اقتباس:
اقتباس:
اقتباس:
اقتباس:
ظهيرة سعيدة ياشباب..... وسوري لي شليل تاني ولوقت الناس الهنا ...بس لازم اوضح ح الخص فكرتي سريع عشان البوست ده يفترض مخصص لشي محدد 1/ ماجد تاج عنده حق في السؤال عن التعديل وسببه وده حق مكفول لي اي عضو في سودانيات....بس هو سأل كيف ؟؟يارشيدي ومعتصم ماجد تاج اول شي اطلق حكم وقال التعديل ماعندو مبرر ومجحف في حق النصوص التانية ودي تهمة واضحة لي شليل انه عدّل في متن قصتي ...يعني كان يسأل ومايفترض قبل تلقي الجواب انه يقول الدخول ما مبرر وانه بيضر بالقصص التانية....شليل ماعدّل في متني وهو عارف حدودو وانا عارفة سبب التعديل لانه مع اسرتي ممكن يسبب لي اشكال ووقتها ماقدرت ادخل واعدل لاسباب محتفظة بيها وعارفنها اصحاب هنا يبقى مداخلتو الاولى كان يفترض تكون سؤال واستيضاح موش يطلق حكم قطعي ومبطن انه شليل عدّل وظلم البقية من القصص !! صح الكلام يارشيد ومعتصم ؟؟؟ الشي التاني طالب بسحب قصتي من المنافسة كطلب اصيل والطلب الاحتياطي كان الطلب من شليل توضيح انه عدّل شنو وليه......الصورة هنا مقلوبة ...يفترض يسأل ولمن يتلقى رد شليل يبني احكامه وحكاية سحب النص تجي بعد ثبوت التعديل وادانة شليل وادانتي ع تواطؤ قدر ده... سمعوني رايكم هنا في الحتة دي معتصم ورشيدي 2/ حكاية المزح اللي قالا ماجد تاج في مداخلتو التانية ...اللي هي اني مجبسة أنا رافضاها لانه مافي مزح بيني وبين ماجد تاج ولاعلاقتنا بتسمح بمزح ...ولا انا بسمح ليهو اصلاً يمزح معاي ...ولاح يحصل مستقبلاً ماجد تاج بنى علاقتو معاي ع الترصد والتعريض والتهديد ومافي شي يدفعني بتوقع حسن النية منو اطلااااقاً 3/ بالنسبة ليك زي ماكتبت يارشيدي انه المداخلة مافيها غلظة ....من جانبي انا شايفة انه في غلظة وترصد وطلب ما منطقي بي استبعاد قصتي حتى قبل تلقي أجابتي او اجابة شليل وفيها واتهام لي بالتواطؤ مع شليل لتعديل قصتي وده اتهام ظالم وماعندو اساس في الواقع وممكن تطلبو صورة من السيستم توضح ليكم انه شليل حذف عنواني وايميلي وتلفوني والدولة الانا قاعدة فيها وبس....وشليل اكبر من اخطاء واتهامات متسرعة زي دي ولا ح ادافع عنو لانه اساسا مامتهم ولا انا متهمة زي ماحاول يوحي ماجد تاج...اها يللا بتسمح لي وجهة نظري تكون مخالفة ليك يارشيدي؟؟ الزول الواقع عليهو الأذى بيشوف بزوايا شوف مختلفة جداً وبحترم وجهة نظرك في انك ماشايف غلظة بس انا شايفة ابعد من الغلظة حسب تراكم تجاربي العملية مع ماجد ...ومن وجهة نظر شليل قال انها غلظة ومن وجهة نظري هي شي ابعد من الغلظة....هي تشكيك واتهام واطلاق احكام بدون سماع دفوع الزول التاني ....وهي اقصااااااء جديد بيمارسو ماجد تاج في مواجهتي...ويجي يقول في مداخلتو الأخيرة انه ما معني بي سحب قصتي ....كيف ما معني ياماجد تاج وانت طالبت في مداخلتك بسحب قصتي وانه تعديل شليل أضر بالبقية والآخرين ؟؟؟؟ وقلتها صراااااحة وبياناً عياناً؟؟؟وبخط يدك ؟ واهي موجودة ومقتبسة...ومقتبس انكارك برضو بي انك مامعني بسحب قصتي ...كيف يعني ما معني وانت مطالب ؟؟؟ ليه زايغ منها ياماجد ؟؟؟ وضح ليك حجم الترصد والتسرع والأقصاء الفيها ؟؟؟وضح ليك التهجم وحجموا البتمارسو علي على رأس الاشهاد ؟؟ولقيتو ما مستستاغ عشان كده قلت ما معني ؟؟؟ لالالالالالالأ ...انت قاصد ومعني ومجتهد في اقصاء الآخر ونفيه واستبعاده كونه مابيوافق مكامن هبوب ريحك ,....ودي كتابة يدك الغرقت ليك وماجبتها من عندي . السؤال المجرد حق ومكفول ومشروع ومحمي بس السؤال يتسئل صاح وبعيد عن الهوى والأذى والتعريض والتشنيع وبنيان مواقف قبل سماع الرد ع السؤال...ليه ما انتظرت شليل يجاوبك وقلت اسحبو القصة ؟؟؟وحاولت تحرض الآخرين وتألبهم وتقول ليهم شليل عدّل لي لنا البليدة عشان يفوزا وتجو الطيشة انتو الشاطرين المجتهدين الجيتو بدري 4/ في شي خطير برضو لافت نظري وهو تعمد ماجد التهديد في الكبيرة والصغيرة انه بيصفي امورو بي بره وحكاية طالعني دي ....اها ياناس مافيها حاجة ...الحركة دي عادية؟؟؟ اتمارست ع الاقل لغاية هسا من قبل ماجد تاج ضد تلاتة اعضاء ...برضو ماشايف شي يارشيدي وانه عادي ؟؟؟ يا اخوانا انا ما بضيق بالراي خالص ورشيدي ومعتصم ديل خاصتي وصحبي ولو ماجوني بمشي ليهم آخد رايهم بس ياجماعة الراي طريق ذو اتجاهين يللا طلعو لينا النصيحة ووروني كلامي غلط وين ؟؟ وليه لمن بتتدخلوا عشان تشيرو لي انه مافي شي ما بتشيرو لي أخطاء ومخاشنات ماجد واتهاماتو البدون اساس ؟؟؟؟ ليه مادافعتو عن حقي في البقاء في المنافسة وانه مايقصيني بدون تحقيق او انتظار اجابة شليل ؟؟؟ مالكم كيف تحكمون يا اخوانا ؟؟ |
تحيّاتي يا شليل،
للأمانة أنا شايف إنك وماجد تاج لم تتحليا بالحكمة اللازمة ولم تكونا موفقين في إدارة الإختلاف بينكما، حرفتما البوست عن مقاصده وحولتماه لساحة للتراشق اللفظي وتبادل الإستفزازات والشتائم الشخصية التي قطعاً لا تفيد ولا تخدم القاري في شئ، طبعاً أنا أخصك بالحديث دون ماجد لأني منطقياً كنت أعول عليك في تلافي كل هذا بإعتبارك جزء من الطاقم الإداري في سودانيات، فنحن كقراء وأعضاء في هذا المنتدى عشمنا دائماً فيكم كطاقم إداري أن تكونوا الأحرص على تأسيس الحوار الإيجابي الخالي من الشتائم في أروقة المنتدى! روقوا المنقة يا أخوانا، ففي الإمكان أفضل وأجمل مما كان! |
اقتباس:
بتأسف كتير على الحاجه الحصلت هنا ، لكن ياخ الزول ده شايت في خط بتاع تأليب عضوية ضد الإداره.. مهند كوم ، ولنا كوم ، وأهو هسع بيتشكك في نزاهتي.. خطة عملو واضحة ما بتتخطاها عين.. عموما أنا شايف الأتى : 1/ تقنيا السيستم كفيل بإنو يرد على إتهامو لي.. ممكن أصور الحاجه الإتعدلت وزمن تعديلها. 2/ بأسف على الضرر الإتسبب ليكم .. مع الوعد بالعودة للموضوع الرئيسي. |
السيد مشرف منتدى نوافذ ...والسادة /عضوية لجنة التحكيم الموقرة
تحية واحترام الموضوع : طلب إدراج نص قصصي للعضو محمد عبد الرحمن الأكارم ... العضو والزميل العزيز جدا محمد عبد الرحمن اراد التقدم لمسابقة القصة القصيرة بقصة خاصة به وقبل موعد قفل باب المشاركة رسمياً فوجئ بقفل البوست وهذا القفل حال دون تقدمه بقصته مما حدا به كتابتها في بوست بمنتدى الحوار.. لاحقاً أعتذر المشرف الفني بأن خطأ ما كان السبب في قفل البوست وبناءأً عليه التمس من لجنة التحكيم ومشرف منتدى نوافذ أستثناء قصة محمد عبد الرحمن مصطفى من موعد قفل المشاركة جبراً لضرره وادخال قصته لحيز المنافسة لانه لايد له في الأمر ولأنه حضر في الأطار الزمني المعلن عنه اناشدكم باسم روح العدالة وروح سودانيات السمحة السماح له بذلك ما امكن رغم ما قد يسببه طلبي من ارتباك ... *حاولت مكاتبة المشرف الفني بطلبي هذا لكن بريده كان ممتلئ ولم تسول لي نفسي مخاطبة عضوية لجنة التحكيم لانه لدي قصة مشاركة عذراً للمخاطبة العلنية لكن قصدي هو عدم تضرر الغالي محمد عبد الرحمن مصطفى حيث أن عامل الزمن مهم وإن رايتم تحويل طلبي هذا لأي مكان آخر فأنا لا أمانع ولكم فائق التقدير والإحترام لنا جعفر عضو سودانيات |
اقتباس:
عن نفسي لا أجد ما يمنع مشاركته.. وللأمانه لم أعلم بهذا إلا في هذا البوست من خلال مشاركة العزيزة وهاد ، قمت بالإعتذار له فور علمي بذلك ، فلم أتلقى منه جواباً.. فله العتبى ، ولك مني الشكر أجزله. |
اقتباس:
أتمنى أن يحذو ماجد تاج حذوك ويبتعد عن الإستفزازات التي قطعاً لا تخدم محاور الخيط ولا تقدم فائدة للمتابعين. |
اقتباس:
شكري الجزيل وأنحناءة ود يبدو لي إجرائياً والرأي لكم وانتم سادة العارفين...ان تتم مخاطبة لجنة التحكيم مع إرفاق طلبي لمعرفة موقفهم...من طلب استثناء قصة الغالي محمد عبد الرحمن مصطفى من السقف الزمني المعلن عنه سابقاً وذلك للأعتبارات الواردة بالطلب و حسب الوقائع وان وافقت اللجنة الموقرة يتم إدراج قصة محمد في بوست العمال المتسابقة وتودع قصته لدى اللجنة المحترمة للتقييم. ملحوظة.... فعلاً الأخوة اشاروا لموضوع محمد عبد الرحمن والفكرة ليست فكرتي وما أنا باحسنهم لكن فقط احببت أنا ان يأخذ طلبي منحى رسمي لمساعدتكم في إنهاء الأجراءات شكري للزملاء الذين اشاروا لقصة العزيز محمد عبد الرحمن قصة محمد موجودة بمنتدى الحوار في بوست اسمه في إنتظار فكي جبرين بالصفحة الثانية بالمنتدى في بوست بإسم محمد عبد الرحمن ولكم وافر التقدير والإحترام |
اقتباس:
المشاركة الأصلية كتبت بواسطة مشرف منتدى نوافذ http://sudanyat.org/vb/images/buttons/viewpost.gif اقتباس:
اقتباس: المشاركة الأصلية كتبت بواسطة ماجد تاج http://sudanyat.org/vb/images/buttons/viewpost.gif ـ اقتباس:
ـ هنا كان الأمر يسير بسلاسة .. حتى تدخل ما كان عالقا بالنفوس يعنى كان ممكن كل شيء يسير بحسن نية لو اتصافت النفوس .. و كما قلت مفردة أب شنب مفردة شكر لدى ماجد لو يذكر شليل ربما سمعها أكثر من مرة لدى محادثته ماجد فأنا أسمعها منه كلما اتلقينا و هي أول مفردة يخاطبك بها. نعم ماجد حكّاها كتير و كان ممكن ينتهي بالاجابة أو يكتفي. و كان يمكن ينتهى كل الكلام لو شليل كتب ما أشار اليه فى المحل المعنى أنا فهمت أن لنا كتبت ملحوظة حذفها شليل ( عارفو محاسب شديد) .. ماجد مرات لا يعرف متى يتوقف. شليل توقف و اعتذر عن غلظته.. البوست انحرف يا رجالة* دى ما عندها دخل بى ( لنا) .. دخلها بعادل امام. |
اقتباس:
المشاركة الأصلية كتبت بواسطة عماد سلمان http://sudanyat.org/vb/images/buttons/viewpost.gif اقتباس:
سلام عماد يا أصيل الاتنين ديل و الله كرام كل كان يبحث عن الآخر و الاتنين ( بالنسبة ) لى حاجة واحدة وجهي عملة حرة لا يمكن تثمينها. يتفقان اكثر مما يختلفتان و يختلفان كثيرا و يتراجعان للأصالة التى فيهما. و سيجتمعان و سيختلفان. هما ككيشو وحافظ و بس . |
اقتباس:
اقتباس:
دا كان طلبي السابق بإدراج مشاركة محمد عبد الرحمن في المسابقة .. وانت علقته على مبرر عدم رد محمد عبد الرحمن ـ اقتباس:
اقتباس:
وبرضو لما نقول انك بتتعامل مع السيدة بطريقة مختلفة تنتفخ أوداجك وتكب كل ما لا يخطر على بال يا شليل : محمد عبد الرحمن كان مثبت مداخلة في بوست النصوص بأنه سيعود لاحقاً ... ـ بالمناسبة أنا ما منتظر منك انصاف ولا معاملة طيبة في يوم من الايام ولو رفعت ليك بوستات قديمة ـ للتوضيح ـ ح تجري تتكلم عن الاخلاق وما تدخل خالد الحاج هنا وما الى ذلك يا سيدي أعمل ما بدا لك ، لكن ما يفوتك أنو دا كله ما فيه عائد أكثر من العائد الادبي ودا فقدانه ما بتعوض برجع لباقي كلامك الفارغ في حينه ـ |
اقتباس:
لا استجاب ولا تجاوز .. ولا أنا ح أحذو حذوه يا مبر .. أرجو الرجوع لردي على الاخ الرشيد .. الحتة بتاعت متقصدني ومترصدني دي بقت على كل لسان .. كل من هب ودب شايف أنو ماجد تاج متقصده ومترصد ليه .. من أم التيمان وحتى لنا جعفر مروراً بشليل كمان .. قولو يا ماجد أطلع من هنا كافية والله .. لكم علي أن أغادر بسلام لكن بعد الرد على الكلام دا .. ـ |
اقتباس:
تعرف عماد دا أنا لا بعرفو ولا سمعت بيه المقصود قطعاً انت بنفس التور الذي تقرأ به لن تفهمه أوضح ليك : انت قبل كدا ( في مسابقة ماضية ) حدث منك نفس التصرف مع أخرين واعتذرت بكلامك النقلته ليك دا وعلقت ردود أفعالك المتشنجة في شماعة الاسى على الراحل ومع ذلك وبعد مرور كل هذا الوقت ما زلت يا شليل تكتب بذات الانفعال يبقى المقصود من النقل أن أحمالك ما عندها صلة بمبررك القديم دي مشكلة مفروض تشوف علاجا وين يا حبيب !! بقية الكلام الفارغ ال بالاحمر دا هي البتفتح الباب البيجيك منه الريح الذي لن تحمد عواقبه ... ـ اقتباس:
دي عقلية الكماين القديمة بتاعتك هي البترد عنك هنا يا سيدي أنا في الاربعينات من العمر ، وبحسم خلافاتي بالعقل أولاً وأخيراً وحتى إن رغبت في تسبيب وجع ليك قادر على تسبيبه بالعقل الهبل المنساق فيه غيرك بتاع دا تهديد ودا تهديد ما عنده معنى قلت ليك لو حاب أوضح ليك الخافي عنك مستعد أنتقل ليك لحدي عندك تفهم غلط يبقى خلل فيك انت ـ واشاراتك الخسيسة دي سبقتك عليها من قبل أم التيمان .. ومهند ، لما تتبع خطواتهم بتنكشف ومع ذلك تقول انك مشرف على منتدى ثقافي وأدبي قال فساتين قال !!! ـ اقتباس:
وكنت شيوعي في يوم من الايام .. تصدق ؟ ـ اقتباس:
دي بقى بجيها ليك بشكل لا تتوقعه أبداً .... وما تقول تهديد برضو .. هنا دا ( على النت ) ـ |
اقتباس:
فأنا لمعلومتك من أنصار الترصد الخلّاق خاصةً في حقول مناقشات العمل العام، السياسية منها والفكرية والثقافية والإجتماعية، بل أرى أن أم مشكلاتنا كسودانيين تنجم دائماً من الإفراط في المجاملة والطبطبة وخلط احاديث الشأن العام بما يعتمل في الصدور سلباً أو إيجاباً، ومن هذا المنطلق فلا تحفظ لديّ على مساهماتك القادحة في الأداء الإداري فهي تظل عندي مجرد وجهة نظر قابلة للمناقشة والتفنيد وحتى القبول. أما مداخلتي هنا فقد أتت لأمر مختلف كلياً عن كل هذا، فهي عبارة عن مناشدة لكما، أنت وشليل، أن تبتعدا قدر الإمكان من الشخصي والذاتي الي الموضوعي والمفيد وأن تلتزما قدر الإمكان بلائحة وميثاق سودانيات، وقد أستجاب شليل- مشكوراً- لمناشدتي. |
اقتباس:
|
اقتباس:
قمت بعمل ما يلزم ، والتحية ليك ولوهاد وكل من نبهني.. بإنتظار سماع آراء الإخوان في اللجنة الفنية. |
اقتباس:
إلا المدعو تاج.. أنا ما إرتكبت خطأ تجاهو يستدعي الإعتذار.. هو المفروض يعتذر عن إتهامو المبطن لي بالتزوير في نص لنا ، وهو المفروض يعتذر عن رسالتو بتاعة عدم قبول أبشنب لتكليف إلا من بني جلدتو ، وهو المفروض يعتذر للنا عن تسرعو في إستنباط أحكام تتعلق بسحب بوستها بدون ما يكلف نفسو عناء الإستماع للرد.. هذا ملزم توضيحه |
اقتباس:
مين طالبك أصلاً باعتذار يا شليل حقو تعالج معضلاتك بعيداً عن النت أو تنسحب من التكليف زي ما سبق وعملت ما تحاول توصم ماجد بما لم يقصده شوف الاسباب ال بتدفعك كل مرة للرد بطريقة غير متناسبة مع أي فعل منصب تجاهك وشوف ليها حل .. ما تحملنا تبعات أساك يا سيدنا قال اعتذار قال !!! ـ |
اقتباس:
مداخلة محمد حول عودتو لاحقاً وديتها لبوست مسابقة القصة القصيرة + مداخلة الجيلي (بالمناسبة )لإني نوهت لإنو أي مشاركة خارج إطار النصوص حيتم نقلها لبوست مسابقة القصة القصيرة.. وقصة الخطأ التقني الإرتكبتو حأعالجو بالتنسيق مع محمد بس فما تستثمر خطئي ده في صراعك الدونكيشوتي مع نفسك الأماره بالسوء. ثانيا : حول إنك ما نتظر مني إنصاف أو معاملة طيبة.. أنا ببادلك نفس الشعور ، وما بيسعدني إتعامل مع إلتفافك حول ذاتك وإسقاط الآخرين من دوايرك.. ثالثا : بإنتظار ردك الفارغ على مداخلتي. |
اقتباس:
المسألة ما عايزه ليها فلسفة أو تعقيد اداري رغبته في المشاركة ثبتها في البوست نفسه ( المشاركة الانت نقلتها كانت في صميم البوست ) وعدم مشاركته كان بسبب خطأ منك يبقى مبرر اللجنة وانتظار رد محمد ما عندها معنى ما تعقد الامور .. وبإجراء بسيط أنقل القصة من المنتدى العام للبوست بتاع النصوص وأهو زي ما سمحت لنفسك بأريحية تامة تعدل الشروط بعد بداية إدراج النصوص المشاركة بذات المبررات أسمح لنفسك بإدراج نص مشاركة محمد بعد إغلاقك الخاطئ ( تقنياً ) للبوست ما موضوع معقد ، ولا انتخابات .. مسابقة المقصود منها إثراء الدور الأدبي والثقافي للمنتدى ما في مبرر لخنقها بتعقيدات لنا الادارية الما عندها سند دي ـ وبالمناسبة ما ح أنتقل ليك هناك ، أنا بحدد وين وكيف أرد عليك بس إشارة بسيطة : ما تهبل بنفسك يا حبيب وخليك حصيف ... ـ |
اقتباس:
بتلمح لشنو ؟؟ قاصد شنو؟؟؟ ليه شليل بيتعامل معاي بطريقة مختلفة؟؟؟حسب رميك للكلام؟؟ حسبي الله ونعم الوكيل ....فوضت امري لله فيك ورفعت مظلمتي اليه ... اتهمت شليل انه عدّل قصتي واصدرت حكمك بدون سند ولا دليل ولا وجه حق وطالبت قبل تسمع ردي او رد شليل وفي نفس المداخلة بسحب قصتي من المنافسة وجاي الحين تقول انه شليل بيعاملني بطريقة مختلفة وده تلميح غير مقبول اياً كانت مقاصدك وح اقيف عندو كتير جداً .سمعني رايك ولو رفضت تسمعني رأيك ح اعتبر أنك قاصد الاسوء وانه سكاتك تأكيد لتلميحك الغير كريم يللا سمعونا رايكم ياناس في حكاية تعريض ماجد وتلميحاتو دي |
اقتباس:
أنا ح أرد عليك بس شان ما تمشي بعيد في السكة دي شليل فهم جزء من كلامي بطريقة خاطئة ( أنه مفروض يتعامل فقط مع بني جلدتو ـ على حسب تعبيره ) وأنا معترض في الاصل على أنه يستثنى ويعدّل ( أياً كانت دوافع التعديل ) بنفسه يبقى الطريقة المختلفة هنا واضحة وما عندي كلام مغتغت ولا دا اسلوبي ( انا مباشر .. وبمد الاصبع للعين العورة ) وانت أكتر واحدة عارفه ومتأزمة من مباشرتي واصلي في حملة التشويه .. لكن ما تنحرفي في خطك لنواحي زي دي أنا أكرم من أن أخاصم من لا يستحق http://sudanyat.org/vb/showpost.php?...4&postcount=48 ـ |
تنويه :
بخصوص الضرر الذي لحق بالعزيز محمد عبد الرحمن من جراء إغلاق البوست قبل نهاية اليوم ، وافق الإخوة باللجنة الفنية على إعتماد البوست ضمن نصوص المسابقة.. فلهم مني الشكر أجزله ، ولك العتبى يا محمد |
اقتباس:
وكنت عامد ترمي كلام مغتغت وحقي ياماجد تاج عند عزيز مقتدر وكلنا اصبعنا ماعاجزة عن الاشارة للعور وباذلين للمسألة دي حيواتنا ولا بنمل ولا بنزهج ولا بنهاب ولا بنتضارى واعرف شي وحيد انك بالنسبة لي كائن اسفيري ولا يمكن يوم تكون سبب أزماتي ياماجد تاج لا انت ولا مباشرتك ولا تهديداتك ولا سكك ولا ترصدك والما بيستحقو انك تخاصمهم سيب تسكهم وسيب سيرتهم وسيب الجري وراهم.. ما ممكن مجرد اتقدم بقصة يخليك تقوم الدنيا وماتقعدا وجايب في سيرتي هنا وهناك وفي اي مكان وتجي تقول انك اكرم الما بيستحقو مخاصمتك ماتلاحقهم وبطل حقد عليهم انزل نص تجي جاري من غير زول يسألك تقول خارم بارم انزل انتخابات تطعن فيني ...افوز تقوم القياامة عندك اتقدم بقصة تثور ثائرتك.. قصتك شنو انت ؟؟ طيب البتخاصمهم بتعمل ليهم شنو يعني ؟؟؟ فاكر ربك مابيحاسب في البتعمل فيهو ده ؟؟ اليه الشكوى غايتو:D |
اقتباس:
اقتباس:
أقري العبارة تاني وأسألي من معناها ناطق باللغة العربية وبعدها ما في داعي للرد .. أو ردي بدون تكرار وما تقولي كلام بدون دليل ( عاطفي ) زي دا : اقتباس:
|
اقتباس:
يا سيدي لا مفر من قول كلمة الحق مع أن قبولها هنا منوط بامور مختلفة لا يد لي فيها واعتراضي ابتداءاً لم يكن بقصد الاشارة الى أداء إداري سيئ بقدر ما كان بقصد تسليط الضوء على مسارب خلل لابد من معالجتها لاحقاً ، حيث أن ما وقع قد وقع الاشارة الى أن السيستم يمكن أن يكشف طبيعة التعديل في مداخلة غير منطقية وإن كانت تحتاج الى تدخل المشرف الفني أو أي مطلع على طريقة نظام المنتدى لتوضيح ما إذا كان يمكن من خلال الاطلاع على السيستم توضيح سبب التعديل أو مكانه داخل المشاركة ما أردت الاشارة اليه بوضوح أنه لا يجوز بأي حال من الاحوال وتحت أي ظرف أو مبرر أن يتدخل مشرف على مسابقة بتعديل أياً كان نوعه أو مبرره في مشاركة ضمن المشاركات المتنافسة غض النظر عن براءة ذمة المعدِّل أو المعدّل له .. حيث أنها ليست مقياس ولا عاصم يمكن الاستناد اليه للقول بأن أي منهما لا يأتيه الباطل من بين يديه المشكلة أن مثل هذا القول ـ النقد ـ غير مقبول هنا لاحظ كيفية أخذه بتشنج كما في حالة شليل وانفعاله الزايد والغير منطقي هنا أو بصورة عاطفية كحالة السيدة لنا جعفر والتي ما زالت تصرخ بأنها تألمت من مجرد الاشارة للخلل برغم أنها على قمة هرم المنظومة الادارية هنا ، وترأس مجلس إدارة أول وأهم المهام الموكلة اليه هي إعادة تنظيم وتعديل اللائحة والمفترض فيها ـ وهي تكرر تقديم الامثلة للطرق الادارية الصحيحة كما حدث هنا أن تنتبه الى أن تصرف مثل هذا ـ التعديل بيد المشرف ـ حتى وإن كان المشرف موضع ثقة يظل غير مبرر ولا داعي له وهو ما يقوِّض مصداقية المنافسة وشفافيتها .. لا النقد ـ من جانب آخر : يظل شليل مطالب بأن يلزم نفسه بأقصى درجات ضبط النفس فإن الاقلام والافهام لا تستوي حين تقديم النقد ولا يخفى عليه أن رجلاً وقف لعمر بن الخطاب وقال له أمام الناس ـ وهو أمير المؤمنين ـ والله لو أخطأت لقومناك بسيوفنا هنا أنا لا أستخدم السيف ولكن قلم لن يلين ولن يجامل ولن يطبطب على كتف أحد حتى لو كانت مآسي الكون تزدحم على اكتافه العمل العام لا صلة له بالحالة النفسية لمن يتقدم له والاولى فيمن يرى أن حالته النفسية لا تؤهله لتحمل تبعات العمل العام والتي تضم فيما تضم النقد القاسي وال غير رحيم أن ينسحب وأن ينزوي افتعال المشاكل ، والتصعيد ، واستخدام اللغة الخشنة ، والاندفاع في اطلاق الكلمات المشحونة بالغضب الغير مسيطر عليه واستعمال اللغة المستفزة للاخر بقصد جرّه للمهاترات لن تفلح الا في كشف العيب في شخصية المنفعل ـ |
اقتباس:
لا يوجد نص يمنع ذلك بالعكس شليل قبل تداخله فى مداخلة لنا تداخل فى مشاركات اخرى حجب بواسطتها معلومات تخص المشارك (تلفون..عنوان..الخ) واعتقد لو انه يملك التفويض للتعديل انا ما شايف فيها غضاضة |
اقتباس:
مرحب يا أمير لو راجعت بوست النصوص ح تلقى المشاركة الوحيدة التي تم تعديلها من قبل المشرف هي مشاركة السيدة لنا ، ولا مشاركة واحدة سواها تم تعديلها من قبله ـ |
الأعزاء والعزيزات
حتى لا يتضرر هذا البوست ويخرج عن مساره - والذي شاركت فيه بشكل من الأشكال - آمل مشكوراً أن تواصلوا حديثكم عن أوجه القصور التي شابت تجربة مسابقة القصة القصيرة.. ولكم مني الشكر أجزله |
اقتباس:
أعلاه يا أخ شليل مداخلتي والمفروض ترد عليها في مكان طرحها ( هنا ) لذلك أسمح لي أنقل ردك على مداخلتي أعلاه الى مكانه الصحيح ( هنا ) حتى أرد عليها برواقة .. جاء ردك عليها كما يلي : اقتباس:
طيب يا شيخنا أعدت قراءة ردك أعلاه مرتين محاولاً تلمس الروابط بين ما كتبته أنا ، وما استنتجت منه تحليلاتك العجيبة أعلاه ولم أوفق الا في رؤية انفعالك بسبب الشق الاخير من مداخلتي .. أدناه : اقتباس:
وتعجبت .. من خوضك في غمار زي دا فقط لتغطية عبارة نقد قاسية وجهتها اليك لا تنتصر لذاتك يا شليل وتذكر أنك ستعود الى ما كتبته لاحقاً وستجد أنك سقطت في وهدة .. وترديت في جب بسبب عدم قدرتك على تقبل انتقاد الاخر لأداءك ـ الضعيف بالمناسبة وفقاً لما كتبته انت بيدك هنا راجع مداخلتك الاولى في البوست دا وأنظر كم الاخطاء التي أقررت بها ومع انني اثبت أنه لن ينكر أن ثمة جهد هنا الا مكابر .. لكن أيضاً ثمة أخطاء كبيرة يمكن أن تهدم كل جميل منها ما اعترضت عليه أنا ( المساس بشفافية وضوابط المنافسة بتدخلك كمشرف في النصوص ) ومنها ما أنكشف وما زال يتكشف من قبح يتدفق من قلمك ولسانك هنا وفي المفترع الاخر ـ يا شليل : أنا ضد التعقيدات البيروقراطية ، وضد تقييد حركة الاخر باللوائح والقوانين .. وبالاخص في مقام الكتابة لذلك رأيت أنه لا داعي للتعقيدات الادارية ال غير مسنودة ـ الاجراء الشكلي القطعته لنا جعفر من راسا لتبرير قبولك طلبها إدراج مشاركة محمد عبد الرحمن في المنافسة بعد رفضك قبول الطلب المقدم مني بذات المعنى عن نفسي أجد سرور كبير لأن الرجل نال حقه منك عنوةً سواء كان ذلك وفق نسق بيروقراطي عقيم وغير مطلوب أو إثر نقد قاسي قدمته أنا المهم أن الخطأ الفادح الذي ارتكبته انت قد تم تقصير دائرة ضرره ـ وعن باقي ما أوردته في ردك أعلاه .. وزي ما أسميته انت بنفسك بأنه ضقيل فلا أجد ما يمكن أعلق به عليه ـ للحق فقط أرجو أن تكلل جهودك المضنية في تنميق الهراء برفدها بروابط .. حتى لو كانت غير واضحة لكن ع الاقل لتعضد بها ما تنسبه الينا خلال ضقيلاتك ال بنص الساق دي دعِّم كلامك بالروابط وما تفكه في الهوا عاري هكذا ختاماً .. أعود الى ذات التنبيه السابق يا حبيب ماااا تهبل بنفسك .. وخليك حصيف ـ |
اقتباس:
تدخل المشرف و يمكن للمشرف أن يتدخل ففى حالتي مثلا طلب منى عدم نشر معلوماتي لأنها بطرفه و كل من نشر معلوماته تم حذفها لنا كما نعلم زولة منضبطة جدا و حرفية فى مسألة الشروط. و لتعلم عندما تم قفل البوست لم تتصل بشليل بل اتصلت بى و أنا بدورى نبهت شليل أنزلت النص وفق شروط المسابقة ( العنوان والهاتف) كثيرون أرسلوا العنوان والهاتف ضمن رسائل داخلية لماذا لا تصدق أن التعديل كان بسحب المعلومات فقط و اذا ما زلت تشك فيمكنك الرجوع للسستم والذى اصر خالد على أن يحتفظ بهذه الخاصية فى السستم مع إلغاء خاصية اطلاع الادارة على الرسائل الداخلية. |
اقتباس:
المسألة ما بتتعلق بتصديقي من عدمه كل المطلوب كان توضيح لسبب التعديل وموضعه تبريره بالنسبة لي غير مقبول كسبب لتدخله في النص مش من باب التشكيك ، ولا من باب عدم التصديق فقط من باب مراعاة الشفافية .. وتعلم أن المشاركين والقراء ما عندهم آلية تمكنهم من الاطلاع على السيستم زي ما بتقول وأنو الاولى كان أن تعدل لنا مشاركتها بنفسها غض النظر عن السبب وما عارف إذا كانت حرفية جداً زي ما تفضلت اتصلت عليك انت ليه ؟ اللفة الطويلة دي لي شنو ؟ البسيط والسهل أنها تعدل بنفسها ! من جانب تاني شليل ذكر أنه هو من نبهها !! الطبيعي أنها ترجع ليه مباشرة بذات الالية ال اتلقت بيها تنبيهه ما شايف أنها لفة طويلة وغريبة انها تتصل عليك انت ؟ ع العموم كلامي اشارة لخلل وواضح أنه خلل .. مش تشكيك مع أن كل مبررات الشك موجودة ... ـ |
اقتباس:
عندك راي نقدي ع العين والراس.. ما عندك.. أعمل يوتيرن.. بتلقى في بوست مخصص ليك |
اقتباس:
اقتباس:
ـ اقتباس: المشاركة الأصلية كتبت بواسطة مشرف منتدى نوافذ http://sudanyat.org/vb/images/buttons/viewpost.gif اقتباس:
اقتباس: المشاركة الأصلية كتبت بواسطة مشرف منتدى نوافذ http://sudanyat.org/vb/images/buttons/viewpost.gif اقتباس:
سلام ماجد هذا هو الحوار على هذا كان ممكن ينتهي الأمر أنت سألت المشرف أجابك ( اعترف المشرف بقصوره فى عدم كتابة سبب التعديل و أن "لنا" كلفته فى مداخلة آتية قالت أن لها أسبابها ) ..( النقول محننة أو مجبصة) و بهذا من حق أى شخص أن يكلف مشرف ( وليس عضو) و هذا غير أمن من حق المشرف سحب هذه المعلومات الشخصية. فعلت أنا هذا اكثر من مرة مع المرحوم ود الحاج أو كثير من المشرفين او الأمين العام عند تنبيهى ببعض الملاحظات و ليس الأخطاء مرات خوف التوتر من فهم خطا للمداخلة مرات أخطاء مضحكة . اجترار الأمر بعد كل هذا يرجعنا لما قالته لنا ( ترصد) . |
اقتباس:
ما في اجترار .. كل القصة أني بتعرض لمحاولة منعي ـ بتكرار ـ من ابداء وجهة نظر مخالفة ، ولمحاولات لتلوين أي رأي أقوله بألوان قبيحة ووضعه تحت أجندة .. شليل بلغ بيه الحال مبلغ التلويح بأن ماجد تاج يهدف الى هدم نسيج سودانيات الاجتماعي !! طيب .. وانت بتقرر هنا أنه لا غبار على الامر كله أذكرك بأن واحدة من أخطر المشاكل التي مرت على سودانيات وأثرت على نسيجها الاجتماعي ودفعت خالد الحاج نفسه للكفر بسودانيات كانت تدور حول أمر مشابه الامور التي لا تبدو للعيان طالما أن صلاحيات الكيبورد للعضو العادي محدودة خلافاً لصلاحيات المشرف ألمح الى أحداث قديمة لا أجد مبرر لإيرادها ، لكن لا مانع لدي من تزويدك بتحديد إن رغبت ع العموم في أول تعليق لي على تبرير شليل أنا تقبلت توضيحه ( ال سألت منه أنا ) ما تراه هنا هو تداعي لأشياء متعقدة داخل نفس شليل .. جزء كبير جداً منها أنا ما طرف فيه .... ـ |
اقتباس:
|
هذا طلب ..
لا أريد منكم ردا فقط اقرأوا ما تكتبون هنا .. ستقولون انها ردود على مثلها .. و يعنى؟ ما فى زول يقول دا كتّرها أنا أخدت عينات عشوائية و ماجد أكتر لأنه مداخلاتو فقط أكتر .. اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
|
المحترم مشرف منتدى نوافذ
كامل التحايا وخالص الأمنيات بدوام السعادة والإستقرار ما تقومون به من عمل مقدر لدى الجميع ونتمنى أن تتوالى مثل هذه الأفكار التي تحرك الجانب الثقافي و الآدبي والنقدي لدى أعضاء سودانيات. بالنسبة لملاحظاتي حول المسابقة: 1/ الفترة الزمنية في الإعلان عن المسابقة كانت قصيرة نسبياً، حتى إن شكل الإعلان عن المسابقة كان ضعيفاً بعض الشيء مقارنة مع المسابقة الأولى للقصة القصيرة. 2/ شرط أن يكون النص غير مشارك أو منشور في مكان أخر (بمعنى أن يكون جديداً) وهذا الشرط (صعب شديد) لأني أعرف أن الذين يكتبون يقومون بنشر كتاباتهم في مدوناتهم الخاصة أو في المنتديات أو أي مواقع أخرى، أو طباعتها بحر مالهم وتوزيعها على المعارف والأصدقاء. بمعنى أن شرط عدم النشر (في أي مكان وزمان) أجده غير مجدي وأصبح لا ينفع كشرط من شروط المسابقات الثقافية الادبية، ذلك لأن الفضاءات الكثيفة هي التي تؤفر للمبدعين نشر أعمالهم ليتلقوا حولها النقد والرأي فما من كاتب يكتب لنفسه، وما من كاتب حقيقي يبخل بأعماله على المتلقي. وإن كان لابد من شرط يحدد مصير النص في المسابقات الثقافية والادبية هو (أن يكون النص المشارك في المسابقة لم يسبق له أن فاز في مسابقة شبيهة أو أي كان...). لأن فكرة الكتابة هي روح الكاتب يبثها في المفردات والكلمات فتخرج نصاً (كائن حي) كل ما مر يوم يرأه صاحبه جديداً ويكتشف فيه أفكار جديدة، فكل مفردة في النص هي تملأ مكانها وتعطيء النص رونقاً وجمالاً وتعيش وسط الأخريات في تؤدة وإلفة باعثين في النص الروح والحياة. 3/ ننتظر من مشرف المسابقة بأن يقوم بعرض القراءات النقدية والأراء حول النصوص المشاركة في المسابقة. وسلام خاص للجنة القراءة والتحكيم والفرز... ختاماً دمتم ولكم التقدير والود |
اقتباس:
طابت أيامك بكل خير وبركه ، إشتقنا لحرفك يا صديقي ، فلا تطول الغيبه.. الإعلان عن فترة المسابقة إستمر حوالي الشهر ، فمنذ تولي الإشراف على نوافذ طرحت خطة عملي والتي تضمنت فيما تضمنت عن مشروع مسابقة القصة القصيرة.. الشيء الذي فاتني هو مخاطبة السيد المشرف الفني ليقوم بتعميم رسالة داخلية لكل عضوية سودانيات حتى يتثنًى للعضوية التي لا تتداخل كثيراً معرفة ذلك.. وفيما يخص فترة إستلام نصوص المسابقة فقد كانت لحوالي الشهر والنصف، وأعتقد أنها كافية لأن تخلق علاقة طيبة بينك وبين شياطين الكتابة. فيما يتعلق بشرط عدم تكرار النص تجدني قد إقتنعت بوجهة نظرك ، وسنعمل سوياً على إيجاد صيغة تتضمن ( على شرط ألا تكون قد سبق وأن نالت جائزة + على أن لايكون قد سبق للمتسابق أن تم نشرها بسودانيات). سأقوم بفتح بوست ليشرًح الأعمال القصصية ، تبقًى لي إستلام تقييمين من أخوين باللجنة الفنية ، وحالما يكتمل التقييم سأقوم بفتح البوست ، ويسعدني/ نا تداخلكم برؤيتكم النقدية الثاقبة. جزيل شكري وتقديري. |
سلام شليل،
بوست مفيد للإستفادة من التجربة. لو كان قد تم الترويج عن المسابقة عبر الفيس بوك، يبدو لي كان سيكون أفيد. خاصة والكثير من الأعضاء نشطون ولديهم إشتراك في قروبات مختلفة. |
اقتباس:
لييه مايتم اعلان الأعضاء برسائل عبر الايميل عن فعاليات كهذه؟ البريد الالكترونى هو أنجع وسيلة اتصال وتنبيه فى واقعنا السودانى, الفيس بوك وغيرها أدوات لم يقدر صانعوها على السيطرة على مسارها, فمابالك بنا نحن. دعنا نركز على وسيلة الاتصال الاكثر قبولآ .. الايميل |
| الساعة الآن 10:31 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.