اقتباس:
افتكر رد عبد الله وداعة عبر عني تماما.. وبدوري بشوت ليك الكورة.. واقع الزواج من الناطقات بالسودانية.. بعد مرحلة زعمطة النجايل وايام الزواج الاولى،، ما هي مواضيع الونسة المهمة كدا!!! عليك الله اديني عينة.. ------ اعتقد انو اختلاف اللغات يثري العلاقة هي تتعلم لغتك وانت تتعلم لغتها وفي اثناء عملية التعلم ستكون هناك مساحات واسعة لمواضيع مشتركة تنبثق (حلو تنبثق دي هنا) تنبثق عن عملية التعلم زاتا.. اما ونسة فلانة قالت وعلان سوا وماشين ناس فلان، والتوب الفلاني، واسعار السوق.....الخ فدا طرفي منها واحلى الكلام لغة العيون ياخ وكلام ان لم نقله أوشك الصمت بيننا أن يقوله يودي شالو ،، فكر شالو:cool::cool: |
اقتباس:
اقتباس:
إجابات جادة وذات جرعة عالية من الرومانسية علي trick questions دعوني أعطيكما أخبار غير سارة , ياشباب : لن يستمر إنبهارك بالجمال الخارجي لمدة طويلة , ستبحث بعد زمن ليس بالطويل عن الجمال الداخلي في المرأة , لذا يقول الفرنجة Beauty is Skin Deep . وبعدين حتي تتكون لديكما مواضيع مشتركة محايدة ثقافيا ستقضيان المساءات الطويلة أمام التلفاز اليس كذلك ؟ قول عجبك فيلم مصري في قناة 7 ماذا تفعل مع المدام ؟ |
اقتباس:
فيما يخص الجمال الداخلي، ليش* انت اتعاملت مع الحبشيات على اساس انهم جمال براني بس؟ ياخ انا ماداير اقول انو الجمال الداخلي ليهن فايت السودانيات جكة تقوم المرة دي تجيني ماريل بمفراكتا:D لكن خلينا نقول مدام الجمال الداخلي مابعرف جنس فانا احسن لي الم داخلي وخارجي والاخير بنات ابرهة فايتات بناتنا -وانت زاتك عارف كده مما عصرت لي على موضوع الونسة:D - طيب انا ماأظفر بذات الجمالين وتربت يداي ... موضوع الفيلم المصري ده تريس أتو مابمرقك والله :D ياخ لمن تتوحد اللغة هي بتحضر الفيلم وانا بجبجب مع استير اويكي... ____________ *أيوة بتاعة بابكر |
اقتباس:
|
ياخي لكين موبالغة واللهgap
بالجد أحبطوني بي حركة التعميم الغريبة دي، كلكم حتى ماريل:D الشباب عاصرين على إنو الحبشيات كلهن سمحات و ظريفات و فاهمات، لمن ماريل تعصر في حتتة إنو السودانيات برضو جميلات يطلعوهن ليها ما بيعرفن يتعاملن مع الراجل و الحبشيات أحسن منهن و أرق منهن، معقولة لكين؟! لا والله وريتونا حاجة بي صور البنات الجميلات و ظاااهر عليهن رقيقات و بيعرفن يتعاملن مع الراجل ،غايتو البت الجابا عبدالله القاعده قدام البحر العاملة زي الشولة دي عجيبة، حسستني ليك إنو البحر أمامي و العدو خلفيgap ذكرتوني جد صحبتي الله يرحمو، جنوووو نسوان، بالذات البيكونن كرعيينن سمحاتgap، يقعد ليك في الشارع يبخبخ في السجار و يتفرج، لمن تجي واحدة تعجبو يقعد يعاين لي كرعينها و يقول: ياسلاااااااام الزولة دي فاهمة جداً gap، بي مناسبة الكرعين شايفة في كم واحد من الشباب عاصرين علي حكاية كرعين السودانيات الشينات، في زمتكم، حسع الكرعين المحننات و مرفوعات(الله يكرم السامعين) في النت ديل و بيجو الشباب يتغزلو فيهن كلهن كرعين حبشيات؟!gap يلا يا ماريل النجيك إتي كمانgap دقيقة بس حسع بجي، الصفقة فوووق:D |
اقتباس:
الموضوع ما فيهو تعميم ولا حاجة... في كلام مضمر في أي رأي يقال هنا... لانه من السياق مفهوم ان الرأي او وجهة النظر تعبر عن قاعدة، ولكل قاعدة شواذ... فما ممكن كل ما اتكلم سطر سطرين اقوم اقول رأيي واجي (ألكنه) بقولي "يا جماعة كلامي دا ما للتعميم ولا ينطبق على الجميع" اذا ابعدنا التعميم - وليس كل تعميم مخِل بطبيعة الحال- فكيف ننتدى ونتناقش ونعبر عن أرائنا؟ أكيد لما أقول الحبشيات، فإني لا أعني جميع وكل الحبشيات، بل أقصد السواد الأعظم منهن وكذلك لما أقول السودانيات، فإني لا أنمط ولا أشمل الكل او الجميع في قولي.. وعلى القارئ أن يفهم من السياق أن المقصود وصف للغالبية وليس للكل... ياخي بالله اقرب مرة تمشي لندن اخدي ليك حومة كدا في شيبرد بوش وتعالي اديني رأيك;) |
ثما إنو يا ماريل، إتي بي صِحك؟!!gap
جادة يعني؟! بعد العمر دا كلو جايه تقنعي عيال خالك ديل إنو السودانيات سمحات أكتر من الحبشيات؟! ياخي تخخخ gap معقولة هم من ما الله خلقم و طلقم و شق عينم دي ما وقعت فيها واحدة سودانية سمحة؟! ولا حتى في البيت و المدرسة و الشارع؟! ياخي لااااااgap يازولة زي ما قالو ليك ناس وجدي جيبي دليلك يا ورينا عجاج كرعيك السكاكات زي كل أخواتك في دولة السودان الشقيقة:D إنتي زاتك ذكرتيني مرة نسوان لندن ملمومات يتناقشن في كلام (راغب علامة) بتاع إنو السودانيات شينات، هرجن هرجن هرجن كداااااا لمن الله غفر ليهن، طبعاً أي واحدة فيهن قامت تقشر بي إنو عندهم كم واحدة جميلة في أسرتم، التقول ليك بت خالة حبوبة جيرانا سمحة!! انا طبعاً لقيت فرقة و إنقشطت ورقة: والله عندي بت عمتي الشباب مسمينها (كاس العالم)gap، والله عندنا بنات في الدويم مسمينهم (بنات الله) إستغفر الله العظيم، واخد بالك يا أسامة معاوية لمن الزول يجيه رقبتو في نص الكلام؟! :D المهم بعد تمن كلامهن دا واحدة فيهن قالت : لكين يااخواتي النصيحة نحن شينات!!:rolleyes: سكتن كدااا، تااااني دورن، و كمان مااااشفتو نسوان السودان بيقولن عننا شنو، بيقولن نسوان لندن شينات و غبشاتgap الصفقة فووووووق;) |
اقتباس:
اوع تجى تقول لى شفتيها وين دموعنا دى |
اقتباس:
دى ضحكة نوع اقش خشمى وابقى مارقة |
مهند واشرف وحجوجة جاياكم هسه قاعدة فى نت كافى والكيبورد تعبان
|
غايتو من ردود ماريل وحجوج اثبن لينا حاجة واحدة بث :D
انهن ذاتهن بحبن المنقة الهبشيةgap ويا اشرف السر انت العرفت (هبش) شيفردبوش منك جكة gap المشكلة الحبش وخاصة في السودان الناس بتنظر ليهم بي فهم غريب شوية ودي عرفة الحبش الجونا في السودان ولي الاسف الناس عممت النظرية دي انا شخشيا وحسب تجربتي انو الناس ديل واعين جدا ومنظمين ومخلصين ومرتبين وبرضو ما بعمم عشان ماريل وحجوج ماينطو لي في راسي :D ماعارف اذا انتو عاشرتوهم جد واللا الكلام دا كلام سماع ساكت الناس ديل وخاصة المشو ليهم في بلدهم ممكن يلاحظوا سماحتهم من ناحية تانية غير الجمال الشكلي ومدى احترامهم لي الغير و تطور بلدهم وجمالها ونظافتها وهنا ماعاوز افتح باب تاني وحجوج بتتفق معاي بي وساختنا و اعني وساخة وعينا البيئي وترتيبنا وما ح امشي علي حجات كتيرة ما حضارية موسخة البلد وغير الكيزان طبعا gap نجي لي ترتيب مناسباتهم الاجتماعية والله هم قمة في التطور والترتيب والتنظيم ويا حجوج ما تعايني لي :D شفع السودانيين يا حلاتهم :D وخاصة في المناسبات :D فالناس ديل جميلين والله قلبة وعدله والمغالطني يسال مهند واشرف ديلgap والمنقة الفي البحر دي وحيات ديني مش بناتنا ديل والله الواحدة فيهم كانت لقت طريقة تبقى زيها وكان ما لقت بتبقى زي مرة الراجل الفي النكتة الفوق من منا لا يحب المنقة؟ gap |
هووووي يا عبدالله انا المنقة بتسوي لي إسهالgap
|
يا عبدالله نجيك للجد
بتفق معاك في حكاية إنهم لطيفين و خدومين، هنا في لندن زي ما بتكون شايف، ناس في حالهم ما عندهم التِحشر و الكراهة حقتنا ديgapgap يعني حركة السودانيين البايخة بتاعة القطيعة و السواطات دي ما عندهم، بلاهي السودانيين رجال علي نسوان الواحد يديهم عجاج كرعيو كدا، ينتفو ريشو، اها كيف ليكم التعميم المخلل داgap يلا الرجال هنا عدد كبير منهم إتزوجو حبشيات !! اليوما داك جاتنا في دكان الهندي بتاع التياب حبشية معرسه سوداني، سالتي؛ توب بي كم؟! قلت ليها: التوب بي عشرين جنيه و التلاته بي خمسين. ضربت لي راجلا: هااي هبيبي. انا بي قلبي: تهبك الشكلوتا يا بت الهكس باشا gap بلاهي تراكن ماكلين رسين الرجال حنك، حسع كان كانت سودانية كان اول شي إنفزرت بالتلفون و غزت كوعا: أسمع يا راجل!! الحبشية: هبيبي توب بي إشرين. وانا أقابض معاها بي صوت عالي: و التلاته بي خمسين. الحبشية: بت قال توب بي إشرين. و انا اشب ليها في حلقها: والتلاته بي خمسينgap قامت غمزت لي قمت سكتت:rolleyes: ادتني الراجل في التلفون و وسوست لي عشان اقول ليو انو التوب بي عشرين و اقرض على كدا!! الراجل: عليك الله أعزلي ليها حاجات حلوة و الدايراو أعمليو ليها:confused: (من صوتو حسيت إنو عيونو في اللحظة ديك كانن قلوب قلوب، من حزة قالت ليو هبيبي)gap إحنا يا يابا يهبنا بلا يخمناgap بعد داك قبلت علي الهندي حنكتو لمن أداها التلاته تياب بي 45 جنيه!! لا قطع شك بيكتبن الرجال يا عملات بابكر عباسgap مافي إتنين تلاته!! أها بالحركة دي إستنكحت من راجلا قريب للمية جنيه!!! |
اقتباس:
ينصر دينك يا حجوج :D وتقولوا لي المنقة في الصيف بث؟ gap |
اقتباس:
هيي ارجع أقرا باقي القصة فوق، لكين لقيتك شبابنgap جك جرك شبيت لي في كي بورديني قبل ما اتم القصة. طبعاً عشان بتخدم ملف قضيتكمgap بعدين تعال هنا، الراجل السوداني دا زاتو لو مرتو جات فجاتنلي كدا قالت ليو يا هبيبي ، طوالي حيقول ليها تعالي من الاخر او يشنق ليها السفة و يبرم شنبو و يقول ليها حبة تقوم ليك في راسكgap |
| الساعة الآن 08:54 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.