سودانيات .. تواصل ومحبة

صفحة 4 من 5

« First

عرض 40 مشاركات من هذا الموضوع لكل صفحة

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - الضرب ينفعهم (http://www.sudanyat.org/vb/showthread.php?t=17426)

ميسون مطر

11-12-2010 07:17 PM

اقتباس:

المشاركة الأصلية كتبت بواسطة الأغبش (المشاركة 309173)

بالمنطق ده مفروض نلغي كل العقوبات بما فيها السجن والغرامة ..ونخليها تجوط والقوي ياكل الضعيف ..وبكده نحفظ كرامة الانسانية ...

ميسون .. أحيانا تكون القسوة لتوفير المزيد من الرحمة ..

انا لا أرى ذلك ....

--
انته مالك غالاط كده؟;)

جيجي	11-12-2010 07:18 PM

اقتباس:

المشاركة الأصلية كتبت بواسطة الأغبش (المشاركة 309173)

كلام مظبوط يا اغبش واناسالتها غير مباشر وزاغت منه
يعني هسه السجن دا اكثر انسانية من الجلد ولاتبعاته من تشتت الاسر وغيره ولا الممارسات الفيه ولا في امهن من الحبس للنفس

ميسون مطر

11-12-2010 07:27 PM

اقتباس:

المشاركة الأصلية كتبت بواسطة جيجي (المشاركة 309188)

الزاغ منو يا جيجى؟

راجعى البوست..رديت ليك قبيل :o

جيجي	11-12-2010 07:38 PM

اقتباس:

المشاركة الأصلية كتبت بواسطة ميسون مطر (المشاركة 309193)

الزاغ منو يا جيجى؟

راجعى البوست..رديت ليك قبيل :o

انا بقصد سوالي عن عقوبة السجن الخلاك تقريها هي وتديني الجلد شنو
مانكون منطقيين يعني
هشه اخير ليك40 جلدة ولا6شهور سجن ممكن تتجلدي فيهم لمن تقولي بث:p

الأغبش

11-12-2010 07:41 PM

اقتباس:

المشاركة الأصلية كتبت بواسطة جيجي (المشاركة 309185)

طيب الجماعة البتجلدوا بي مزاجهم في الاعراس ديل كيف:D
بكون الجلد داعنده طعمين
واحد لذيذ والتاني مؤلم ولا شنهو؟

يكون ...

اسي أأمروهم بالصلاة في سبع واضربوهم في عشر دي كيف ؟؟

بكره الناس تنادي بأنو الصلاة دي حرية فردية وما صاح الكلام ده ..

الأغبش

11-12-2010 07:44 PM

اقتباس:

المشاركة الأصلية كتبت بواسطة ميسون مطر (المشاركة 309187)

انا لا أرى ذلك ....

--
انته مالك غالاط كده؟;)

هههههههههههههههههههههههههههه
ذكرتيني عادل امام ..

والله انا مستغرب من انو انتو بتغالطو في حاجات زي دي

الأغبش

11-12-2010 07:52 PM

اقتباس:

المشاركة الأصلية كتبت بواسطة فتحي مسعد حنفي (المشاركة 309180)

هي بس بقت علي الجزار دا..أنا سمعت قالو أول حاجة حيعملوها بعد ما الكيزان يطيروا انو حيشيلوالمكرفونات من المساجد عشان الله أكبر دي ذاتا ما يسمعوها..
أيام زمان والترابي في أوجو والبرامج في التلفزيون كلها دينية المرحوم عوض دكام شال التلفزيون بتاعو ومشي للمهندس البصلح وقال ليهو بالله شوف لينا المصحف دا مالو ما داير يشتغل.وقالو أي زول مربي دقن حيقيمو عليهو الحد ويجلدوهو:D:D

عشان كده الجماعة ديل ماسكين فيها قوي ..
في واحد قال الجماعة ديل بقو زي الزول القابض ليهو كلب سعران من خشمو وخايف يفكو يعضيهو...
في مقولة قالتها زوجة الشفيع فاطمة الاسبوع الفات في برنامج ..قالت لما قام انقلاب هاشم العطا جا غازي سليمان المحامي عشان يكلم الشفيع وقال ليهو هاشم العطا قال ليك تعال سريع عشان تكتب ليهو الخطاب فرد الشفيع وقال ليهو ما ماشي هو لما ما بعرف يكتب خطاب قالب الحكومة ليه ..امشي قول ليهو ركبتنا في ضهر أسد ان قعدنا اكلنا وان نزلنا اكلنا ..

ام التيمان

11-12-2010 07:54 PM

يا اخوانى انا وين ؟؟
فى بيوت الاشباح و لا النظام العام !!!

حافظ حسين

11-12-2010 08:06 PM

اقتباس:

المشاركة الأصلية كتبت بواسطة جيجي (المشاركة 309185)

طيب الجماعة البتجلدوا بي مزاجهم في الاعراس ديل كيف:D
بكون الجلد داعنده طعمين
واحد لذيذ والتاني مؤلم ولا شنهو؟

شفتي يا جيجي و الله مرات كتيرة جدا منطقية لكن مرات بتقولي ليك كلامك كد التومة بت بلال ما تقدر تلايقو ليك ..... يا خي زول براهو قلع جلبيته و داير ينجلد دا ما عندنا معاه أي مشكلة ..... زولة نالت من العلم سنيناً عدداً و دايرة تعرس ليها زول يجلده الصباح و المساء ما عندي معاه مشكلة .... مشكلتي في الزول الما دير أو دايرة تنجلد و يجلدوها غصباً عنها أو عنة و يقول ليه دي شريعة الله....
في دي أنا بقيف قرن أحمر شفتي كيف

يا جيجي زكرتيني أغنية قديمة بتقول
الليله سار عجبي
طالق جيبو لطلبي
و مارق سوطه لأدبي

علي فكرة دي أغنية من التراث زول بتغني و بتعدد محاسن أخوها المنها الجلد ... أخوها دا كان يوم عرسه و أخته بتغني ليه

شفتي وقت الزول بتبني أيدلوجية قهره بيكون كيف؟

حافظ حسين

11-12-2010 08:09 PM

اقتباس:

المشاركة الأصلية كتبت بواسطة سارة (المشاركة 309151)

الجلد كعقوبة نصت عليها شريعة الله اوافق وابصم بالعشرة
شرط ان تكون هناك دولة اسلامية تحقق العدل والمساوة وتنشر
الخير وتساعد على فعله توفر للناس كل سبل الخير والعيش الكريم
وبعدها من اختار طريق الهلاك
ذنبه على جنبه

يا حافظ اى عقوبه اقرها القران الكريم اقبلها كمبدأ ولكنى كما اسلفت
سابقا قبل ان اقطع يد السارق اوفر له الاسباب التى
لا تجعل له مبرر للسرقة

برضو راي بنجي ليه في وقته يا سارة

حافظ حسين

11-12-2010 08:11 PM

اقتباس:

المشاركة الأصلية كتبت بواسطة ام التيمان (المشاركة 309208)

يا اخوانى انا وين ؟؟
فى بيوت الاشباح و لا النظام العام !!!

هنا أمدرمان .... هنا الطابية المقابلة النيل ..... هنا السودان و هنا و هنالك يا أم التيمان أرقدي عافية

الأغبش

11-12-2010 08:20 PM

اقتباس:

المشاركة الأصلية كتبت بواسطة حافظ حسين (المشاركة 309215)

يعني يا حافظ انت ما بتقر عقوبة الجلد تحت أي بند ؟؟

طيب ما تقيف ضد عقوبة السجن وأهو برضو فيهو اهانة لكرامة الانسان وبكون غصبا عنو ..الحتة دي كررناها انا وجيجي اكتر من مرة ومافي زول رد عليها للآن ...

حافظ حسين

11-12-2010 08:26 PM

اقتباس:

المشاركة الأصلية كتبت بواسطة الأغبش (المشاركة 309229)

طبعاً يا أغبش ما بقر عقوبة الجلد و صدقني لو نزل رسول هسي اللحظة و دا ما حيحصل حيكون داير السجن بدل الجلد عارف ليه؟

لانو ببساطة سيدنا محمد (ص) في زمنه داك ما كان ممكن يكون في سجن عارف ليه يا أغبش؟
لانو حتي لو داير يعمل سجون البنية التحتية ما كان ممكن تسمح بالكلام دا

و أزيدك من الشعر أبيات
أنا ضد عقوبة الجلد
ضد عقوبة الرجم
ضد عقوبة القطع من خلاف

جيجي	11-12-2010 08:28 PM

اقتباس:

المشاركة الأصلية كتبت بواسطة حافظ حسين (المشاركة 309215)

يعني الجلد متشارك مع العقوبات الاخري في الاحساس بالمهانة وليس الجلد في حد زاته لانه الزول زي ماقلت الزول ممكن يجل د براه:D
بعدين دي التومة الغبيانةالاتبنت ايدلوجية قهرها وما انا لانه انالا اخوي ولاابوي ولاحد دقاني في الدنيا دي
بعدين ماانت هسه موافق مثلا على مبدأالعقوبات
ماتقول لاللعقوبات ولا عشان التومة غنت بيها
بعدين حدود الله دي ما حاجة موضحة واتختت ليها قيود دقيقة جدا ناقشناها قبل كدا
زي لماتجي داخل المنتدي لازم اكون عارف
بعد دا لوغلطت ماتتجلد

سارة	11-12-2010 08:37 PM

مثال ...الواحد يدق مرتو ويتف اختو ويمعط شعراتها
ويجى يقول لا اقبل بمبدأ الضرب
مش حاجة غريبة دى:confused::confused::confused:
هووووووى يا حافظ كلامى دا عام اوعك تجى تتقرن فينى:D:D

الساعة الآن 12:09 AM.

صفحة 4 من 5

« First

عرض 40 مشاركات من هذا الموضوع لكل صفحة