يا فتحى
حاجة شوفا لينا فى السودان .. صور .. قدر ماتقدر للناس ديل .. أو غيرهم من عمالقة بحرى دى صورة لسوركتى .. ضاعت فى صدر البوست http://img165.imageshack.us/img165/8526/surkatywb9.jpg ودى ياسيدى أغنية "خدعوك" وأوعك من الفاضى .. ناس السودان بقوا زى أهلك المصريين [media]http://aafat.org/upload/uploading/khada3k.mp3[/media] |
الأخ رأفت ميلاد
سلام ومعايدة ناجي القدسي يقرب لي (نسابة) لينا ;) (آل الجدري)...وهم من يمانية كسلا... أعتاد الرجل أن يرسل برسائل في بدايات الثمانينات لقريبته في كسلا...الخطابات بحق لوحات بديعة من النثر الفنّي تدل على رقة الرجل ولغته الرصينة والبديعة...وقد فاجأتني بتلحينه لساقية حمدالريح :) ...هي بحق من أحلى أغانيه ...سأستصحب منذ اليوم هالة (صاحبك) ناجي وأنا أعيد الأستماع اليها... لك المودة فقد أعجبني أسلوبك وأيعازات الكلمات |
اقتباس:
للأسف التسجيلات ما مظبوتة يمكن عشان تمركز الشيالين بالنسبة للمايكروفون والتطبيل بيطغي في بعض الأحيان علي صوت الفنان.برضو حأحاول أشوف من عشاق أيوب تسجيلات نضيفة. |
اقتباس:
معانا هنا .. وعلى البورد وكل سنة وأنت طيب وتعود الأيام بالصحة والسلامة شكرآ لإضافتك فى حق الموسيقار ناجى القدسى .. وهذا يفسر مدى شاعريته وتدفق أحاسيسه التى أوصلته لهذا الحال .. حال الفنانين وصفائهم وهم يصدمون بجدار الواقع الجاف المليئ بالخداع والزيف .. فتكون الصوفية ملجأهم .. منهم إدريس جماع .. وما أكثرهم .. مرحب بيك تانى هنا مودتى |
تعرف يارأفت أمبارح كنت بتكلم مع مجدي أخوي وجبنا سيرة البوست دا فاكتشفت انو مجدي عندو معلومات كتيرة أنا ذاتي ما بعرفها لان معلوماتو جات في الفترة الأنا غبت فيها عن السودان فمثلا بيحكي لي انو كان في الكورة في دار الرياضة بحري وكان الكفاح لاعب وبعد الكورة حصلت شكلة برة دار الرياضة كان أيوب فارس بيحجز فيها وفي الوقت داك كان أيوب المدير الفني للكفاح ودي معلومةأنا ما كنت عارفها لأني طلعت من السودان وايوب كان بيلعب في الكفاح المهم بعد ما الشكلة انتهت مجدي سلم علي ايوب هو وواحد صاحبو فأيوب طوالي قال ليهو انت أخو فتحي نسبة للشبه ومن الزمن داك مجدي بقي صاحب أيوب وعندنهم قعدات سجلوها ومجدي ذاتو كان بيغني ودا سبب علاقتو بيوسف الموصلي0
الشاهد اكتشفت انو عندو معلومات كتيرة مهمة من بيت الكلاوي0 نرجع تاني لي ناس بحري وظرفائها ومنهم أخونا نمير ثيرد باك الكفاح.الراجل دا كان جنو فقرا ما مخلي فلاتي شيخ ما بيعرفو وفي مرة كان عندهم مباراة سنتر ليق كانت ممكن تطلع الكفاح للدرجة التانية فنمير مشي لي شيخ فلاتي عشان يكرب الماتش الفلاتي قال ليهو انتو حيجي فيكم قون وبعد داك حتغلبو.نمير اتكيف ورجع ضامن النتيجة وقال لي جماعة النادي ما تخافو النتيجة مضمونة في جيبي0 ابتدت المباراة والونج بتاع الفريق التاني انطلق علي الخط بالكورة في اتجاه القون والباك زميل نمير مشي يقابلو قبل ما يوصل قام نمير يكورك فيهو :سيبو خلليهو بيضر نفسو. الونج مشي وجاب الكورة قون والكورة انتهت واحد صفر والكفاح طار ومن يومها نمير تاب وحرم يمشي للفقرا تاني0 حاول تضغط علي مجدي يطلع العندو لانها معلومات خاصة ما بكونوا الناس سمعوها قبل كدا. |
ناجى القدسي ... محمد أحمد سوركتى ... أيوب فارس (بحث عن فترة فنية غائبة)
الله يسامحك يافتحي يعني لازم تزنقني الزنقه دي ماانت عارف مخّي الفيهو مكفيهو وعشان يسترجع الذكريات ديك داير ليهو دفره عشان يشتغل غايتو ربنا يسهل ومايخذلني .
ياجماعه انا مااعتقد ان في زول عاش في بحري وماسمع بي ايوب فارس لان الراجل دا بغض النظر عن انه كان فنان من الصعب انو يتكرر تاني لكن كان انسان بمعنى الكلمه ومجامل لابعد الحدود وفوق مايتصور الانسان لدرجة اني بيتخيل لي انو بيعرف ناس بحري كلهم . بالنسبه لي انا قبل مااعرفو شخصياً سمعتا ليهو عدّة شرايط وحضرتا ليهو عدّة حفلات ومعرفتي بيهو بدت زي ماقال فتحي بعد مباراه بين الكفاح وفريق من امدرمان . بعد المباراه الجماعه وكالعاده دوروا الشكله بره الاستاد والوقت داك ايوب كان المدير الفني لفريق الكفاح وشفته بيحجز في الجماعه لغاية ماانتهت الشكله وكان معاي وقتها اعز اصدقائي واسمو صديق الشيخ ( اب تكّه) بكسر التاء فمشينا عليهو وعرفنا على بعض وطوالي سألني انت اخو فتحي مسعد وبالمناسبه الحكايه دي بتحصل معاي كتير بسبب الشبه الشديد بيناتنا لدرجة انو لما كان معانا هنا في الامارات كان بيسوق بي رخصة سواقتي قبل مايطلع رخصه من غير مازول يشك انها مارخصته المهم بعد التعارف اتفقنا نتقابل بالليل في حديقة عبود ودي كانت اول مرّه اسمع ايوب فارس في قعده وطبعاً الغنا كان بالكبريته ومااروع سماع ايوب بيغنّي بالكبريته . طبعاً واحنا قاعدين الجماعه حولينا كل شويه يجوا يبشروا في ايوب لانو زي ماقلت ليكم بحري كلها بتعرفو بالمناسبه من اكتر الفنانين الغناهم قريب من اسلوب ايوب فارس الفنان الجميل محمد احمد عوض وايوب ليهو طريقه واسلوب متفرد في الآداء يعني لو سمعتو بيغني ياجميل يااسمر او ليالي الخير جادن او اذكري ايام صفانا او البتوحي للناس العيون او ذبت وجدا في هواك او من يوم حبّي فارقني والكثير لو سمعهم من ايوب ما حيقدر يسمعهم من اي زول تاني ودا دليل على عبقرية الراجل دا الله يرحمو لانو ماكان بيغني الاغنيه زي مابيسمعها ولكن بيغنيها باسلوبه المتفرد والممتع وانا كنت بحفظ الغنا وبغنيهو بنفس طريقته ايام ماكنت فنان قعداتنا ايام الشباب واي واحد حيسمع شريط لايوب فارس طوالي حينتبه ويتذكر كلامي دا عن اسلوب ايوب وطريقته في الغنا وبمناسبة الكلام دا بتذكر في السبعينات من القرن الماضي استاذنا الكبير اسماعيل عبدالمعين رحمه الله استضاف ايوب فارس في لقاء في التلفزيون واتكلم وركز في كلامو على نقطة اسلوب ايوب المتفرد في الاداء واتذكر انو غنا فيهو عدّة اغنيات اذكر منها قسيم الريد كلمات الوالد والاغنيه الشعبيه المنتشره جداً وقتها لبن ابو لي بيه . ايوب كان من احسن المطربين البيغنوا اغاني خضر بشير لدرجة ان المرحوم الاستاذ خضر بشير ماكان بيسمح لاي فنان يغني غناهو غير ايوب فارس وبينطرب جداً لما يسمعو بيغني اغانيهو والكلام دا انا سمعتو من ايوب شخصياً . من ذكرياتي ايضا اني طلبت منو انا وشلتي اننا نزورو في البيت ويسجل لينا شريط على مزاجنا نختار اغانيهو وطبعاً وافق بدون تردد وفعلاً مشينا واستقبلنا احسن استقبال واحنا قاعدين وايوب بيدندن لسه دخل المرحوم سليمان فارس ووقف يسمع وقال ليهو تعرف انك بتغني احسن لما تكون سكران ودي حقيقه لانه بيكون في قمة السلطنه والانسجام والتركيز وهو سكران ( حاجه غريبه مش كدا ) المهم لما جينا نشغّل التسجيل رفض وقال انو مامتعود يشرب ويغني في البيت قلنا ليهو والحل شنو رد واحد من الشيالين كان قاعد معانا وقال نمشي عندو البيت البيت قريب وفعلا مشينا وبعد ما ظبط الطاسه واتوزن تمام مسك الكبريته وبدا الغنا والنتيجه كانت شريط قمه في الروعه لدرجة صاحب الشريط الخام لما سمع التسجيل طمع وشال الشريط ورفض يرجعو لينا بقت زعله بينا استمرت لفتره طويله وبعد زمن واحد من اصحابنا قدر يقنعو يسلفو الشريط يسمعو وجابو لينا سجلنا منو نسخه بس للاسف ماكانت نضيفه زي الاصل . قبل وفاة ايوب فارس كنت اديته اغنيه من اغنيات الوالد بيقول مطلعها يامن بديتي اللوم** انا ليك بتمه خبرك ويوم يطراك ** انهه واذمّه فكري المشتت ** جاري وراك المه ولكن كان القدر اسرع ومات ايوب فارس وماتت معه العديد من الاشياء الجميله وبقيت ذكريات مشتته في مخيلة العديد من الذين اسعدتهم الظروف والتقوا وجلسوا واستمعوا لذلك الجميل الخلوق المبدع الذي كان اكبر دليل على مكانته في قلوب الناس ومحبتهم له تلك الجموع التي خرجت وراء نعشه لتواريه الثرى في مثواه الاخير الا رحم الله ايوب فارس وغفر له بقدر ماامتعتنا واحبنا واحببناه . |
يا سلااااام يا أولاد مسعد حنفي
ربنا يديكم العافية .. يا مجدى ما إنتهينا كده .. بجيك واحدة .. واحدة وما بشبع فتحى إمشى ويجينا بالسلامة كل سنة وإنتو طيبين |
[align=center][align=center]مرفوع بفهم
؟؟؟؟[/align][/align] |
اقتباس:
|
اقتباس:
اقتباس:
اقتباس:
خاصة نبرة فتحى الجديدة ما تطمن أها يا أخونا يمكن الغيبة الطويييييلة دى كنت عند الخالة تام زين منتظرين |
اقتباس:
أبدا والله يا رأفت لكن تعرف في مرات الواحد بيدخل في بوستات ولما يلقي نفسو بنزينو قطع بيتمني نار البوست تنطفي براها عشان يتخارج خاصة لو كان داقي صدرو زيي في الأول بس كمان ما تنسي أنا جاني احباط لما التسجيلات والصور ما جات فقلت أحسن لي أسكت لان أي كلام حيتقال حيكون فيهو نوع من الافتعال وما حيكون طالع من الضلوع زي ما مفروض يكون وأنا ما عايز الجأ لأي نوع من التلفيق والانسان دايما بيتذكر النوادر أما الحياة العادية فعلي الرغم من وجودها بالذاكرة الا أنها لا تهم الا من عاشوها. من الحكايات اللسة في الذاكرة كانت قعدة في الرملة اياها وكانت القعدة ديك بتجمع المرحوم أيوب والاستاذ ناجي القدسي كما كنا نطلق عليه فهو كان بالفعل استاذ في كل شيئ..كان معنا في تلك الليلة اتنين من أخوانا الأقباط واحد اسمو نبيل ودا توفي في حادثة غرق الباخرة بين حلفا والشلال والتاني كان اسمو بطرس.. بطرس قام لقضاء الحاجة وقام معاهو ناجي وبعد شوية ناجي رجع وقعد يضحك ضحك شديد واحنا بنسأل في شنو ياناجي وهو بس بيأشر للمكان الكان جاي منو واللسة بطرس فيهو ومستمر في الضحك بي شدة وفي الآخر قام قال لينا بطرس بطرش وطبعا قالها بي طريقة مضحكة فعلا لتشابه الكلمتين وعلق فيها بطرس بطرش واحنا ميتين بالضحك:D:D:Dأهي دي من الحاجات البتخلي الواحد لو قاعد براهو يضحك لما يتذكرها...ناجي كان راجل عجيب في مرة كان قاعد معانا بالنهار وفجأة قام وقف وقال يا أخوانا عن اذنكم أنا عندي وردية فقام مشي ومافي زول علق علي كلامو وبعد حوالي ساعة أنا دورت العربية وكنت ماشي الخرطوم ولما جيت في المحطة الوسطي بحري لقيت ناجي واقف في نص التقاطع وعامل بوليس حركة ولما وقفت العربية وسألتو دا شنو ياناجي رد علي وقال أمشي ياهندي وللا أعمل ليك قضية هسع فضحكت ومشيت ولما رجعت حكيت للجماعة قالوا لي دا شي عادي جدا وكتير بيعمل الحكاية دي:confused::) هل تعتقد ان أمثال هؤلاء من الممكن ان يتكرروا في السودان:confused:لا أظن..:) |
اقتباس:
كويس جايك والله وهى كانت قصاصة امس فتشت عليها بعد ما رفعت البوست ما لقيتها لكن بلم فيها ؟ ؟ ؟ |
موافقين يا طارق .. الله يستر من الرحول
ولا يوم ما لقيت ليك قماشة تشيل بيها حلة العدس السخنة يا خى ما تعرس وتريحنا .. يا فتحى إفادتك نقلناها بالكامل فى يد متخصصين .. ما تنخ الراجين كتروا .. بالمناسبة بصدد حفظ مخطوطات الوالد فتحى مسعد هناك أيضآ وسأورد كل الكتبتوهو والكتبو شوقى بدرى بالإذن يعنى مودتى |
اقتباس:
|
اقتباس:
هى مافى هى شك أكبر مكتبة توثيقية سودانية .. وعليها مجموعة من الفنانين والمهتمين بالفن فى السودان على رأسهم أخونا يحيى قبانى الذى أكرم وفادتى بدون معرفة سابقة ومنهم ليس للحصر .. فقط الذين ساهمو فى هذا البوست .. حتى لا أقع فى خطأ النسيان على التوالى Wad_Almahdi الشاب الرئع الذى أهدانى بعض الأغانى الرائعة ماجد مبارك الشاب المهتم قبانى نفسه جمال سعيد الرائع والذى أوقف البوست على قدميه الليندي قريب الفنان عاطف انيس لم يبخل علينا الكوبي حبيبى والذى ثبت خطاى هناك هيثم لبيب وهو الذى أتى بروائع أيوب فارس .. وكان هذا تعليقه على مذكراتك أنت ومجدى : اقتباس:
http://www.sudanese.net/style_images...nmark/logo.gif مودتى |
| الساعة الآن 12:03 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.