اقتباس:
ولا تم الاقصاء لانو كوز وكما قيل أمنجي؟ الحرية لنا ولسوانا يا رأفت ماحنجزئها ولاّ نكون مابنستاهلها ولا بنستحقها... |
سؤال بريئ :
عندما نمنع حرية الرأي لطرف بحجة أن هذا الطرف غير ديمقراطي ولا يؤمن بالديمقراطية .. ما الفرق بيننا وبينهم ؟ نحن علي حق .. نحن نتشدق بأننا أفضل منهم .. فلنبسط الحرية "لنا ولسونا" .. وحينها فقط يحق لنا أن نقول "نحن أفضل منهم " لو علمتني تجربة العظيم نيلسون مانديلا أمرا فقد علمتني أن الانتقام والتشفي قد يعالج علاجا آنيا.. لكن الداء يتثرب عميقا في العظام .. التسامي وحده وتطبيق ما نؤمن به من قيم "لنا ولمن عادانا " هو العلاج .. حينها فقط ربما يسعنا وطن .. أما وهذا هو حالنا فلا أعتقد بأن المنتدي سيسعنا نهايك عن وطن . قد يقول قائل : "جن الخال" أو "فلسفة يتوباوية" .. أو الخال "بقي كوز" .. لكني أزعم أني لا أمر بتجربة ما وأخرج منها خالي الوفاض. أزعم أن الوعي عندي حائط صد ومتراس ضد القبح .. وأزعم أن الرأي لا يقابل إلا برأي وإن جنح البعض في رأيهم إلي الدوغمائية .. بدر الدين "الكوز ده" إن استطاع أن يوصل رسالة تدفع البعض إلي التعاطف معه فهذا عندي لا يعني فقط نجاحا "لفكره " بل هو فشلا "لفكر" من يناهض الاستاذ بدر الدين ودليل علي عدم قدرتهم علي توصيل أفاكارهم ورؤاهم للقارئي . راجعوا انفسكم ... واسمعوا كلام "الخال القصير" مرة ... ربما .. وأكرر ربما.. يكون علي حق.. مجنون .. احتمال .. لكن الحكمة تؤخذ من أفواه المجانين . |
اقتباس:
|
اقتباس:
لأني مسجل، أمة، شعوعي، بعث وحتى شعبي.. يابا الله ما جاب الدواس لأنهو سره في بطنهو:( كدي بالله تحت تحت كدي أداهور شطبتوهو ولا لسة إسمه مسجل ما الزول توفي:o |
..
|
اقتباس:
أخدنا غلى ناقوسنا برضو..بس فى الخاص لكن ما بنقبف من الكنابة ولا الاسنفزاز .. |
[align=center]الحبيب سيد الملف :
سلام " ربنا يديك الفي مُرادَك .. ويدينا الفي مُرادنا "[/align] [align=center][flash=http://www.youtube.com/v/2VMaDmMR7WY&hl=en_US&fs=1]WIDTH=400 HEIGHT=350[/flash][/align] [align=center] الفي مُرادنا : " من ما قام هيبة وشخصية " [/align] * |
اقتباس:
منك العض وعليك العوض .. قلت لى اقتباس:
يا خلود .. الحرامى البنط عليك باليل ويخرب بيتك .. فتشوا عشان يقاسمك فى النهبوا منك نص بالنص .. وبعد داك أديه كباية لبن .. والله حيرتونا |
اقتباس:
|
إزيك يا رأفت يا أخي
طبعا أنا ما حا أشتغل بكلام الخواجة . الزول البيشتر الكلام وما بيقدر يعتذر خت محلو طوبة ودي أنا ختيتها . لا أحترم اطلاقا من يرمي الكلام ولا يلجأ للوضوح . خليه يباريني كده لامن بنزينو يقطع . أنا نصايحو ماني دايرها . بخصوص كلامك يا رأفت . يا ابن عمي لا أحتاج أن أبين لك "مكان لدغتي" وقطع شك ما أنا الزول البيجي يزايد علي زول متهما لي "بالانفناسة" . الكيزان حقيقة الآن موجودة ... نحن ظللنا لأكثر من عشرين عاما نشتم فيهم ونبين كيف أنهم * انقضوا علي الديمقراطية . * كتموا حرية الناس. * نهبوا ثروات البلد . * عذبوا المعارضين ده كله معروف ومافي زول ناسيه . مسألة حرية الرأي مسألة مختلفة تماما . هل قضيتنا عادلة ؟ هل لدينا حقا ما نقوله ؟ إذن لما الخوف من مساحة يكتب فيها الكيزان ؟ ما يكتبوا يا أخي .. ونحن نكتب . ألسنا علي حق وأصحاب قضية ؟ ولا أزال أردد . إن منعناهم ابداء رأيهم فلا فرق بيننا وبينهم . بنبقي زينا وزيهم واحد (***) . أما ما حدث من اجرام وتعدي فيوما ما مصيره "القضاء" والقضاء العادل . والتاريخ يا رأفت لا يقاس بعدد من السنوات . نحن هنا نتحدث عن وطن وعن أمة . في النهاية ده رأي خالد الحاج . مجرد فرد . خالد الجن ده عمرو ما سنسر رأي لي عضو ولا منع الناس تقول كلامها . خلوه .. خلوه في "فنستو دي" . يعني خلاص ياهو رأي الشنقل الريكة ؟؟!! ما البلد كلها مفنوسة ... |
اقتباس:
وما أنا البتفلسف عليك عشان ما ضقت واحد من عشرة من زنقتك .. وبعدين فرد الكلام والراى ما واحد .. ما بدر بفرفر وعناوينو بتتصاقع ومعلن أنو كوز بأضان .. أمال زانقاهو فى الطاحونة مافى زول قال حاجة .. وبدر الدين زول بستلطفو شديد وما داسيها وما بخجل منها .. لكن لما الكلام يكون عن (محمد حامد جمعة) .. يبقى أكيد موضوع تانى وما بنفع فيه كمية مثاليات (فارغة) زى الفوق ده .. ياخ وأكيد متابع قصة (مأمون) كان ما نسيت الإسم .. الطلع شخصية وهمية .. وطلع رشحه لمنبر سودانيز محمد حامد جمعة وغالباً يكون هو .. قصة شخصية الشاعر أبو ذر الإختفى بواسطة الأمن .. أهلو ما عارفنوا حى ولا ميت .. يجى يقول حمّل بت وأهلها كتلوه .. وأهلو عارفين بس داسين خجلتم !!! والله مش كان بدر الدين قال الكلام ده .. أنت زاتك كان قلتو أصوت على طردك من المنبر .. بدر الدين لسه ما قادر يدافع على إتهام فهو فكرياً مفيد فى (الرأى والرأى الآخر) .. بدر الدين ده بالمناسبة بينى وبينو سجال إحتداد شديد لكن عمره لم يمس لى طرف شخصى .. وأجمل ما فيه تخطى (عقدة) الإختلاف العقائدى لنزال فكرى .. ودى فرصة ما بفوتا كوز .. ده ما مدح فى بدر الدين .. ده بيحصر رؤيتى لمحمد حامد جمعة .. بصراحة زغت من ونسة شليل وطيبان عن الأغبش .. والله كان فى محله أدى الراجل حقنة فى واحدة من الختيتا فى لباس ديك .. طبعاً ما كتبتها عشان توقيع الأمين العام يكون فى مداخلتك براك :D:D |
الأحباء الأعزاء
بالسن توحة روفي خلود غايتهو ليقتكم كيشآ أكتر من بدر الدين ظاتهو يعني فتح ليكم البوست وتطربقوا لمن جبتو ليكم حرارة نفس بيناتكم وهو باع حنانكم ظاتهو يصفر ليكم مرة إتنين صفر مرة تلاتا صفر ومن حسي أقولها ليكم أنا دآ ما ببقى صفر عن بدروف لو دقيتوني في جلدي ما بهببو ليكم... دقسكم يا كيشآ:mad::mad: (غايتهو الشيوعية ما علمتكم حكمتها؛ سياسة فرق تسد، يسد نفس الخلاف والشتات والفراق) بدروف الحبيب بالله عليك طلب لو عندك لينا إحترام؟! بطل حكاية الحقارة دي وما تصفر في وشينا نحنا برضنا بشر وناس محترمين ومفروض يكون الإحترام هو ديننا ودينا واحد |
يا رأفت ان تعلق الأمر بمحمد حامد جمعة فقد قلت رأي.
أنا والله ما قريت عن الموضوع الانت بتتكلم عنه ده . كل البعرفو أنو "قالوا" محمد حامد جمعة ضابط في الأمن . وقلت بي وضوح دي أنا ما عندي عليها اثبات. وما عندي اثبات أن الرجل شارك في تعذيب المناضلين .لن أبني يا رأفت مواقفي علي أراء سماعية . دحين يا أخوي لو عندك ما يثبت أو يجرم محمد حامد جمعة بما لا يقبل الشك أنشرو هنا . خليني النقراه . وحينها لومك علي أنا البشيل وش القباحة ضد محمد جمعة . لكن سيبني من حكاية قالوا دي . القالوه كتييير يا ابن عمي. وأنا محمد حامد جمعة قابلتو لمدة عشرة دقائق كان في معيتي ناصر يوسف منال قوت القلوب عبد العزيز خطاب سحر وعدد آخر من الناس لا أذكرهم .. لا علاقة صداقة ولا حتى معرفة سابقة تخليني أجاملو أو أتنفنس عشانو . ما يهمني في القضية هي قضية حرية الرأي . وما دمنا متفقين علي "عدالتها" فنحن ما مختلفين يا أخي... بدر الدين حبابو .. وحباب أي كوز يجي شايل فكرو وقلمو ... سلام يا صاحب. |
[frame="2 80"]المشاركة الأصلية كتبت بواسطة خالد الحاج
إزيك يا رأفت يا أخي طبعا أنا ما حا أشتغل بكلام الخواجة . الزول البيشتر الكلام وما بيقدر يعتذر خت محلو طوبة ودي أنا ختيتها . لا أحترم اطلاقا من يرمي الكلام ولا يلجأ للوضوح . خليه يباريني كده لامن بنزينو يقطع . أنا نصايحو ماني دايرها [/frame]. وضوح شنو ياخالد البتتكلم عليهو ..هو أنا بتكلم مع تلميذ في الكتاب:confused: كلامي واضح ودي اسمها أدب مش عدم وضوح ولا شتارة..والقال ليك منو ما بقدر أعتذر ..الحكايو وما فيها انو في ناس باعتبر علاقتي معاهم أكبر من الاعتذار افتراضا مني انهم فاهمين هدفي من الكلام ولو ما فاهمين يبقي عليهم العوض..أما حكاية الطوبة فدي ما مشكلة عشان في الآخر كلنا حتتختا لينا طوبة تحت راسنا وممكن هسة تكون بروفة.. بالله ياخالد ما تكابر وما تشوه صورتك قدام الناس بالعند ولو عايز تبقي كوز عدييييل مبروك عليك وما فارقا معانا لكن الحسرة من حقنا ومافي زول بيقدر يمنعنا من التحسر.. |
اقتباس:
ودآ ذي صفر العرف فدغكم في بعضكم:mad: الصفر الجآي:mad: ما ترجوهو:mad: لأنه بيكون حآآآآآآآآآآآآآآآآآآآر:mad: هو وينهو الولعآ فيكم:(:mad: ما خلاص يا رفقاء :mad: يا شوطآر عملها وطآر:mad::mad::mad::mad: |
اقتباس:
أها أنا كوز . مؤتمر وطني عديل .. أنا صورتي ما مشوهة .. لكن البعض باللولوة والكلام الفارغ بيحاول يشوها .. وهيهات. ارتاح يا أخي وخليني في حالي الله يرضي عليك . |
[align=center][glint]والمعزة البيناتنا
وبالمحبة الرعيناها خلااااااااااااااااااااااااااااااااااااااص[/glint][/align] ما تشمتوا فينا الناس |
اقتباس:
الخواجة ليه كم يوم متلحني داير يسويني عندي "حالة" ويلمح لأني بقيت كوز .. أها المسألة دي أنا ما مريحاني. طلبت منو أكتر من مرة يشوف غيري . أنا أحاور رأفت كما تري.. ليه لأنو انسان واضح .. بيقول رأيه بكل وضوح ودغري أنا شغل التلاتة ورقات بيعمل لي ارتكالية .. ما عندي شغلة بيه بس طلب واحد ما أفتكر أنه صعب .. يختاني يا أخي .. بتفتكر الطلب ده بيبوظ سمعتي ؟ حكاية باركوها دي هنا ما شغالة يا بابكر يا أخي لأنو أساسا الخلاف ما فكري .. قصة عجيبة والله .. |
فتحى مسعد حنفى
قسوتك على خالد الحاج غير مبررة وغير مقبولة وطعمها ما حلو دا راى انا سارة |
اقتباس:
ياسارة كلامك دا خلاني أراجع كلامي الكتبتو كلو ولقيت نفسي فعلا قسيت علي خالد شديد لكن أقسم بالله وبحياة عيالي قسوتي كانت مثل قسوة الأب علي عيالو نابعة عن محبة شديدة وليس بغرض تشويه صورتو.. ياخالد كما سببت لك بلبلة علي العلن أنا هنا بقول ليك متأسف وبعتذر علي العلن عن كل كلمة قلتها سببت لك أي نوع من الألم وأوعدك بأني لن أعود لهذا البوست مرة أخري ولن أتدخل في قراراتك ومواقفك الخاصة مرة أخري وأنا واثق من استحالة الوصول لما لمحت أنا به عنك وكان رد فعل كلمات اعتبرنها غلط في حقي.. مرة أخري آااااااااسف ياشقيق لم تلده أمينة الهندية.. |
اقتباس:
عن موضوع أبو ذر للأسف يعمد الأخ بكرى أبو بكر الى حذف بوستات الجدل .. تم توقيف وحذف بوست (مهند مأمون) وهذا صاحب الإسم الوهمى .. وذلك بعد أن كشف (وهميته) أعضاء من منبر سودانيز أون لاين .. بورداب السودان .. نذروا نفسهم ونظموا (حملة تقصى للحقائق) .. منهم زميل المنبر هنا (سفيان نابرى) .. بدأت القصة بالبحث فى إحدى البوستات عن إختفاء المناضل الشاعر أبو ذر الغفارى .. وتشير كل الدلائل والأدلة بأنه تم أختطافه من قبل قوات الأمن من الحاج يوسف .. بدأت القصة عاطفية وبقلق ذويه الذى لا يعرفون مصيره سنوات عديدة .. حدث تضامن كثيف وتصدر البوست وتعدى مداخلات كثيفة .. بدأ بحث وتنقيب تكشف عنه الكثير المتخبئ .. فيما يبدو الأمر أزعج جهات أمنية .. ظهر فى المنبر مشترك حديث بدأ فوراً فى بوست جديد بكتابة مرتبة ومتأنية كأنها معدة ومراجعة .. تحت أسمه وصورة لشخصه .. شاب وسيم أعطى للكتابة مصداقية إضافية .. نسج قصة (العارف) بأن أبو ذر تم قتله فى قضية شرف بعد علاقة منافية للأخلاق مع إبنة عائلة (وافدة) .. وعائلته على علم بالواقعة وصمتوا خزى وعار .. فى البدء صب ماء بارد على شعلة الحماس .. بدأت معه الإستفسارات التى لم يبدو أنه تحوط لها مثل إعداد المقال .. تسربت الشكوك وتحركت اللجنة المذكورة وتحققت بأن لا وجود لصاحب الإشتراك (مهند مأمون) .. كتب سفيان نابرى الخلاصة فى هذا البوست: محمد خير صديق أبي ذر يفند إدعاءات مهند مأمون ((توجد وثيقة بخط اليد و شهود)) بدأ الضغط على بكرى أبو بكر للكشف عن هوية مهند مأمون .. رد بالآتى: اقتباس:
بعد إختفاء مهند مأمون بدأت مطاردة محمد حامد جمعة .. فى عديد من البوستات .. والشكوك كلها هو مهند مأمون .. وتتالت البوستات : كتب زميلنا خضر حسين خليل: يلا ياجنابو جمعة الكورة هسي في ملعبك حدثنا الان عن مهند مأمون أرجو الرجوع لهذا البوست لترى بجاحة محاورة محمد حامد جمعه وإستخفافه بالناس لتحكم هل هو (أمنجى) أم لا .. عقب عادل عبد العاطى على خضر: محمد حامد جمعة انت مُلزم بالإجابة او الإنصراف غير ماسوفاً عليك ! وهناك عديد من البوستات التى طالبت بقضايا قانونية وطرد محمد حامد جمعة .. ولكن ضاع الحق ونحن أمام (الخصم والحكم) ألم تر من صوت على طرد محمد حامد جمعة كان غيوراً على سودانيات .. أنت مطالب للإعتذار لمجوعة وصفتها بما لا يليق يا خالد |
اقتباس:
و لكن تم كشفه و كشف المستوى العفن لاجهزة الامن....يعنى الناس شافت عمايلهم شوف العين........و هذه فائدة لم تكن لتحدث لو لم تتم مناقشته . يا رأفت ما تختف رجلك و تجيب لينا المسلسل دا. . |
شكرآ رأفت
ما شفت مداخلتك |
اقتباس:
|
انا متابعة هنا وجدا بطني طااااامة
ماعايز اتكلم لاعتبارات كتيرة ياعم فتحي ويارأفت الغالي وياخالد رفيق السكة عايزة أنبهكم متين مايظهر الكيزان مابتظهر الا الفتن والقلاقل والحفِر الزول ده قاعد يوقع فيكم في بعض من ماجاء هنا الكوز ده وهو شغال يوقع بين مجتمع سودانيات اللي بتربطو وشائج هو أتى خصيصا لفضها عشان كده انا قلتا ليكم منو لله الجاب لينا الكيزان لاني عارفاهم لمن يجو مكان بتنعدم فيهو العافية والهوا النضيف انتبهو ...ولو عندكم اي حاجة حلوها بالداخلي خلو الكوز قاعد وتعالو نحاصرو زي ماهم معدمننا النفس ولمن الامور تتساوى وتبقى عندنا سلطة حقيقية خلونا نتكلم عن الديمقراطيات خليكم متذكرين انه في قانون فيزيا مفاده انه لكل فعل رد فعل مساوي له في المقدار ومضاد في الاتجاه ......نحن لا بتاعين يوتوبيات ولامثالييين نحن سياسيين واقعيين وبتحكمنا مصالح اللي عايز يبقى طوباوي يبقى واللي عايز يكون واقعي اهلا بيهو واللي عايز يكون مثالي ح يندم لمن تنقشع بعض ضبابية الواقع وماتجي ياخالد تقول انا بطاعن انا قاصداك عدييييل اهدأوا ياشباب وأرخي شوية ياخالد الحاج عندي كلام كتير عن م ح ج الامنجي الكوز لكن بعاني شوية من نزلة وماقادرة اكتب زاتو لكن دخلتا اقول ليكم اصبرو شوية وماتدخلو الكوز بيناتكم وتخلوهو يرفع في البوست بي عبارات شكر لي خالد عشان يفرتق الناس لاخافية عليكم المسألة ولا على خالد الحاج ....روقو بس عشان رؤيتكم تصفى والله يلعن الكيزان محل ماقبلو |
يا رأفت بتعرف وائل طه؟
|
اقتباس:
سأراجع كل الروابط التي رفدتها هنا وأعود ليك. لكن قبل ذهابي سؤال . أين وصفت الناس بما لا يليق يا صاحب ؟ أنا في ردي علي الأخ بدر الدين تحملت المسئولية فيما حدث . لم أدخل أي طرف ثالث فمن أين جئت بالقول أني وصفت الناس بما لا يليق؟ |
اقتباس:
غبش بعض مواقف الماضي ...يزيد من نصاعة قناعات الحاضر! ... أثمّن -بتقدير كبير-جميل اعترافك النبيل بخطئ دفعك اليه سلبٌ سبق في حق (الآخر)!... وأقيّم-كثيرا-ماتفضلت به أعلاه!. قمنٌ بالمرء أن يبقى كبيرا بقناعات كهذه ياصديقي مودة تترى |
اقتباس:
لنا سلامات بس كلامك ما صح... وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى ما يدور يتحمل فيهو كل طرف مسئوليته وبدر الدين ما عندو علاقة بالشي دة ولو عندك اى اثبات ممكن نشوفوا ــــــــــــــــــــــــــــــ مشكلتي يااخ مابعرف اشوف شي ما راكب عدلو واسكت وكلامك ينافي الحقيقة وناس رأفت ممكن يعدوها بس أنا لا |
اقتباس:
اقتباس:
|
اقتباس:
|
اقتباس:
عساك بخير.. هنالك خلط مريع هنا ... أول الملاحظات هي أني أدافع عن "حرية الرأي" لا عن محمد حامد جمعة . ثاني الملاحظات أن حادثة جمعة هنا في سودانيات لها عامان ونصف العام . لم يكن حينها قضية أبوذر التي جلبها رأفت قد حدثت بعد . أنت تعلمين أن التسلسل هنا مهم جدا . أنا أناقش حيثيات تمت هنا وبظروف معينة تم فيها ارتكاب أخطاء .. بينت أين وكيف تمت. لا أري علاقة بين ما حدث حينها وما حدث بعد ذلك من قضايا لا أعلم والله الشاهد تفاصيلها حتى اللحظة . البعض يعتقد أني مدرك لما حدث من حوارات في المواقع الأخري وده افتراض عجيب. حياتي يا بت عمي جعفر ليست منحصرة في النت. أنا عندي عملي وأولادي وغير هذا أشرف علي موقعين . لا وقت لي للحوامة في النت . أما ما حدث بيني والأخ فتحي مسعد فهذا لا علاقة له ببدر الدين أو بغيره .. فتحي يلمح تلميحات غير جميلة ولو لا أني أحترم أشياء كثيرة لكان ردي غير هذا . أنا يا ابنة العم لا يضيرني ولا يهمني لو كل الدنيا اجتمعت لتصفني بأني كوز .. رحم الله إمرء عرف قدر نفسه . مرة أخري . حرية الرأي هنا كاملة غير منقوصة وغير مربوطة بأي توجه سياسي. ومن يعتقد أن سودانيات رافد للحزب الشيوعي السوداني عليه أن يراجع حساباته . سودانيات لا تنتمي للحزب الشيوعي السوداني ولا لأي حزب آخر . |
اقتباس:
قَّرض علي كدة... ـــــــ تجيد أعمال السحر ببراعة يا صاحبي |
اقتباس:
ما كان لي أن أجعل الله عرضة لأيماني... لكنه -جل في علاه-يعلم تمام صدقي في ما أروم قوله: للأخت الغالية (لنا) هذه قدرٌ ما فتئتُ أُعليه حضورا وغيابا!... ... كم آسى على غبش اضحى يكتنف الصورة والسمت والسياق يا(لنا)! لماذا كل ذلك ياغالية؟! العهد بك (سنبلة) ملأى حبا وثقافة وجمالا!... وملأى السنابل تنحني بتواضع والشامخات رؤوسهن فوارغ كوني كالعهد بك: وردة نبتت على غصن جميل ناضر ... مودة باقية |
اقتباس:
إذن لو كنت قد أسأت لانسان فهذا الانسان هو خالد الحاج. هؤلاء الذين صوتوا أنا من فرض عليهم التصويت وأنا صاحب الفكرة . أنا لا أشتم الناس يا رأفت يا أخي. العفو. |
اقتباس:
اقتباس:
ح أوريك شي من تحليلي بعد شويييييية اقتباس:
صح الناس بتتكلم عن موضوع حصل قبل وجوده هنا ....لكن ليه هو اختار فتح الموضوع الآن وبهذه الكيفية المدوية واستنتاجك شنو لمن بدر الدين وصديقي عادل عسوم يجو يمتدحو في عودة خالد لي جادة الطريق القويم؟؟؟؟ انت بتتبنى مناهج تحليل واستنتاج عاملة كيف ياأميري؟؟؟ أنا اثباتي عقلي واستنتاجي ماعندي دوكيومنت من الكوز او غيرو اقتباس:
اقتباس:
ناس رأفت ماناس حقيقة يعني ولا شنو؟؟؟ (قاااامت علي اللخبطة ):D أميري لمن تكتب خليك مركز ...حسا دي بشبكك مع رأفت ويحلك اللي حلا بلة على راي السودانيين .....عشان اكبر الكوم انت جامع مع رأفت منو ياخوي؟؟ أعمل لي مشكلة انت زاتك .......سمح؟؟؟:D:D |
اقتباس:
لعناية العميد محمد احمد الريح (امنع الكلام ) وعن دافع عن العيد (اللواء) ضحوى |
اقتباس:
أي طريق قويمِ تعنين يالنا؟! مدحي وتثميني لم يكن الاّ لتوصيف وموقف (نبيل) تلمسته للرجل... يالنا... أشهد الله بأن سياقك وايعازاتك ولغتك الجديدة لاتشبهك... لاتشبهك... لاتشبهك! مودة باقية |
اقتباس:
لا يزال قولي كما هو . ما حدث لجمعة هنا حدث بظروف وحيثات معينة . لا يمكن أن نأتي بكل ما تراكم بعد ذلك ونقول ببساطة (شفتو يا جماعة . الخال عندو بعد نظر زي زرقاء اليمامة) !! يا رأفت التاريخ لا يحاكم بمعطيات اليوم . أكرر مرة أخري أنا لا أنفي أي تهمة وجهت لجمعة . ومن المحتمل جدا أن تكون كل هذه التهم صحيحة . ما يهمني هنا حرية الرأي وهذا ما دفعني لكل هذا الحديث. وما يهمني أن الحادثة التي تعلقت بجمعة كنت فيها "أنا" غير دمقراطي وتجاوزت فيها . |
اقتباس:
ألف شكر يا صاحب |
| الساعة الآن 02:26 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.