اقتباس:
ياستي الحكاية وما فيها البت سارة دي حرقت ليها كم بعرة من فترة لخبطت بيهم كيان المنتدي وبقي الشكل كيمان كيمان وبي بساطة لا انتي ولا أم التيمان بتقدرو تقلعو واحدة نقابا ولا تلبسو واحدة نقاب وأفتكر البوست مشي للاتجاه الغريب دا عشان الناس كلاما خلاص كمل وكل زول قال العندو وأي كلام بعد كدا حيكون خرمجة ساكت مافي قداما غير الخلاف الشخصي عشان كدا حقو تفضوها سيرة عشان ما أجي بكرة أتنقب ليكم وتقولو الخواجة بقي أنصار سنة حريمي:D:D |
اقتباس:
ويبدو انك قاصد ما تقول من أخطأ في حق من!! في كل الأحوال..إن أخطأت أنا .. فأعتذر .. والبوستات البتجيب الإهانة في صمة الخشم الله بينا وبينا.. أقعدو بالعافية.. |
اقتباس:
لا يامي كدا ببقي غلط لو في بوست عندك فيهو راي ..كبي كلامك واتخارجي علي الأقل بتكوني شاركتي..أنا بالنسبة لي الموضوع مش داير أطلع منو الغلطان فيهو ومنو البدا..أنا بقول لامن الزول يقول العندو خلاص مافي داعي يجرجر في الكلام عشان كلامو بكون مكرر ورفض التاني ليهو برضو بكون مكرر وأم ضبيبينة ما بتخلص ولامن يكمل الكلام السمح والاحترام العملية بتبقي فيها مطاعنات وغلط.. ودا كلو مافي ليهو لازمة عشان كلامكم ما حيعرضوهو علي هيئة علماء المسلمين تفتي فيهو ولا حيخلي رأفت يسلم:Dlooool |
ستين مرة قلت ليك كان سمعتى كلام اختك اكبر:p منك الحبة ما بتجيكى
اها جالك كلامى |
اخوانى الاعزاء ... اخواتى الغاليات... الذين حاورو معى فى بوستى هذا ...
انا اشكرهم جميعآ على مجهودهم الذى اثرا النقاش ... و لو لا هم لم يكن هناك منتدى نتحاور فيه .... و اذا رجعنا الى كل حواراتهم الاولى لوجدنا ان كل ما كتبوهو كان اكثر تضامنآ معى فى رفضهم للنقاب و ليس الحجاب يا معتصم الطاهر .... انا لم ازعل و لن اخاصم ... و دمتم فى رعايته ... و شكرآ .... |
اقتباس:
والناس اغلبها واقفين فى صفك لو استثنينا عمك فتحى , _______ لفتة نظر اخوية حديثك لمى هاشم لم يكن عادلآ فلم نعرف عنها الا الوضوح وعنك كذلك |
اقتباس:
لو كنت فى محلك يا الجيلى بطلب من ام التيمان الاعتذار لمى هاشم |
اقتباس:
مودتى لكما |
اقتباس:
ونهاية القصة إنو مطرة أم التيمان غِشَت البلدان، ولم ينج منها أحد -حسب تقديري-، وبفهم أم التيمان الناجي الوحيد إنت لمن قالت ما معناهو كدا يعني يخلوك في حالتك دي تقود باقي الفرق القال عليها عمنا الخواجة الهندي الشيوعي الصوفي المصري السوداني المحدود goood [/align] |
سلام جميعا..
ما كنت ناوية اكتب تاني..لكن حقيقي استغربت دفاعكم خاصة عم فتحي وتهميشكم لكلامها لي.. مع انه إساءتها لي كانت واضحة جدا!!!وراجعت مداخلاتي لأجد ما اساء لها فلم اجد..فاعتذرت فربما أسأت (بدون ما احس)!! ثم إنكم تطمئنوا في أم التيمان إنكم في صفها!!! عم فتحي..انا ما عندي راي في البوست واذا في راي زي ده كنت كتبت بوضوح زي ما عملت في بوست اخونا عادل عسوم..وكلامي ورايي هنا قلتو(راجع مداخلاتي رجاءً) قبل ما تحكم.. الجيلي..بصراحة ..كلامها لي موش ما عادل..كلامها كان شتيمة وأظن انت شعرت كده وما زي ردها ليك ..واشكرك لتنبيهها.. رأفت..الموضوع موش سوء فهم..لأن ما كتبته واضح ولا يحتاج تفسير وأفهام أخرى..ورديت عليها واديتها فرصة توضح اذا في فهم غير الانا فهمته ولم تفعل!! كونو منصفين وواضحين يا جماعة... |
اقتباس:
وكتبتا لي السيدة ام التيمان بالانجليزي و غلطتا ليها الكلام السوتو دا ويا ام التيمان الاعتذار من شيم الشجعان و المنتدى دا قالوا شعاروا ما بعرف شنو (محبة و اخاء و مودة) فيا اختي تعالي على نفسك (النقية) دي حبة و اعتذري لي اختك مي هاشم وانا ذاتي البكان دا تاني ما بجيهو للضمان كدا |
اقتباس:
قرأت مداخلتك واشكرك لانصافك وقراءتك للمداخلات كلها بتروّي.. واعتذار أم التيمان كان أجدى قبل الآن..أما وقد كبر في نفسها الاعتذار لي فلن ألح في طلبه.. ووصلت لفهم جديد في المداخلات واسلوبها..وتعلمت كيف يرد بعضنا على بعض وكيف ندافع عمن هم في صفنا فتبقى هذه الساحة ظاهرياً(محبة وتواصل) وباطنها (بغضاء وضغينة وقطيعة)..بل أكثر!! وانا ذاتي تاني البكان ده وبكان فيه (أم التيمان) ما بجيه..وللضمان برضو بعتبر كل مشاركاتي في بوستات ام التيمان ملغية غير مأسوف عليها.. *غير مأسوف دي راجعة لمشاركاتي عشان ما تجي وزارة الدفاع تغلطتني::D:D |
اقتباس:
اقتباس:
شوف يا كيشو أم التيمان بتعرض أفكارها بوضوح وعمرها ما إتعرضت لى زول شخصياً. أنت حارقك (قصة العلمانية دين) القلتها وتبريرك كان مستحى عشان عارف مصدرها الوصولى مش فلسفى زى ما ختيتا لينا وربطت كل ما يعتقد فيه الإنسان تعتبر مجازاً عقيدته من إعتقاد وإلتزام .. وحقيقة الأمر هؤلاء وضعوه دين لتكفيره ومحاربته (بشرعيتهم) .. خوفاً من ضياع السلطة منهم .. أم التيمان إتحسست من تعابير مى اقتباس:
ده ما تحامل على مى .. إذا كانت المداخلة دى والبساط أحمدى بيناتم وعلاقة متبادلة كان وجد القبول. وده أنا الحاولته أشرحه لأم التيمان بأن مى تتعامل بحميمية بنفس الطريقة مع الجميع بمودة .. وصراحة شعرت بتحسس أم التيمان من الجزئية دى كثيراً برد فعلها بفتح بوست الرومانسية .. أعتقد القصة ما (طبطبة) ولا يوجد داعى للإستفادة من تأجيجها (قل خير أو فأصمت) يا كيشو عشان ما تخش النار وشوف ليك نقاب .. دى آخر فتوى فى البوست ده .. وما جاى رجع إلا فى حالة فتحى يسقط الإدارة المنتخبة gooodgoood |
اقتباس:
انت النقاء وانت الجمال... انت الزيك نفتش ليهو في كل مكان... انت الحنان وانت الامان... وانت بلسم كل زعلان... عليك الله ما تزعلي ... وتجيبي لي نفسك الضغط والسكري... وخاصة بعد تقدمك في السن goood:Dgoood |
اقتباس:
:D:D:D غايتو ده احلى مقطع فى ( العفسة ) (ياقول جدو فتحى اللذيذ) دى كلهااااااااااااااااااااا ياسلااااااام ياعب عزيز اتاريهو من خليقتو دى داخل استعمارى عديييييل كده looool وانا اقول الجكس ده مكسر اتاريهو مستعمر !! |
اقتباس:
إنتى عجبتك (إستعمارية) ولا (عب عزيز) قوليها عديل .. دورك فى الفلم حأقوم بإلغائه الفورى:mad: |
اقتباس:
أنا هسه مشغول، لكين جاييك[/align] |
اقتباس:
انا عجبونى الاتنين النصيحه ليك يا الله ومعاهم فتحى فوق البيعه looool |
اقتباس:
كدي وريني فوق البيعة مع منو الكايسة نصيحتو ولا منو:::كان مع زول تاني أنا رافض البيعة من أساسو:(:mad: |
اقتباس:
:D:D يخربنى مافهمته شى !! اظن السمسمية الليله كانت قوية شويه ....:D خلاص بعد تفك تعال ترجم لى كلامك الفوق ده |
بالقاعدين فى دارى سلام عليكن ....
و انشاء الله طيبين ... حالتى دى اخدت لى مرقة لى شارع الفلل قولت اشم لى هوا نقى و اجيكن صادة برواقة ... جيت لقيت الكترابة عجاجت ضاربة فى السماء ..... ان شاء الله خير و مافى عوجة .... يا اخوانى المنتدى دى زى السوق .. فى زول بحرد السوق ..؟؟؟؟... و انا ما بخاصم اى زول و بدخل فى اى بوست لانكم انتم تمثلو لى اسرتى التانية ... اذا رجعتو لى البوست و جميع مداخلاتى ذكرت فيها ان النقاب ليس دينيآ ... و لم اتى بى آية قرآنية و لم استدل بحديث .. انتو براكن حولتو الحوار لنقاش دينى و قعتو تجادلو ... و كل علماء الاسلام قالو ان النقاب عادة و ليست عبادة .. و لايوجد نص و لاحديث يلزم المرأة بارتدائه ... و منع فى كثير من الدول .... و شكرآ على تكبدكم المشاق .... حبيبتكم ام التيمان .... |
اقتباس:
و هذا ما عنيت فانتى فى قلب الحدث ..... |
هل عوره المرأة جسدها كله عدا الوجة والكفين
لو كان ده صحيح يبيقي النقاب عاده وليس عباده ام التيمان الحقيني قبل ما الجماعة يكفروني ويلحقوني فرج فوده |
اقتباس:
سلامات نزار .. انا بقيف ليك حيطة و اى ضربة ما بتقدر تخش فى القون ... الزول الصواب ما بطولو عذاب ...... |
اقتباس:
وما قلتيه عن علماء الاسلام ليس صحيحا |
بسم الله الرحمن الرحيم
الأخت أم التيمان التحايا والأمنيات.. بعيداً عن هدى الســـــماء .. فى عالمنا الأسفيرى هذا .. فإن من تختفى وراء ألقاب ... كمن تختفى وراء نقاب لكلٍ ظروفها .. .. وحريتها .. :confused::):D |
اقتباس:
تقولي النقاب ليس دينيآ و برضو دايرة الناس ما تحول الحوار لنقاش ديني؟!! دا منطق حوار عجيب منك لو كل علماء الاسلام قالوا النقاب عادة ما كان بيكون في مشكلة عليك الله احترمي عقولنا شوية |
اقتباس:
يبدو ان هناك بعض الناس يحبون ان يكونو هم محور النقاش ..وهذه ظاهره فى كثير من المنتديات ... ويبحثون عن مواضيع فى ظاهرها مختلف عليها ... بغض النظر عن الطريقه ...لهذا يبدو للعقلاء انهم يستخفون بالعقول وهم اقل من ذلك ...ولكن رغبتهم فى ان يكونو هم محور النقاش هى المسيطره فى تلك اللحظه ...تماما كالاطفال ... لهذا تجد ان معلوماتهم مغلوطه ومتناقضه...ولكن اذكرنفسى وهؤلاء وام التيمان واحده منهم وانا اعنيها الان ... قول الرسول صلى الله عليه وسلم لمعاذ فى حديث طويل صحيح اخره(وهل يكب الناس في النار على وجوههم، أو على مناخرهم، إلا حصائد ألسنتهم |
اقتباس:
ليس هناك على المريض حرج ...!!!!!!..... |
اقتباس:
:D:D:D:D:D بطلي طولة اللسان الما بتجيب غير المشاكل وفي الآخر الكترة بتغلب الشجاعة:eek: |
اقتباس:
ناضر التحايا أختي أم التيمان أفهم تماما أنكي تفرقين بيت الحجاب و النقاب كما أفهم تماما الجدل المثار الآن حول النقاب و لكن دعيني أختلف معكي في خطابك للأخت المنقبة و لن أتناول الموضوع من منظور فقهي أو تشريعي رغم محاولة البعض نفي علاقة النقاب بالإسلام (البعض يدخل الحجاب أيضا في ذلك) من خلال الإتيان ببعض الحجج الممعنة في غرابتها كالقول بأن النقاب (البعض يدخل الحجاب أيضا في ذلك) عادة جاهلية و ليست من الإسلام في شئ أو القول بأنه أمر إختياري و مسألة حرية شخصية أو سلوك شخصي أو القول بأن النقاب (البعض يدخل الحجاب أيضا في ذلك) قد فرض علي الحرائر من نساء المسلمين دون الإماء منهن حتي لا يتعرض الحرائر إلي المضايقة من قبل الزناة في طرقات المدينة و كأن الزنا بالإماء دون الحرائر لا ضير منه و كأن المدينة المنورة لم تكن سوي مدينة متفسخة تعج بالدونجوانات و صائدي المتعة الحرام. و لكن فالتناول الأمر من زاويته الموضوعية البحته أي أخت منقبة أختي أم التيمان هي لم تتجاوز أو تشذ بل أراها تقصد بنقابها أن تنال مرضاة ربها وإن بدت للبعض ممعنة في التطرف فهذا أمر لا يضيرها طالما أنها لم تأتي بما يخالف الشرع فلماذا نثبط من عزيمتها الأولي بنا أن نولي جهدنا و نوجه نصحنا لمن خالفت أمر ربها بتبرجها و بعدها عن حجابها و دعيني أستغرب أختي للمشابهة الغريبة التي سقتيها هنا بين النقاب كشكل من أشكال الحجاب حتي و إن أختلف حوله و هذا الإختلاف لا يخرجه من دائرة التشريع الإسلامي بينه و بين القناع و لا أدري ما وجه المشابهة هنا الأقنعة هي ما يلبس للتخفي عن الآخرين أو لإخفاء شئ لا نريد لللآخرين رؤيته لأننا نخجل من إبرازه لأن فيه ما يشين و لا أظن أن المنقبة تفعل ذلك لتتخفي أو لتخفي ما يشينها. هي تفعل ذلك لإرضاء ربها. الحجاب بكافة أشكاله الشرعية بما فيها النقاب أختي أم التيمان هو النور الحقيقي الذي يجب أن تشع به أي إمرأة مسلمة. لكي خالص الود و التقدير |
اقتباس:
تحياتي متابع لهذا البوست من بدايته وحتى هذا الاقتباس ولكن هنا نقف........................... ام التيمان يؤسفني ان اقول لك ليس لك القدرة لقيادة مثل هذا الحوار والدليل هذه المداخلة للاخ مجذوب (دارمالي) والتي كان ردك عليها بهذا الاسلوب الذي اقل ما يوصف به (العجز والضعف) نحن هنا نتابع حواراً نبتغي فيه المعرفة وانت بوصفك مفترعة هذا الحديث فنتمنى ادارته بما يرضي القراء والمتابعين قبل المتداخلين لك خالص ودي |
الاخوان المحترمين اعضاء المنتدى و المتداخلين معى ...
تابعو كل مداخلاتى فى اى بوست اذا وجدتو منى اساءة لاى زول او التقليل من قيمتو او فهمو و لكن كيف ترضو لى ان اهان من بعض المتداخلين ...!!!!.... و انتم تريدون منى ان اسكت و اعتذر كمان للذين يكتبون عنى بعدوانية .....و اشياء قبيحه لا يرضاها الله و لا رسوله ..... فلا يحق لى ان ادافع عن نفسى ....؟؟؟؟؟.....بدل ما انتم تدافعون عنى ..؟؟؟؟؟... كونو منصفين بالله عليكن .... و اذا اراد منكم اى عضو ان يتداخل معى فى البوست مرحبآ به و حبابو عشرة .. اما لغير ذلك لا اسمح له .... لا اطلب من شخص ان يعتذر لى .. ولا اعتذر لشخص اهاننى ... |
الكريمة
المضيئه ام التيمان ما هو اللباس المطلوب شرعا: هو النقاب أم الحجاب محبتى لك اينما كنتى |
[QUOTE=نزار حسن علي;187894]الكريمة
المضيئه ام التيمان ما هو اللباس المطلوب شرعا: هو النقاب أم الحجاب محبتى لك اينما كنتى اخى العزيز نزار . اللباس المطلوب شرعآ الحجاب اى الثوب الساتر و ليس له مواصفات معينة فى اللون او الشكل لكل بلد زيها كما عندنا فى السودان التوب السودانى .... و لكن اقول فى النهاية انما الحجاب حجاب النفس و هذا هو المطلوب و هذا هو الاعظم ... انا عشت فى وسط صوفى كان جدى الله يرحمه عندو خلوة قدام بيتنا و نحن اطفال حتى صرنا بنات:) طول النهار قاعدين فيها لا نخرج منها الا لنوم او المدرسة واذا اردنا ان نلعب بداخلها و كان جدى يرسلنا فى خدمة الضيوف و الشيوخ .كان حنين طيب رؤوف و عندما ينادينا كان يقول لينا تعالن يالمبروكات امشن جيبن الفطور او الغدا او الشاى والقهوه و المويه دى طول اليوم نملى فى الزير . الله ارحمهم كانو رجال عظماء و اتقياء و انقياء و كرماء . قلوبهم ملئ بالايمان اخلاقهم كالملائكة و الانبياء ... يعملون فى الزراعة و تدريس القرآن بالنهار و يقيمون الليل و فى الاجازة نذهب معهم للزراعة و كانت اجمل ايام حياتى ... و عندما يجلب حصاده لا يضعه فى المخزن و يقفل عليه بالمفتاح يتركه فى البرنده فاتح المحتاج كلو اشيل ...حياتهم كلها كانت فى خدمة المساكين و الفقراء و اصحاب السبيل ... لا يطلبون من هذه الدنيا الا رضاء الله .... يحكى ان احد جدودنا عنده طلبه لتدريس القرآن اراد ان يمتحنهم فارسل اثنين منهم الى بيت رجل له بنت جميلة جدآ و عندنا رجعو سألهم ماذا رأيتو فقال الاول رأيت بنت جميلة جدآ و سأل الثانى فقال لم ارى شئ وجدت لى عنقريب و جلست عليه فقال لهم انت و صلت و هذا لم يصل بعد و يقصد هنا التقوى و الايمان الذى يحجب نفس صاحبه فلا يرى عورة الاخرين او حتى جمال بنات الحور .. مش زى المنقبات الواحدة عينا زى عين الديك تلقط هنا و هناك و الصوت زى الرعد ... الانقياء لا يخافون |
اقتباس:
العزيزة أم التيمان أسمعي كلام الببكيك وما تسمعي كلام البضحكك عشان الأولاني بطلع ليك الفي قلبو بدون تزويق والتاني ممكن يكون بيحفر ليك وانتي ما جايبة خبر.. كدي خلينا ندخل في المفيد وأنا طبعا شبه واثق انك عارفة معزتك عندي واحترامي ليك لكن برضو في حاجات الواحد لازم يتكلم فيها بدون مجاملات عشان العلاقة ما تكون مبنية علي نفاق.. انتي بتسألي اذا حصل انك وجهتي أي اساءة لأي عضو أو عضوة والاجابة لا..لكنك أغلظتي القول عدة مرات وطريقة حوارك مع مي هاشم مثال لذلك فكلامك كان أقسي من الاساءة المباشرة ولا أريد أن أعيد ما كتبتيه فأنتي أدري بما كتبتيه.. بالنسبة لتساؤلك اذا النقاب أو الحجاب مرتبط بالدين قالاجابة أيوة مرتبط بالدين حتي ولو لم تنسبيه للآيات والأحاديث التي يوردها البعض كدليل علي وجوب ارتداء الحجاب مثلا والاختلاف في هل المقصود النقاب أم الحجاب وأنا في رأيي ان المقصود هو الحجاب وليس النقاب وهذا لا ينفي احتمال صواب الرأي الثاني.. تغطية الرأس وكشف الوجه ليس مقصورا علي نساء المسلمين ونجده لباس الراهبات وهذا في رأيي دليل علي ارتباطه بالدين والا لما تقيدت الراهبات به. وتخفيفا علي المسلمين لم يطلب من النساء حلق الشعر كما هو مطلوب من الراهبات.. ياقمر السؤال المهم انتي فتحتي هذا البوست بحثا عن المعرفة أم محاولة لاقناع الآخرين بما تعتقديه :confused:..فأنتي تتسائلين وعندما يجاوبك أحدهم ترفضين قوله وتحاولي اثبات انك علي حق وهو مخطئ وهذا ليس اسلوب الذي يريد أن يتعلم شيئ.. انتي لك رأي وقناعة معينة قلتيها والآخرين لهم آراء مخالفة لرأيك وهذا شيئ طبيعي لا يستوجب الغضب.. |
اقتباس:
فى الاول كنت كويس فى الاخر مالك نخيت ولا عادوك الجماعة .... |
آية الحجاب وهي قوله تعالى ( وإذا سألتموهن متاعاً فاسألوهن من وراء حجاب ذلكم أطهر لقلوبكم وقلوبهن ) [الأحزاب:53] .
اين ايه النقاب الكريمة ام التيمان محبتي اينما كنتى |
فى لندن و باريس شاهدت نساء و بنات فى سن الطفولة منقبات
حزنت لهم شديد اتمنى ان تصدرالحكومة البريطانية قرار يمنع النقاب النقاب يحقر النساء و يجعلهم نكره |
للأسف
المد الوهابي الداعي والساند لفكرة تنقيب النساء ممتد وزاحف وزاحف لتشويه صورة الدين أولا ومنظر المجتمع والإنسانة ثانيا . أم التيمان أعجبني الموضوع جدا |
| الساعة الآن 01:49 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.