اقتباس:
يا الرشيد انا اصدقك وتعجبنى ان تكون هذه هى وجهة نظرك...بس زيك فى كم؟؟ الغالبية العظمى يقولون ما لا يفعلون ...انا اتفق معك ان نكون نصراء الانسانية وليس (مرأة ورجل) لكن خلينا نتكلم بواقعية هل المرأة فى السودان ينظر لها اى رجل كما ينظر لها الرشيد؟؟المرأة مسؤلة عن بعض ما يحدث لها لكنها ليست الوحيدة فى المسؤلية ,,, كانت ولا زالت تتعرض للعنف والبطش .الندوة التى ستقام نهاية اكتوبر قد لا تراها انت مجدية..احب اقول ليك هذا النوع من الندوات على كثرتها وقلة جديتها حسب وجهه نظرك لكنها تساهم اقلاها بان تقول هنا موضع الالم. العنف الاسفيرى يا الرشيد اصبح سمة ظاهرة تلون معظم المنتديات..النقاش فى السياسة والكورة اصبح لا يختم الا بسب الاعراض وانتهاك الحرمات... والملفت للنظر هناك ما يشبه التحالفات ... هناك من يكون عضوا مسجلا ولا يظهر الا للدفاع عن احد او النيل من اخر ...هناك فئات تخصصت فى ذرع الفتن ..واخرى تخصصت فى البحث عن معلومات عن الخصم والامثلة كثيرة واكثر المواقع السودانية رواجا اكثرها مكان للعنف....وفى نوع متخصص فى الشوعيين وفى نوع برفكت فى الكيزان واخر متخصص فى الرد على النساء النوعيات دى لا يخلو منها اى منتدى وانا هنا مشكلتى فى المتخصصين فى النساء مش قلنا الندوة العنف ضد المراة اها انا بقول فى نوع جديد لنج وهو العنف الاسفيرى يا الرشيد اصبحت الانتماءت السياسية جريمة يحاسب بها البعض ...وقد تكون سببا كافيا لاستهدافه..وما يحصل كل يوم فى صفحات المنتدات يترجم واقع الحال المايل ... هذا العنف نالت منه المرأة نصيب لا يستهان به ..حوربت المرأة فى الاسافير ..لفكرها...لأرائها خاصة لو كانت تخالف الجندر استنكر عليها بعضهم ان تفهم فى السياسة او فى الكورة .... حتى الدين.. استغل بعضهم الحديث الشريف المنسوب للرسول الكربم ليقول لاحد الاخوات فى منتدى مجاور (يا زولة نتى الرسول قال دينك ناقص فما تجى تورمينا بفلسفتك دى) هذا مثال ..بالطبع هذا لا يمثل كل الرجال لكنها ظاهرة يجب الوقوف عندها ... بجيك تانى |
اقتباس:
كلمني يا حلو العيون كلمني حاول حس بي كلمني والكاين يكون :D:D:D:D:D اها الفــورة كم في البوست دا يا حلوة العـينين؟looool اوع تقولي لي دا عنف لفظي:p:D:D:p لوووووووووووووووولز ســـــــــرورة بالجد الفورة كم في البوست دا؟:mad: |
انت بقيت من الاخوة الاعدقاء ;)
وابيت ما بلكلمك :mad::mad::mad: |
اقتباس:
المشاركة الأصلية كتبت بواسطة سارة http://sudanorg.tk/vb/images/styles/...s/viewpost.gif يا الجيلى اى تعامل مع المراة يجب ان يكون فى اطار انها خلقت فى احسن تقويم وانها مؤهلة مثل الرجل مع مراعاة تكوينها الفسيولجى والفيزيائى والنفسى..ان لم تراعى هذه الاشياء فى التعامل معها احيانا تكون النتبجة عنف خلينا نتفق;) المرأة تعمل فى وظيفة ضابط جيش مثلا عليها واجبات مثلها مثل زميلها فى نفس الرتبة ولديها حقوق الا لانها امراة قد تمر بظروف لا يمر بها الرجل وهنا تحتاج لمعاملة خاصة لو حرمت من هذا الحق يعتبر هذا الحرمان عنفا دا فقط على سبيل المثال مثال ثانى لما عباس الشريف الله يهديه يقول داير يجيب واحدة عضوة ويديها اسم بلومة ولاموزة ولاقمرية ما متذكرة المهم حتى وان كان قصده شريف هذه الاسماء للمراة فىى غير مواضعها تعتبر تقليل من شانها وحتى فى بوست زول الله كان اصابع الاتهام تشير الى المراة يا الجيلى المسالة كبيرة والموضوع اكبر من موزة وغزالة صدقنى بس يدى وجعتنى من لقط الحروف:( راجعت البوست عدة مرات حتي طش نظري للربط بين عنوان البوست ومضمونه ورغم عن ان الحاجة سارة تتدعي ان البوست بمنظور عام وليس ردت فعل لما كتبت انا اجد بعض المداخلات مباشرة او حيثيات ادانة متمثلة في بعض التعابير الصادره مني والتي اصبحت من ضمن ادوات الحوار لصاحب البوست وهي سببا دعاني للكتابة مرة اخري نسبة لان البوست محشو بطريقة المماطلة وهي التي توضح تارجح نفسية صاحبه وتوضيح الاتهامات والاهانات المغلفه كما ذكرت سابقا في المداخله بصورة العنف النفسي المركز. البوست يفتقد للمعالجة الفكرية عن العنف ضد المرأة. البلوم وما ادراك!!!!!!!!! البلوم في فرعو غنا طرانا يا الحبان أهلنا طرينا مشوار العصاري ورعشة الورد البراري... ابني عشك يا قماري قشه قشه علمينا كيف عن الحب دارنا يمشى رغم العواصف برضو واقف مافيهو رعشه..... ازكرينى يا حمامه كلما عاشق ترنم بى هواى وحب جمالك ازكرينى يا حمامه...... هـجرة عـصافير الـخريف فـى مـوسم الـشوق الحلو هـيج رحـيلا مـع الـغروب احـساس غـلبنى اتـحملو وكتمت اشواق الحنـيـن داير الدموع يتـقـلـو ورجعـت خليت الـدموع يـنسابو ..مـنى ويـنزلو ليـه يا عصافيـرالخريف خضرة مـشاعـرى اشيلا صيف البلومة .... القماري... الحمامه .... العصفوره _ اسماء يتناولها البعض تداولا كألقاب ان لم تكن للحبيبه فهي لكل امرأة رقيقه جميله لا تنقصها شيء من حقها او انوثتها ما سمعنا يوم واحد قال لي حبيبتو يا طيره مع انه توجد مفردات في الغناء السوداني تتناول هذا المعني (( غني يا طيور غني )) الكاشف (( انا يا طير بشوفك محل ما طير بشوفك)) ممكن زي ده تقول ليهوا تقليل من شأن الحبيبه .... خلينا من حكاية المراة العامة دي .... يعني لو قلته سودانيات مافي طيره بترك فيهو عشان بتاع ناس كبار ممكن تقول دي استحقار وليس عنف لفظي ضد المرأة... دي كلمة كبيره .... هنالك القاب اخري للبنت وهي المرأة بالشارع السوداني (( حسس ... ناموسه)) واعتقد ان اسم ناموسه جاي من التعامل العاطفي المؤقت اذ الناموسه بطير وبتموت بي سرعه وذلك لطبيعة العلاقات الهشه ممكن تقول عليها تقليل من احترام وليس عنف لفظي . اما حكاية الموز نخلي التفسير للحاجة ساره فهي ادري بمعني واستعمالات الموز وتركيب الكلمة هنا يعتبر اساءه ضمنية للمراة كما ان طريقة الحوار الزائفه وحشو الكلمات هي عنف لفظي سعت اليه المتحاوره في حقها والاحترام هو شيئا معنوي وشعور إنساني رائع ونبيل ، يسمى بالإنسان ويعلي من مكانته وقدره، |
عباس
انا بكتب هنا باسم سارة واسمى الحقيقى امينة اراك الحقت لفظ الحاجة لاسمى وكررته اكثر من مرة ماذا تقصد بهذه الصفة عشان انا زى ما سيادتكم أشرت متأزمة من مشاكل وازمات مرت بى عشان كدا فهمت كلامك خطأ وحتى لاافهم كلامك خطأ ارجو منك توضيحا ماذا تقصد بهذا اللفظ حاجة سارة؟؟ قصصك دائما وبوستاتك تتحدث عن العرقى والسكر لوقلت ليك عباس بتاع العرقى ولا عباس بتاع سوق غبيرة ولاعباس البجيب الغزلان لاصحابه بيكون موقفك شنو؟؟؟ولا حتى جملتك الرهيبة الكل الناس فهمتها صاح الا سارة فهمتها غلط جملتك بتاعة الدق والركوب لو لصقتها ليك مع اسمك بيكون رايك شنو؟؟ اما البوست بتاعى مافيهو فكرة ولا ما عندو موضوع ووصل كم مداخلة وما بان ليهو معنى احترم راىك بس انا البوست عاجبنى وراى انه احسن من عشرات البوستات الفارغة انت ما عاجبك ماتشتغل بيهو مش فى ديمقراطية بتسمح للناس يكتبو الدايرنو انا بستعمل حقى فى قول راى وانت قول الداير تقولوا من غير ما تلصق لى اسم فوق اسمى قلت لى عنوان البوست ماليهو علاقة بموضوع البوست؟؟؟looool |
سارة ازيك
مالك مطنشة كلامى واسئلتى ؟ ؟ ؟ انا دائر الحوار دا يدور اديه دفرة بالله وحاولى ردى على ممكن ؟ ؟ ؟ مودتى |
اقتباس:
قلت لى عنوان البوست ماليهو علاقة بموضوع البوست؟؟؟ لحدى الان لا والله الجيلى قال اقرى بعد كدة نحنا عاونك تشوتى وراجيك مودتى |
اقتباس:
المشاركة الأصلية كتبت بواسطة سارة http://sudanorg.tk/vb/images/styles/...s/viewpost.gif عباس انا بكتب هنا باسم سارة واسمى الحقيقى امينة اراك الحقت لفظ الحاجة لاسمى وكررته اكثر من مرة ماذا تقصد بهذه الصفة عشان انا زى ما سيادتكم أشرت متأزمة من مشاكل وازمات مرت بى عشان كدا فهمت كلامك خطأ وحتى لاافهم كلامك خطأ ارجو منك توضيحا ماذا تقصد بهذا اللفظ حاجة سارة؟؟ قصصك دائما وبوستاتك تتحدث عن العرقى والسكر لوقلت ليك عباس بتاع العرقى ولا عباس بتاع سوق غبيرة ولاعباس البجيب الغزلان لاصحابه بيكون موقفك شنو؟؟؟ولا حتى جملتك الرهيبة الكل الناس فهمتها صاح الا سارة فهمتها غلط جملتك بتاعة الدق والركوب لو لصقتها ليك مع اسمك بيكون رايك شنو؟؟ اما البوست بتاعى مافيهو فكرة ولا ما عندو موضوع ووصل كم مداخلة وما بان ليهو معنى احترم راىك بس انا البوست عاجبنى وراى انه احسن من عشرات البوستات الفارغة انت ما عاجبك ماتشتغل بيهو مش فى ديمقراطية بتسمح للناس يكتبو الدايرنو انا بستعمل حقى فى قول راى وانت قول الداير تقولوا من غير ما تلصق لى اسم فوق اسمى قلت لى عنوان البوست ماليهو علاقة بموضوع البوست؟؟؟looool طيب يا حاجة امينة كده كويس معاك يا زولة ما عندك اي مشكله انا انسان متصالح مع نفسي اي اسم ما فارق معاي عباس غبيرا كويس عباس عرقي ما حلوة خليها عباس طشة تعرفي انا وقت كنت بشرب عليك امان الله ما داسيهوا من اي زول توقيت كاساتي مع اشارات المرور الما بتجاوزا وتبقي حمرا بوقف العربية وبفتح القزازة ووين في السعوديه هنا شفتي !!!!!!!!! حكاية جيب الغزلان انا ما قلت ليك حاجة وقديمه يا بت الناس المرحله دي انا ما وصلتها قالوا دي بعد التوبة في سن الحجاج.... والاسم اتغير لي طرمة خليك مع الزمن يا حاجة الدق والركوب دي شايفا عاجبك بس يا خاله ما قدر ده السترة واجبه..... اما عن بوستاتك عوسي عواستك يا حاجة انتي عندك مشكله نفسية مع الرجل عامة وليس عباس او خلافه وتدعي الدفاع عن قضايا المرأة الوهميه بعبارات واهية وافساد جو المنتدي بافتعال القضايا الميته نحترم المرأة ونقدرها ونجلها ان كانت بنت او حاجة او ان كانت غزالة او شغالة بتجيب الغزلان هذه في اعتقادنا تصرفات شخصية نلتقي هنا لنرتقي بالدردشة دون حواجز وانتمائنا لهذا المكان لمساحة الحرية التي به اختاري ما تختاري من الالقاب ليس تنقص منا شيء او تزيدنا شيء لا هنالك ما نخبيه عباس الشريف هو نفس الاسم علي الواقع والمنتدي. يا بت الناس شوفي ليك زول تاني اندرعي فيهو كرهنا السياسة واليوم الجابنا ليها كان سياسة الكيزان او سياسة الرجال ضد النسوان لكم دينكم ولنا ديننا خلينا في ونستنا بتاعت العرقي والبلوم ما ناكرنها ولا بنستعار منها انتي شوفي جبهة نضالية واهيه ومؤتمرات لتحديد النسل او مكافحة البغاء والمخدرات في اوساط الشابات احسن ليك من درب رجال رجال نسوان نسوان وفي النهاية احنا ما قاعدين نتصعلق عليك ولا علي اي اخت في المنتدي عارفين حدودنا واخوان بنات ما مطلوقين في السهله ......ونصيحه ليك ترسباتك الداخليه ما تنعكس علي حياتك العامة يا حاجة |
اقتباس:
|
اقتباس:
المشاركة الأصلية كتبت بواسطة همس الشوق http://sudanorg.tk/vb/images/styles/...s/viewpost.gif يعني نخلص لي كلامك دا أنه المراة طيره :D:D ايواااااااااااااااا يا همس الله اديك العافيه المرأة الحاجة اما البلوم معرف لا داعي للتكرار :D:D:D |
عباس يا فخيم .. تحياتي
ياخوي مالو سمّك فاير في البوست دا .. ما عهدناك هكذا ! بعضاً من حديثك هنا يفتقر لأخلاقيات الحوار بالمرة وهذه مسألة لا نقبلها لكَ، ومنكَ، فهي تهزم عندنا شخصية عباس الشريف/الظريف، الذي نُحب، ونستمتع بالقرأة له .. إن كان لنا عندك نصيب من خاطر فأرجو أن تعتذر عما بدر منكَ في حق "شخص" الأخت سارة |
اقتباس:
المشاركة الأصلية كتبت بواسطة مبر محمود http://sudanorg.tk/vb/images/styles/...s/viewpost.gif عباس يا فخيم .. تحياتي ياخوي مالو سمّك فاير في البوست دا .. ما عهدناك هكذا ! بعضاً من حديثك هنا يفتقر لأخلاقيات الحوار بالمرة وهذه مسألة لا نقبلها لكَ، ومنكَ، فهي تهزم عندنا شخصية عباس الشريف/الظريف، الذي نُحب، ونستمتع بالقرأة له .. إن كان لنا عندك نصيب من خاطر فأرجو أن تعتذر عما بدر منكَ في حق "شخص" الأخت سارة حبيبنا مبر سلامات: لقد تحاشيت من الاول ان لا اتداخل في البوست حسب الحريات الموجوده بالمنتدي والكل يدلوا بدلوهوا في اطار عام دون تشخيص الحوار بامثله مهينه انا حر في تعاملاتي مع بعض الاخوات هنا ان كانت بصورة مرحه او طريقة ونسة لا تخلوا من المشاغلات البريئة كما لي ايضا كامل الحرية في التعليقات الخاصه مع الاصدقاء عن محور حياتي وليس لي سقف محدد في النقاش حتي اكون خجلا في تصرفاتي او طريقة حياتي مرتي تدقني تسويني دلوكه تركبني حمار او ركوب بالطريقه الاخري هذا ليس محور عمل نضالي مكتسب للاخرين ما لم يكن هنالك شيء في الانفس ..... علي ماذا اعتزر يا استاذ مبر هل متابع للبوست من اول ومن هو الذي يعتزر وهل مداخلتك تعني ان اخرج من الموضوع احتراما للجميع واحتواء الحوار وهذه تعتبر مقبوله نوعا ما ام المداخله لنصرة مناضله تسعي من خلال دردشة بريئة ان تصاد كلمات لتصبح المناضله الاسفيريه رقم ((2)) . شوف يا الحبيب كان صعلقة وصلنا حدها في الشارع والسياسة معا ولا نسعي لرصيد فيها لذا طرقنا باب المرح والفرفشه وليس لدينا مانع ان نعود مرة اخري من اخر نقطه كنا بها سابقا ان دعي الامر اهانات او تلميحات لاهانات في شكل عام او خاص . ليس لدي مانع اكراما لكم ان اقف في هذا الحد .... اما اعتزار ما شايف في حاجة تستوجب الاعتزار مني ........ ولكم مني خالص التقدير والاحترام |
اقتباس:
المشاركة الأصلية كتبت بواسطة عباس الشريف http://sudanorg.tk/vb/images/styles/...s/viewpost.gif طيب يا حاجة امينة كده كويس معاك يا زولة ما عندك اي مشكله انا انسان متصالح مع نفسي اي اسم ما فارق معاي عباس غبيرا كويس عباس عرقي ما حلوة خليها عباس طشة تعرفي انا وقت كنت بشرب عليك امان الله ما داسيهوا من اي زول توقيت كاساتي مع اشارات المرور الما بتجاوزا وتبقي حمرا بوقف العربية وبفتح القزازة ووين في السعوديه هنا شفتي !!!!!!!!! حكاية جيب الغزلان انا ما قلت ليك حاجة وقديمه يا بت الناس المرحله دي انا ما وصلتها قالوا دي بعد التوبة في سن الحجاج.... والاسم اتغير لي طرمة خليك مع الزمن يا حاجة الدق والركوب دي شايفا عاجبك بس يا خاله ما قدر ده السترة واجبه..... اما عن بوستاتك عوسي عواستك يا حاجة انتي عندك مشكله نفسية مع الرجل عامة وليس عباس او خلافه وتدعي الدفاع عن قضايا المرأة الوهميه بعبارات واهية وافساد جو المنتدي بافتعال القضايا الميته نحترم المرأة ونقدرها ونجلها ان كانت بنت او حاجة او ان كانت غزالة او شغالة بتجيب الغزلان هذه في اعتقادنا تصرفات شخصية نلتقي هنا لنرتقي بالدردشة دون حواجز وانتمائنا لهذا المكان لمساحة الحرية التي به اختاري ما تختاري من الالقاب ليس تنقص منا شيء او تزيدنا شيء لا هنالك ما نخبيه عباس الشريف هو نفس الاسم علي الواقع والمنتدي. يا بت الناس شوفي ليك زول تاني اندرعي فيهو كرهنا السياسة واليوم الجابنا ليها كان سياسة الكيزان او سياسة الرجال ضد النسوان لكم دينكم ولنا ديننا خلينا في ونستنا بتاعت العرقي والبلوم ما ناكرنها ولا بنستعار منها انتي شوفي جبهة نضالية واهيه ومؤتمرات لتحديد النسل او مكافحة البغاء والمخدرات في اوساط الشابات احسن ليك من درب رجال رجال نسوان نسوان وفي النهاية احنا ما قاعدين نتصعلق عليك ولا علي اي اخت في المنتدي عارفين حدودنا واخوان بنات ما مطلوقين في السهله ......ونصيحه ليك ترسباتك الداخليه ما تنعكس علي حياتك العامة يا حاجة بسم الله الرحمن الرحيم الأخ عباس الشريف .. تحياتى أجدنى أتفق تماماً مع ما ذهب إليه الأخ مبر محمود .. فالمداخلة فى مجملها ( مُرةَ ) المذاق و( عصية ) على الهضم .. وممعنة فى التحدى الغير مبرر ... أخ عباس .. هذه المداخلة لا تقدمك أبداً كمحاور ينتقى كلماته ويفسح بين دواخله مساحةً للآخرين . واظنك تتفق معى بأنها تنقل الحوار الى نهايات حزينة . من الحكمة أن يترك الإنسان فسحة للتصافى وألا يجر خلافاته الى منتهاها .. فالعود أحمد , وبين عشيةٍ وضحاها يخلق الله ما لا تعلمون .. هذه المداخلة قاسية .. ولا تشبهك ظنى أنك لم تراجعها حينما دفعت بها كئيبة الى الفضاء .. يكفيها بؤساً أنها سوف تحزن آخرين .. أنا والله أولهم .. قمة الرقى ألا تجرح أحداً ما .. بغض النظر عما نالك منه .. |
اقتباس:
اقتباس:
عشان الواحد يسكو و بعد داك يكون موقف، القصة دي صعبة عشان كدا أنا عاينت للمداخلة الأخيرة بتاعتك و لقينا فيها كلام ما بشبه هوا دباغة، و أقول ليك كما قال مبر: اقتباس:
إستعدل مع سارا سابقا و أمينة حاليا مجرى الحوار و هي حسب علمي بها من الناس الساعين للحوار المعافى الدباغي بعد باع ريسين النيفة دخل القهوة و إيدينو مليانات دهن طلب شاي، قامت الكباية إنزلقت منو و إنكسرت سيد القهوة قال ليهو يا زول انت ما عندك رأس؟ الدباغي: بعتو هسع... دحين يا زول انت ما عندك راس الراجل قال ليك : إن كان لنا عندك نصيب من خاطر ! |
عباس ياخ ما تجوط ساي
نحن ليس في معركة حتي تكون مداخلتي لنصرة طرف علي حساب طرف توجيه مداخلتي لكَ كان من باب ثقتي في سِعتك، ونقاء سريرتك فما تندمني عليها ياخ عندما تعرضت أنت لهجوم شخصي، قلنا لمن هاجموك : أرفعوا أيديكم عن عباس وها نحن نقول لكَ أرفع يدك عن "شخصية" الأعضاء، وذلك بعد أن رأيناك قد جنحت قليلاً أما سؤالك هل تابعت البوست نعم فقد تابعت هذا البوست من أوله، وهو بوست منضبط جداً ولكن للأمانه هنالك شيئان أحزناني فيه الشئ الأول : إعراض سارة عن الرد علي أسئلة "طارق" الغير شخصية، والتي لم تخرج من سياق البوست، فهذا السلوك منها في رائي لا يخدم الحوار والشئ الثاني : "نعوتك" التي إستخدمتها في حق سارة، وتعمدك الإستمرار فيها حتى بعد مخاطبتها لكَ بأنها ترفضها |
اقتباس:
المشاركة الأصلية كتبت بواسطة عباس الشريف http://sudanorg.tk/vb/images/styles/...s/viewpost.gif ليس لدي مانع اكراما لكم ان اقف في هذا الحد .... ولكم مني خالص التقدير والاحترام ولكَ مثله آلاف يا ود الشريف شكراً لأنك أكرمتنا جميعاً ولأنك أكرمت نفسك بالإبتعاد عن الكي بورد وأنتَ في إنفعالاتك العاملة زي وشك الشين ده ... والله هسي دي بكلم ليك عمك د. بابكر مًخير .. ولا أقول ليك ... برسل ليك ديك العِدَة ود الشريف يا وزول عوافي وأبقي طيب |
الاعزاء مبر - النور- بابكر - ناصر
اعلن انسحابي من البوست نهائيا ودي قفله --- ولكم العتبي حتي ترضوا ...... مع خالص الود والتقدير |
اقتباس:
المشاركة الأصلية كتبت بواسطة عباس الشريف http://sudanorg.tk/vb/images/styles/...s/viewpost.gif الاعزاء مبر - النور- بابكر - ناصر اعلن انسحابي من البوست نهائيا ودي قفله --- ولكم العتبي حتي ترضوا ...... مع خالص الود والتقدير غايتو بعد مرات .... بتكون ود فااااااااااااالح وبتسمع الكلام حلاااااااااااااتك يا عباس الشريف وإنتَ زعلان looool looool looool looool بجِدِيَه شوية : شكراً لبعدك عن البوست في هذه اللحظات فقط ... بل ... أدعوك للرجوعِ مرةً أخري بالنفس البارد شكراً ليك يا عباس بالجد |
الله قادر
ساعود لكم فردا |
لوندرك فقط .. أنَ كل الأشياء يمكنها أن تصبح سلاحاً متي ماإستخدمناها بصورةٍ من الصُور.. وكل الكلمات يمكن أن تصبح جارحة.. فقط لو إستعملناها بصورة ما.. والكلماتُ حينما نرميها لتجرح الآخرين تكون كالزجاج المتكسر.. أي محاولة لتجميعه مرة أخري تعني مزيداً من الجراح. كنت مستمتعا بهذا البوست..ولكن يبدو اننا لا ندري كيف نقود الأشياء الممتعة علي إستواء الطريق..وتلك مأساة. |
اقتباس:
المشاركة الأصلية كتبت بواسطة سارة http://sudanorg.tk/vb/images/styles/...s/viewpost.gif اقتباس:
الله قادر يوم وقفوك رزينة حافظة لاسم ابوك:cool: براحة ياستهم |
اقتباس:
ولا زلت فى انتظار مدخلات منك |
اقتباس:
ياصديقى مرات كثيرة نفتقد التحكم فى ردود افعالنا ما بالك بالاخرين ! ! ! مازال الامر يستحق ان يناقش بدون اتفعالات مودتى تخريمة : اسعدتنى حد الثمالة باتصالك الله يديك العافية |
اقتباس:
لو فاكر يا عباس أنه كلماتك دى بتخوفنى وبحنى راسى ولا بتضارى تبقى غلطان ...اولا انا لما كتبت مفرداتك الرخيصة على سبيل المثال عشان انت فعلا مثالا جيد لنوعية العنف والسخف البيحصل فى المنتديات ... هناك اكثر من شخص استنكر كتابتك والفاظك البجحة لكن قلت فى نفسك انا ارد على سارة والصقت لفظ الحاجة للتهكم والسخرية .. سكرك وعربدتك وقصصك وماضيك انا شخصيا ما بتشرفنى لكن تكتب اى كلام بمقايسى انا الحاجة سارة او امينة بعتبره قلة حياة وعدم احترام بقول راى...ولو مفتكر اللالفاظ التى استخدمتها ضدى والشتائم الظاهرة والمبطنة انها بتثنينى عن قول راى تبقى غلطان...العنف ومحاولات اقصائى لن تفلح فيها ...فىى الاول انا كنت بتكلم كلام عام عن ظاهرة حسب راى موجودة لكن انا الان بتكلم وعندى اسوأ مثال للعنف الاسفيرى محاولاتك شتمى و تعمدك اهانتى لن تنقصنى ولن تزعجنى فقط خدمتنى وخدمت قضيتى التى لم تعجب االكثيرون ...ان هناك عنف فى الاسافيروهناك نوعيات تدعى الثقافة والحضارة والوعى وتظن ان بنات المنتديات لقمة رخيصة وانهن يصلحن فقط للونسة والدردشة وطق الحنك اما عبارتك هذه الدق والركوب دي شايفا عاجبك بس يا خاله ما قدر ده السترة واجبه..... اولا دا دليل على انك فاقد احترامك لنفسك ولذلك متوقع منك فهذا اسلوبك والغريب انك بتتكلم عن السترة وانها واجبة و قصصك ومغامراتك وافلامك وجيب العرقى هى الطابع المميز لبوستاتك عباس استأذنك ...أسمحى لى ان اهدى مداخلتك هذه للذين عارضوا طرحى ويرون ان الموضوع بلا موضوع على فكرة حاولت ارد هانتك لى باهانة فلم أجد ما يناسبك |
اقتباس:
|
اقتباس:
المشاركة الأصلية كتبت بواسطة سارة http://sudanorg.tk/vb/images/styles/...s/viewpost.gif لو فاكر يا عباس أنه كلماتك دى بتخوفنى وبحنى راسى ولا بتضارى تبقى غلطان ...اولا انا لما كتبت مفرداتك الرخيصة على سبيل المثال عشان انت فعلا مثالا جيد لنوعية العنف والسخف البيحصل فى المنتديات ... هناك اكثر من شخص استنكر كتابتك والفاظك البجحة لكن قلت فى نفسك انا ارد على سارة والصقت لفظ الحاجة للتهكم والسخرية .. سكرك وعربدتك وقصصك وماضيك انا شخصيا ما بتشرفنى لكن تكتب اى كلام بمقايسى انا الحاجة سارة او امينة بعتبره قلة حياة وعدم احترام بقول راى...ولو مفتكر اللالفاظ التى استخدمتها ضدى والشتائم الظاهرة والمبطنة انها بتثنينى عن قول راى تبقى غلطان...العنف ومحاولات اقصائى لن تفلح فيها ...فىى الاول انا كنت بتكلم كلام عام عن ظاهرة حسب راى موجودة لكن انا الان بتكلم وعندى اسوأ مثال للعنف الاسفيرى محاولاتك شتمى و تعمدك اهانتى لن تنقصنى ولن تزعجنى فقط خدمتنى وخدمت قضيتى التى لم تعجب االكثيرون ...ان هناك عنف فى الاسافيروهناك نوعيات تدعى الثقافة والحضارة والوعى وتظن ان بنات المنتديات لقمة رخيصة وانهن يصلحن فقط للونسة والدردشة وطق الحنك اما عبارتك هذه الدق والركوب دي شايفا عاجبك بس يا خاله ما قدر ده السترة واجبه..... اولا دا دليل على انك فاقد احترامك لنفسك ولذلك متوقع منك فهذا اسلوبك والغريب انك بتتكلم عن السترة وانها واجبة و قصصك ومغامراتك وافلامك وجيب العرقى هى الطابع المميز لبوستاتك عباس استأذنك ...أسمحى لى ان اهدى مداخلتك هذه للذين عارضوا طرحى ويرون ان الموضوع بلا موضوع على فكرة حاولت ارد هانتك لى باهانة فلم أجد ما يناسبك لا بخوفك لا بدور شكل مع الجنس الاخر .. ...اولا انا لما كتبت مفرداتك الرخيصة على سبيل المثال .... وده ياهوا الجاب الكلام في شخصنة الموضوع وختيتيني فار تجارب مع انو الكلام بتاعي كان بطريقة مفهومة ماخذ طابع الهزل لا يمسك انتي شخصيا ولا يمس المرأة عامة كلمة من هنا وكلمة من هنالك وصلنا الحد ده الماشه انتي لسع فيهو ... وتعرفي بعد الكلام الشين الكتبتوا ليك فوق بغض النظر عن كلامك زعلته من نفسي ليه عشان انتي مرأة وكانتقاد ذاتي من شخصي الزول ود الناس ما بشاكل النسوان مهما كانت الظروف لاعتبارات التربية القمنا فيها يا زولة اعملي الدايراهوا بي راحتك وكان انا بحل ليك المشكله في الحوار ممكن امدك بمعلومات شخصيه كبيره حسب طلبك وانا اسف جدا لو سببت اي ازي نظري للقراء من المداخلات والعبارات وعشان اوريك مافي عنف ضد المرأة الحصل بيناتنا ده حاجة شخصية ليس لها علاقة بتعامل المرأة مع الاسافير ومني العزر وعاطر التحايا ونقيف في الحد ده |
اقتباس:
هسع القال شكل منو..؟؟ ياخي الموضوع فكرة..نقاش ومقارعة رأي بآخر.. الله لا جاب الشكل ياخي.. ياخي كان اختلفت معاك في طرحك مامعناها انا شاكلتك.. كلو كوم براهو.. عباس والله مداخلتك المع همس الشوق ديك صادمة للحد البعيد.. قدر ماحاولت ابررها ماقدرت.. انا كنت شايف انو من حقك تدخل وترد لما سارة اشارت للبوست حقك وحتي مداخلتك الاولي رغم مافيها من تلميحات كان عادية بس جيت في الاخير وفقدت لياقة الحوار بفعل الانفعال. غايتو يازول دايما نحن بنستفيد من خطواتنا البتمرق برا الدرب.. |
الاسافير وحرب المصطلحات وظاهرة العنف اللفظى خاصة اذا كان احد اطراف الحوار امرأة ليست جديدة..هناك مقولة تقول... البلاغة هى ان تنال
من خصمك دون ان تخدش وجه الادب..ولكن فى زماننا هذا البلاغة والفصاحة هو ان تتلاعب بالالفاظ وتخدش وتجرح وتسىء وجه الادب خاصة لوكان الخصم امرأة ...قلت فى معرض مقالى المهبب :Dانه لغة الحوار فى لمح البصر تتحول من الموضوع المطروح لإساءت شخصية وعنف لفظى غير مبرر انا ياعباس لا أعرفك وليس بينى وبينك اى شىء من قريب ولا من بعيد يعنى سبب واحد يخلى الحصل يكون لاسباب شخصية مافى انا تداخلت مثلى مثل غيرى وقبل ان اقول راى فى طرحك وجدت من سبقونى... يعنى لم اكن الاولى ولا كنت الاخيرة...انا انتفدت اسلوبك ومفرداتك دون ان اشخص او اسىء الادب ...لكن انت ماشاء الله عليك ود ناس واهلك ربوك ما بتشاكل النسوان مهما كانت الظروف لاعتبارات التربية القمت فيها وكدا..الاعتبارات القمت فيها دىlooool..مافيها ليس منا من لم يرحم:confused::confused: صغيرنا ويوقر كبيرنا؟؟ خاصة وانت بنفسك أشرت الى اننى حاجة وجملتها بالخالة؟؟؟ هذا دستور اعتبره اخلاقى من الدرجة الاولى هدية لزوار البوست إنني لا أكذ ب ولا اعتدي على ملكية غيري ولا ارتكب الخطيئة وقلبي ينفطر لمعاناة الفقراء إنني لا اقتل شخصا دون جرم يستحق القتل ولا أقبل رشوة لأداء عمل غير شرعي ولا أدفع بخادم استجارني إلى صاحبه ولا أعاشر امرأة متزوجة ولا انطق بحكم دون سند ولا انصب الشراك للطيور المقدسة أو اقتل حيوانا" مقدسا" إنني لا اعتدي على ممتلكات المعبد -الدولة أقدم العطايا للمعبد إنني أقدم الخبز للجياع والماء للعطشى والملبس للعري افعل هذا في الحياة الدنيا وأسير في طريق الخالق مبتعدا عن كل ما يغضب المعبود لكي ارسم الطريق للأحفاد الذين يأتون بعدي في هذه الدنيا والى الذين يخلفونهم والى الأبد خاليوت بن بعانخي - معبد البركل |
الاعزاء مبر..النور...بابكر عباس..ناصر..جيجى..الرشيد
شكرا لتشريفكم البوست المهبب داlooool وناسف ان نغم لسانكم الطاهربما حصل امسحوها لى فى وشى الشين دا طارق سلام اولا لو رجعت لاول كتابة لى فى هذا البوست المؤلم :confused:..واول مداخلة ليك وهى الموسيقى السخيفة والتى قلت انها لم تعجبنى..وانت مصرعليها رغم انك متأكد انها لا تخدم الطرح ولكنها فد تحرفه عن مساره وقد فعلت مداخلتك الثانية كانت عبارة عن اسئلة وتحقيقات اختلقتها بنفسك لم يكن لها اى وجود على الاقل فى الجزئية الانا كتبتها.. اولا انا لست تلميذة فى صف ومطلوب منى الاجابة على اسئلتك ولست ملزمة بايضحات طالما حديثى لم يكن فيه تزوير للتاريخ او طمس لحقائق علمية...انا طرحت وجهة نظر شخصية بحتة يعنى بتكلم عن رأى الخاص لم يعجبك طرحى هات ما عندك والقارىء حكم بينا لكنى لست ملزمة لاقناعك وليست بالضرورة اقتناعك...ما أوردته فى معرض ردودى هو ما اعتبره عنفا اسفيريا لحدوثه فى مجتمع الاسافير انا رديت عليك عشان انا امس اصلا كتبت ليك رد ولعطل فى الصفحة راح وما قدرت اكتب تانى مش عشان مبر عاتب علي |
فــــــــــــــــــــــــــــــوق لحين عودة
|
اقتباس:
عندما اصنفك او ( يصنفك ) اخرون بانك بوليس اخلاق فوالله كنا وكانو رءوفين بك ( العنف الاسفيرى) كمصطلح انت رائداته والله انت اول ممارسيه ولكى تتاكدىمن صدق وصفى عودى الى بداية هذا البوست وكونى ( امينة ) فى قراته سوف تجدى نفسك فى قائمة قادة ( العنف الاسفيرى ) توصيفى لك بانك ( زولة مكابرة ) تجديه فى مداخلات الاخرين هنا احسبى عدد المداخلات حتى الان كم عددها ؟؟ولن تجدى مناصرا واحدا لك فى فكرتك التى لم تستطيعى حتى الان ان تجدى لها سندا وعضدا فكرة خارجة من رد فعل قول انسان تكلم بعفوية ولم ينتهك بها خصوصية علاقة سامية ولم يجتاح بها ثقافة بيوت ربينا على صون اسراراها ولكن ............ صدتى فى كلماته ولغته لكى تنتجى حكم اعرج لا ساق له ولو اردتى لجلبت وجلب الاخرون لك الف تفسير وعذر ومعنى عودى لذاتك لتجدى لى الاعذار ولك فقط ( نحن وجدناها ) لن نكون ادميين بحق الا ان نكون حريصين على انسانيتنا صوبينى وقبلها. صوبى تجاه ذاتك وستجدينى لك من المنصتين ان كان حرصك على انسانيتى غير ذلك لى ولك الجحيم والله لو جلبت لك ما سطرتيه من نافلة هذا البوست لشاب شعرك وشاب قرائه انا هنا من زمن ليس بقصير وراصد لكل سطر سطرتيه انا هنا فى هذا البوست حاضرا على مستوى الذهن وبشكل مزعج لى لاتحدثينى بلغة انا عالم بها وبى واقع انه جزء منه اكملى فكرتك ( وطوطحينى) فى الهواء ولن تجدى فى انفعال عباس ملجاء لن يقيك سواء اختيارك ولكن ............. اتفق مع زاتى وللطيش قراء هذا البوست الذى يحمل عنوانا حتى الان لم تلامسيه ولن تستطيعى ان تصلى الى اى مقاربة فيه ( لشطح ) الم بك و بين متن وعنوان دمت بخير ودام بنا حراكا وبى صبرا اتمنى ان لا يرهقك |
اقتباس:
فوق لحين فكرة |
اقتباس:
شكرا للمداخلة القيمة ..القاسم المشترك فى الاجابة على اسئلتك هو واقع حال..المرأة اليوم . ليست لها ميزة تفضيلية او دونية..فقد قال الرسول عليه الصلاة والسلام النساء شقائق الرجال..التربية والتنشئة لها اثر بالغ فى اوضاع المرأة تراجعت قليلا فى بعض المجتمعات والسودان خير مثال يعنى اوضاع المرأة فيها احسن بكثير من الكويت والسعودية على سبيل المثال اذا اسثنينا اماكن الحروب كدارفور وجنوب السودان. .المرأة فى زمن الرسول الكريم عليه الصلاة والسلام كانت اما ..وزوجة..ومجاهدة وتفتى فى الدين وتدخل فى السياسة عندما سئل الرسول الكريم من أحب الناس الى قلبه قال عائشة... لم يقل حرمتى ولم يقل اهلى نطق باسمها امام النلس ..وعندما جاءه الوحى عليه الصلاة السلام وشعر بالخوف لم يذهب الى عمه ولا حتى صديقه..ذهب وارتمى فى حضن زوجته خديجة. يا وهاد واقع المراة اليوم..للمرأة دور كبير فيه..لكن ومع ذلك تغول بعض الرجال وعنفهم مازال مستمرا يمكن المرأة فى السودان احسن حالا لو قورنت بالمرأة فى فلسطين او فى المغرب سمعت انه فى المغرب من يقول حرمتى حاشاك ..العنف ضد المرأة كان ولا زال يأخذ كل يوم شكلا جديدا اتفق مع الرشيد انه المرأة يجب ان تحس بانسانيتها وانها خلقت انسانة كاملة الاهلية ولكنها ليست انسانة لخدمة الرجل . لذلك تقام الندوات والورش للتبصير والتنوير..فالتربية والتنشئة مازال لها اثر كبير فى تكوين المرأة.. يعنى المسألة تحتاج تضافر للجهود ووضع اليد على موطن الخلل. |
احصائيات عن العنف ضد النساء في الغرب سمعنا الكثير مما يروجونه عن ظلم المرأة المسلمة واضطهادها وأعتقد ان خير رد على ذلك هو عرض الاحصائيات الخاصة بالعنف ضد المرأة الغربية وجميعها احصائيات موثقة من مصادرهم الشرطة الفيدرالية الأمريكية 79% من الرجال في أمريكا يضربون زوجاتهم ضرب يؤدي إلى عاهة 17% منهن تستدعي حالاتهن الدخول للعناية المركزة.... والذي كتب ذلك هو الدكتور(جون بيريه) استاذ مساعد في مادة علم النفس في جامعة(كارولينا). حسب تقرير الوكالة المركزية الأمريكية للفحص والتحقيق FPT هناك زوجة يضربها زوجها كل 18 ثانية في أمريكا. كتبت صحيفة أمريكية أن امرأة من كل 10 نساء يضربها زوجها، فعقبت عليها صحيفة Family Relation ان امرأة من كل امرأتين يضربها زوجها وتتعرض للظلم والعدوان. أما في فرنسا فهناك مليونين امرأة معرضة للضرب سنوياً.... أمينة سر الدولة لحقوق المرأة(ميشيل اندريه) قالت ( حتى الحيوانات تعامل أحياناً أفضل من النساء،فلو ان رجلاً ضرب كلب في الشارع سيتقدم شخص ما يشكو لجمعية الرفق بالحيوان، لكن لو ضرب رجل زوجته في الشارع فلن يتحرك أحد في فرنسا) 92% من عمليات الضرب تقع في المدن 60% من الشكاوى الليلية التي تتلاقاها شرطة النجدة في باريس هي استغاثة من نساء يسيء أزواجهن معاملتهن. في امستردام اشترك في ندوة 200 عضو يمثلون احدى عشر دولة،كان موضوع الندوة اساءة معاملة المرأة في العالم أجمع واتفق المؤتمرون ان المرأة مضطهدة في جميع المجتمعات الدولية وبعض الرجال يحرقون زوجاتهن بالسجائر ويكبلونهن بالسلاسل. في بريطانيا يفيد تقرير ان 77% من الأزواج يضربون زوجاتهن دون ان يكون هناك سبب لذلك. وعندما نعلم ان كل هذا يحدث في بلادهم ويتركونها لتركيز الأضواء على المرأة المسلمة والعربية ويقولون مظلومة وتتدخل لجانهم فلا بد ان نعي انها لن تتدخل لانقاذ المرأة المسلمة لكنها تريد تشويه صورتها ومن ثم الصاق التهم بالإسلام... .وعندما يخرجون بتقرير يقول(انتهاكات جسيمة لحقوق الإنسان تتعرض لها المرأة المسلمة) فنتسائل لماذا لا يتقبلون منا توجيه تقرير مماثل لهم على ما يرتكبونه في حق نسائهم؟!.... لا ينبغي ان نلتفت كثيراً لمحاولاتهم تشويه صورتنا لكن نحن لا بد ان نبحث فيما بيننا عن الأخطاء لمعالجتها وان وجد ظلم واقع على احدانا نرفعه بايدينا من بريدي __________________ |
اقتباس:
اقتباس:
النسبة دي العقل لا بقبلها |
اقتباس:
اهلا بابكر قد تكون النسبة مبالغ فيها..لكن العنف والاذية موجودة |
فوق
|
وتانى فوق با طارق
|
تلاتة أب,
بت عم سفن أب |
فوق فوق سفيرتنا فوق
|
| الساعة الآن 01:42 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.