(اعز انسان)
يا أعز إنسان لي أنا يا أعز إنسان ماني غريب عليك يا عاشقك الهيمان جيتك من سجون الريد بدور لي ضمان ما تصارحيني وقولي لي بكل أمان في قلبك دحين عاد تاني ياتو مكان قرًبتِك وبينك بينوا كان أزمان طريتك وفكري في عالم من النسيان خاشع مبتهل طالب الإله سبحان يجمع روحي بي روحك ويعيشوا إخوان بريدك وريدتي ليك ريدت عيان وبيان وقولت أجفاكي عندي بعيدة في الحسبان كل الدنيا من غيرك بشوفا هوان حتى أفراحي غيرك فيها تبقى احزان أشيلك في عيوني عليك وأظل سهران وأسكب زاتي في زاتك وأجيب اوزان بردد في حروف إسمك براي نشوان يعقب في صداهو معاي كل لسان أخلي الكون فرح يرقص معاي طربان تغني طيورو تتمايل على الأغصان ليه بغناكي ما أبكي الوجود ألوان انا المكتوب لي احبك وليك أعيش فنان تعالي وضمي صدري عليكي بي تحنان ورجعي عمري وكتين كت مع الحبيان بيكي نسيت شقاي كل العذاب الكان وفيكي لقيت حنان أمي الفقدتو زمان |
http://www.youtube.com/watch?v=iX8CTPvD5K0
يا سمراء دى ليل الغلابة للفنان يس عبد العظيم هنا غناها شقيقوا(عثمان عبد العظيم) اتصبرى بيها لمن اجيبا ليك بى صوت يس |
(ليل الغلابة)
شيلنـى .. يـا ليـل الغـلابـة .. ولِمـنـى لفنى .. أبلعنى فـي جوفـك هنـاك وضمنـى .. ضمنـي ايا لـيـل الغـلابـة .. وضمـنـى يا ليل يا ليل أنـا بسألـك بالفيك مسـك قلبـو وشـهـق بالبيبـكـى ودار تشـقـه العـبـرة طـــق بالكتـم ســر ريدو لا بــاح لا نـطـق قول لى مخلوق حظى منك ولا من حظى اتخلق انتـظـر حدثـنـي لا تـعـجـل تـفــوت يبقـى مـا تلقـانـى بـكـرة وراك أمــوت ودا إن حصـل ألبـس ســوادك وحـدّنـى ضمنى يا ليل الغلابة مالـك استغربـت يـا ليـل فــي الـكـلام مـاك شايف الدنيـا فـي عينـي ضــلام والقليـب عميـان يفـتـش فــي الـزحـام لـى قلوبـاً طيبـة مـا عـرفـت خـصـام وفـى زمنـا الطيبـة راحـت ومـا اتلـقـت وفـوق دريبـا جريـت والكرعيـن حـفـت والبقول يمسح دمـوع عينـى يذيدهـا يتمِنِـى ضمنى يا ليل الغلاية ضمنى يا ليل يا ليل ان بقيـت ما عرفت اسمـي تعـال لـي جـاي.. ما انا الزول المسطر فوق جدار صمتك غنـاي ماانا الروح المعذبة في منامي وفـي صحـاي ماانا الفي الواطا قاعد وشايفه فوق نجمك مناي ليـك حـق لـو ماعرفتـنـي مـيـن انــا انـا ماالوليـد الشفتـو قـبـال كــم سـنـه وهسةجيت لقيتو شايب فـوق عصـا الريـد متحنـي ضمنى يا ليل الغلابة ضمنى يا ليل يا ليل مش غريـب الحـب يقـرض الـزول قــرض انا ياني واحـدا فـي حطامـه علـي الارض الغريب انـه الظـروف تفـرض فـرض لا اعيـش فـي دنيـا لاطــول لاعــرض والقـدر يلعـب بي بـيـن يمـنـه وشـمـال وابقي زي عصفور كسيـح فـي ايـد عيـال كيـف يطيـر ؟! وجناحـو مكسـور منتنـي ضمنى يا ليل الغلابة ضمنى يا ليل يا ليل ليلـي بى اسـرع تعـال شــد الـرحـال لـي عوالـم بيـن نجومـك ومـن خـيـال يبقي اصـادف بختـي بيـن طرقاتهـا ضـال أجيبه أرجـع أجـي ألقـي ظلـم الدنيـا زال .. يـلا قٌبّـال تطفـي شمعـاتـي الـريـاح قبل مـا يـنـزل عـلـي الدنـيـا الصـبـاح وقبلـمـا تـنـزل مصيـبـة .. تخـمـنـي |
|
(لو رجعت )
كلمات:محمد الحسن سالم حميد اداء:يس عبد العظيم لو رجعت وايدني فاضي يابا ما راح تبقي راضي والبلد ما بتبقي راضي ونفسي ماراح تبقي راضي والنخيل الكان بشابي يهش ينادي يصد يقبل مني غادي والدروب الكان بتفتح ضفتين احضانها نادي عليها اه تسب خطايا تكب ترابها علي قفايا تقوم تعتر لي جوادي والقلوب الكان بتفرح تكشح الشوق في الايادي جيتي ليها بلا ابتسامة تبقي زي جيت الغمامة للاراضي الغبشة فاضي با نخل ياطين سلام يا غلب في المغربية لما تتزمر صبية والا حبوبةً قبيلك باركة لي امي الشهادي في التراب الراجي لي تنقلب بي شد علي وتنكسر قدر الولادي يا غلب لو عدت فاضي للغمت في ايدي موادع او عصر حق الزوادي يا بحر مابي الزيادي يانخل ياطين سلام ياضراع في التقله يكدح يامدارس ياحدادي ياغبش صر ياغلابة يامقاطيعاً في وادي وضالتن ضلت في وادي وداي كفرن فيني شعوت خيل قراطيسي ومدادي من مداين غيمة دافق نيل سلام يروي البوادي او يبل ريق امي يمة شوقي جاي اشواقي غادي مشتهيكن نشتهيكن في صهاري ايامي يلمع في ضلاما يبق وشيكم وفي خطاوي الناس بفتش لو اصادف يوم مشيكم وحد ما اعاين في عيونن ما الاقي متل عيونكم وغربل الالوان وحاتكم ما لقيت يا يمة لونكم ما انتو لونكم لون بلدنا لون جناينا لون سماها لون ترابا و لون نخيلا لون قماريها وهديلا وضفتينا الماسكا نيلا وبينا هادر زي مسيره انتو صوتكم صوت بلدنا صوت تواريخا وضميرا وصرختو الدواية العزيرة وباقي زي نار الهجاير في حطب غابة الظهيرة |
|
| الساعة الآن 02:18 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.