منال بتي القومة ليك..احنا في زمن فيهو الناس لا دايرين يصللو لا دايرين غيرم يصللي..دا غير انو البوست دا دليل علي انتصار محمد فرح الخلانا نتشاكل في بعضنا وهو وقف يتفرج علينا..ياهو دا الجهل السياسي.
المشكلة التلاتة ديل..حافظ..الجيلي...بابكر.. احنا عارفنهم التلاتة معادين للنظام..تقدري تفهميني هسة هم مختلفين فوق كم..اللائحة مش كدا:confused::confused: احنا بنكتب الدايرنو ونقول الدايرنو وخليهم يطبقو علينا اللائحة لكن ما يجي زول يفهمنا اللائحة بتقول شنو عشان احنا عندنا عيون وعقل وشايفين الهم شايفنو ودايرين نخالف مع سبق الاصرار والترصد وعندنا استعداد نتعرض للمسائلة والعقاب بس من أولي الأمر مش من صحبانا..عارفة ليه يامنال:confused::confused: عشان أنا مكتف ما بقدر أسيئ للجيلي أو لي بابكر وبالع لساني وساكت وجواي نار بتحرق في جوفي..ودا كلو بي سبب اللائحة..
عفوا ياخال اسمح لي أن أستعير قولك: الشكية لي الله.. أب ايدن قوية..
شفتي محمد فرح عمل فينا شنو:confused:

شكلو كدة..
طوّالي بالو للكعب..
كعب العدم..
ـــ
يا سلفي..
مداخلة الجيلي حقت السرقة في الخرطوم ديك مداخلة زي العبوات الناسفة..
قطعت راسك مش..؟؟
شايفك عملت منها رايح.
قلنا ليكم لمّا تركزو علي الهجوم أعملو حساب ما تتقدّ ورا.
غايتو كان باني فكرتك علي حكاية العقوبة الفي مكان تاني..
احسن تقفل وتشوف درب الحليب وين..
تخريمة:
فكرة البوست جيدة..واصلو النقاش.

اقتباس:
المشاركة الأصلية كتبت بواسطة فتحي مسعد حنفي http://www.sudanorg.tk/vb/images/buttons/viewpost.gif
..تقدري تفهميني هسة هم مختلفين فوق كم..اللائحة مش كدا:confused::confused: احنا بنكتب الدايرنو ونقول الدايرنو وخليهم يطبقو علينا اللائحة لكن ما يجي زول يفهمنا اللائحة بتقول شنو



اوووووووو يابا ازيك و كيفنو حالك

ما بتقدر تقول فى الجيلى خلينى اقول انا ( منتظرة الطقيع )لكن بفتح لى ههههههههه
الجيلى حاصل ليهو الالتباس فى حته ما

وهسه تطرح اللائحة للتعديل بقول رأيهو
لكن هو المشكلة زى ما قلت ليهو ياتو قانون؟

يعنى زى حال وطنا هنا فى حالة المنتدى فى (لائحة ح تطرح للتعديل ) و ضوابط كتابة

يلا ابحثو منو البطبق اللائحة عشان الحاجات تمشى كويسه
مع العض على مبدأ العدالة

وكدى النسعلك
هى اللائحه دى تطبق على ناس يتعدوا على اصابع اليد بس خلاص
و التنانين كيف... الحاصل شنو ده العندى رغبه اعرفو بس

تبقى مصيبه لو نجحوا فى ان يشغلوهم عن قضيتهم
غايتو ناس الخرتوم عندهم حراق روح ...و نشاق ريق ...و مادين بوزهم

ناس برا ديل يا اما تن يكتبوا يخففوا علينا الوجع
يا يجبوا غنا (الجيلى نموذجن)
يا يحكوا لينا زى بابكر و اسامه معاويه

اما حافظ ده بكره هتاف واحد فى الخرتوم بفش غبينتو - قربت شيل الصبر
وفتحى مسعد بركب الطايره و يجى شايل العلم من المطار

بالأحمر دا يا الجيلي نبهني ليه الرشيد بمداخلته التحت ديك ... ما داير أديها أوصاف......
لكن يا صاحب بالجد بتأثرني أجاباتك و تساؤلاتك الذكية و الليله رجعتني لليالي النخيل بعد غياب طويل..... بس يا الجيلي تساؤلك ذكي جداً لكن محدود أسمح لي أقول ليك:
بالتأكيد يا جيلي زول ارتكب جريمة في الخرطوم و إتعاقب في الخرطوم ما ممكن يمشي يتعاقب في جوبا.... قطع شك متفق معاك في الجزئية لكن بالتأكيد هنا أنا ما بقصد الجرائم الجنائية فقط و العقوبات الحسية .... نحن في عالم أسافير عالم جديد بالنسبة لينا كلنا ... محتاجين نبتدر قوانينه وفق تجاربنا و تجارب غيرنا اليومية ..... فالعقوبة هنا عقوبة إجتماعية في تقديري اكثر من أنها حدية (حدية دي ما جميلة لكن ما لقيت كلمة تانية و العنده كلمة يجدعني بيها يا معشر القانونيون)... فمثلاً يا الجيلي خت عندك زول إرتكب جريمة في واحدة من دول الإتحاد الأوربي و الدولة لا قدر الله رجعته السودان صدقني تاني مشيه لكل دول الإتحاد الأوربي صعب .... خت في بالك الزول دا أرتكب الجريمة دي في دولة محددة ما في كل الدولة الأوربية .... باقي الدول بتتصرف كدا عشان تحمي نفسها .... و ما نمشي بعيد يا الرشيد البتتكشم دا (هههههههههههه) .... نحن كلنا أولاد منظمات و أتخيل بتعرف كويس شنو code of conduct يعني لو حصل اتفصلت من منظمة بكود أوف كوندكت تاني ما حتدقها في أي منظمة محترمة في حين أن الكود أوف كندكت حصل في منظمة محددة ما في كل المنظمات ليه بحصل كدا تقدر تجاوب لي يا صديق؟..... بحكي لي صديق كيني أن قبائل الماساي عندها نظام إجتماعي صارم جداً في السابق فمثلاً إذا إرتكب عضو القبيلة جريمة و صنفت علي أنها جريمة حسب العرف القبلي ... مرتكب الجريمة بطرد من القبيلة للأبد و ما في قبيلة بتقبل به إلا قبيلة بتعتبر نفسها أقل من قبيلة المطرود ..... كل ما ذكرته دا عقوبات إجتماعية أو معنوية.... طيب ليه ما نفكر أن الانسان البرتكب مخالفة في منبر محدد و خاصة إذا كان المنبر دا أهدافه قريبة مننا ليه عقوبته في المنبر داك ما تجي معاه لمنبرنا .... ليه طوالي نحن متلقينه بالأحضان و التراحيب؟ أتمني أن يكون في تنسيق زي دا بين المنابر ذات الحد الأدني من الإتفاق .... و الا أنا ممكن أعمل السبعة و زمتها في سوداينات و بدم بارد أمشي سودانيز أون لاين و أمثل رب الأخلاق ..... خلاصة كلامي مفروض نقود حملة تحت شعار الأخلاق لا تتجزأ ما إرتكبته في سودانيز لا شئ يمنع في أن ترتكبه في سودانيات

يا منال زوغة شنو اليكبوها ... أنا قلت ليك أخترتهم بعناية و خاتيهم شرك لأخرين تقول لي يكبوا الزوغة قطع شك ما يقدروا..... يكبوا زوغة هم عندهم شنو غير واحد فيهم يأكل الجمال قشطة ( يا حبيب بالله ما تزعل اننا إخترتك بعناية) و التاني محتفي علي طول ... يا الجيلي أقول محتفي بشنو و لا أقول ما في داعي؟
و الله تصدق يا جيلي بعد ما فتحت البوست دا حسيت بشوق جارف اليك ... و هشر خمسة أنا أتي اليك لو منال قبلت بي عشان نجي الاتنين .... ينعل أبو الحليب ذاتو

يا عمي فتحي سلام
صلاة شنو و عدمها البتتكلم عنها دي يا عمي فتحي؟ و بعدين فرح دا مين الشغال بيه قدر دا؟ و محمد فرح فقط كان مدخل و مطية لحوار في تقديري ممكن يكون مثمر جداً ... و يا عمي فتحي الحوار عمره ما ضر لو ما نفع .... بعدين هنا ما في أي جهل سياسي أيوا نحن التلاتة متفقين علي حكومة السجم دي لكن قطع شك نحن التلاتة ما حاجة واحدة ....و الزول البيفتكر أن كل المعارضة كتلة واحدة بالتأكيد في قضايا رايحة ليه ... يا عمي فتحي نحن متفقين في معارضة الكيزان لكن ممكن نكون مختلفين في الوسائل و المداخل و عشان كدا جاء البوست دا.... و بكرر للمرة الكتيرة انو الائحة دي منتوج نحن و بنغير فيها متي ما أردنا ... و رحمك الله يا مزمل عندما تقول اللايحة التلجة السايحة

تعرف يا رشيد قبل ما أكتب مداخلتي لأسامة معاوية، قلت لمُبر: ح أتداخل مع أسامة معاوية بشكل خشن و كمان من غير سلام عشان أعرفو قاصد شنو بلعبة دي؟
الخشونة القانونية يا رشيد بتخلي الكلام واضح مع ناس أسامة و ناصر الحساسين ديل

أها يا حافظ بعد تعدل اللأئحة ح تطرد محمد فرح لانو قام بتحقير صفية...

بتعمل شنو مع نوع التوقيع دا:
http://www.sudanorg.tk/upload/uploads/basir.jpg

يا بابكر عباس الائحة دي ما حاعدلها براي ... لكن وقت اغلبية مننا تقتنع أنها مفروض تتعدل قطع شك حيطرد محمد فرح , و الزول الراسم عمر البشير في شكل خنزير و قبليها الزول الراسم أوكامبو في شكل خنزير برضو .... لأنو لانسان كرمه الله و ما بحق كائن من كان يحتقره (مش كدا صح؟)

حننتني يا حافظ (2)
خلاص برخي ليك شوية

يا زول ترخي لمنو أنت الله ما ليك و لا شنو ؟

دوس أخر بنزينك و أنا لها

جيلي سلامي يسبق أشواق .... أي اني أعني نظرياً يعني كلام في الكتب ما فيه اي مشكلة (جملة الحرية للجميع , أو الحرية لنا و لمن سوانا) دا الكلام النظري المكتوب لكن يا حبيب وقت نجي للحياة العملية لابد من وجود ضوابط .... ضوابط تحد هذا الفرح و ما شايعه ... دا قصدي في الاختلال بين النظري و العملي

طبعاً يا الجيلي بقصد محمد فرح و لا غيره ... بتحموا فيهو لانكم بتصوره إنسان عادي ... إنسان ممكن يخطي و يصيب , إنسان بحب و يتحب , عشان كدا بتحاوروه و بتدعونا للحوار معه .... يا الجيلي محمد فرح لغته البندقية و جاي هنا بناء علي أوامر محددة بقضيها و بتخارج ... فالحوار معه غير ذي جدي يا صديق .... و أي حوار مع مثل هذا الفرح نتائجه لا تكون سوي الارتقاء به الي مرتب إنسان كامل... كيف يعني داير تقنعني أحاور إنسان مغتصب , قاتل , مجرم و الخ من صفات؟
أحواره أقول ليه شنو