[flash=http://www.sudanyat.org/upload/uploads/sudan2.swf]WIDTH=600 HEIGHT=600[/flash] أسّه يا عمو لو أديتنا رايك في الانفصال وتقوم طوالي تدينا عجاجة كرعينك موش كان أحسن ؟؟ لينا وليك ... بدل مطباتك الهوائية ومناوراتك البهلوانية البتعمل فيها دي !!! يعني شايفنا ناقصين ولّ ناقصين أبوي إتا !!! هو بلا جيلكم دا الورطنا منو !!!! loooollooool |
مساحة الجنوب أو الأقاليم الجنوبية حوالي ستمية واربعين الف كم مربع ... واجمالي مساحة السودان حوالي 2.5 مليون كم مربع .. الأكبر أفريقيا والتاسع عالميا (سابقاً طبعا) ... قتا اسبق الحوادث والشينة المرة دي مااااب تتكضّب يا طارق صديق نطرح مساحة الجنوب ... فاضل عندنا يا حبيب مليون وتمنمية وستين ألف كيلو كتيرة موش كدا ؟؟؟ كتيرة والله يا أشتر وكما تعلم فإن (القناعة) كنز .. والكنز هنا بترول الجنوب عديل كدا .. يعني تقنعو منو .. اها قول كتيرة ... الناس مشو خلوها وجو سكنو الخرطوم .. الدافنين صرتم فيها دي looool عشان شنو طيب سكنو الخرطوم .. عشان الناس دي قالو بتحب زحمة المواصلات وشوارع الزلط ... والبيتزا الايطالية قالو اخير ليهم من الخدمات المافي والفرناغة والسموم ... اهو غايتو الجنوبيون يحرسو لينا حدودنا الجنوبية برضو اخير لينا من الغريب .. دا لو ما الامريكان اكلو راسم وجابو ليهم شيفرون و بني صهيون لكن موش راسم الخفيف دا ولّ راسن تاني !!! بتاكل برااااااحة ... ياخ هي فوضى قالو ليك !!! ولّ اسرائيل خلااااص تخلي الوراها وقداما وتباري لي الدينكا !!! المصريون ما عندهم قضية في الشغلة دي كوووولها غير تجيهم الموية جارية ويلبسوها في شبط اخضر ... بكرة بتشوفم عابرين الأجواء السودانية وعدل على هناك مطايبة خواطر ساي ومنها يبيعو ليهم فنايل داخلية وأناتيك ... أهم حاجة عندهم يرجعو بالشرتيت ما دام الموية جارية في نيل الحياة ... والحاجة المهمة في الموضوع دا كووولو .. المنتخب القومي ما ح يتأثر بغياب لاعب في مباراتو القادمة مع البلاك استارز :D ... |
غايتو لو السودانيين ما دايرين الجنوب ينفصل هنالك حل وااااحد لا تاني له ...
اللي هو شنو ؟؟؟ يقوم عمر البشير عليه رحمة الله بتعييّن الجنوبيين عن بكرة أبيهم كمستشارين ليو يدرجة وزير بـ فُل بنيفيتس ... في الحالة دي ممكن الشماليين يشتغلو سواقين لاندكروزرات للجنوبيين وبكدا يكون عالج مشكلة البطالة .. دا مجرد اقتراح غبي وبس looool |
ياخ ماتفصلوا جناح ام جكوا وتستريح
على الاقل م ايتعرف قلبته من عدلتوا وختنا نحن في اي جيب اخير من بنطلونك الناصل دا وتكونبقيت ترزي جلاليب معتبر واحدة قرفانة قرفة السنين(خت ليك دموع بحر) عازماك مراسم انتحا ر يوم الخميس على الاقل تبقى شاهد ماشفش حاجة --زيد الدموع خليها محيط- |
اقتباس:
أغرقو إنتو يا الحلوين .. وابكو براكم .. كفاية الهم الفينا ومطلّع زيتنا !!! اقتباس:
وخلينا بعديها النموت ركن ... ونقوم قطن ... واحتمال ما تقوم لينا قايمة ذاتو :D في نفس الزاوية طبعن ... دا لو التمام ما عندو مانع !!! !!! الكارسة الحقيقة يا بت يا جيجي ما انفصال الجنوب عن شمالو إنما منطقة (أب ياي) فعلا حتكون الياي البهبر في وشنا في مقبل الأيام .. المنطقة تقطنها قبيلة المسيرية بشقيها في الشمال وقبيلة الدينكا في الجنوب وبينهما (كُبب دمّها للرُكب) ... المهم عندها استفتاء قد يكون براهو واحتمال جنسية مزدوجة .. وحتى لو ادوهم جنسية مزدوجة من زماااان كل زول عارف حدودو وممكن تكلفو حياتو لو اتخطاها ... اساسا الحدود ظاهرة لكن لكاعة امريكا البقدر عليها منو ؟؟؟ وهم لو ما خلو ليهم بؤرة صراع برتاحو ؟؟؟ حشر انفهم في الموضوع دا بلاقيكم قدام وليه دايما بخلو حتة (للمديدة) يعني زي الصحراء الغربية والبوليساريو وكشمير وحلايب وكردستان وووووو .. غايتو .. ما بعرف عنها حاجة بس مستعد أموت من أجلها ... وعشان فاطنة كمان ;) ووووو عشان عيون أطفالنا ما تضوق الهزيمة ... [flash=http://www.sudanyat.org/upload/uploads/abyai.swf]WIDTH=530 HEIGHT=590[/flash] |
اقتباس:
المشاركة الأصلية كتبت بواسطة أشتر http://sudanyat.org/vb/images/buttons/viewpost.gif غايتو يا النقر أصلو ما بسألك (وش فالح ثم إنقلب كالح) عقد نفسية شنو يا ود أمي !!!؟؟؟ يعني نخليو ليكم براكم الوطن الواحد دا .. ما قد كان وما سيكون ؟؟؟ ما تقول لي احنا أسياد بلد وما عارف شنو !!! برُشّك بلنجة :D شنو مالك يا أشتر قلبتا الموجة ما أنا معاك فى الخط العقد النفسية قاصد بيها بعض ذوى النزعة الانفصالية كان فى الجنوب كان فى الغرب كان فى الشرق كان فى اى منطقة تدعى التهميش -- اى واحد تناقشوا يقول ليك مهمشين -- وانا ما عارف ليه النقاش معاهم بنتهى بسؤال خطير -- هسع دى انتا بتعرس لى اختك لينتهى النقاش للابد -- بس الان عندى رد جاهز فى أكبر بلد بدعى الديمقراطية واللى هو امريكااوبامااللى هو رئيس امريكا ما ممكن يتزوج من عائلة بوش والا كيندى - وهو معرس من قبيلتو أها وانا (شافع) في زمن نميري طبعا كنت بسمع بعيد الوحدة الوطنية في مارس من كل عام على ما أعتقد .. فيا ريت توريني الأحداث الأوجدت هذا العيد على خارطة حياتنا المخستكة من قمنا دي ... هل هو نتاج كركبة جنوبية تحت تحت ولّ من إختراع نميري ساي كدا لتوطيد حكمو وسيطرتو على البلد كلها ؟؟؟ بعدين ياخ الحكاية ما وصلت لكدا بعد فما تشرذم الذمم ساي بعدين يحسبونا دويلات لا راحت ولا جات ... مع طولة الزمن والله ما فاكر اظنو تاريخ توقيع اتفاقية السلام فى اديس ابابا عاين جاي دخلاتك دايما عنيفة فهل دا برجع للعقد النفسية عند كثير من السودانيين ولّ حراق روح ساي من الغربة الكدروبية دي ؟؟؟ وشكرن .. والله حراق الروح فى -- ودخلاتى واقعية وتتماشي مع عنف موضوعك بس انا زدتا ليها شوية توم وشمار للناس الما دايرا السودان وانت أدرى بهم -- ياخ والله بقينا ملطشة -- وما عارفين نعمل شنو -- أحلف ليك بأن بعض المناطق بقوا زاتو ما بتكلمو معانا ولو سلمنا عليهم حتى السلام ما بردوهو -- ويحدرو ليك فى الضلممة شكرن ليك |
اقتباس:
المشاركة الأصلية كتبت بواسطة بابكر مخير http://sudanyat.org/vb/images/buttons/viewpost.gif اقتباس: المشاركة الأصلية كتبت بواسطة عبداللطيف النقر http://sudanyat.org/vb/images/buttons/viewpost.gif -- بس الظاهر العقد النفسية عند كثير من السودانيين اصبحت متفشية -- ودايرة ليها سنيين عشان تتفك شربكتها -- فالاحسن لنا ولجميع الاقليات التى تعتبر نفسها مضهدة مننا نحن الشماليين ان يتلمو على قمايمهم الداير انضم لى تشاد ودعناه الله -- والداير جبال افريقيا الوسطى ربنا يسهل ليهم والداير الجنوب بنزيدو من معارضى الشمال -- والداير ارتريا والحبشة ربنا يوفقوا -- اها الباقى لينا زى ما قالو مثلث حمدى -- بعد ده كلو ان شاءالله عقدتهم مننا تتفكا ويمشو يضوقو الذلة الراجياهم -- بس نبقي رجال ونقفل الباب نهائيا ولا رجعة فيه -- يا إدارة :mad::mad::mad::mad: ازييك يا مخير كل سنة وانتا طيب ياخ كويس انك لونت بالاحمرللتنبيه وكدة ما أظن عندك سبب تانى ;) --الحمدلله لاحظتا فى كلمة غلط ولازم اصلحها --بدل قمايمهم -- المقصود قومياتهم ;) مناقرة يا فتتان :D |
اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif رغم ان كل المؤشرات تقود الى حقيقة انفصال الجنوب غير أن ذاك في اعتقادي لا يخدم الجنوب ولا الشمال .. بقدر ما أن يؤجج الصراعات وينحو بنا الى المزيد من اراقة الدم والمال والوقت .. !! اتمنى ( سمسم ) يكون أصم وما يسمع يارب ... !! اشتر كل سنة وانت والسودان بخير .. !! نكشة : ال ( عاين جاي ) لعبداللطيف في محلها والله looool تحياتي ازييك يا طارق وكل عام وانتا بخير قلتا لى عاين جاى عجبتك -- تعرف كان فى رد عن مداخلتك فى موضوع حافظ حسين -- عن الضحية و كلامه فى نبينا ابراهيم عليه السلام -- كنت عايز ارد عليك لكن الصباح لقيت الموضوع مافى -- كلامك يا طارق دائما موزون وزنة ماتخر الموية -- مافى زول يقدر يمسك عليك كلمة -- عصاية فى الحلة وعصاية فى النقارة -- لاحظت ان اى موضوع بتبداه بالمسايرة مهما كان السبب الذى قد يدفع احمقا مثلى للملاقطة -- ثم بعد ذلك تدخل فى صلب ;) الموضوع موضحا بعض عيوبه وتنتهى بالمهادنة ثم بالتى هى احسن -- الظاهر عليك محامى -- وديل طبعا أحرف ناس فى السودان -- بخاف منهم عديل الله لا شبكنى فيهم -- قبل كم سنه محامى كرهنى السودان وكرهنى القضاء ذاتو وعشان ما أطول عليك --- عندى عمارة مؤجرة بالكامل لتاجر فى السوق العربى ( فيلا وشقتين ) التاجر ملياردير وعندو أظن 6 عمائر كلها مؤجرة بالغالى وسكن عندى انا المغفل بى تراب القروش --قدر ما حاولت اطلعو غلبنى -- تصدق المحامى بتاعى يوم النطق بالحكم بغيب عن الجلسة -- بى قدرة قادر عملا صلح مع تحميلى اتعاب التقاضى واداهم 6 شهور انذار بالاخلاء -- كسرو البيت كلو فى ال6 شهور -- خسارتى فى اصلاحه وصلت 70 مليون وقت المليون مليون -- من ضمنها 7 مليون ضرائب لانهم اشتكونى للضرائب وقدمو عقد ايجارهم معى فى اقرارهم الضريبى --شفتا المضرة كيف ؟ عشان كده عافى ليك ما برد ليك تانى الا السلام -- |
اقتباس:
الكدوس دا الملهلبو كدا شنو؟ ومنو؟ وفي شنو؟ وعشان منو؟[/justify] |
اقتباس:
هسي العنف في موضوعي دا وين يا عبدو ؟؟؟ وأعتقد ما فهمت قصدي كويس كان روحك محرقاك اتنجض بعيد بعيد ... لأنو شنو .. سوف أنجضك معاي لا ايدك لا رقبتك :D اها إتا وطارق دا رافعين زيت مالكم ؟؟ والطراطيم فوق كم ؟؟ القصة قومية ياخ وسمات عامة فـ عادي تلاقي زول تحبو وزول تسبو وزول تريدو وزول يجدعك والتاني يصبّك وزول يسوقك وزول تجيبو ويعني كان صارحت مالك ونحنا ما بينا (الصراخ) اها ردك دا تِطِقّس ولّ سنس ساي ؟؟؟ على ما أعتقد هو شاميك :D شمة شماشي للسلسيون وبتعامل معاك على هذا الأساس .. ختوها واطة ياخ هي الواطة النقصت دي ما كفتكم ؟؟؟ !!! صعب على الواحد يعمم كلامك دا فـ تقوم تعمل شنو أقول ليك .. تبسمك في وش أخيك صدقة لو عملتها ماااب ترقد سلطة ... وحتى لا يطير الدخان ... هو شنو عليك الله الما فضل تحت الرماد ؟؟؟ ياخ بلدنا دا لا من الدول المتقدمة ولا المتحضرة واحتمال كلنا مهمشين من المجتمع الدولي ... بلد مستوى خدماتها فيييي نص خرطومك دي اسكت خليها ساي دايرا تعمل شنو مع الناس الفي أطراف البلد ... اصلا التهميش نوعين : نوع مهمشنو والتاني مهمش روحو .. والخرطوم دي الملاها منو غير النوع الأول ... فـ جو يكابسو مع خلق الله البتكابس عسى ولعل يبتسم ليها الحظ ... أو تسفسف من المسفسفين !!! وخلو لينا احنا سفاسف الأمور ... بنسفها ليكم بدون جردقة وعطرون :D أحييييينا من القرض الكِمِل loooollooool |
اقتباس:
دا شي جميل جدا والله ... |
اشتر يا فنان تفصل وتقطع وتلزق انت ترزي والا شنو؟:D
|
[flash=http://www.sudanyat.org/upload/uploads/abyai.swf]WIDTH=530 HEIGHT=590[/flash] اقتباس:
في شنو .. أسال الملهلبو ... عشان منو .. عشان نعيش في لهيب واصبر كمان يا حبيب ... |
اقتباس:
كنت فصلتو من زماااان وكل زول لابس هدمو ومادي كرعينو قدر لحافو ... |
اقتباس:
:D:D كل عام وانت بخير ياعبداللطيف .. يا أخي في الأسافير والذي خلق السماء بلا عمد .. ماعندي معاك قصد يدعوك لتعتقد اني ممكن أكون زي ماقال أبو عركي .. ( تاريك كامن لي بي شيتن كتر ) .. هي الرؤى المتباينة ووجهات النظر .. ليس إلا ... !! أجد انك أحيانا .. يلازمك الشطط في خصومتك فتفجر الحروف من غضبك تفجيرا .. ومن هنا يبدأ مسلسل التداعي ربما بعبارة لا تلقى لها بالا .. أصبت كثيرين بما يسؤهم .. وتفسير ذلك .. أقول .. ان بعض مداخلاتك .. فيها الكثير من التجني على الاثنيات العرقية في السودان والحديث عنها بمثل ما تكتب مؤجج للصراع ولا يخدم أحد .. كنت أرغب في تناول مداخلتك .. لكني أيضا آثرت أن أكتفى بملاحظة أشتر ( غير الشتراء ) .. !! أعلم يا أخي انني لا أحمل غير المودة لك وللناس أجمعين .. وغاية أمنياتي أن نتناول شأننا بقليل من السمو على جراحاتنا التي ما انفكت تزيد بعدنا بعدا .. !! نكشة : ذكرتني استاذي الجميل مرشد الدين محمد يوسف .. كان حجة في القانون له محبتي أينما وجد .. جاءه أحد موكليه يوم النطق بالحكم فقال : يا استاذ الليلة النطق بالحكم بالله عايز حكم قوى خلاص .. !! ولما كانت الساعة السادسة صباحا ( صحاه من النوم عشان يقول ليهو كده ) : غضب استاذي مرشد الدين وقال : والله يافلان .. حكم قوي ده ما بعرفوا .. انا بعرف .. لقمة قوية .. عرقي قوي .. بنية قوية .. بس حكم قوي ده ما ادونا ليهو ... الله يصبح الواطة ونشوفو ليك .. !!!:) اتمنى أن تكون ( مقاطعتك ) مزاح ليس إلا اذ السلام فقط لا يكفي .. تحياتي |
اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif :D:D كل عام وانت بخير ياعبداللطيف .. يا أخي في الأسافير والذي خلق السماء بلا عمد .. ماعندي معاك قصد يدعوك لتعتقد اني ممكن أكون زي ماقال أبو عركي .. ( تاريك كامن لي بي شيتن كتر ) .. هي الرؤى المتباينة ووجهات النظر .. ليس إلا ... !! أجد انك أحيانا .. يلازمك الشطط في خصومتك فتفجر الحروف من غضبك تفجيرا .. ومن هنا يبدأ مسلسل التداعي ربما بعبارة لا تلقى لها بالا .. أصبت كثيرين بما يسؤهم .. وتفسير ذلك .. أقول .. ان بعض مداخلاتك .. فيها الكثير من التجني على الاثنيات العرقية في السودان والحديث عنها بمثل ما تكتب مؤجج للصراع ولا يخدم أحد .. كنت أرغب في تناول مداخلتك .. لكني أيضا آثرت أن أكتفى بملاحظة أشتر ( غير الشتراء ) .. !! أعلم يا أخي انني لا أحمل غير المودة لك وللناس أجمعين .. وغاية أمنياتي أن نتناول شأننا بقليل من السمو على جراحاتنا التي ما انفكت تزيد بعدنا بعدا .. !! نكشة : ذكرتني استاذي الجميل مرشد الدين محمد يوسف .. كان حجة في القانون له محبتي أينما وجد .. جاءه أحد موكليه يوم النطق بالحكم فقال : يا استاذ الليلة النطق بالحكم بالله عايز حكم قوى خلاص .. !! ولما كانت الساعة السادسة صباحا ( صحاه من النوم عشان يقول ليهو كده ) : غضب استاذي مرشد الدين وقال : والله يافلان .. حكم قوي ده ما بعرفوا .. انا بعرف .. لقمة قوية .. عرقي قوي .. بنية قوية .. بس حكم قوي ده ما ادونا ليهو ... الله يصبح الواطة ونشوفو ليك .. !!!:) اتمنى أن تكون ( مقاطعتك ) مزاح ليس إلا اذ السلام فقط لا يكفي .. تحياتي اخى طارق -- اكيد طبعا مزاح والبيناتنا عامرة -- اما عن الشطط فى الخصومة واثارة بعض الكلمات التى يفهم منها التجنى على البعض الاثنيات العرقية -- اى اثنيات تقصد -- فقد (اصبحنا نحن )هسى مخير ينط ليى ;) اضعف حلقات العرقيات الاثنية فى السودان -- وصدقنى انا لم أكن عنصريا فى يوم ما ومازلت -- ولكن يستفزنى الكلام الغير مسئول وأدعاء البعض بالتهميش وليتهم يدركون من هو المهمش الفعلى -- لم تحابينا الحكومة فى يوم من الايام على قدر امكانياتها -- فمنا من يشيل فوق الدبر -- ومنا من شال السلاح -- ونحن الذين شلنا فوق الدبر -- ( وحتى لا تفهم خطأ وتلحقنا عباس الدبر هو الدمل على ظهر الدابة :D) ما أن ظهر هذا السائل الاسود النتن حتى طالب الناس بالقسمة والثروة وحملو السلاح ليأخذو حقهم بالقوة -- فى حين كنا مدقعى الفقر كانت البلاد تقتسم اللقمة الحاف حامدين شاكرين وكانت الناس تبيت فى الصفوف لتنال حفنة خبز او غاز او بنزين -- لن اقول انهم كانو عالة علي الكاهل ولكن كانو صابرين كصبر الجميع-- لقد عايشت كثيرا من الاثنيات العرقية وهى تركيبتنا ونحن نفخر بها ولكنها لا تفتخر بنا وتعتبرنا كما قلت عنصريون -- وهذا المفهوم لن يتغير ولن تمحوه السنوات -- ليتنا نمحو نظرة الضفدع تلك -- من الاسفل للاعلى -- ولينظر السودانيون الى بعضهم بنظرة سواء -- وليعلموا اننا كلنا لآدم و آدم من تراب -- |
اقتباس:
كيفك يا اللخو عساك بخير انحنا راسنا ما خفيف ولا شتين انحنا ناس طيبين وصادقين عشان كدة بنصدق كلام الزول لمن يقول شئ لان من صفات الرجال الصدق بس برضو بنعرفك [COLOR="rgb(0, 100, 0)"]كضاااااااب[/COLOR] وبنديك فرصة اولى وتانية .... الخ بس لكل شئ حد زى (وحدة السودان) لا تسخر من من تجهلهم حتى لا يصيبك رشاشات ما تقذفهم بها اقتباس:
انت عارف لو الكلام دة انت ما كتبتو فى سودانيات (العزيزة على قلبي بناسا) كان لى كلام تانى خاصة فى هذه المرحلة بالذات لكن دة بمشيها ليك عشان خاطر ناس حلوين وبتعاشروا بس التانية بوعدك وعد صادق حيكون بلنتى عديل مش (فاول) بس يا حبوب الدينكا ما بتقدر تقول فيهم شئ وخلينا نلعب الكورة بدون خشونة متعمدة |
اقتباس:
هسي دا كلام تقولو في ذمتك دي !!!!!!! إتا بعيد عن الموضوع ولّ شنو ؟؟؟ وبتفهم بياتو راس !!! وياتو جملن رماك ومشى ؟؟؟ أفهم كلامي كويس وتعال نق نق ... اللخو دي عندها حد زي وحدة السودان ولّ كمان نفصلها من هسي كتجربة ساكت للتعايش وكدا ؟؟؟ يعني لو قتا ليك انا قبل كدا اكلت راس جنوبي بمجهود بسيط برضو حتقولي كضاب ؟؟؟ حتقولي آيي .. ح أقول ليك لا .. تقول لي آيي .. أقول لع ... واييييييك !!!!!! ياخوي ذاكر وتعال كدا كدا نخب الانفصال حقي جاهز وكايس لي زول اطقش معاهو كبايتي عشان تكون عارف ... يعني أنا القدامك دا انفصااااالي راسو عدييييييييل ... بس بياتو فهم تفتكر ؟؟؟ دا هنا السؤال الما قدرت توصل لاجابتو من خلال سطوري ... واذا قمت شرحت ليك الحتة دي احتمال ما تصدقني لأني كضاب وأنتم الصديقون دائما ودي مشكلتك يا دوت ... انا ذاتي بمشي ليك كلامك دا لكن ما عشان خاطر زول هنا ... اذا حبيت تفهم أشتر بديك اللنكات تذاكر فيها لغاية ما تقول لي انا آسف وكل واحد فينا بعداك ينفصل عن موجاتو العاملة طناش ... لكن بيني وبينك .. خفيف ونص دي حقيقة على الأقل لمن تعاملت معهم اذا حبيت تسميها طيبة سميها بطريقتك ... ومستعدين يتنازلو عن كل شي (لكن لمنو؟) مقابل الحصول على دولة جاتم مقشّرة ولو ما شاتو على الطاير يكونو طُرُش ... نقزة اقتباس:
نعتبر دي إكرامية منك ولّ شنو ؟؟؟ تحسسكم دا ياهو الجايب ليكم الكفوة من الله خلقكم !!! فـ ضوقو طعم الحرية لو لقيتوها حلوة أدونا خبر .. وخلونا احنا نضوقا بس متين ما معروف !!! |
اقتباس:
|
كلامي مشى وجا !!!! حانف وشّو حالياً !!!
احتمال الحاجات تبقى كويسة لقدام .. هو نوز !!! |
[flash=http://www.sudanyat.org/upload/uploads/sudanmap.swf]WIDTH=750 HEIGHT=700[/flash] |
خريطة السودان الجديد …برعاية امريكية
في 1/ نوفمبر 2007 أصدر وزير الخزانة الأمريكي خريطة بتعديل العقوبات الاقتصادية ضد السودان، والتي صدرت ابتداءً في نوفمبر 1997 أي أكملت تلك العقوبات عقدامن الزمان. جدّد قرار1/ نوفمبر2007 العقوبات الاقتصادية الأمريكية ضد جمهورية السودان، باستثناء بعض المناطق. حيث أسمى القرار جنوب السودان وجنوب كردفان وجنوب النيل الأزرق ودارفور،أسماها (مناطق معينة) .كما أسمى القرار الأمريكي بقية جمهورية السودان ( مناطق أخرى). بموجب قرار وزارة الخزانة ، رفعت واشنطن الحظر الإقتصادي عن جنوب السودان وجنوب كردفان ( جبال النوبة) وجنوب النيل الأزرق وأبيي ودارفور، وأضافت واشنطن دارفور لأول مرة رسمياً لتصبح ضمن منظومة الجنوب وما يُسمَّى بالمناطق الثلاث، تلك هي منظومة السودان الجديد. قبل قرن تقريباً رسمت وزارة الدفاع البريطانية حدوداً جديدةً للسودان.بجرّة قلم بيروقراطي انجليزي من القرن التاسع عشر،تمّ تصميم الخريطة الحالية لجمهورية السودان . قبل ذلك التعديل البريطاني لخريطة السودان, كانت حدود السودان شمالاً تبعد خمسة كيلومترات جنوب مدينة أسوان المصرية. كانت حدود السودان في جزيرة الفيل. وقام اللورد كرومر بإضافة مئات الأميال السودانية الى مصر لتصبح حدود السودان الشمالية في صورتها الحالية. جنوبا كانت الأراضي السودانية تمتد حتى بحيرة (مهقي) في جمهورية الكونغو. كان مثلث (أليمي ) ضمن الاأراضي السودانية ،فأصبح وفقا لذلك التعديل البريطاني لخريطة السودان يتبع لكينيا . في الشمال الغربي من السودان كان ( مثلث سارّة) جزءاً من السودان. وفي ثلاثينيات القرن العشرين كجزء من التسويات بين الدول الغربية المستعمرة أعطت بريطانيا (مثلث سارة ) الى ايطاليا التي كانت تستعمر ليبيا، ومنذئذٍ أصبح (مثلث سارة) السوداني جزء من الاراضي الليبية. ومن ينظر الى الخريطة يرى آثار تلك (القضمة) على الجانب الشمالي الغربي من خريطة السودان. كانت منطقة( بني شنقول) جزء من السودان إلى أن أضافتها السياسة البريطانية إلى الاراضي الأثيوبية. ولم تزل تيجان العمائم السودانية على الرؤوس السودانية في (بني شنقول). في منطقة أهل الدرع والسيف أهل السديرية ، رسم قلم التاج البريطاني (حلايب) داخل الأراضي السودانية بمئات الأميال، ولم تكن منطقة نزاع ولا ينزعون. وهكذا أصبحت التغييرات التي أملتها السياسة البريطانية على خريطة السودان, في نهاية القرن التاسع عشر وجزء من القرن العشرين, واقعاً. أصبحت السودان الجديد!. قبل السودان بتقليصه وأسقط السياسيون من الذاكرة الوطنية خريطة السودان السابقة،كما أسقطوها من المناهج الدراسية. سكت السودان عن التفصيلة الجديدة لأراضيه، وقبل بقدره الدولي، خاصة بعد قيام منظمة الوحدة الوطنية في مايو 1963 عندما حسمت قضية الحدود بين الأقطار ،وتمّ اعتماد الحدود بين الأقطار الأفريقية بصورتها التي عليها. ويلاحظ أن حروب الأفارقة البينيَّة على كثرتها, لم تكن الحدود السياسية بين الدول أحد أسبابها المهمة. وبعد قرن من الزمان ظهرت أطروحات السودان الجديد مرة أخرى لرسم خريطة جديدة! في كل قرن جديد توجد خريطة سودان جديد! ورغم قصقصة بريطانيا السودان ،إلا أن أقصى البقع الحدودية السودانية, في مختلف الاتجاهات ما تزال تحمل في سكون سرمدي، بصمة الثقافة السودانية العربية الساطعة. حيث نجد ( القردود ) وتعني الارض الصلبة ،و(قيسان) وتعني الرجل الوسيم ،و( القرقف) وتعني الأرض الواسعة ذات الهواء الطلق ،وغيرها. قصقصة السودان عبر تصميم وزارة الدفاع البريطانية خريطته الحالية ،تمَّت عن طريق الاحتلال العسكري المباشر. كان ذلك (السودان الجديد) موديل القرن العشرين، أما السودان الجديد موديل القرن (21) فتقصقصه أمريكا وترسم خريطته الجديدة، عبر خصخصة التمرد، نظراً لاستحالة صنع حركة تمرد وطنية .عبر خصخصة التمرد، أي عبر تجييش القبائل وعسكرة القبائل ضدّ الدولة شرقاً وغرباً وجنوباً. قرار الكونغرس الامريكي بتقسيم العراق،وامتلاك البنتاغون (وزارة الدفاع الامريكية) لخرائط تقسيم الكونغو، والتي كشفتها صحيفة (وول ستريت جورنال), وقرار وزير الخزانة الامريكي في 1/ نوفمبر 2007 بتعديل خريطة العقوبات الاقتصادية الامريكية ضد السودان, كل تلك براهين بأننا في حقبة الخرائط الجديدة, هل يحمي السودان وحدته . هل يحمي تمساح السودان عرشه المضفور من موج الدميرة ؟ أم سيسبح السودان في نهر السياسة الدولية ،من أجل البقاء والحفاظ على النوع, بخريطة جديدة، وفقاً لـ (شريعة) أسماك القرش؟ الكلام الفوق دا من جمال البدوي (احتمال كبير هو ذاتو يكون لاطشو !!!!!) كلام المنتديات أحيانا ما بتعرف ليهو سِيِد :mad:!!!! وأشتر ما بتحمّل مسؤولية نقاط عديدة فيهو ;) |
اقتباس:
اقتباس:
عاين يا ود ابو عاقلة... بعيد عن سوس وساس و بغض النضر عن التخابت بين تأييد الانفصال ومعارضته وبرضو بعيد عن فرد صيوانات العزاء او تطاقش الكاسات احتفاء او حتى تطاقش الرؤس بين هذا وذاك انا عاوزة اقول الحاجات الانت بتعملا او بالواضح كدا الرسومات والشخابيط البتسوي فيها دي عاجباني ياخ الا صراحة كدا بتعقد منها عشان بتحسسني بكمية الامية التقنية الملازماني فشنو.. راعي الفروقات عليك الله بس مضطرة اقول ليك وحات الله انت فنان الفنون جنون والشتارة هي شعرة بين الفن والجن..ما بتضر لو وزنت المعادلة نسيت اسعلك يا اشتر سعال بريييئ والله تفتكر النوبيين بعد احتفالاتهم دي باليوم النوبي ممكن يطالبو بدولة نوبية مووونفصلة يا ربي...؟;) |
اقتباس:
وقولي إنفصلو ؟؟ مع إنو انفاصلم قاسي خلاس الناس ديل ... عاملين كدا زي الساق المطعّم في شدرتين !!!looool قولي اديناهم حق تقرير المصير ... مصر حتديهم ؟؟؟ مجرد الكلام عن حاجة زي دي ما مقبول عندي وفتح جبهات من هذا النوع تقوّض حرصنا على بلد بنحاول نخليهو يبقى كويس ... يبقى كويس كيفن ؟؟؟ هنا السؤال .. دحين ما تفتحي لينا طاقة لا نعرف نسدّها لا نعاين بيها لمستقبل حلو ... حلو ؟!!!!! |
ياخي انت عامل افصل يا سمسم بس ليه ،،،
أعمل لينا زر تاني أكتب عليهو وَحِّدْ يا سمسم ،، عشان لمن ما يعجبنا شكل الصورة على الأقل نعيدها صورتها الأولى ،،، على الأقل بيني و بين نفسي داير أغش نفسي ياخ |
اسمع عليكـ الله أدفر لي الرابط بتاع القصيدة السجلتها ضروري
فتشتها في الـ 8 صفحات الاولى ما لقيتا |
اقتباس:
هسة رحبت بيك بهنوووك جيت لقيتك عامل فوضى بهنا فوضى الحواس بنقبل بها الا فوضى زي دي ما شفناها يالاخو هي الرثائل الداخلية عندك مو مفعلة والا شنو؟ يكونو اتلومو معاك المسعولين غايتو والا تكون انتا اتلومت معانا ومعا نفسك و برضو مع السمسم عاين.. بمزح معك ...ثمح..؟ |
اقتباس:
تصدقي الرسايل الخاصة زاتا ما شفتها قلت من هنا اسرع امزحي ساي نحنا لاقينك وين لمن نابا مزحك انعل ابو البلي المابنخرت بعدين حاولي اقطعي مع الحزن ده و شوفي ليك توم تاني احسن ليك . |
اقتباس:
الناس رفعو العلم ياخ خلينا النرفع فراشنا !!!!!! أها هاك ألحمو .. لو بت لِحم !!! [flash=http://www.sudanyat.org/upload/uploads/join-sudan.swf]WIDTH=500 HEIGHT=600[/flash] خلاص سجّلوهم في الأمم المتحدة تحت الرقم 193صعد جيمس إيغا رئيس البرلمان وأعلنها دولة مستقلة ذات سيادة .. غايتو اعتبر الشغل دا غشّاشة إذا حبيت تبكي على وطن ... أنا ذاتي برضع معاك !!!! |
اقتباس:
الربشة عرفناها !!!! كمان جابت ليها روشة ؟؟؟!!! حسي لو قتا ليك البوست دا في جخانينو بحتوي على قصيدة حتبحث عن فضولي باقيلك ؟؟؟هعهعهعهعهعهعهع تبت لله الواحد الأحد ولرسوله الكريم ... العرس لو بسوي فيكم كدا أهو دا طرفنا منو !!!! معليش يا علي .. تجيني مدردق بطير فيك جوز طوالي ... كعادتي الكعبة ... هاك تلقاها هنا : http://sudanyat.org/vb/showthread.php?t=17586&page=57 |
اقتباس:
يا زول راضيين باحساسنا غشاشة و بي آمالنا لو تمرق تقش الحزن ، مقشاشة و بي وطناً مُقسَّم خلقة زي ضهبان و فتاشة تعال أرضع معاي ساي يا صديقي ،، نبقى أخوان في الرضاعة |
اقتباس:
أديتني إحساس كدهـ بتاع إنكـ عايز تديني كبعة في راسي عشان قلت ليكـ سلفني شيطانكـ ،، أحب الاحساس المتجدد ... |
اقتباس:
وطـــــن ســبّل عوينــاتو . وكــت ودوهو نيفـــاشا ... سـكتنا عليهـو يوم طنطن هـرد بلهـــاتو فشفاشنا ... وما ظنيتو يرجـــع يوم نـــــدوّر تـــــــاني رشّاشنا ... سلام نلقاهو في الجايات وما نحتاج نلف شاشنا ... قوم لِف إتّا دا :D |
اقتباس:
اصلو نوعك ده واحد من اتنين !! يامجنون ... ياماناصيح :D |
اقتباس:
إنتو لقلبي زاد عمرو ... وليهو المنّ والسلوى .. جنوني جنوب !!! وليه ما أجن !!! الليل البشيل الناس بشيلو هموم !!! أقاسى مرارة الوحدة !!! الوحدة شنو ياخ !!! الانفصال !!! |
اقتباس:
|
اقتباس:
في زاد عمرو دي نعلو ؟؟؟ looool |
| الساعة الآن 12:24 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.