اقتباس:
دي ملاحظة قوية .. ولكن لا تنفي منك الحنكشة .. .. و صحيح انو الرجال بعد الشاكوش طوالي بقوموا بياخدوا قرار زى دا.. وبكون رد فعلهم فيهو نخوة رجالة زائفة .. أنا شخصيا طوالي خطبت .. بعد اسبوع بس .. لكن حسيت بأني ظلمت الزولة التانية .. وحاولت طوال سنين الخطبة أقنع نفسى بانو قرارى صاح .. مع انو الزولة ما فيها عيب .. بل كويسة جدا .. اها لحدي ما مرقن الاتنين من محل الوجع حتى شفت زولتي الصاح .. .. قرارات متسرعة زى دي ..من اسباب فشل الزواج البجي نتيجة رد فعل .. ولكن مرات بنجح فى حالة واحدة ..انك تكون مخزّن- فى العقل والفلب - ليك واحدة بالمواصفات الصاح .. ولاثبات حنكشتك نقول ليك البت اول ما تتشوكش بتقبل بأول زول يتقدم ليها .. بس الفرق انها ما بتدخل فى علاقة جديدة بسرعة .. اقتباس:
|
اقتباس:
وإذا عرف السبب.. يا بسملة الفرق بين الرجل والمرأة في حكاية الشاكوش لا يحتاج كثير بحث المرأة بتبلع الموضوع بما جبلت عليه من تحمل المشاق. الرجل بتدخل فيه "خلعة" وبتتحول مع الزمن لي "طيارة عين" وحتى لو بقي زي عمك معتصم حسب تعبيره (لقي زولتو الصاح ) برضو طيارة العين بتبقي "كامنة" وبتظهر في أي وكت حتى لو في إجتماع أو مؤتمر ;) والعجائز بدلعو طيارة العين وبسموها "البكا" . أنا الدخلني هنا شنو ؟ |
اقتباس:
انتو انا الوحيد الخبير ؟ ولا ..انا بس الوحيد البقول الحاصل .. بس لانك شفيف.. و ظريف و عارف نفسيات بناتك و كمان اصحابنا ديل (خوة قر قر ساكت ) داقين طناش واصلو السوط واصلهم ... لكن ما شغالين بينا ..و داسين تجاربهم ليه ما تعرف ...بخيلين ساى:confused::confused:...اصبر ليهم ... بنشرك ليهم سمح :p:p:p:p طيب السؤال الانتن .. سألتن عنو .. و دايرات ليهو اجابة الرد فى كلمة واحدة ونجي راجعين .. نفسرها و نعمل تفاصيل .. السكينة .. الراجل عاوز ( سكن ) .. بستناك فى سكينة اللت الراجل دى ا النشوف اخرتا ::DD:D |
اقتباس:
ادينا التحارب ايام الشيطنة |
اقتباس:
يا زولة البوست حق معتصم وخالك مصايبو ما "بفتها" في مكان عام نظام "إذا بليتم فاستتروا" وكده:D لكن بشرك ليك لي "الهنات" وبتابع كويس لو دعي الأمر وربك سهل بجي ;) |
معتصم الطاهر و خالد الحاج و الله العظيم متشكرين خالص خالص
بالجد يعنى وفيتو و كفيتو .. بس عندى سؤال كدا محرق لى روحيتى .. لى شنو الرجل عامه بيصرف الانتباه عن البت لامن تشتغل بيهو ؟ يعنى اول ما تبدا تهتم بيهو بيبدا يطنشا ؟ بعدين لى شنو الولد بيفكر يجرح البت لامن يكون متاكد انها ما شايفه غيرو فى الدنيا ؟ و هل صحيح انو الرجال معليش معليش معليش انا اسفه بيحبو البت الى بتعفص ليهم و تحقر بيهم ؟ و هل صحيح انو الرجل المتزوج على ما تعوده زوجته ؟ و انا مثلا كشابه حا اعرف كيف انو الزول دا كعب و لا كويس ؟ بخيل مثلا و لا بيدفع حا يعاملنى معامله كريمه ام لا .. فى ناس كتار بيكونو اهلوم ناس كويسين بس هم ما بيكونو كويسين ابدا زى حكايه البخل دى ما بتعرفا الا لامن تحتك بالشخص ذاتو مش ؟ |
اقتباس:
نقول يا بنيتي .. أنا الجابتني هنا منال .. لكن البتورطني انتي .. دا سادوس .. داير دكتورة ناهد عشان هي قاسية على الرجال .. طيب انا بجيك بي مهلة اقتباس:
|
اقتباس:
اقتباس:
وفي قول بابكر مخير " كاردينال" اقتباس:
اقتباس:
|
اقتباس:
اقتباس:
المداخلة الفوق دى منقولة ..من بوست تاني .. وكنت قبل يومين اتآنس مع خالد حول" لنا جعفر " .. و يمكن خالد يسرد ما دار .. طيب نحكي عن عدم مداخلتي مع "لنا" لنا تأتيك بعشرة مواضيع فى مداخلة واحدة .. يعني زى الجماعة الشطار أيام الامتحانات تسألوا عن حاجة صغيرة يكب ليك المقرر بحالو .. تتعقد عديل كدا .. انا حأسقط ولا شنو ..!! الكلام دا فى المقرر ..؟ أها الناس الشطار ديل تحب تقراهم/ن كويس حتى ترد .. وأنا زول بدشر الكلام ساى .. يعنى زول الله فى بلاد الله .. أها ..دا بقودني للحديث صنفين من الأذكياء من الرجال والنساء ..( المثل دا هنا ما بخصك كثير يا لنا ) وهم دايما بكونوا بسطاء فى التعامل .. إلا الجميلات والوسيمين .. فهؤلاء تدخلهم عقدة فهم الآخرين بسرعة و بكتشف انو كثيرين أصحاب غرض .. بعد دا يبدأ يتعامل بحذر و يتطور عند البعض الى شك .. و يصعب التعامل معهم بسهولة .. و لكن عندما يفهموك .. يتعاملون بسهولة و انسيابية تخليك تريد الدنيا كلها .. وتشوفها بين بمبي و بنفسجي ... أها زى ديل بضيعوا حظهم .. وعشان كدا البنات الذكيات يتزوجن بصعوبة ناس يستاهلوهن .. لأن مقاييس الشريك عندهن بترتفع مع ارتفاع الذكاء والتجربة و الجمال .. يعنى سهولة اختيار الشريك بكون عكسي مع ارتفاع نسبة الذكاء والتجربة والتعامل .. اسع شوفي منال وبسملة ديل متعبات كيف في الأسئلة ..!!!! دا مش بيدل على وعي؟ .. ديل غايتو عرسن لحدى التلاتين بكون بالحظ أو الريدة أو الاختيار العقلي أو القسمة .. دا حالتو نعمات حماد ما دخلت كويس .. طيب و الرجال الأذكياء .. دا بيرجح عقله فى اختياره و بما أن نسبة البنات الكويسات أكثر ..فحظه بكون أفضل .. قليلا .. لنا يا بت أخوي مداخلتك الفوق دى بجي راجع ليها بعد اقراك كويس .. مش اقراها كويس .. اقتباس:
|
اقتباس:
كدي هاك كباية الموية دي بل ريقك وواصل ياأخوي :mad::D |
معتصم ....ياخوي
الله يفتح شهيتك زي مافتحت شهيتي للحكي اجمل شي طلعت بيهو الليلة انك مازعلان مني في شي فقد ذهبت بي الظنون مذاهب!! اها جزاء لوضوحك الجميل ده حااتشجع واقول ليك انا بخاف عديل كده من تأملك ورصدك عندك عين ماشاء الله ،لكن برضو مخيفة ........واقول ليك شي تاني ناس الهندسة ديل أنا بخاف من تمحيصهم شديد وقوة ملاحظتهم الما بتجلي ابدا عشان كده بمشي منهم مع الحيطة وزي الضل . وتخيل حكاية الشطار الانت قلتها لي دي منطبقة عليك انت وعشيرتك الشاطرة طبعا وليس تطبعا. أما حكاية العشرة مواضيع دي ماتربشك دي ممكن تكون حالة دفاعية عشان ما تسألني أنت أو الآخر عموما وممكن تكون حيرة وغربة وجودية وممكن تكون محاولة للتخلص ممايؤرق ورميه على كاهل الآخر........ليحاول انتاج اجابات ، يعني انتاج السؤال ليجيب عليه اي زول الا انت يعني ده تذاكي ، كويس كشف الاوراق ده كده ؟ الحكي ده بالسايكولوجي بي كلام الله والرسول زي مابتقول بيان دي محاولات لابقاء الناس قراب منك ولانتزاع مشاركة ما فأنا اؤمن بكلام افلاطون .........."تحدث كي أراك"......وبمنتهى البساطة بحاول اتكلم واضع ليك نفسي سهلة وقريبة لنبدد حواجز الجغرافيا فنحن نتحدث دون رؤية مادية وماثلة ولنبدد غربات أخرى اصعب نعاني منها جميعا،صحيح القلب قد يرى احيانا قبل العين لكن دي شفقة بتكون لي طي مسافات لكسب الزمن ولاحداث مزيد من التفاهم والالتقاء ........بس لكن بالتجربة ثبت لي أني قد اكون اقمت سد في وجه التفاعل ، لكن بلاقصد ، أها ده اسمو شنو ؟ (شوف ده تذاكي جديد...يللا جاوب) يللا الفكرة كلها بتقود نحو الخوف من أن اموت وفي نفسي شئ من حتى لانه مفترض لما اموت اكون "دشرت" كل النفسي فيهو .دشرت دي رهيبة خالص.......لكن السؤال المحير الجدوى من كده شنو ؟؟؟؟؟؟ ماانت كده كده ميت ! لابتكون الاسئلة اتجاوبت ولا بتكون ركزت للبطان ! أها كيف الراي؟.........الغي نافوخي واعيش سعيد ولا اسمح للاسئلة تتناسل جواي وتبقيني نزيل في بعشر ؟ ويوم القيامة يطلعوني في طابور المشاغبين؟؟؟؟؟؟؟؟؟؟ اختار واحد من الخيارات دي ولو في سكة تالتة الحقني بيها ياهندسة ...................بسرعة عارفة انا مؤذية لاني بسأل اسئيلة وجودية ومحرضة ....... مفهوم الحكي ولاّ طير وباقير ياخوانا؟ لو في زول عندو كتاب اناشيد ملدرور حايعرف انا مالي ولو ماعندكم شكيتو على الله الاداني الكتاب .....وعهد الله لو لقيت الكتاب انزله ليكم اموت براي لي؟ موت الجماعة عرس ، تقرو وتموتو معاي اسمع معتصم دي تقالة دم مني مابعدها امشي نوم لكن قبال ماتمشي اعفى لي واسمع مني فاصلة صغيرة قلبت هوبة انت في بوست أفنان وأرقت ليلي ........عليك الف ابداع وليلتك فل وياجماهير انا حاصل لي تداعي ولو بكرة قمت لقيت الكلام بتاعي ده بتاع مساطيل حااحذفو بس وروني كيف آلية الحذف او التعديل ؟ ليلة سعيدة وحنتكلم تاني ........بس بالله هس عم فتحي ما يشوف البوست ده !!!! |
عمك فتحي شاف وقراكلمة كلمة لامن جاهو اكتئاب من كلام الموت حقك دا وقررت تاني مأقرا الا كلام الاشراقتين لا فيهو موت ولا حاجات بتزعل بل بالعكس الواحد يقعد يتخيل نفسو رجع شباب تاني ...يعني يا لنا واحدة ترجعك شباب وواحدة تطرا ليك الموت وكمان باللفة وبكل ذكاء تنسبك للسطلجية غايتو الشكية لي ألله:D;):D |
اقتباس:
جاييك يا أم شرا .. |
عم فتحي
هههههههههههههههههههههههههههههههه ههههههههههههههههههههههه ازيك ياعم ياحلو شكيتك انت صاحي زيي تعد في النجوم مالك ؟ انا اتسحبت قلت الكل نايم .........واتسحبت قلت ارد قبال ماتصحى وتقرا الاقيك وش............البتخاف منه مايجيش احسن منو انت مابتنوم ليه ياعم فتحي .........حااصرف ليك دوا رهيب يخليك تنوم وانت واقف وانا برضو حااشرب منو اولا اقطع النت لانه بجيب النكد والبوستات البتسهر زي ده تاني شي اتبراء من سودانيات وخالد ومعتصم عندي شريط بتاع جلالات تخته في هيدفون وتقوم جاكي ،قبال ماتصل الاقصر تلاقي نفسك نمت ....بس اما حكاية النكد دي لو ماعايزين اجيب ليكم سيرة الموت والحاجات دي ابعدو مني معتصم وخالد ........ وطوالي حااكتب ليك عن القمر والنيل والخلود وممكن احكي ليك حتى عن خلاسيات تاهيتي عندك ليك ونسة رهيبة بس ابعد عني الجوز ده ودي ياعم فتحي وشكرا لوجودك معي دوما وتسلم |
اقتباس:
النت يالنا ادمان والارتياح لبعض الناس برضو ادمان وانتي علي رأسهم ودا ما كلام بكش.. حكاية أبعد منك معتصم وخالد دي ما بقدر عليها الناس ديل لسناتهم طويلة وأنا زول كبرت وما بقدر أدافس مع اتنين مرة واحدة وكدي شوفي خالد قاعد مسكت ليهو دولة أوروبية كاملة أو علي الأصح منظمة;) أها زي دي معقول أدخل روحي معاهو في مشاكل:confused: أما موضوع النوم فدي حكاية تاني لأني كل شغلي مع دول بتصحي بعد الناس في عالمنا بتنوم زي أمريكا وأستراليا. وفي النهار الاولاد عايزين النت يعني تقدري تقولي سهر اجباري. وعموما انا أول ما شفتك رديتي كنت عايز قبال ما أقرا انتي كاتبة شنو عايز أقول ليك أنتي ما قلتي ليلة سعيدة الجابك تاني شنو أها أنا الحأقول ليك تصبحي علي خير وان عدتم عدنا:D:D:D |
اقتباس:
سهر اليالى ... اها كدى ورونا سهر الكتير و الارق بتاع المتزوجين ده من شنو و ليه بكون هههههههه طبعا دى قراية ما بين السطور وصادة ليكم تانى |
اقتباس:
اقرأي مداخلاتي أعلاه وأضيفى اليها العمل .. فى ناس بياخدوا بريك بالنت .. اقتباس:
|
اقتباس:
و كمان برك النت كلنا معاك لو ما الونسة السمحة كان اون ليف ولا الاسفيرية و حاتك يا.. نحن فى الخرطوم كنا طقعنا الحيط من الزهج و هلم جرا و انت شيخ العارفين |
اقتباس:
سلام أول ما قريت السطرين التحت ديل، قلتا دا يكون عكودن تاني بس لمن قريت الكلام الأحمر إتأكد ليا ياهو دا زولي المابيعرف حتى يجرح إن مسكو سكين وبيحب دايمن يكون هو الحنين ومسكين قال ليك: (أكان الرجال للسيدات ولا السيدات للرجال) المابريدك ولا بحمل بلاك وربنا يدي الصبر |
وعشان كدا البنات الذكيات يتزوجن بصعوبة ناس يستاهلوهن ..
لأن مقاييس الشريك عندهن بترتفع مع ارتفاع الذكاء والتجربة و الجمال .. يعنى سهولة اختيار الشريك بكون عكسي مع ارتفاع نسبة الذكاء والتجربة والتعامل .. و الله المقياس يا عمو ذاتها بقت فى كف عفريت و العرفيت هو الجكس :D:D:D التعامل معه مشكلة و انت يتكون مدرك لكل الظروف المحيطة بيهو و قلة حيلتو و اضيف ليها كمان امكانياتو .... نقوم نكتر الكلام يقولو حناكيش اسع شوفي منال وبسملة ديل متعبات كيف في الأسئلة ..!!!! دا مش بيدل على وعي؟ .. ديل غايتو عرسن لحدى التلاتين بكون بالحظ أو الريدة أو الاختيار العقلي أو القسمة .. غايتو عن نفسى بقول ليك الاختيار العقلى سبق القلب كمان ... و الريدة هى المجننانى غايتو لو مشيت عرست زول بالفسمة تبقى كارثة ...دا حالتو نعمات حماد ما دخلت كويس .. والله برحب بنعمات معاك كمان طيب و الرجال الأذكياء .. دا بيرجح عقله فى اختياره و بما أن نسبة البنات الكويسات أكثر ..فحظه بكون أفضل .. قليلا .. تعرف باعمو القصة الذكاء ما بلعب فيها دور كبير لانو الراجل لما يكون داير يكون سجمان ...بكون سجمان و رمدان ... و لما يحمر عينو و يبرم شنبو .... و يتحنفش و يعمل فيها شيخ عرب طوالى بمشى اخلى ... الا بجى صادة لما يروق و يمرق من جلابية جدو ... و يكون منطقى و عقلانى و يتفاهم برواقة و النفس الحار نحن جكس بنبردو بالايس كريم :D:D:D:Dلنا يا بت أخوي مداخلتك الفوق دى بجي راجع ليها بعد اقراك كويس .. مش اقراها كويس .. معتصم الطاهر ..[/QUOTE] |
اقتباس:
البتجى من السما بتحملها الواطة يلا زيدنا كمان |
منال
للفائدة فقط لما تاخدى كلام زول اعملي كوتيشن " اقتباس " يعنى تظللي الكلام بتاع الزول و تضربيه بالعلامة بتاعة الاقتباس .. الزى الفي المجلات المصورة .. اقتباس:
|
منال
للفائدة فقط لما تاخدى كلام زول اعملي كوتيشن " اقتباس " يعنى تظللي الكلام بتاع الزول و تضربيه بالعلامة بتاعة الاقتباس .. الزى الفي المجلات المصورة .. اقتباس:
http://sudaniyat.net/up/uploading/qq.jpg |
اقتباس:
يا سلام يا عمو و الله الاقتباس مجننى جد كده ...و مرات ما بشتغل ... كمان امكن لقلة مهارة .... و يعدين الملتيى ما فى كلو كلو ... لكن تنبهيك فى محلو يا معلم ..... |
اقتباس:
منال سلامات :D تعرفى على حكايه المقاييس دى .. عليك الله ما حصل ليك انك باريدى زول كدا ما عندو اى علاقه بحاجات معينه الانسان كان بيفتكرا مهمه و ما كان عندو استعداد يتنازل عنها ؟ و برضو ما حصل ليك انك كنتى بتريدى زول مافيهو اى حاجه من حاجاتك العاوزاها و فى زول تانى يكون بيريدك و فيهو اى حاجه انتى كنتى عاوزاها و برضو تكونى ما عاوزاهو شنو يا هندسه ... ما رجعت لينا يعنى :confused: |
اقتباس:
لى شنو الرجل عامه بيصرف الانتباه عن البت لامن تشتغل بيهو ؟ يعنى اول ما تبدا تهتم بيهو بيبدا يطنشا ؟ طبعا يا ختى بكون عندو تخلف واضح عشان هو لسه بدور فى ذهنو صورة كازانوفا و قدر يقدر و يثمن المشاعر الانسانية و دقات القلب من زولة اهتمت بيهو بعدين لى شنو الولد بيفكر يجرح البت لامن يكون متاكد انها ما شايفه غيرو فى الدنيا ؟ انا عندى اخير تديهو كرتو و الراجل بكون هنا مقفول الذهن اعمى البصر و البصيرة الذى يجرح مشاعر زوله حبتو ما عندو قيمة انسانية و هى بتقدر تتجاوز الجرح البنزف ده و انا مثلا كشابه حا اعرف كيف انو الزول دا كعب و لا كويس ؟ بخيل مثلا و لا بيدفع حا يعاملنى معامله كريمه ام لا .. والله دى بتظهر من الاول يا بسمله لو كعوبية اخلاق بتنعرف من اول تعامل ليك ده لو هو ما دسدس و جمل معاملتو ... بعدين بخيل دى مقدور عليها فى تعاملنا نحت الشابات بس تعرفى المحفظة وين ... و لو فى دفتر شيكات تعرف الداخل و الطالع فى البنك ... و كمان تخمشى ليك رزمة ماكنة كدا تقعدك كم شهر.. يعنى بتجيهى سمح فى الانفاق و ترتيب الالويات كمان ما تشيلى هم اتوكلى على القوى |
:(
منال سلامات :D تعرفى على حكايه المقاييس دى .. عليك الله ما حصل ليك انك باريدى زول كدا ما عندو اى علاقه بحاجات معينه الانسان كان بيفتكرا مهمه و ما كان عندو استعداد يتنازل عنها ؟ و برضو ما حصل ليك انك كنتى بتريدى زول مافيهو اى حاجه من حاجاتك العاوزاها و فى زول تانى يكون بيريدك و فيهو اى حاجه انتى كنتى عاوزاها و برضو تكونى ما عاوزاهو شنو يا هندسه ... ما رجعت لينا يعنى :confused:[/QUOTE] اقول ليك من وجعتى انو الجكس راسو قوى يعنى عنيد و مرات يصر على حاجات ما مفهومة خالص مرة مشاكلنى فى انى باكل فى الشارع ليه و كنت شايلة فشار فى ايدى بقزقز قال :D:D قام يحمر فى المواصلات كيف تاكلى ...اجى يا ولدى ما باكل زى ما باكل فى الكافتيرا مش كلو شارع لا ده محل مواصلات عامة ... غايتو كتمت غيزى لكن بعد داك نا قشتو بعد فترة عن اصل الاكل فى اى مكان و طلعت بصفر كبير :p:p و الله يا بسمله انا اظنى من اول نظرة سبانى فتكسرت و اددشتت و افصحت و تفاصحت و بعدين ما فى سكة اصلا عشان تفكرى تشوفى زول تانى ..القلب و ما ارد و حفق لمنو لكن بالعقل لما تفكرى فى جنس البسوى فيهو ده اقول با بت هو مجنون و لا بتجنن عليك ...و حاتك مرة سالتو رد بجنن غايتو بلعتها ساى و مشيتها ليهو كمان عالم جبان مش لكن نسوى شنو نتفكفك كيف قولى :(:(:( |
تعرفو جنينة الجكس صعبة خالص ... و ما بتنفهم او ما تركب لى فى نافوخى .... منها احكى انو كان بحاورنى ازور اهلو فى قرية من قرى الجزيرة ....و تمانعت و استمت فى المناقشة اصلى ما بزور اهلك هسه ...لانو امى دخلت فة راسى انو اهل العوض ما عندهم ثقافة التزاور لاثنين لما يكونو مخطوبين يقولو عليك البت الشليقة دى البخليها تبارى الولد شنو ما تنفجخ فى الواطة لمن يتمو عقدها لازم تمونى تقيلة و رزينة (الوصايا المليون لمن البت تكبر ) قمت دورت الكلام ده و صممت ما ازورهم و هو وضح احتجاجو هو بزور حتى اخواتى المتزوجات فى بيوتهم و مهروف انو جكس منو ... البحليك تكونة متخلفة و ما تزورى اهلى شنو و الزرزرة ذات و اشيل و ابلع فى ريقى كان اتخارج من المطب ده ... قلت ليهو القصة عادات و تقاليد رد من بيتن بتشتغلن بالعادات و التقاليد ... طيرت عيونى و حمرت و قلت ليهو اسمه جاى الحركات بتاعت الجكس دى تخليها و بعدين الاهل ديل ما نسابة ح يبقو لازم اظهر ليهو عروس مجيهة و محفلة ... ليه هم ح يعرسوك كلهم فد زول منهم ... طيب ماك الولد البفخرو بيك و عايزين عروسك فى يمينك قمر اربعتاشر ..... هوى قولى ما عايزة امشى عشان عيشة الريف ما ح تعجبك .... اها يا الغلط انت عايز تنق بس و الله انا الريف ما عشت فيهو و لا هزيت كانون و لا نشلت موية من البير الا ديل اهلى بعرفم و بعرف واجبهم و اصولهم كمان ... ان باريتك و مشيت معاك هسه .. بجيب الهوا ... يقموا ينقوا ليك و تحلف امك ما عافيو منك كان عرست الفتى الشليقة الخفيفة اللفيفة و تقوم النفسيات و تقعد الاجاويد انت ريح نفسك و دنى ليهم عروس ... انت ما تتعرفى عليهم بعدين بتسهل عليك التعامل ... لا يا خوى كلام المثقفاتية ده خلو مركون هسه ;);)... بس بعد ا لعرس بعرفهم و شلت شنطتى فى كتفى و مشيت و خليت الاسئلة تدور فى ذهنو و انتو كمان ..
|
فى كلام عن التاهيل ابونا معتصم كدى نورنا عنه شوية ... دايما اول كلمة تقع عليها عينى الشقية دى فى كرت الدعوة هى تأهيل ابننا فلان على كريمة فلان طوالى بقيف فى كلمة التاهيل دى الجماعة ديل بقصدو بيها شنو ؟ و كمان البنت تذكر باسم ابوها فقط فى بعض الكروت و فى الاخرى التفاخرية تكتب كلمة الدكتورة و المهندسة قبلة كريمة للتفاخر ..... لكن التاهيل النفسى بنعرفو بيتم للعروس قبل الزواج عشان يوصوها المليون وصية كانت تنفع فى شان هى ماشة لحياة جديدة :D:D:D و غالبا ما تتم ايام (تعليمة العروس ) لما كانت البت بعلموها مش ترقص غايتو تنطط بالدهب و تكشكش عشان الاستعراض بكم لبسة و العرض للسلعة ياربى جابت تمنها :p:p و دى صورة عفى عليها الزمن لانو البنيات المتعلمات الواعيات منهن كلهن ما برقصن و يتكشكن بالدهب ايوة الرقيص خلو ذاتو .... المراسم كلها اختصرت على العقد و الحفلة يوم واحد نسبة للغلاء المبالغ فيه فى المواد التموينية ...غايتو التاهيل دى عايزة تفنيد مش كده :confused::confused::confused:
|
اقتباس:
[/font][/color]:(:(:([/QUOTE] اها جيتكن .. عفوا للغياب القهرى قراية الكبر و كدا .. قالوا لي عرّس .. طوالي قمت مشيت اقرا .. الحكاية و مافيها مشغولين و فرحانين بالمهندسة الجديدة الفى البيت وكدا .. |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
خضراء .. ويانعه وحزنك سبيب= كأنك هلال البنات الخصيب= أحبك إذا ما ترجى الحليب= وتسقى كأنك ولدتى الحبيب= [/poem] الكلام الفوق دا حق عاطف خيرى تأملن .. مدى العطاء فى البيت الشعرى .. اها دى المرحلة البعدها الراجل ما بشوف واحدة تانية .. طبعا دا أجمل بيت شعر سوداني بعبر عن حقيقة العلاقة .. بين الرجل والمرأة فى حالة كونها كاملة .. ولو دايرين شرح ليه بالتصوير البطيء ( برضو إندى ..).. |
اقتباس:
جيتكن .. عفوا للغياب القهرى قراية الكبر و كدا .. قالوا لي عرّس .. طوالي قمت مشيت اقرا الحكاية و مافيها مشغولين و فرحانين بالمهندسة الجديدة الفى البيت وكدا ..[/QUOTE] صباحك زين يا عمنا اقتباس:
و يديك العافية تدينا من جرابك عاطف خيرى ... وقفت فى وتسقى كأنـك ولدتـى الحبيـب |
اقتباس:
المتزوجين ( رجال أو نساء) زي الشُفّع فى حكاية الأرق .. بنوموا بالحضن الدافي .. و لو ما كفا .. اللولاي .. ولو ما كفا .. الرضاعة .. وهلمجرا ... طيب .. دا برجعنا لى قول عاطف خيرى .. [poem=font="Simplified Arabic,6,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"] أحبك إذا مـا ترجـى الحليـب = وتسقى كأنـك ولدتـى الحبيـب =[/poem] تخيلى الحبيبة تقعد و تسند راس حبيبها على حضنها و تلقمو صدرها .. كأنو جناها .. اها في ريدة أحسن و لا أكتر من كدا ..؟ .. اها و عشان ما يكون الموضوع حكرا على المتزوجين .. تخيلي حبيبك عيان تختي راسو فى حِجرك و تسقيه حليب من الكباية وقبل ما تسقيها ليه (ترُجِّي الكباية جيدا قبل الاستخدام ) و تتأكدي انها تمام وتسقيها ليهو ؟؟ شفتو الموضوع ما موضوع حليب!! الموضوع انو نحن محتاجين لحنان من عكر الدنيا البقع فى راس الرجال .. من التفضيل الخصاها بيهو ربنا و المجتمع والو اجب .. نحتاج ليكن وكت نرجع ليكن .. عشان نرتاح شوية .. قبل ما تدوروا فينا - كلام ناس ارسطو و كلمنجارو - والبرضو محتاجين ليهو .. بس فى وكتو .. |
http://sudanyat.org/vb/imgcache/49.imgcache.gif
اهديك يا عمو لو اشتغلت صاح و اعمل البتعرفو من خبرتك عشان تكون واضحة |
اقتباس:
دا السبب الطفّش فتحي .. اقتباس:
الظاهر انتو دايما بتفكروا من محل واقفين .. و ما بترجعوا لي ورا ولو شوية .. وعدم الرجوع لوراء بخليكم بتسألوا الاسئلة الزي دي .. الراجل بيكون بسعى لنيل اعجاب/جذب/ التقرب للمراة .. وهي دايما ( قافلة القزاز ).. عشان كدا قلنا . (.. افتحن البيبان والطاقة ..).. http://sudaniyat.net/up/uploading/3doors.gif و هو طبعا المسئول عن السعي بين صفا الدنيا و مروة حبيبتو .. و لازم بيناتهم هرولة .. لحدى ما تتفتح البيبان .. والطاقات لو ممكن ... و من هنا يبدأ يرتاح شوية فى الغرف دي .. و يبدأ يبذرالبذور وسقيا هذه العلاقة فيكون جهده مضاعفا .. و متواليا .. و يترك كل شيء و ينتبه لها و يعطيها كل وقتو .. وعندما تبدأ الشتلة فى النمو بالتطور العادي .. ينتبه لبقية الاشياء التي تديم حياة الشتلة لتكون شجرة تعطي من ثمارها و لونها و زهرها و فاكهتها و نكهتها و ظلها و فيئها .. أها هنا بتلاحظ البنت انو الزيارات قلّت .. و دق الباب بقى قليل .. والراجل بكون بفكر يفتح البيت مش الباب .. و هنا بكونو الاتنين وقعوا فى الغلط .. بتاع العلاقة بين حركتها الاولي و حميميتها .. ودا برضو بحصل بعد الزواج .. الغلط شنو ..؟ من الراجل " يون خت فى قلبو الاطمئنان وساب الكلام الحلو و بدأ فى كلام الجد .. و مفروض حبتين جد وشوية حنية وغزل .. .." من البنت " تحمّس العلاقة كل ما فترت .. كيف ؟؟؟" اها دا التجاوبو عليهو انتو .. ممكن تسألوني .. " انتو الرجال عاوزين شنو " عاوزين تذكرونا انو نخفف من الكلام الجد ..والاسلوب عليكم " .. دا سؤال نمرة واحد قطع نفسي .. يلا .. وراحة شوية مع الشعر [frame="1 50"] اقتباس:
|
اقتباس:
ووهي واضحة وكفاني وضوحك انتي .. |
تسجيل حضور و متابعة و اعجاب بهذا البوست الهادف..
و ممكن برضوا نجاوب استفسارات عامة حسب الخبرة المتواضعة و كدا :D:D بس اقبضوا في الباش دا لانه خبرة و تجارب و اكيد بفيد اكثر مني شديد.. و مفروض تغيروا العنوان الى " ورشة عمل الحب و العلاقات الانسانية و تجاربها" كونوا بخير .. [align=center][rams]http://sudaniyat.net/up/uploading/aboy ya yaba.mp3[/rams][/align] |
[align=center][flash=http://www.youtube.com/v/iWL5XCEW3qk&autoplay=1]WIDTH=400 HEIGHT=350[/flash][/align]
|
اقتباس:
اقتباس:
اقتباس:
اقتباس:
|
اقتباس:
ويا خوى نحن جيل مختلف و اي زول تجربتو مختلفة .. و تعال ما تخلي البنوت ديل ينفردن بي .. أما عن عنوان البوست فما زلت أعتبر ان المشكلة أن تفتح النساء البيبان والطاقة عشان يفهمن الرجل .. |
| الساعة الآن 10:51 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.