اقتباس:
الا ماك عارف انو كان مكسر فى ديامية و غاطس فى حى القنا و كمان قال طرفتو المشهورة الفرق بين الديم و العمارات شارع ظلط ( وهنا سكن امسكى عليك عيونك ديل ) اختا الديم ... وقت انت من الضهارى:p;):D |
اقتباس:
يا عثمان ورطك مع الجماعة ديل .. ودى فاتت على ود عثمان زاتو .. هسة بعد ما طلعت عزابى تعال نديك من عندنا فى المسالمة .. ونشوف ليك نصرانية حلا وحمار .. ماسمعت التيجاني يوسف بشير بقول: . آمنت بالحسن برداً وبالصبابة نارا وبالكنيسة عقدا منضدا من عذارا وبالمسيح ومن طاف حوله واستجارا ايمان من يعبد الحسن في عيون النصارا ورفدوه بيها من المعهد العلمى :D:D |
اقتباس:
. إنشاءالله الأغنية ظبطت |
اقتباس:
نحى الايطالية التى شبهت بها ظبية المسالمة الا بتاعت التجانى يوسف بشير كانت جكس نضيف و خلتو بكااااااى و برفدو بسبها وكان مفتون بيها الله يرحمو و فارق هو فى ريعان الشباب تسلم يا رافت واصل |
[align=center]اها يا رأفت العشرة دى حرقت ولا لسه....؟؟;)
انا قلت ليك ناس الشرقية ديل بودوك التوج ابيت تسمع الكلاام جوك و غشوك باالكلااام الحلو و انا عارف قلبك خفيف..ريشة بس ياخى الناس ديل عندهم لمه البوست بتاعا فاتح من السنة الفاتت لغاية هسى ما اتلمو...و كان تشوف اللوائح و المتطلبات يجيك العجب شى كوارع و شى كرفتات و شى كبابى فاضية حيرونا زااتو....;) غايتو ما فضل الا يجيك الخواجة عشان يطلع المدسوس وتانى بوستيك دا يعوضك فيهو الله....:o اها يا عثمان يا اخوى انا يا دوب فهمت الفيلم بتاع منال دا...و تسلم يا حبيب و عاشت الاسامى وبرضو اهلا بيك فى الزحمة دى... يا منال انا حتاتكم ديك بتلخبط فيها والله ما عارف حدود الديم من السجانة ولا حى الزهور ولا ديم التعايشة ولا ديم سلمان...بالجد كدا و الظاهر دايرين لينا كورس بتاع جغرافيا و كدا... لكن ليك على انا كان دخلت الديم الا اوقفكم على فد رجل....:p رافت قلت لى قائد الاسطول مالو..؟؟؟؟؟؟!!![/align] |
اقتباس:
هههههههههههه الا انت خليك فى دى شئ عجيب فى غرامك يا فريع ياسمين |
اقتباس:
هسى انتى فطيتى كلامى الفوق كلو و نطيتى لى دى بالجد ناس الديم منكم خوف...;)[/align] |
نجي لي أبو ريم
دة بقى شغلتو زي عدادين الكهربا زمان...يجي ياخد الكيلوواطات من العداد نهاية كل شهر و...يتفكفك لكني أراهن على (علو كعبه) في استطعام جماليات الحقيبة وسياقاتها شفت كيف... .... دة كلام شنو ياعادل..الله يجازي محنك.. رافت...سيدالعشرة..الناس الفي الخرطوم ديل خليهم يشوفوا لينا كتاب الجقر عن قصص أغاني الحقيبة وكانت فقرة يقدمها الجقر في برنامج البيت التعيس.. ...... رافت البحر دة ياتو ياخوي؟ انت وصلتنا عديل ماسمعت رمية ناس ميرغني المامون واحمد حسن جمعة..الفرع المال ياناس الله في بيت المال ... الفرع دة بميل ساي؟ محبتي |
اقتباس:
تعرف الجقر ده ولدنا .. ولعب معانا فى نجمة المسالة .. ومدربنا كان سينة .. وطبعآ أنت عارف إنه كان عداء محترف ومثل السودان كثير .. وبعدين غناااى .. بغنى حقيبة وشعبى .. لكن أول مرة أسمع كتاب قصص الأغانى .. ده بكون رهيب وهو ود أمدرمان الوفى .. وبيت المال عقابنا فيها .. يمكن يكون فرعنا نحن المال فى بيت المال .. وحوشنا هناك حدادى مدادى .. ناس بيت المال أجدع أجدع ناس .. بتعرف محمد مكى ولدنا صديقى العزيز وزميل فى سودانيز ؟ مرحب بيك كتير |
اقتباس:
وبعدين قائد الأسطول راجنك بالتعقيب تجى تقول قائد شنو لى مالو :eek: العندنا طلعناها |
اقتباس:
|
اقتباس:
تعرف الحكم ابو عضل..؟؟؟ و تعرف الوحش ابو شعر كتير داك..؟؟؟ بعد تجااوب ديل عندنا كلااام تاانى معااك....;)[/align] |
اقتباس:
|
اقتباس:
هوووووى يا ود عثمان .. ما تطلعنى من هنا ... أفتح ليك نفاج ونادينى .. زى طالعنى المقابر :D:D .. هسة خلينى مع قائد الأسطول .. وكتابة السبورة راجع بيها منال .. looool |
اقتباس:
[align=center]يـلا نسافـر فـوق الكلمـة نشيـل الـزاد احـلام ورديـة نحكي حكاية الزول القيمة الـزول العـاش للخاطـر الحيـة عاهـد نفسـو ببـذل الـروح علـم كيـف العـزة تكـون شال امالو كتاب مفتوح مشروح وتروح مـن بينـو قضيـة كان مكتوب في اول صفحة وطن مـزروع حنيـه وقمحـة ومدن مصقولة عوالم سمحة وناس بتعرف الناس من لمحـة كان مكتوب في الصفحة التانية طفلة تقالـد الغيمـة الحانيـة ونخلة بتهدي قطوف الدانيـة وهـاك البلـد الغالـي هديـة اغنية فيهـا تلاتـة مقاطـع مقطـع شـال لـون الدوبيـت ومقطع شال نفس الجـراري ومقطـع طالـع مـن قمريـة كان مكتوب في الصفحة الرابعة طالب بيقراء وعيونو متابعه خريطة البلد العالـي الغالـي ومويـة النيـل المنهـا نابعـة وعز موصول للصفحة الرابعة وشوق موصول للصفحة المية يـلا نسافـر فـوق الكلمـة نشيـل الـزاد احـلام ورديـة ونحكي حكاية الزول القيمة الزول العـاش للخاطـر الحيـه[/align] |
كتاب قصص اغاني الحقيبة سمعت الجقر نفسو يتكلم عنو في التلفزيون وانو في طور المراجعة وحيصدر من دار عزة.
...... محمد مكي رفيق صبانا وشبابنا..وصديق عزيز يربطنا الكثير والحميم من روابط وصلات. ............. تخريمة منال...صباح اخير حلوة القصيدة ادينا فكرة عن الشاعر |
اقتباس:
معليش يا منال أولاد حله وإتلاقوا فجأة لازم يكون في خروج عن الموضوع وخمسة ونسة رافت وود عثمان المحومكم في حلتنا شنو ؟؟ إنت يا رأفت قاصد ناس ابو مرين ياتم الفي السوق وراء دكاكين الجمله ولا الهنا بره .. اها من عندك اي مشكلة معاي من هناك مرورا بدكان ( عاطف ) وصولا لي برعي ومعزومين فول مصلح بالكبدة .. |
بعد ود عثمان تانى جاب سيرة البحر
ومنال تورت نفسنا مع خالد شقورى .. خالد شقورى ده منو يا منال ؟ وبقينا على أمل كتاب الجقر .. وبديهى ذو الدرر المكنونه .. محتاجين راحة .. عشان نرجع أمدرمان بسلام .. والراحة أكيد هى مدنى الجميلة بلد الحبايب .. يا ريت رحلة الى أمبارونا ومعانا "مريسة" نسّكر كم قرد .. مدنى شندى فوق والمزاد والدباغة .. حى المدنيين والقسم الأول .. أحى أنا من القسم الأول .. العشير وحى البان والبيان .. ووسط البلد بانت .. مرتع الصبا .. ومهد الوجد .. والحى السودانى ودردق فوق ليها جزيرة الفيل .. وعووضة ما أدراك آسيا .. وأم الحسن وأم الحسين .. غشوة لى توتو ماتا .. وراجين الله فى الكريبة .. صادين من الحلة الجديدة .. متعشيين فى أبو ظريفة زراع .. تبت .. القلة .. بايضاب .. العركى .. الليثى .. الخواض .. وصِقر الحلاق .. حيدر قطامة .. و موسى الثعلب .. حياهم لله مراحيم أو عايشين .. وود الفتلى قالوا غرق .. أول مرة أسمع بغرق السمك .. نادى الجزيرة .. كعكاتى ...... ناخد جمة فى كعكاتى .. نتأمل .. أجل موقع تراقب منه حنتوب .. يضها النيل بحنان ويلفها حنين عجيب .. |
كتب أحمد مكي أيضآ فى مزيكا سودانية
حنتوب الجميلة علام صغيرون محمد العوض جريدة الوطن (عدد الجمعة 24/11/2006م) يعود بنا التاريخ القهقرى إلى سنة 1946م في مدينة ودمدني وكان القوم جلوساً في أمسية نسيم هادئ في جنينة (كعكاتي) التي صار اسمها فيما بعد (حديقة البلدية) وسميت أخيرا (مسك الختام) وكانت مدرسة حنتوب وليدة عمرها سنة واحدة في سنة 1945م ترقد على الشاطئ الشرقي من مدينة ودمدني كالهمزة على السطر وكانت الثريات تضئ من على البعد في حنتوب وكان الرفاص (اللونش) يمخر عباب النيل الأزرق جيئة وذهابا يحمل الضيوف في تلك الليلة المباركة إلى حنتوب تمهيدا لاستقبال صباح اليوم التالي احتفالا بالمدرسة في عيد ميلادها الأول، ذلك العيد الذي شرفه حاكم عام السودان (السير هدلستون) وعلية القوم من إنجليز وسودانيين ومصريين في مهرجان اختال فيه المشرق وهدت فيه الدنيا أعطافها. وكان الجالسون في جنينة (كعكاتي) وأنظارهم متجهة نحو حنتوب في تلك الأمسية الهادئة الهانئة يتحدثون عن العيد الأول لهذه المدرسة التي هي مصدر أمل ومصدر إشعاع الثقافة والحضارة والحرية في ذلك البلد المستعمر. فجاشت في عقل ووجدان ود القرشي تلك المشاعر الوطنية العاطفية النبيلة فابتعد عن الجالسين (بكرسيه) آخذاً معه قلماً وورقة متجهاً بنظره نحو الشاطئ الشرقي حيث ترقد جزيرة حنتوب. وهي بحق جزيرة يحتضنها النيل الأزرق ونهر الرهد. لم يمكث شاعرنا طويلا ثم عاد سامره حاملاً معه أغنية (حنتوب الجميلة) كلمات ولحناً ووقعها وكان الفنان (الخير عثمان) جالساً بين الأخلاء والأصدقاء فشدا بها بعد أن حفظ الكلمات واللحن من ود القرشي، وذهب بها في اليوم التالي إلى حنتوب وغناها، فأطربت الجميع وحلقت بهم في أجواء بعيدة، جعلت السامعين وعلى رأسهم مستر (براون) ناظر مدرسة حنتوب الجميلة يهتزون طرباً وينتشون فرحاً وكانت ليلة من ذات الليالي، ليلة قدسية طاهرة أدخلت أغنية (حنتوب الجميلة) التاريخ فدخلت مدرسة حنتوب التاريخ نفسه بأعظم رسالة تحارب الجهالة وتنشر المعارف لتنال البلاد منالها. والشيء بالشيء يذكر حينما نتحدث عن أغنية (حنتوب الجميلة). فإن هذه الجميلة لم يغن بمحاسنها ومفاتنها ود القرشي وحده، وإنما خيال الشعر الذي يرتاد الثريا قد هبط وحيه في ذلك اليوم المشهود على الشاعر السوداني الفحل الأستاذ/ (أحمد محمد صالح) الذي كان (نائباً) لناظر مدرسة حنتوب مستر (براون)، وأنشأ قصيدة عن حنتوب ألقاها في ذلك اليوم أمام الحشد البهيج استهلها بقوله: زانها في المساء صمت رهيب ... الخ القصيدة وفي السنوات التي تلت عام 1946م أصبح تقليداً أن يتبارى الشعراء في كل عام تأليفاً للقصيد الذي تجود به قرائحهم عن حنتوب، وداخل مدرسة حنتوب، وكانت حنتوب التي صارت (سوق عكاظ أو المربد). فها هو عالم اللغة العربية الشاعر المبدع الأستاذ (أحمد أبوبكر المصري) ينشد وأيضاً بقية الأساتذة الشعراء (الهادي أحمد يوسف) و(الهادي آدم) و(بدوي طيب الأسماء) على سبيل المثال يلقون نفائس الدرر وأمهات بيوت الشعر تغنياً بمحاسن ومفاتن وجمال ذلك المعهد الذي أنبت الشباب المثقف العامل لوطنه دون ثواب أو من أو أذى. وإن أنسى فإنني لا أنسى قصيدة رائعة الجرس والإيقاع صاغها أستاذنا الكبير (أحمد عبدالله سامي) بعنوان (حنتوب وحي الشاعر) قال فيها: يا موكب الآباء طاب غراسكم فأهنأ بأبناء البلاد وفاخر لقد كانت حنتوب الجميلة مفخرة السودان وعز الوطن ما كان ينبغي أن تندثر وتذهب مع الريح هي وشقيقاتها (وادي سيدنا وخورطقت) منارات العلم والمعرفة والفنون والعلوم والآداب. |
حنتوب الجميلة
كلمات وألحان محمد عوض الكريم القرشي الفنان الخير عثمان [flash1=http://www.rafatmilad.com/7antob.mp3]WIDTH=400 HEIGHT=50[/flash1] |
مستر براون والد رئيس وزراء بريطانيا الحالي جوردون براون.
|
[align=center][align=center]لي في المسالمة غزال .. نافر بغني لي في المسالمة غزال
نافر بغني عليهو جاهل وقلبو قاسي وقلبي طائع ليهو مصباح الظلام الـ ربنا معليهو زايد في الجمال نور الجمال جاليهو لو شافو الغزال على نفرتو بواليهو وان شافو القمر أنوارو تخجل ليهو ان جاه النسيم زي الفرع يتنيهو والثمر الرطيب كذب البقول يجنيهو باللمي والخدود ياذا العشوق بفنيهو الصحا والنعاس والسحر في عينيهو كل من شافو قال انا بالنفس افديهو هو غصن الرياض الزاهي في واديهو أزهار الربيع مازج زهور خديهو وجدلات الحرير ما لينه ذي ايديهو والدو معجنو على فطرتو مربيهو هو الفرد الوحيد في الدنيا ما في شبيهو يتجاهل علي وأنا حالي ما غابيهو سالبني في نار هواه شال قلبي يلعب بيهو[/align][/align] |
اقتباس:
رأفت جبت لي نفسك (الطار) براك هسع يا عسل عاوز أسالك سؤال بيقال في واحد من ناس البنا ديل وكان مكسر ليهو في واحدة وما قادر يشوفا أو يصل ليها وقالوا جمع أطفال الحلة وأعطى أي واحد مبلغ كدة وقال ليهم تكوركوا تقولوا الحريقة الحريقة ، ولما فتحت باب بيتهم وقالت الحريقة وينا ، قالوا عمك دقه صدره وقال ليها الحريقة هنا وأشار لي قلبه. تحياتي/ عثمان الطيب |
اقتباس:
أيوه ياخ ... الواحد كده يعرف يلاقيك في البوستات الجميلة ... بدل الدافوري بتاع الحوش التاني داك ... كيفك إنت ؟؟؟؟؟؟ ياخ أنت زول ملاآآآآن حنية وحب لتفاصيل اليلد ... ملعونة الظروف البتخلي نوعك ده يمرقها في سويسرا .... ______ اقتباس:
والله الناس دي كلها ماعارفة القسم الأول زينا .. ... |
اقتباس:
فلما عاد الشاعر لمنزله أكمل القصيدة جاعلا ً الحوار العفوي الذي دار بينه وبين صديقه مقدمتها.[/align] [align=center]حاول يخفي نفسه وهل يخفى القمر في سماه أبداً وطبعاً لا شفناه شفناه ******* حاول يخفي نفسه وغير اتجاهه سطع النور في أفقه وكل إنسان رآه خلنا البدر أشرق كامل في علاه وخلنا الزهر فتح من أنفاس شذاه ****** جذاب حسنه رايع لادن خلقه مايع رقص البان مشيه تحب تنظر وشيه عيونك تختشيه من قوة ضياهو ومن شدة حياهو مرة إذا نظرته ونظره إليك رناه قلبك ينشرح له وترتاح لي لقاه دون تشعر تحبه وتلهج في ثناه مرة تقول كبدر ومرة تقول كزهر مرة تسمي شعري ومرة تعممي سحري تقلب فيه أسما وبرضه تشوفه أسمى كل وصف تراه أقل من مستواه مترفع عظيم عالي بعيد مداه ملأ العين جماله الزاهي رشح نداه يلالي والكواكب تتناثر حداه فيه الحسن أودع ما ملكت يداه مفرح وشوفته تفرح بتلقاك باسم كالزهر المنسق في زمن المواسم تشوف في مقلتيه حياه دلاله تيه واللحظ البجرح والوجد المبرح أنا من دون أصرح لي قلب اصطفاه وهسه هناك معاه[/align] [align=justify]والله أعلم [/align] |
اقتباس:
قلتى لى هسة الفول عند برعى بالكبدة ؟؟ .. تعرفى دكان برعى فى قلب كبدتنا .. أقصد حلتنا .. كان عندنا جلسات خرافية .. فى حياة برعى رحمة الله عليه .. كان معانا عوض موسى وبنقعد قدام بيت ناس ياسين وحمزة وعباس المشاغبين .. وحمزة كان معانا فى الفرع .. وبجى عوض فرطوق .. وهو عوض يوسف أغا .. وبجى نجيب وخالد كدفور وصاحبه السفاح الله يرحمه .. أيام زى أمبارح .. تحازى الخور قدام يوديك حى العمدة وورا يطلع بيك فى حى العرب .. هناك تلقينى قاعد .. ناس أبو مرين وصاحبنا محمد .. خلف الكنيسة وشارع بيتم بى ورا بوديك على بيت ناس صبير وحجة آمنة رحمها الله وتقبلا .. لكن بيتنا نحن بطلعك على ناس السمانى .. وبالزقاق ناس كدفور قبلهم ناس حجة السكات والحاج كاك الله يرحمه .. عرفتى بيتنا بى وين يا عينيا :D:D اقتباس:
عليكى القصة كاملة .. وتجيبيها لازم بعد مشوارنا ده .. عليكى الله .. بعد الرمية دى لكل أهل أمدرمان: (والحُر في أم در ..يا ناس الله ...وفي بيت المال ..يا ناس الله وزين وحمام يا ناس الله ...في حي ابوروف يا ناس الله تعالا وشوف يا ناس الله الله الله يا ناس الله ....الله الله ياناس الله ) عاصم البنا .. الجقر .. سميرة دنيا الكلام لي الشاعر عبدالرحمن الريح ... والحان وغناء الحاج محمد أحمد سرور [flash1=http://www.rafatmilad.com/gazal.mp3]WIDTH=400 HEIGHT=50[/flash1] |
اقتباس:
غايزة اقول ليك انو الجقر عندو ولدو اسمو احمد البنا ... ياخى ده حنجرة و غنا اوووووووك بدوبى و بمدح و بعنى الحقيبة و اها كمان و الاغنية بتاعت الدفيفتين ... غايتو فى رمضان جهجهنا ليك نكشى هارمونى و نصد لسميرة دنيا بت الديم فى النيل الازرق ( الديم تانى ياود عثمان) اسمعو يا رأفت بخليك تجى المسالمة كدارى :p;):D |
اقتباس:
ومعروف أن المستر براون الأب دأب على علاقته بالسودانيين فى إنجلترا .. من الطرائف التى قرأت بأن نميرى عند زيارته لإنجلترا تلقى دعوة من الملكة لتناول الطعام .. تضمنت الدعوة أن يكون معه مرافق يختاره .. فإختار المستر براون أستاذه فى حنتوب .. فرح مستر براون وقال كانت أمنيتى أن أكون فى حضرة الملكة وحققها لى تلميذى من السودان .. |
اقتباس:
بوست ذو نكهة خاصة إذ أن اسباب نزول الوحي الشعري لا تقل جمالاً عن النص المنظوم .. فقط للحفاظ علي حقوق الملكية يا ود عثمان القلعة صحيح أنها في ام درمان لكن القلعة التي وردت في رائعة الأستاذ عثمان العوض ما بنمشي لي ناس ما بجونا ليست قلعة ام درمان إنما هي الفكي هاشم موطن الشاعر ..وقد كتبها في بنت خاله التي تزوجت ورحلت بعد أن رفض خاله تزويجها له لأنه كتبها شعراً ..وقصة هذه الأغنية هي أن بنت الخال بعد الزواج بفترة حضرت في زيارة للقرية وقابلته صدفة في الشارع وعاتبته علي عدم زيارته لها فضرب أقرب حائط بقبضة يده ودخل داره دون ان يرد عليها وكتب هذه القصيدة .. وكتب في ذات الموضوع مسكين الريد مع خالي الما قدر ..وكتب الكثير في ذات الموضوع و غيره ... وله قصة طريفة قبل زواجها عندما حلوا هو واصحابه ضيوفاً عند بنت الخال وقدمت لهم الشاي وخرجت فما كان منه إلا ان خطف (براد)الشاي وجري به واحتفظ به ردهاً من الزمن دون أن يفتحه ... |
اقتباس:
اقتباس:
القصة وردت أيضآ ضمن قصيدة هل يخفى القمر فى سماه .. تابع معاى الرد على شبارقة |
اقتباس:
سلاااام شكرا للمعلومة عن الاغنية و الله انا كنت مفتكر الاغنية من كلمات الشاعر عوض جبريل طبعا لم نذكر فى سياق الحديث انو الاغنية قيلت فى قلعة ام درمان و ان كنا قد استعرنا البيت الذى فى اول الاغنية فى سياق الكلااام حتى نشير لقلعة رافت ميلاد... شكرا ليك كتير...[/align] |
كيييفك يا حاتم ياخى مشتاقين كتير ياخ
ألف مبروك ياخ .. والعناويين كلها ضاعت .. بعد الهكر وبكرى مسح المسنجرات .. ألحقنى بالتلفونات .. خاصة الكويت .. الموضوع فى أمدرمان لكن مدنى ما بتتفط .. ذكرتنى زمان فى إمتحان الشهادة الثانوية .. بتجى فى سنة مقالة عن سياسة بسمارك الداخلية والسنة الثانية الخارجية .. واحد مروس الخارجية جات الداخلية .. كتب فى ورقة الإجابة "بما أن المجال لا يتسع للحديث عن سياسته الداخلية فلنتحدث عن الخارجية " ونزل كتابة :D:D اقتباس:
بنحتل شوية فى مدنى مستنيك |
اقتباس:
معليش اصلى كان عندى اورنيك و ادونى راحة تلاتة يوم لكن انا ضحيت باليوم التالت لمصلحة الاقتصادى الوطنى و كدا....;) هسى انت براك فى المداخلة الفوق دى جبت سيرة البحر تاانى و ناسى انو الدنيا برد و نحن قصة اليتبلبل يعوم فى البرد ما شغالة معانا...:p الناس الذكرتهم فوق ديل كلهم بعرفهم رغما طبعا عن فارق السن...:rolleyes: و صاحبك حمزة دا اخوهو هسى الباشمهندس كمال هو وزير للرى... خور المسالمة طبعا مشهور جدا و الخور دا من الناحية الشرقية يمرقك لغاية و دنوباوى طبعا...و دكان برعى بعرفو كويس جدا و جيرانو من الناحية الغربية طوالى حيطة بالحيطة ناس ابو شنب و جمبهم طوالى ناس حسين خليل والزول دا كان زول فنان جدا كان بيشتغل فى العاج و يعمل سوارات و حاجات جميلة جدا...اها لمن تمشى بعدهم و لسه فى الناحية الغربية كان فى نقادى اسمو طيرى و كان بيشتغل فى النسيج يعنى عندو منسج داخل البيت و كان زول طيب جدا..عرفت اخيرا انو هاجر لاستراليا... طبعا بعدهم طوالى فى شارع صغير كدا يمرقك لمدارس التوفيقية و مقابر البكرى و ميدان الكرة القدام مقابر النقاده هناك... طبعا فى الشارع دا على يدك الشمال كان ناس الغبشاوى و ناس جحا و قدام منهم ناس ابو قناية و ناس سيد عبد العزيز الشاعر المشهور وبرضو اولاد مله ما بعيدين من الحته دى... كفاية لغاية هنا...و ان عدتم عدنا لمن نوصلك المظااهر و حى العرب من الناحية الغربية و بعدين نجى للناحية الشرقية و ناس الريحة و حى العمدة و بيت العذابة بتاع ناس ود الامين و ابو عركى و خليل اسماعيل...ههههههههههه و صاحبتك همس الشوق دى شوية كدا بطلّع ليك بيتهم وين....بيتكم بوين يا عينيا...;) اها لقيتنى كيف....؟؟؟؟[/align] |
اقتباس:
وجدت عدد من القصص .. القصة تقريبآ المطابقة معاك : كان الشاعر (سيد عبدالعزيز) يسير في شوارع ام درمان القديمة.. جوه الحله كده يعني.. فقام واحد من ابواب البيوت اول ماهو بقي قصادو..فتح وأطلت منو فتاة جميلة جدا ماسكه ليها جردل فيهو موية التصريف عاوزه تكشحو في الشارع كما هي العاده في بعض الأحياء.. وما أن رأته حتي تراجعت بسرعه وإتضارت ورا الباب حياء وخجلا منه.. لكن زولنا ماكان محتاج لأكتر من النظرة دي عشان يقوم يديها ليك من التقيل.. حاول يخفي نفسو.. وهل يخفي القمر في سماهو.. أبدا وطبعا لا.. شفناهو شفناهو.. وأيضآ قصة تطابق قصة عثمان الطيب: كان الشاعر عندو صاحب مسلط جدا، النوع البجيب ليك خبر الجكس الشديد وتفاصيلو.. كما هو الحال في شلل الشباب.. فقام يوم الصاحب ده شاف ليهو حاجه كده قنبلة، النوع الما بتفوت داك، فقام براها لحدي مادخلت بيتها.. وجاء جاري للشباب عشان يحكي ليهم.. وأصر علي شاعرنا إلا يمشي معاهو عشان يوريهو الحاجه دي.. لكن بقت المشكلة كيف يطلعوا البت من البيت عشان الشاعر يشوفها.. فبينما هم حايمين في الحله لقوا شفع بيلعبوا في الشارع، وفجأة خطرت ليهم الفكرة الحينجزوا بيها الموضوع ده.. فقامو نادو الشفع وادوهم بلح وطلبوا منهم يقيفوا قدام بيت الفتاة ويكوركوا حريقة حريقة.. وفعلا نجحت فكرتم وأول ما الشفع كوركوا طوالي الباب فتح وأطلت منو الجكسايه.. لكن هي كانت مفتحه، ففهمت الحكاية في اللحظة وتراجعت بسرعه وراء الباب.. لكن جماعتنا كان اللحظات الشافوها فيها دي كافيه بالنسبه ليهم، وطبعا طوالي كده قاموا نجروا ليها وقتي.. حاول يخفي نفسو.. وهل يخفي القمر في سماهو.. أبدا وطبعا لا.. شفناهو شفناهو.. أما القصة الأولى أيضآ لا تبعد عن المعنى يقال أنم أغنية حاول يخفي نفسو كتبها ثلاثة شعراء لا أدري إن كان بينهم عبد الرحمن الريح أو عبيد عبد الرحمن أو عتيق ويقال أن الشعراء الثلاثة كانوا يتمشون في سوق أمدرمان(حي العرب) مع بعضهم البعض ... ظهرت فتاة جميلة جدا جدا وزي ما إنتو عارفين زمان البنات بيخجلوا يظهروا قدام الشعراء لأنهم عارفين الشاعر حا يوصفهم طوووووووووووالي.. البت لمن شافت التلاتة ديل ماشين عرفت موضوعا مستحمي والناس ديل كان شافوها حايكتبوا فيها طوالي .. شافت ليها طاحونة فاتحة وبي سرعة كده دخلت فيها بعد ما حاولت تغطي وشها .. طبعاً جماعتنا التلاتة كانوا متابعين الموضوع وقاموا عاينوا لي بعض كده وهم ماشين في صف واحد .. بدا الأول منهم ( ما عارفو منو بي الضبط) وقال : حاول يخفي نفسو .. رد عليهو التاني (بررررضو ما عارفو بي الضبط) وقال: وهل يخفي القمر في سماهو ؟؟؟ رد عليهم التالت وقال: أبداً وطبعاً لا ..شفناهو شفناهو .. فكانت هي مطلع لي قصيدة أكملها احدهم وواصل فيها حين قال: حاول يخفي نفسو غير إتجاهو .. سطع النور في أفقو وكل إنسان رأهو .. أبداً وطبعاً لا ..شفناهو شفناهو .. الأغنية من أداء الفنان سرور أشتهر بها ثنائى أبو كدوك .. وتغنى بها الفنان حسن عطية هنا بصوت مرغنى المأمون وأحمد حسن جمعة رحمهما الله [rams]http://www.rafatmilad.com/algamar0.mp3 [/rams] |
اقتباس:
جنا الوز عوام .. أحمد البنا سمعت بيه وما عارف سمعتو ولا ما سمعتو .. لكن بفتشو فى البير بتاعتنا .. لكن أول مرة أعرف إنو ولد الجقر .. برجع ليك بأحمد البنا .. وأرجعى لى بى شقورى |
اقتباس:
طبعآ ما قديمة وما أتوقع فى زيادة عليها .. متابعين معاك وما تبقى بعيد .. الأغنية بصوت ترباس الذى أبدع فيها .. وبمصاحبة ندى القلعة زاتا بالمناسبة ندى بتاعتنا ولا بتاعتكم .. فى الحالتين حرّاقا غنا وخلقة ;) [flash1=http://www.rafatmilad.com/fiAgal3a.mp3]WIDTH=400 HEIGHT=50[/flash1] |
[QUOTE=رأفت ميلاد;128658]أها جيتك مخصوص من مدنى عشرة كدة وراجع تانى
قلتى لى هسة الفول عند برعى بالكبدة ؟؟ .. تعرفى دكان برعى فى قلب كبدتنا .. أقصد حلتنا .. كان عندنا جلسات خرافية .. فى حياة برعى رحمة الله عليه .. كان معانا عوض موسى وبنقعد قدام بيت ناس ياسين وحمزة وعباس المشاغبين .. وحمزة كان معانا فى الفرع .. وبجى عوض فرطوق .. وهو عوض يوسف أغا .. وبجى نجيب وخالد كدفور وصاحبه السفاح الله يرحمه .. أيام زى أمبارح .. تحازى الخور قدام يوديك حى العمدة وورا يطلع بيك فى حى العرب .. هناك تلقينى قاعد .. ناس أبو مرين وصاحبنا محمد .. خلف الكنيسة وشارع بيتم بى ورا بوديك على بيت ناس صبير وحجة آمنة رحمها الله وتقبلا .. لكن بيتنا نحن بطلعك على ناس السمانى .. وبالزقاق ناس كدفور قبلهم ناس حجة السكات والحاج كاك الله يرحمه .. عرفتى بيتنا بى وين يا عينيا :D:D وأنتى بت ناس غزال المسالمة .. عليكى القصة كاملة .. وتجيبيها لازم بعد مشوارنا ده .. عليكى الله .. بعد الرمية دى لكل أهل أمدرمان: (والحُر في أم در ..يا ناس الله ...وفي بيت المال ..يا ناس الله وزين وحمام يا ناس الله ...في حي ابوروف يا ناس الله تعالا وشوف يا ناس الله الله الله يا ناس الله ....الله الله ياناس الله ) عاصم البنا .. الجقر .. سميرة دنيا الكلام لي الشاعر عبدالرحمن الريح ... والحان وغناء الحاج محمد أحمد سرور يا رأفت او يا عمو رأفت لكن ما لقيت عجوز خلاص .... على فكرة إنت وصلتنا تب...... يعني كان مديت إيدك كان طقيت الباب طبعا انا فهمتك غلط بدكان برعي ... إنت بتقصد برعي موسى رحمة الله عليه ولكن انا بقصد برعي بتاع الطلبات الفي حي العمدة ... لكن شكلك إنت زااااااااااااتك في كبدتنا .. أقصد في حلتنا ... ناس الفاتح كوكار رحمة الله عليه .. ووناس أغا ... وتمشي طووووالي لحدي ما تقطع كبري شارع كرري .. وزوابع بتاع التلفزيونات .. ربنا يرحمهم جميعاً ... هسه انا قبل شهر كنت في السودان لقيت كل المعالم متغيره .... وكل الناس هجرت المسالة .... وعن يمينا بي جاي حلة التبيداب .. ناس عمك ( لوز) الله يرحمه ... واللسة طويلة .. نفسي قام goood وما عندك اي مشكلة بشوف ليك موضوع الغنية دي ....... بس اذا ما اخاف الكضب قالوا قيلت في قبطية والله أعلم ... |
همس الشوق يومك ورد .. وجاييك برواقة
هسة أمسحى الأغنية من المداخلة .. عشان الغنا ما يتداخل .. خليها فى صفحتها .. أضغطى على EDIT تحت فى المداخلة بتاعتك .. وظللى محل الميديا وأمسحى بالكى بورد .. كان غلبك قولى الرووووب ياخالد :D:D |
اقتباس:
بعيد عنك نحن ما طرش ما سامعين [/align] |
كيفك يا ود عثمان .. ياخى إطعموا من النزلة والملاريا .. ما بنقدر على الغياب .. وبعدين أنت ما بتقرا كويس ياخ ؟ راجنك فى حتت كتيرة .. غير الجاى .. ما تفط سطر
اقتباس:
لكن أخو حمزة ده ما إتذكرتو والله .. اقتباس:
طبعآ لما وصلت ناس جحا وناس أبو قناية أتوغلت علينا .. كان علاقتى مع جحا حميمة شديد .. رغم أنا كنت طالب فى الثانوى فى السنة الأولى هو بياع دجاج ولاعب كرة متقاعد .. طبعآ أخوانه عبدالرحيم ومحمد الكبير درسونا .. تعلمت معه دخول الأفلام الراقية فى سينما غرب وكان فردة .. كان غير متزوج وكنت من القلائل الذين يعرفون سره .. كان يعشق بنت بصمت وتزوجت من آخر .. فعزف عن الزواج وعاش فى حبها عن بعد .. أنجبت طفلة أسمتها "أمانى" فقابلته يوم وسلمت عليه بحرارة وسألته من أحواله .. وهى طبعآ خالية ذهن من حبه الدفين .. بعد أن ذهبت أنشد أغنية "ليه بتسأل عنى تانى .. بعد ما شلت الأمانى" وصلاح أبو قناية كان فردة هو ومحمد زكريا وفكرى زكريا .. ويظن البعض إنهم أشقاء .. رغم فكرى مسيحى .. غايتو لخبطت لينا جنس لخبطة اقتباس:
|
| الساعة الآن 12:59 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.