[QUOTE=رأفت ميلاد;92197][size=5][color=#000066]مفهوم يا فتحى .. وكتر خيرك
هى مافى هى شك أكبر مكتبة توثيقية سودانية .. وعليها مجموعة من الفنانين والمهتمين بالفن فى السودان على رأسهم أخونا يحيى قبانى الذى أكرم وفادتى بدون معرفة سابقة ومنهم ليس للحصر .. فقط الذين ساهمو فى هذا البوست .. حتى لا أقع فى خطأ النسيان على التوالى Wad_Almahdi الشاب الرئع الذى أهدانى بعض الأغانى الرائعة ماجد مبارك الشاب المهتم قبانى نفسه جمال سعيد الرائع والذى أوقف البوست على قدميه الليندي قريب الفنان عاطف انيس لم يبخل علينا الكوبي حبيبى والذى ثبت خطاى هناك هيثم لبيب وهو الذى أتى بروائع أيوب فارس .. وكان هذا تعليقه على مذكراتك أنت ومجدى أخونا رأفت ميلاد .... إستمتعت جداً بالذكريات الرائعة دي .. وصدقني حسيت كاني حايم بقبة خوجلي وضريح حمد وحلة اهلي الشلالية .... وماري بجنائن الصبابي بتحت وبحر البلدية .. ياخي متعنا بالله عليك بمزيد من الذكريات لحدي مانلم ليك في المزيد منها .. وفعلاً زمن قلّ أن يتكرر وناس من الإستحالة أنو السودان ينجب مثلهم والله يستر على الباقين .. *** خيمتي داقيها بي هنا ومنتظرك يارأفت في بعض الأحيان بيتهيأ لي انك راضع عصير خباثة في صغرك:(يعني انت جايب لي كلام الراجل الظريف دا عشان تخليني أمام الأمر الواقع مش كدا؟أنا ما عندي مانع لكن العملية محتاجة لي ون تو يعني حاجة منك وحاجة منو وحاجة من شريك تالت حتلقي الذكريات جات ناطة براها لانو كل حدث بيذكر الانسان بأحداث ممكن تكون مرتبطة بيهو أو شبيهة بيهو ومرات كلمة واحدة بترجعك 30 سنة لي ورا يعني أخونا هيثم لبيب القال أهلو الشلالية ذكرني حلة الشلالية الما قدرت أشقها الا بعد ما كبرت لانهم رباطين لو تمشي في حلتهم يا دقوك يا سكوك لكن في الآخر صاحبتهم وبقيت في حمايتهم وبقوا من أعز أصدقائي زي أولاد صيام حميد وعلي الكانوا بيلعبو في الكوكب وأولاد هلال وحربي وكامل عباس الموجود في قطر لاعب التحرير وجلك لاعب المريخ وسعد دبيبة وأخوهو صالح أب اصبع الله يرحمو والبيبة والضرش...كل هؤلاء تزاحموا في الزاكرة واقترب الزمن حتي صار كالأمس. ما ننسي عمنا عبد القادر لبيب الريس وأوعي يطلع قريبو وهو بالمناسبة والد حسن الريس مدير سودان ايرويز في أبو ظبي سابقا وعثمان عبد الجليل التيس ود الخليفة وحمدي أيوب وغيرهم وغيرهم من أولاد الشلالية الذين كان معظمهم من أعضاء الحزب الشيوعي أيام ما كانت الشيوعية بتدخل السجن الا انهم والحق يقال من أشجع الرجال لا يهمهم سجن ولا موت رحم الله ابراهيم زكريا وحسن النعيم (البطل) وقاسم أمين وبالمناسبة الوحدة التي كانت في حلة الشلالية كانت أكبر وحدة شيوعية في الخرطوم بحري وكانت تتكون من الشلالية والمريوماب وكانت هذه الوحدة تتنقل بين الشلالية وحمد حتي يصعب علي الأمن رصدها.. شفت يارأفت كلمة واحدة جابت وراها شنو:confused: |
[hide]
شايف يارأفت كيف الكلمة ممكن تفتح كتاب وكمان مدرسة... الرسالة دي وصلتني الليلة ولقيت فيها معلومة لا يمكن نسيبها تمر مرور الكرام لانها بتحتوي علي معلومة في غاية الخطورة ممكن تغير مفاهيم كتيرة وقلت دي لازم تخش معاكم في فلم التوثيق..أها أبسط ياعم:D [/hide] ارسل: الخميس مارس 13, 2008 9:46 pm موضوع الرسالة: ما أشبه بت ملوك النيل بالناعسلت عيونن و وجه القمر /مجدي نجيب ------------------------------------------------------------------------------- يشدني دائما وانا اتصفح جريدة المهاجر ما يقدمه الزميل مجدي مسعد عن محطات لوالده الشاعر مسعد حنفي ولقد لفت انتباهي في المحطة الاخيرة من العدد الماضي ما كتب عن الشاعر أبو صلاح والطريقة الغريبة التي قدم بها قصيدتين من شعر مسعد حنفي للفنان كرومة وهما الناعسات عيونن و وجه القمر ، وتقديم القصيدتين ذكرني بحادثة مماثلة كانت في الستينات عندما تغنى الفنان الكابلي ب " بنت ملوك النيل " حيث تقدم ابن عمي سعد ، كاردينال الكنيسة الكاثوليكية بالسودان" بشكوى على صفحات جريدة الايام أعلن من خلالها ان بنت ملوك النيل " من شعر والده سليمان تادرس القمص" وليست ملكا للشاعر المثبت بالاذاعة السودانية ، وان والده قدمها للشاعر اياه في احد جلسات شباب المسالمة على مسطبة اسمنتية في خور مشهور بمنطقتهم يحتمع فيه الشباب لانشاد الشعر والتسامر. وفي تلك المصطبة الخرسانية لفظ الفنان ابن الحي ابراهيم عبد الجليل انفاسه الاخيرة. أعجب ذلك الشاعر بالقصيدة ووعد بتقديمها لاحد الفنانين لكنه أوهم عمي سليمان تادرس بانه من المستحيل ان يتغنى فنان مشهور بكلمات لشاعر مغمور كما ان سليمان ابن قمص وكتابته للشعر قد تسبب غضب والده القمص ووعد ذلك الشاعر بان يقدم بت ملوك النيل على انها من شعره وسوف يصحح اسم شاعرها مستقبلا. جريد الايام على ما اذكر خصصت صفحة كاملة لاربع اعداد تبودلت فيها الاتهامات ، واكتظ منزل سعد سليمان في المسالمة بالعديد من العاملين في الوسط الفني اذكر منهم سيد خليفة وعبد الكريم الكابلي ، واليوم وبعد اربعين عام عرفت من خلال محطات الراحل المقيم مسعد حنفي بقضية الناعسلت عيونن و وجه القمر وانهما يحملان نفس سيناريو واخراج بت ملوك النيل. |
اقتباس:
مجدى نجيب تادرس القمص هو فى مثل عمرى .. وكان ينادى أبى بعمى رغم إنه إبن عمه .. ولكن لفارق العمر .. أخوته الكبار جورج رحمه الله وفكتور أكبر منا سنآ .. مجدى حارس مرمى سابق .. ولكن رفضه إتحاد الكرة لإصابة إحدى قدميه من جراء حقنة خاطئة فى رجله .. رغم إنها لم تكن تعيقه .. هو من أوائل من عزف الجيتار وغنى من ألحانه وكلماته فى أيام وليم أندرية .. والده عمى (جدى) نجيب كان عازف عود ورجل خفيف الظل .. شاب الروح مرح .. جدى سليمان تادرس القمص .. الذى توفى صغيرآ تاركآ عشرة أبناء .. ولا زال إسمه على حوش العائلة فى المسالمة منصوبآ .. بعثر ثروته على صوالين الشعر والأدب التى كان يصرف عليها ببزخ .. لم أتطرق يومآ الى أغنية بت ملوك النيل لأننا لا نملك أى دليل .. ولم يناضل عليها جدنا فى حياته كما فعل الوالد مسعد حنفى .. عمنا سعد سليمان كان عميد العائلة فى حياة عمه نجيب تادرس وشقيقه الأكبر نصر سليمان .. لشخصيته المتميزة .. وهو والد إبن عمى الأب إميل سعد الذى توفى حديثآ .. كان عمى يحفظ شجرة العائلة .. وكل المخطوطات القديمة منها مذكرات الأمير يوسف خليل (مخائيل) ومخطوطات جدنا سليمان تادرس .. لذا أثار ما أثاره من من قضية قصيدة بت ملوك النيل .. ولكنه توفى باكرآ فى السبعينات ولم يتابع بعده أحد .. بت ملوك النيل نفسها أعرفها جيدآ .. وبيتها ليس بعيدآ منا .. وأبنائها وبناتها يربطنا بهم النسب .. وبالمناسبة فى القصيدة عندما يذكر الشاعر(يا أخت البدور) فبدور هذه إمرأة أخرى .. أحزننى كثيرآ إفتراء آل المهدى بنسبهم القصيدة لزوجة السيد عبد الرحمن أعتقد .. أعرف أيضأ سيدة ومنزلهم بالقرب من الخالة زكية زوجة عماد التى حكى عنها مرة شوقى بدرى .. وأيضآ رأيت ظبية المسالمة ولا أعرف أهلها .. عندما رأيتها كانة نحيفة الببية سمراء (خدراء) اللون وأيضآ بت ملوك النيل .. دائمآ فى ثوب "زراق" متجولة صامتة عاقدة يديها خلفها .. كانت فى حالة نفسية غير جيدة .. جدى سليمان تادرس القمص كان من أعيان البلاد .. وزوجته إحدى بنات على دينار .. أختارت إسم مريم بدلآ من ميرم (أميرة) بعد إعتناقها المسيحية .. كان فنجريآ يصرف أمواله على مجالس الغناء .. حتى باع أملاكه كلها منها الأرض التى قام عليها فندق السودان التى إشتراها منه السيد على المرغنى .. فريف المريخ كان يجتمع فى منزله .. جدتى مارين تادرس شقيقته وشقيقة فكتوريا تادرس زوجة الأمير يوسف خليل .. أخاطت أول نجمة على فنايل فريق المريخ .. مات جدى سليمان تادرس معدمآ فقام العم سعد سليمان بإعالة أخوانه وكان معلمآ بمدرسة رمبيك الثانوية وردحآ من الزمن فى الدلنج و وجدت أهل الدلنج يعرفونه جيدآ عندما زرتها .. أخيه الأكبر نصر سليمان لإرتباطه بكلية غردون بكلية الهندسة .. وكان نفسه هو والدى أصغر الكبار من الأولاد تحت رعايته .. شفت نكت شنو .. |
ياسيدي مجدي نجيب كتب الرسالة دي لي أخونا خالد عثمان رئيس منتدي وصحيفة المهاجر في موقع يارانايل الموجود في أستراليا والظاهر مجدي نجيب عايش في استراليا وهو علي اتصال بخالد عثمان وخالد عثمان دا اسمو خالد مصطفي وكان عايش معانا في القاهرة قبل هجرته الي استراليا وقبلها كان عايش في انجلترا وغانا وعدة بلاد اخري ..الرسالة دي بعتها لي خالد بالايميل ونزلها في منتدي المهاجر وانا حابعت ليك بالايميل فورورد من الايميل ومعاهو لنك البوست وافتكر دي فرصة للتواصل مع قريبك ودعواتك مقبولة. وبعدين ياخي ما باين انو الكتب الرسالة هو مجدي نجيب بنفسه عشان مجدي مسعد جدو ما قمص:D |
اقتباس:
قمص شنو الجدكم .. إنت ما شايف الصلاح الطالع من وشى زى أولاد المهدى |
اقتباس:
|
اقتباس:
تتزكر لما كنت بستناك هنا http://www.dafaar.com/Bahri3.JPG بعد درس العصر بتاعك http://www.dafaar.com/Bahri2.JPG عشان نمشى هنا http://www.dafaar.com/Bahri1.JPG ديل لنج وارد بحرى .. من جمال سعيد المقصود نرجعك بحرى تانى وتواصل .[/align] |
جامع السيد علي وحلفاية سينما عرفناهم لكن جامع خوجلي ابو الجاز دا وين؟انا بعرف خوجلي ابو الجاز بتاع المريخ والاسم دا سموهو متين عشان حسب سنة التشييد ما كان في جاز من أصلو...ولا كيف وبعدين رأيك شنو أدخلك في فتنة دينية عشان تمشي تدسا في أسيوط يا حفيد القمص...:D:D:Dأوعي دا يكون جامع سيدي الشيخ خوجلي ؟وما جبت قبة الشيخ حمد مالك:confused::confused:
|
[align=center].
[flash=http://www.youtube.com/v/12fRWTPAaws]WIDTH=400 HEIGHT=350[/flash] .[/align] دى كيف :) |
صحبى
الزمان والله اظنها راحت مع الرحول لكن بتذكر والعهدة على الراوى انه محمد ميرغنى غنا بعض الحانه هل من يوكد او ينفى ؟؟ ملحوظة : الراوى ابراهيم الماحى موسس فرقة ساورا |
دى كيف :)[/QUOTE]
دي توليفة جميلة لكن برضو أنا مصر علي انو في أكتر من سوركتي ومعظمهم بيعملوا في مجال التعليم وكل واحد كتب عن سوركتي البعرفو ودي بسيطة لما نحسبها..سوركتي الكان ناظر العزبة الأولية كان في سنة 1955 يعني قبل اكتر من 50 سنة فهل تفتكر انو صاحب الصورة دي زول قبل 53 سنة كان عمرو في التلاتينات:confused::confused::confused: دا سوركتي الشاعر صديق الاستاذ محمد ميرغني ولا علاقة له بنظارة مدرسة العزبة علي أيامنا وممكن تسأل بي طريقتك أخونا صديق الموج لانو كان عمدة زمان:D:D:Dوالحمدلله انو ما بيكتب هنا والا كانت صواريخو انطلقت في اتجاه القاهرة وياريت الراجل دا تجيبوهو لي بي هنا وشوف البوست دا حيولع كيف لانو بالفعل من أظرف الذين اختلفت معاهم وبقوا أصحابي لكن اليومين ديل فاتح لي الظاهر جابو ليهو وشاية وصدقها..تخيل آخر مرة اتكلمت معاه علي الموبايل قال لي هو في العربية وأول ما يوصل البيت حيدخل علي المسنجر ومن يومها بقي يدخل ولما اكتب ليهو ما بيرد علي:(:mad::mad: |
اقتباس:
تعرف قصة سوركتى درسك دى فوتها ليك بمزاج .. وقلنا الأمور بتتلخبط أحيانآ .. ولكن يبدو أن سوركتى تكرر على مدرسة العزبة وقد تكون نفس العائلة .. ومعروف عراقتها فى بحرى .. أخونا أسعد البرير وهو جار آل سوركتى بعشرة عمر هو الذى أعطانا أخبار الشاعر سوركتى .. وبالمناسبة بدأ هذا البوست بسرد زكريات بدأت ببيت سوركتى .. حيث أساس القصة ناجى القدسى وحديقة البلدية وعدة ملابسات إنتهى ضجيجها فى منزل سوركتى .. قفذت الفكرة الى رأسى بالكتابة عنهما .. (القدسى وسوركتى) وعندما شرعت فى ذلك تعلقت بذهنى زكريات بحرى وفرض أيوب فارس .. نفسه .. عندما بدأت الكتابة بحتت عنهم فى النت ولم أجد شيئآ .. حزنت لذلك ولكن زدت إصرارآ .. لذلك سميتها "صفحة غائبة" كتب أسعد البرير فى هذا البوست فى الصفحة الأولى: اقتباس:
|
اقتباس:
ياسيدي وانا قلت ليك اكتر من مرة انو آل سوركتي ديل فيهم ناس كتار بيشتغلوا في التعليم وفيهم واحد كان ناظر العزبة ومات في حوادث توريد وسوركتي النت قاصدو انا بعرفو وقلت ليك صاحب محمد ميرغني وفعلا ساكن في كرش الفيل في الخاتمية والغريبة كلهم مدرسين عربي وبعدين يالئيم فوتها لي ليه هو أنا من العصر الحجري:Dوكدي خلينا نتوسع شو ونمسك بحري كلها وناس بحري بدون التركيز علي التلاتة ديل عشان في مثلا المرحوم عبد العظيم حركة والملخن عبد اللطيف صبحي ومحمد خوجلي صالحين وكتير غيرهم من الهامات الدخلت التاريخ بغض النظر عن اتجاهاتهم:) |
اقتباس:
اقتباس:
|
اقتباس:
|
| الساعة الآن 12:03 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.