تمام يا زول ...
|
اقتباس:
|
مشيت اليوم المعهد
وريتهم شهادتي بتاعة الجامعة مسكوها وقعدوا يحسبوا كدااااااااااااااا قالو لي شهادتك دي تعادل 27 ساعة ! ومتطلبات المعهد الامريكي على الاقل 31 ساعة الحل انو لازم اعمل ماجستير عشان يقبلوني !! الشهادة ماشاء الله تبارك الله محشية مواد عربي وانجليزي وتربية اسلامية لامن قايلة بس! المهم انا اسي اشعر بيأس شديد .. وعدم رغبة في اي حاجة يا امين لو اتصلت عليهم اسالهم من متطلباتهم لي زول سوداني عايش في دبي عايزين كم ساعة دراسة محاسبة؟ |
اقتباس:
تعرف ممكن تقعد مدبرس كده و ما تعمل أي شئ ... الزمن بمر بسرعة خيالية ... و كلنا بنحبط لمن نقع، لكن لازم تتنفض سريع و تواصل لانو مافي شئ بستني ... ضربة التلفون مافيها أي مشكلة و ما بتاخد زمن ... لكن قصة أقول ليهم ( متطلباتهم لي زول سوداني عايش في دبي عايزين كم ساعة دراسة محاسبة؟) دي ما جايه لانهم بالتاكيد ما بكونو عارفين "السوداني العايش في دبي، عايز كم ساعة دراسة" ... الشغل الصاح انك ترسل لي شهادتك ( attachment في الايميل ) و أنا برسلها ليهم و بتصل بيهم عشان السؤال يبقي محدد ... الزول سيد الشهادة دي كان جاكم بجاي داير كم ساعة دراسة عشان يمتحن شهادتكم دي !! ايميلي [email protected] |
تمام يا امين
الحقيقة انا اتصدمت حتة دين صدمة ! لاني كنت طابق قروشي في جيبي وماشي اسجل المهم ابشرك .. لا يأس مع الحياة ولاحياء لليأس ولا ادب ذاتو :D انا في لحظتي اتجاوزت وعصرت علي بطني ليمونة وسألت من البدائل واسي حا انتظر نتيجة مجهودك المقدر وحا اوريك الخطة البديلة الحاتكون اتمخمخت للوقت داك في راسي قصة القراية دي انا نويت عليها وماني متراجع تب .. كع :D بكرة دعكة عينك من النوم حاتلقى الشهادة في ايميلك لانو ماعندي ليها اسكنر حا اعملو بكرة في المكتب الصباح وارسلها ليك طوالي وياخي الف شكر على جمالك الباذخ |
يا ابو الشوش ؟
اين انت يا ابو الشوش ؟ اعمل هولد لكل المشاريع المشتركة بيناتنا لغاية مانشوف الكارثة دي اخرها شنو هههههههه |
يا عم خالد ...
اتصلت علي ناس NASBA و قلت ليهم عندي قريبي بلال جدا :cool: و قاعد في دبي و عايز يعمل CPA و شهادتو عندي ايميل ممكن أرسلها ليكي تشوفيها و تورينا لو هو مؤهل للجلوس لنيل الشهادة دي أم لا ... و لو لا... محتاج يعمل شنو عشان يقدر يمتحن ؟ قالت لي هو ح يمتحن من ياتو ولاية ؟ قلت ليها الزول ده بلال و زول ساهلة :cool: .... عايز يمتحن من أقل الولايات requirements ... قالت لي ال requirements بتاعت الولايات مختلفة و متباينة بصورة كبيرة جدا ... و ورتني القي ال-requirements دي ويين و نبهتني إنو في كم ولاية هم ما مسؤلين من الشهادة دي فيها ( زي 6 ولا 7 ولايات من ضمنها الباما و أريزونا ) ... الرابط هنا : http://www.nasba.org/exams/cpaexam/ و بتلقي كل ولاية عندها رابط تحت العنوان الجانبي : Choose a jurisdiction below to begin the examination process إقتراحي انك تملأ كيس الصعود و تسف و تقارن شهادتك بكل ولاية و تختار ليك كذا ولاية فيهم من رقشة شهادتك ... بعداك إن شاء الله نديهم سلك تاني يورونا كل واحدة من الولايات دي نتصل عليهم كيف - لانهم في ال-NASBA ما مسؤلين عن ال-requirements بتاعت كل ولاية - و أنا بتابع ليك معاهم إن شاء الله ... أنا متأكد مليون في الميه إنو حتي لو عدد ساعات دراستك في الشهادة ما بتؤهلك للامتحان الان ... الناس ديل بيوروك شنو ال- prerequisite المطلوب تعملها ... المشكلة الوحيدة الشايفها انو الكلام ده لازم يكون هنا - في بلد الرجل الأبيض دي - و بتجي ك international student و ديل بتبلو بقروش كتيرة و ما مسموح ليهم يشتغلو و تعقيدات فيزا و كلامات تانيه ... المهم يا زول keep it up و بعد ده ما عندك سكة وقفة ... لو وقفت نحن بنبلك !! |
امين يابروف
ياخي والله ماقصرت كلو كلو خشيت ليك الرابط المهول ده ولقيت الموضوع فعلا محتاج حقة سعوط واكتشفت ليك الامريكان ديل انجليزيهم رابط خلاص! علي اليمين كبو ليك انجليزي في الموقع ده تقول خواجات بس :D المهم ياحبيب بكرة عندنا جمعة حا اتفرغ ليك فيها بالكامل للموضوع ده واول ما اكمل بجي اديك النجيضة هنا تحياتي |
سلامات يابروف
ياحبيبنا بخصوص الCPA دي انا اصبت باحباط شديد في محاولة واحدة بس رسل الشهادة العندك لي ولاية كالفورنيا وشوف لو بيقبلوني لانهم اكتر واحدين متهاودين في الشروط لو قالو لا انسى الموضوع طوالي لكن ولايهمك البديل ياهو ده قاعد جااهز بس بنتظر ردك واوريك البديل شنو تحياتي ياحبيب |
سلام يا خالد،
متابع البوست من قولة تيت؛ فاعلم أن هناك مشجعين على المدرّجات! Don't give up وإن كان أمين ما ظنيتو يدّيك فرصة تراجع :) تحياتي يا بروف. |
اقتباس:
وما ترخي موضوع القراية كلو كلو... بصبن الحاجات معاي لحدي ما ترسى على بر وبعدها بجي أردمك انت ركز بس |
اقتباس:
شكرا على المتابعة والتشجيع وخلينا نديك سؤال كده على السريع :D في سوق العمل في الشركات المحترمة زي البترول ومنتجاتو واللدائن الخ في مجال المحاسبة ماهي الشهادات الفنية المرغوبة اكتر ؟ يعني حسب خبرتك كده في رايك الشهادة الفنية ذات التقييم العالي ياتها ؟ ACCA CPA CMA CIA ادينا اجابة دقيقة وببعض التفاصيل لو امكن تحياتي ياعمدة |
اقتباس:
مافي اي بطبطبة والله بس شكلو الCPA ماف ليها طريقة مباشرة يعني لازم اقرا ماجستير في الاول وهيهات :D لكن ابشرك البديل قااعد بس شوية طريقو مختلف .. خلي البروف يقنّعنا نهائي وبعد داك بوريك التفاصيل |
اقتباس:
عشان أديك النجيضة؛ سؤالك ده بشيلو صرّة في خيت وأسأل لك المختصين (ناس التوظيف والمالية) وارجعلك بالأكيدة، غالباً باكر إن شاء الله. |
اقتباس:
في الانتظار |
| الساعة الآن 10:22 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.