حياك الله اخي عبد المنعم و مرحبا بعودتك و ايابك الجميل،، و حبابك مليون حبابك سلامات..

كلام سليم.

هذه كانت نفس وجهة نظري.
للخصوصية حرمتها.

تحياتي حسين

فلنوقف النقاش في هذا الأمر الخاص جدا،

يا أخي العزيز الكريم الفاضل،، لم يخض أحدا هنا في أي أمر خاص جدا.. و ليس هناك نقاش اصلا و لا جدل.. إن رأيت، و رؤيتك مقدرة مع رؤية الأخ حسين، يمكنك سحب البوست بعد التشاور مع صاحبه، في هذا الفراغ الإداري اللعين الذي فرض نفسه و غياب المؤسسية في هذا المنتدى العريق..

ابقوا طيبين..

و آخر مداخلة موجهة للأخ العزيز معتصم الطاهر :

تأكد و تيقن بأن المحبة في أوجها،، و لا ينقصنا التواصل،، و لكن مزيدا من حسن الظن و لعن إبليس،، حتما سينطلق المنبر الى الامام ضمة جناح، صمة عدد..

آخر مداخلة وردت سابقا،، في احتمال حذف هذا البوست، المليان بروح المحبة و التواصل،، و ان ضل الطريق..

طيب ياشباب ازيكم ومشكورين على كم المشاعر باختلاف امزجتها
اولا بالجد انا ونيابة عن النور نحن مدانييين بالاعتذار الشديدلجيلي اذا مسه اقل سوء من مداخلتنامهما كانت النوايا ومجبرين بكم المحبة اننوضح موقفنا
انا شخصياكلمة سبع البرمبة كنت اعتبرها مداعبة خفيفة الظل وخاصة انها تطلق دلالة على الشجاعة والاقدام ودا والله لانه قاعدين نتبادل مثل هذا انا والاخ جيلي كثيرا في هذا المنتدى ولولاسابق الاريحية التي ذكرت لماتطاولت. يعني مثلا ماممكن اتبادل مثل هذا الكلام مع العم حسيين عبد الجليل لوجوب الرسميات التي يفرضها واقع التعامل حسب نوع العلاقات
على العموم ياسيدنا جيلي حقك علينا
ودا مابعني انه حابطل اناوش الناس الجميلين البحبهم هنا وهم كتيرين وخاصة فيصل وامير والعمدة زاتووو واخرين
والاعتذار موصول للباشمهندس معتصم الطاهر للانحراف بالبوست لجهة غير التي اراد
ولكم جميعا جميل المحبة

يافيصل سعد،
ياخ انت جوطتا الواطة جوطة شديدة بمداخلتك.. وحتي الآن أنا محتار إنو سمحت لنفسك كيف انك تكتب مداخلة زي دي؟
ياخ الناس اتطايبت وأي زول فهم الأشياء كما يجب للفهم أن يكون وبكل روح المحبة تصافي الناس.. تجي انت بدون مايرمش ليك جفن عايز تدور الموضوع تاني من اول عشان يجي أمير يقول ( الجانب المتضرر) وهكذا أشياء غريبة!!

شوف يامان،
حركتك العملتها دي انتهت منك في عيني، وأنا كزول عندي معاك تاريخ تواصل طويل واحترام ومحبة حاولت إنو أخلي ليك الباب متاكا بالمداخلة بتاعت (سأعود لك يافيصل).. كانت زي تنبيه صغير ليك بانك ماتشعل ماتم التصافي حوله والانتهاء من أمره..
١-ولو أحببت أن أحلل لك مداخلة النور فهي قد تروقك، ولكنها لاتمسك.. هذه مداخلة تمسني فمن أين تستقي مفهوم الخصوصية؟ هلي من برسبكتيفك أنت لشئ ليس لك به من علاقه، أم من الذي تم توجيه الحديث إليه وقال بشكل واضح (هذا أمر خاص)؟
٢- أي مناسبة زواج، تخش تبارك، تخت البتقدر عليهو في الدفتر، لأنو دا شكل تكافل إجتماعي بيرجع ليك في روحك دي قبل الأجر.. وتشيل ليك بلحة ولا حلاوة وتقطع وشك زي أي سوداني أصيل.. لا مشحود ولاممتن، وتلك دورة العطاء الاجتماعي المتوازن والكفالة الطيبة لاستمرارية جمال سودانيتنا
٣-التسرع والغضب والصبر رائجة الحدوث، وفي الدنيا أهوال و مزالق، ليس فيها اعادة تدوير الخاص بعد أن تم حسم أمر الخوض فيه.

CC
فيصل سعد
--------------

ممكن ياأستاذ أمير تشرح لي وجهة نظر النور شنو؟

لأنو بالجد مافهمتا وجهة نظر..
وكمان ملحق معها (من حقه وجهة نظري)
كدي وريني وجهة نظرك دي

سلامات يا أخي الجيلى و افيدك علما بانني لا جطت الواطة لا دورت خلاف، انا بكل بساطة أوضحت وجه نظري فيما حدث، و متوقع أنها لن ترضي الجميع..

عموما حصل خير يا حبيب، و امسحا لينا في وشنا و جلي الموضوع و لا تسترسل أكثر، و ابقى طيب..

انت من بعثت النقاش من مرقده
يافيصل سعد،

موش في أغنية قديمة كتبا السر قدور وتجلي فيها محمود؟
https://youtu.be/yT1Ld-Q11Ec

حا نستهبل علي بعض؟
يعني الناس اتصافت وانتهي الموضوع.. الخلاك تجي تكتب مداخلتك الشينة دا شنو؟

اتصافت ظاهريا فقط.. و لاني انشد التصافي الحقيقي كتبت وجهة نظري دون مواربة و عارفها ما بتعجبك يا مان ،، عسى أن تشفي بعض ما اعتراهم من سهام،، هم اعزاء و انت عزيز، مهما حصل، تيقن من ذلك و لا تدع الثرثرة تعميك يا أب شال :D:D

عمنا السالك عبد الجليل لديه طرائق مدهشة في التعامل مع الذي تشكل عليه، وهي جيدة..
عكود كذلك..

مافاهم انت مالك طرتا فوووق وجيت واقع جوز؟:)

عليك يسهل...