و الدليل الأخير علي وجود الله ده قصتو طريفة جدا، لانو أنا أكتشفتو بالانجليزي و قدر ما فتشت ترجمتو بالعربي ما لقيتها، لحدي ما أخونا عثمان رضوان لقاها و نزلها في بوست منفصل :

كان سافين لحدي هسي، تفو بالله و سفو من أول جديد لانو المقارنة ما فيها كلمات متغيرات ولا سطر فوق لتغيير المعالم : هشام كان أمين جدا و سرق فولتير باخلاص فجزاه الله عن فولتير خير الجزاء :D :


http://im19.gulfup.com/Cdcw4.jpg

http://im19.gulfup.com/eUmq5.jpg

http://im19.gulfup.com/KeS26.jpg

http://im19.gulfup.com/hBoV7.jpg

سلام امين
يعنى نفهم من كدة انو هشام آدم زول (حرامى) وسرق الآراء الفلسفية
من فلاسفة آخرين وعشان كده كتاباته لا يعتد بها وقد سخرك الله ان
ان تكشف لنا هذه السرقة (الفضيحة) هو دليل على وجود
الله:confused:




/

صحي يا بدر موضوع السرقة الأدبية قائم وقد أثبته أمين سابقا ببوست جعيص بسودانيز أون لاين، وكان ممكن يكتفي برابط لذلك البوست حتى يتمكن القراء هنا من متابعته.
السؤال يا بروف:
- هل هناك تشابه بين موقفك هنا من هشام آدم، وموقف* بشرى الفاضل من محسن خالد في بوست العاشر من صفر؟

- الرسالة الداير توصلها لينا شنو يا أمين -غير فضخ السرقات- من ملاحقتك لهشام؟ دايرنا نقاطعو في الحوار مثلا؟

* موقف بشرى حسب قرايتك ليهو.

ما اتى به البروف امين لايمكن ان يكون دليلا على وجود الله باي حال من الاحوال





كامل التضامن مع الاخ هشام آدم في هذه الحالة

سلام يا زين،،
ما أعتقد إنو دة قصد البروف، لأنو ببساطة:
لو زول طوالي قاعد يقول "ليك يا زين ياخي القهوة دي بتحميك النوم بالليل"، بعد فترة إكتشفت إنو الزول دة قاعد يسرق، بعديها جا يوم وقال ليك "يا زين ياخي قلت ليك القهوة دي بتحميك النوم بالليل".
هل بكون من المنطق تقول ليهو: ياخي إنت ذاتك حرامي، وعشان كدة دة دليل إنو القهوة ما بتحميني النوم ولا شي.

فرق، صاح؟

سلام يا امين

مازال الوجود واسئلته سببا اساسيا لحالات العصف الذهنى التى بدأت منذ ان تلقيت اول دروس ادبيات الحزب الشيوعى عن المادية الجدلية والمادية التاريخية ومازال مُناقشى زمانها فى العام 1986 يتذكر بان سألته مالايقل عن مائة وثلاثين سؤالا عن وجود الله
كنت ادرس فى الجامعة الاسلامية حينها وكان رأسى يطق بالحشو المؤدلج للدين.
مازالت اسئلة الوجود تنهكنى بل جدواه..
لماذا كل هذا العناء والركض وراء الحياة اذا كنا فعلا سوف نموت يوما؟
التفكير فى هذا الامر اصابنى مرتين فى حياتى النصف قرنية بحالات اكتئاب

تداخل الليل والنهار وانسلالهما من بعض
البحار والغموض الذى يكتنفها
ويكتنف النفس البشرية
وجودى فى اوربا لسنوات فاقت العشرين
تفاصيل كثيرة واسئلة اكثر دقة عن الوجود
عذابات قادتنى الى يقين داخلى ان الله موجود
موجود فى قلبى فلماذا ابحث عنه
الله هو اليقين, اليقين الذى يملؤنى كلما اصاب ذهنى العصف.

لذا كان تداخلى وربما هى المرة الاولى التى اتداخل فيها معك واقرأ غالبا ماتكتبه
لكنك قلت ان هذا لن يفيد عصفى الذهنى!! تمنيت ان اصل لهذه النتيجة وحدى..

تحياتي اشراقة حامد
لابد أن هذا الاستنتاج دليل علي العجز في الوصول الي الله أكثر من كونه اجابة مقنعة للتدليل علي "وجود اله" والا فكيف يكون الله هواليقين؟
اما أن الله موجود أو غير موجود و الأصح هو ماقاله هشام ادم أن ليس بامكان أحد "اثبات" وجود اله أو "نفيه" فقط علينا أن ننأي بأنفسنا عن الحيرة
تحياتي

أخ هشام هل أنت متأكد أن العلم والعقل لا يوصلان لله ؟ الشواهد تقول غير ذلك. كتبت مشاركة هنا في هذا ظناً مني أن الهدف فعلاً هو إدراج أدلة قطعية لوجود الله..