سودانيات .. تواصل ومحبة

اقتباس:

المشاركة الأصلية كتبت بواسطة حافظ حسين (المشاركة 309231)

طبعاً يا أغبش ما بقر عقوبة الجلد و صدقني لو نزل رسول هسي اللحظة و دا ما حيحصل حيكون داير السجن بدل الجلد عارف ليه؟

لانو ببساطة سيدنا محمد (ص) في زمنه داك ما كان ممكن يكون في سجن عارف ليه يا أغبش؟
لانو حتي لو داير يعمل سجون البنية التحتية ما كان ممكن تسمح بالكلام دا

و أزيدك من الشعر أبيات
أنا ضد عقوبة الجلد
ضد عقوبة الرجم
ضد عقوبة القطع من خلاف

ياحافظ ياخي انت زول عميق في تفكيرك ما ممكن تقنعني بالمنطق ده ..
يعني زمن الرسول كانو ما قادرين يبنو غرفة ويقفلو فيها زول وما يمرق ؟؟بنية تحتية بتاعت شنو ؟؟
اقول ليك حاجة اخيرة في موضوع الجلد والسجن ده ..عليك الله حاول اقنع اي جهة تعمل استطلاع للمساجنين وتسألهم لو ممكن يبدلو عقوبتهم دي بالجلد وشوف ردهم شنو ..ده بالمنطق ..
أما بالدين وضرورة ايماننا به فإن انكار عقوبات اءت في القرآن وتم تطبيقها بواسطة النبي (ص) فهذا أمر يمس العقيدة ورسوخها ...