجماعات المضادة للعنصرية، قرر مانديلا وزعماء المجلس الإفريقي القومي فتح باب المقاومة المسلحة -ويكبيديا).... و لا اظن ان نهاية نظام العنصرية فى جنوب افريقيا جاء نتيجة لكفاح مسلح ولا شنو ؟:rolleyes: |
اسير حروفك انا يا حفوظي ياخ ...... خلي اسم الدلع مرفوع المعنويات اطول مدة ممكنة
آخر اخبارك احدهم قال ان بينك وبين الجل روايات وشعر :D عيش زمانك يا صاحب واعشق فما من فات لسنا بلاحقيه . . ياخ عيشتني جوة القصة حتي احسست مطرها وبرقها ... وظلامها أم حقين سُميت علي جدتها وهي عمتي كردفانية الأسم ... حتي دخلت المدرسة بي قدرت قادر جات راجعة من اول يوم دراسة وأسمها أحلام ... أي والله لكنه لساني لو اتعود علي شئ ما بقول سواهو ... لحدي يوم لقيتا قاعدة مع خطيبا الامدرماني المهندم ذلك الوجيه عادي سلمت عليهو ونظام عايز اوريهو انو خطيبتو دي عمتي .. سلمت عليها : ازيك يا عمتي أم حقين وبراااااااااحة بقيت مارق اول ما دخلت علي البيت لقيت الشبشب واقع فوق راسي ضرب :D لكنها ما زالت علي لساني هي أم حقين سوا انني لم ابوح بهذا لولديها . مشتاقين يا زول يا سمح |
| الساعة الآن 07:15 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.