اقتباس:
بعدين اجاوبك اقول قولي هذا واستغفر الله لي...................... |
اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif طيب وضح انت الأول متين ووين لقيتني سميتها "حكومة وطنية"؟؟؟ بعدين اجاوبك --------------------------------------------------------------- دق العـيش - الله وأكبروالعزة للسودان-بوست للوطنيين فقط هذا البوست لكل سوداني ود بلد فقط اللقيط والعملاء ولحم الراس والمشكوك في وطنيتهم يمتنعون نحن عدونا ب نعصرو و نطلع زيتو ------------------------ دا كلام منو يا ودالدرديرى... انت تمدح وتكبر وتهلل لافعال الحكومة وتعتبر شغلها دا قمة الوطنية ومن يقف ضدها لقطاء وعملاء ومشكوك فى وطنيتهم......وتجى الآن لتنكر انك وصفتها بالوطنية.... دا كلام مهزوز ولا تستطيع تسويقه حتى فى سوق ام سويقا خليك من صفحة سودانيات..... احترم عقول الآخرين ياخ.. |
اقتباس:
اذن ما حنتفق يا دكتور - لعلمك و آخرون أنا والحكومة "الحالية" خطان متوازيان لا نلتقي إلا في ديباجة جواز السفر كلامي لم اكتبه بغرض التسويق.. وعلى عقول الآخرين التي هللت سابقاً للإعتداء ان تستوعب الآن واقع الهزيمة المرة وبالمرة يرجعوا القروش الدعموهم بيها وماسووا بيها شيء تحياتي اقول قولي هذا واستغفر الله لي................... |
زول الله سلامات
تعرف الزول البهتف جدا للجبهة الثورية و ما مشي لبس لبس خمسة و شاركهم الثورة ف ده زول ساي حدو كيبوردو ده و نفس الشي بالمناسبة للزول البهتف للجيش عشان كده من زمانا بدري بطلنا الهتاف و اكتفينا بالفرجة الملونة هتاف ما لابس لبس خمسة يا فردة ما منو كدة وانا ما بفسر و انت ما بتقصر |
اقتباس:
فصيلة سودانيات نمرة كاملة عد واحد روحنا ودمنا فداء شرف وعرض الوطن |
اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif اذا التهليل للقوات المسلحة بعد استردادها لأرض مغتصبة بتسميهو تهليل للحكومة اذن ما حنتفق يا دكتور - لعلمك و آخرون أنا والحكومة "الحالية" خطان متوازيان لا نلتقي إلا في ديباجة جواز السفر كلامي لم اكتبه بغرض التسويق.. وعلى عقول الآخرين التي هللت سابقاً للإعتداء ان تستوعب الآن واقع الهزيمة المرة وبالمرة يرجعوا القروش الدعموهم بيها وماسووا بيها شيء تحياتي ------------------------------------------------------------ لا توجد قوات مسلحة وطنية فى السودان اليوم...يوجد جيش ومليشيات حزبية تابعة للكيزان يازول الله.... الجيش جيش موالاة للنظام وليس للوطن...... من زمان تم تصفية كل الكوادر الوطنية واحالتهم للمعاش للصالح العام كما يقولون وهو صالحهم الحزبى فى الحقيقة فارجو الا يختلط عليك البقر اما هجوم الجبهة الثورية على ام روابة و ابوكرشولا فقد قمنا بإدانته على اساس ان الهجوم تم على مناطق مدنية تخلو من معسكرات الجيش فهو اعتداء وترويع للمواطنين المدنيين..... ارجو ان تراجع البوست الاول الذى نزل فى هذا الخصوص |
اقتباس:
كلامك ده قولو لي زول ما عندو حديدة |
[QUOTE=زول الله;540561]
- لعلمك و آخرون أنا والحكومة "الحالية" خطان متوازيان لا نلتقي إلا في ديباجة جواز السفر كلامي لم اكتبه بغرض التسويق.. [ [/COLسلام واحترام يازول الله واسعد الله يومك امس وانا بطالع في البوست قررت تجاهله واعتبرته اما فورة بإنتصار وهمى واما ركوب راس . والان بعد أن وجدت منك عدة مداخلات عقلانية وجدتك هادئ وسوف تستوعب النقاش بصورة عقلانية قررت الدخول معك وذلك لاحترامى لك . لقد سبق وان ذكر الكثيرين ممن تصفهم بما وصفت وانا منهم ، ذكرو بالعربي الواضح مش عربى جوبا اننا لانؤيد ما قامت به الجبهة الثورية فالحرب دمار يتضرر منها الجميع مواطن مناطق العمليات بقتله وتشريده وباقي المواطنين لتفاقم الازمات الاقتصادية وكذلك المهاجرين خارج الوطن . ولكن في نفس الوقت أرجعنا سبب تلك الحروبات لسؤ سياسات الحكومة الامنية والاقتصادية والجغرافية حيث قامت بتأجيج الصراع العرقي وغيره مما لايصلح المكان لذكره وانت سيد العارفين . كنا سوف نفرح ونضرب البوري وغيره من وسائل التعبير عن الفرح ونسال نساءنا واخواتنا ان تزغرد لوقامت ا لحكومة برد عدوان اسرائيل على الشرق وقلب العاصمة وقامت برد حلايب الينا حتى ولو كنا مخالفين لسياستها لان هذا عدوان خارجى و، ولكن نفرح لاننا نقتل بإيدينا انفسنا هذا شئ مخجل . القوات المسلحة هي صميم الوطن ولها كل التقدير ولكن تعلم بإن القوات المسلحة تم تسيسها بعد الانقلاب الاسود واصبح معظم جنرلاتها تابعون للنظام واعدم النظام وشرد الشرفاء ومازال الامل منعقدا على القوات المسلحة ونعلم بإن هنالك رجال وطنيين شرفاء . اننا لانؤيد الحرب وضد العمل المسلح ومازال الامل على ثورة شعبية سلمية لتغيير النظام ولهذه الثورة عدة وسائل من ضمنها الندوات التى تقام في الخارج وهي حق للجميع ، ووقتها سوف يعاد الجهاز القضائي ليضم الوطنين الشرفاء لتولى محاكمة المفسدين محاكمة وطنية عادلة بعد توفير كافة وسائل الدفاع لهم . انت وطنى مثلنا ولايربطك بالحكومة الحالية إلا جواز السفر ولكن خانك التعبير عن وصف من خالفك بالراى بعدم الوطنية . يازول الله انت راجل جيد ومطحون مثلنا اترك العواطف جانبا وخاطب العقل سوف تصل للحقيقة والمتمثلة في معاناة امهاتنا واخواتنا واطفالنا وسببها تجار الدين المتلاعبين بعواطف الشعب والفاسدين الذين كنزوا اموال هذا الشعب . وانت تعلم والتاريخ حدثك بإن هولاء لاكلمة ولاعهد لهم قالوا وقالوا في الماضى الكثير بإنهم لم يتفاوضوا مع ومع وفي النهاية تفاوضوا وليس بإرادتهم ولكن بإرادة المجتمع الدولي ولاتستبعد يوماً ان يقام للحلو وعقار مهرجان في الساحة الخضراء لاستقبالهم كما حدث لمن وصفوهم في السابق بإلاعداء وشموا رائحة الجنة بحربهم لهم وحتى الامس القريب في هجليج تعرف قسمهم الذى نكصوه وجلسوهم للمفاوضات . في الختام / آمل ان نلتقى مرة اخرى وفي ظروف فرح لتعزف لنا اغانى الوطن يا وطنى . لك تقديري واحترامي |
اقتباس:
ياخال القوات المسلحة السودانية تعج بالمهمومين بهذا الوطن واجزم انها لم ولن تخذل هذا الشعب يوماً والايام بيننا. اقعد عافية اقول قولي هذا واستغفر الله لي...................... |
اقتباس:
اقتباس:
اقتباس:
بالتجاوز عن اللغة العاطفية التى لاتقدم ولاتأخر, فالبوست ينضح بالعنصرية المنتنة.. فلقد تم تنصيف ااناس الى أولاد بلد وآخرين لا.. ولحم رأس واصحاب عز وشأن.. هذا الخطاب لايجب أن يتم المرور عليه مرور الكرام.. وانى استغرب لمن قد يمر عليهم بسهولة ومنهم الأخ كيشو!! هذا خطاب محقون بعنصرية منتنة وبائنة |
السماح ياناس ارد على الزول دا وارجع ليكم
اقتباس:
وماتنسى تستصحب معاك كم مفردة من لغة غير عاطفية وأهم شيء تكون تقدم وتؤخر - الله اكبر ولانامت اعين الجبناء الله اكبر ولانامت اعين الجبناء اقول قولي هذا واستغفر الله لي................. |
اقتباس:
خليهم يفسرو حقهم ونحن نفسر حقنا و الله في اقول قولي هذا واستغفر الله لي................ |
اقتباس:
... وايضاً معاناتنا من اجلهم وتضحياتنا الكبيرة التي هم سببها وشتاتنا في بلاد الله الواسعة كل ذلك لم ولن ننساه او نتعامى عنه لكنه احساس الغبن من فئة إمتهنت العمالة وملأت جيوبها واوداجها ثم استحلت الديار الآمنة وساكنيها الغافلين عن ساس يسوس بما يليهم من هموم وشظف يعالجونه بإستماتة يومياً , وانت في قمة التعاطف معهم إذا بك تواجه مَن يهلل لتقتيلهم ونهبهم وتشريدهم وموت فلذات اكبادهم ويرفع راية "تحرير" لأرض لم يحتلها غيره يوماً. تشبثٌٌٌٌ عجيب بكل نشاذ يأتي ورعاية كاملة له وتجييره لصالح نضال يغتات الهمبيرقر والكولا من خلف الشاشات ويمتهن الاسترخاء تحت الايركونديشنس. احساس كبير يدفع النفس دفعاً للتهليل والفرح "الحقيقي" والاحساس الكامل بنشوة الانتصار عندما يتم دحر هؤلاء الشرذمة الحالمون. اما ثالوث الشر الذي ذكرته ومعه رهبانهم الذين عمدوهم بدايةً وارشدوهم لمفترق طرق النهب والسلب والمتاجرة بإسم الدين فـ كلهم بإذن الله الى مزبلة التاريخ التي لاترحم. وستبقى كتائب شرفاء القوات المسلحة السودانية فوقهم جميعاً رمزاً لهذا الشعب الجبار لم ولن تخذله ابداً شكراً نبيلاً يشبهك يا فتح العليم اقول قولي هذا واستغفر الله لي................. |
( السلاح ياهو السلاح
عمرو ما بخدم قضية وعمرو ما بضمد جراح ) السلاح الذي يقتل هناك، لا يقتل -اذ يقتل- سوى مهمشين من الطرفين، القتل حتمي اذن؛ الميت في جميع الاحوال مهمش عظيم ... صديقي محمد الهادي ، مات قبل اسابيع ابن اخته الرائد المحترف في الجيش السوداني ، ليس للمرحوم علاقة بالحكومة ؛ ولا المؤتمر الوطني ، بل قد يكون لا يحبهما ، ولكنه ضابط محترف ، ذهب للنيل الازرق، لنداء وظيفته وغادر، تاركا اما حزينة ، وزوجة احزن ، واطفال اكبرهم على اعتاب الدراسة ، والصغرى لم يراها اباها الضابط ابدا ولم تره ، فقد ولدت وهو بالدمازين، كان يخطط للعودة ويراها، والسماية ... الطلقة المجنونة من مهمش كانت اسرع ... هنالك مئات الضحايا من الجانبين ، كلاهما مهمشان ... الدم السوداني اذكى من يهدر هكذا، سنبلة ... .................................................. . بعدين البندقية لما تبدا اطلاق نيرانها، لن تتوقف، تبدا في فرض شروطها، واقل خلاف، النار المفتوحة اصلا جاهزة لحسمه، والسلاح عمرو ما بحسم قضية ؛ ................................................. لا سبيل اخر امام القوى الحية ،وطلائع المجتمع والشعب ... من رص صفوف الشعب، كل الشعب ، وتخرج الخناجر المعباة بالهتاف ، وتشق عنان السماء، يتجاوب معها حتى الجيش والشرطة ، هذا الطريق الوحيد والاقل تكلفة ودما ... هذا اوالطوفان الدامي، الذي يفترتق ما تبقى من الوطن الجميل، بارسِل، بارسِل ............................................... |
اقتباس:
|
اقتباس:
شكرا منعم لا للحرب |
اقتباس:
أخ منعم ربنا يتقبل صديقك محمد ويجعل الجنة مثواه. يا منعم قول هسا أنا طالع مظاهرات عشان أسقط الحكومة دي، وأنصر ناس الجبهة الثورية،والمهمشين الشايلين السلاح ديل! أهتف أقول شنو؟؟ وأنا المواطن السوداني المابفرق معاي يحكم ياسر ولا البشير ولا عقار دائر لي هتاف قوي كدا .... أقلع بيه البشير وجبهة الشرق وسيسي وكبر وتابيته و و و... وأتوج أهلنا المهمشين ديل!! الناس البحاربو ديل يامنعم عندهم اجندتهم البحاربو من أجلها، وأنت سيد العارفين... والله يا عبد المنعم أستاذ الفكي من واوسي وأظنك بتعرفو... والله العظيم دقانه دق في الدنيا دي...لو دقوه لطالب علم في الوقت الحالي دا إلا يشيلوه بإسعاف :)وكان بدرسنا الدين والتاريخ، وليه الفضل في حبنا للوطن دا.. التحية ليه عبرك. |
اقتباس:
بخصوص الهمبريب وكدا... أوصف ليك محل في الكلاكلة شرق آخر محطة... جوار الصيدلية... مركز بكري عبد العزيز للعلاج الطبيعي بتلقانا هناك! |
اقتباس:
|
اقتباس:
سرير ceragem (سيراجيم) أقراء عنه (في عمنا قوقل).. الآن، ولأول مرة بالسودان وفي الكلاكلة شرق صناعة ألمانية . سبب انو يجئ السرير السودان طيبة السودانيين المعهودة، سوداني في ألمانيا طلب من أخونا بكري يمشي معاه للدكتور نظام ترجمة وكدا، الراجل دخل وحالته كانت صعبة شديد، آلام في الظهر، وفقرة في العمود الفقري ما في محلها ... المهم من الجلسة الأولى الراجل قال لبكري أحسن نمشي بالمترو:) ... اها بكري نقل الفكرة بتوكيل رسمي، ووداه الكلاكلة ش آخر محطة... وللصدفة بكري من قراء سودانيات، وبتلمنا كلنا معرفة ومرافقة( النسمة) إيمان الله يرحمها، تعرفنا على المرحوم خالد الحاج الله يرحمه بواسطة إيمان الله يرحمها ملاحظ... لو تابعته بتلقى انو ناس سودانيات أولى أن يعرفو المركز دا ... ودي مهمة أميري... افتتح المركز شهر 11/ 2012 بس تقول أنا من سودانيات الجلسة الأولى مجاني... وبكري طيب طيبة أكان دفعته ليه حاجة .. وانت مارق وشكيت من صعوبة المواصلات برجع ليك الدفعتو ليه :) المركز فيه 10 سرائر حتى الآن ... بكري عامل الجلسة ب 50 جنيه....وهي 40 دقيقة. شكراً حبينا كيشو وعبرك وزول الله بنقدم الدعوة للجميع. |
سرير سيراجيم الكوري للتدليك الحراري CGM-M3500
من فوائده المساعدة بتصحيح العمود الفقري ، الام الظهر والرقبه ، علاج الصداع النصفي ، حالات الربو ، بعض حالات شلل الاطفال ، تنشيط الدورة الدموية ، السكري ، ضغط الدم ، الام المفاصل ، الروماتيزم ، اوجاع الركبه ، تدفق الاكسجين والغذاء وطرد السموم . كما يفيد في تنشيط الجهاز العصبي ، التخلص من الخمول والكسل ، ودوار الراس ، وازالة التوتر والشد العضلي ، ويعمل للاسترخاء الذهني والجسدي . -------------------------------------------------------- هذا موقع عن الجهاز http://www.ceragem.com/ceragem.asp وهذا رابط فيديو عن الجهاز http://www.youtube.com/watch?v=hNsSVQ9g1tc منقول من سبلة عمان للفائدة.. زول الله المساحة دي إنشاء الله في ميزان حسناتك. |
اقتباس:
فو الله لافائدة لوجودى ان كنت أمر على مثل عنصريتك هذه مرورآ عابرآ.. اقتباس:
اقتباس:
الوطنية تطير والجيش يطير والوطن ذاتو يركب فى جنحاتم ويطير بى وراهم لو كان الكلام دا بيعبر على الناس بشكل عادى هذه عنصرية فجة ومباشرة ذات وجه منتن لاتستقيم معها قيمة تواجد وتعايش فى حيز شبر, أو فريق, فدعك من وطن.. |
الصراع الذى يدور فى السودان أنتجته مظالم ماحقة فى حق الجوانب الطرفية المسمية زورآ (الهامش)..
فليس هنالك من هامش, هذه حياوات بشر ومواطنين لايستقيم التعاطى معها بنبرة العنصرية تحت دثار الوطنية.. من هنا يبدا العالم الجميل |
هذه ليست أول مرة يتحدث فيها العضو (زول الله) بعنصريته هذه, ولن تكون آخر مرة مادام يعتقد بأن خطابه هذا وفحواه يتم تلقيه وتمريره.
يا(زول الله) أنت من كتب هذا الحديث, وأنت من عليك تحمل تبعاته, وانى هنا لك لقاعد |
شكراً لأنك انتبهت يا الجيلي،
الحكومة في السما والجبهة الثورية وراها...إذا في شئ يستحق الحرب في تلك البلاد فهي العنصرية البغيضة..التي بدأت مع تقسيمات من شاكلة أولاد بلد و أولاد بحر و لحم راس....ألخ بالذات في هذا السياق العنصرية بائنة..على أساس إنو ناس الجبهة الثوريه ديل غرابة ساي و أولاد البلد ما بساندوهم! |
اقتباس:
مصطلح ود بلد حسب معرفتي ياعبدالله ما مقصود بيها جنس او قبيلة ، فهي فقط مقابل لناس (المدن ) لانهم وحسب التعريف باهل المدينة انهم لحم راس ، وهي ليست شتيمة بل المقصود انهم مجمعين من مناطق شتى بحيث لايسهل التعرف عليهم فالكلمة ماعندها علاقة باهل منطقة معينة ، لانهم يدخلون ايضا في معنى ومسمى (ود البلد) |
اقتباس:
اقتباس:
الوطنية ما ح تطير والجيش بشرفاءه الـ حامي اهلك واهلي ما ح يطير والوطن ما ح يطير اي حتة ولاعندو جنحات يالجيلي البطيرو هم الزييك ديل البجاهدو بي شاشاتهم ويتصيدو الكلام اذا مشاكل السودان بيحلها الكلام كان انتخبناك رئيس جمهورية بكرة دي اكبر مشاكلنا هي التنظير والتحوير زي البتسوي فيهو دا وبدون اي فائدة والافدح هو دفن الرؤوس في الرمال حياءً حين الاعتداء.. و سن السكاكين لما الامور تستعدل يلا تعال علقني انا العندي قلتو - و أبشرك لن تكون الاخيرة يالجيلي لن تكون الاخيرة ابداً و إن عادوا عُدت والرهيفة التنقد وشكراً اقتباس:
هل كل افراد وقادة المسماة الجبهة الثورية غرابة؟؟ الفي راسك ما تجي تكبو هنا حسب إعتقادك وكمان تحاكم بيهو الناس الكلام واضح ليك ولي غيرك: اقتباس:
كل من يحمل الجنسية السودانية ويقيم داخل إطار هذه الجغرافية هو ود بلد اي وافد او مرتزق او عميل هو لقيط ولحم راس وخارج إطار تسمية اولاد البلد الشرح دا لو ماوقع ليك يبقى المشكلة عندك يللا تعال صنف الكلام دا حسب وضعيته وأدينا فيهو رأيك و... الله اكبر ولا نامت اعين الجبناء الله اكبر ولا نامت اعين الجبناء الله اكبر ولا نامت اعين الجبناء اقول قولي هذا واستغفر الله لي............. |
اقتباس:
غايته عايدالروس حاول يصلحه ليك..قلتة أجي أقول ليو "عتود كان طار" لكن قلتة نشوف ردك أول. يا زول كلامك الهنة دة كله بسياقة عنصري و دة ما حكمي أنا- كلامك هو البحكمك. السودان الواحد دة ولا سودان تاني ؟؟؟ ود بلد كلمة عنصرية ترمز لعرق معين في السودان و هي من شاكلة "ود بحر" "أهل العوض" "حلبي" "لحم راس" "ود قبايل"..ألخ من أشكال التنميط والقوالب العنصرية التي لا يخلو منها أي خطاب عنصري سوداني. |
اقتباس:
أما و قد سبق عقلك الباطن نوايانا و قلتها عنا ..فذاك ما قلت أنت لا نحن...و حيظلوا عندك ساي و لو طرت السماء .... يا زول الله كلام و قلتو فلو قصدت بيهو تقليل من شأن أي سوداني فأستغفر و اعتذر ولو كانت نواياك غير ما ظن بعضهم فإنا نظن فيك الخير و في نواياك و لا نطالبك شططا |
اقتباس:
"و حيظلوا عندك ساي و لو طرت السماء" بمناسبة تعليقك لأخ زول والنوايا و ظن الخير و هكذا إنشا... شايفك ما طبقت كلامك دة في تعليقك لي أبداً و أهو إنت بتقرر ما خفي في قلبي و تراهن عليه كمان! عجيب جداً |
اقتباس:
اقتباس:
اسمها "كان طار عنز" عتودك دا شوف ليهو تصريف اقول قولي هذا واستغفر الله لي............... |
اقتباس:
اي سوداني "ود بلد" يفوق عندي مائة مما يعدون بالخارج وهو عندي عالي الشأن لدرجة لن يتصورها "بعضهم" وغالي جداً اياً كان موقعه اما الزبد فيذهب جفاءً ممتن لحسن الظن اقول قولي هذا واستغفر الله لي.............. |
| الساعة الآن 08:05 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.