يا رب
أيامكم كلها افراح وليالي ملاح ملاح يعني حاجات حلوة تسر وتدخل البهجة للنفوس |
مبروك مبروك مبروك
ليتنا كنا حضورا بينكم لم أجد ما أقول غير أنني ملئت فرحا |
اقتباس:
بس أنا شايف الناس ديل عصرو علي أخونا وجدي الذي كان أسعد أسعد..:D ياخي الزول سكلب عدييل كدة ووقف ألف أحمر قال بس انا داير أعرس.. حالة تحنن.. التوقيع: بالنيابة عن الصابرين..وجدي..حافظ ..مُبر ومحمّد عبدالرحمن. |
فرح فرح القي الرايحة
وبكيت قدر مالله اداني مبرووووك شباب [youtube]http://www.youtube.com/watch?v=FrsM9WggCdo[/youtube] |
اقتباس:
غايتو رياح الأفراح الكاريبية والأطلسية دي لو ماجابت فيكم خبر .. تكونوا عصرتو على الفكرة زااااتا:D عقبالكم ياخي ... ومعاكم وجدي الأسعد2:) |
يا امال انا لى كم يوم ببكى
عقبال عيالك والصابرين ومن ينوب عنهم اليوم هو اعلان فرحة بدون طرحة:p وعقبال كل جميل وخليهم يا كانديك يعصروهم لما يفكوا اخرهم ناس ما تجى الا يعصروا عليهم |
الله يعم الفرح للجميع
حبيبتى سرورة
انشاء الله انتى لا تفوتى لا تموتى فرحتينى بالاخبار الحلوة دى والله فرحت ليهم من قلبى لما دموعى جرت وكمان نفسى دخلت فى العرس وهودا العسل فرحتى بيك تفوق التعبير ربنا يتم ليكم على خير الجيلى الراقى تستاهل وهاد العسل وربنا يسعدكم جانيت تمنيت اشوفك لما كنت فى السودان لكن بشوفك فى عرسك لما اجى مع السيرة من برا وربنا يسعدك ويهنيكى محمد مبروك عليك وربنا يتم ليك على خير ويسعدكم الف الف الف الف الف الف الف الف الف الف زغروتة عزيزة دياب |
اقتباس:
http://www.youtube.com/watch?v=1D_Bm...eature=related |
اقتباس:
والله يا آمال ما عرفت أكتب شنو ولا أقول شنو.. الموضوع ده ما مجرّد ناس اتخطبو لبعض..خلينا نشوف البعد الوجداني في المسألة.. حقو الناس تنظر لبعيد وترجع تشوف سودانيات دي مشت قدر شنو..؟؟ وقدرت تأسس شنو..؟؟ الرمزية في الموضوع انو سودانيات بقت ليست فقط مجرّد نافذة للكتابة والحوار والتواصل الانساني.. ياخي الموضوع أكبر من كدة..ضخم جدّا..وليه آمال تبكي فرحاً من اجل ناس ما شافتهم ولا بتعرفهم معرفة شخصيّة..وليه الرشيد اتبكّم من الفرحة..وليه وليه وليه..(يا النسيت أيّامنا ليه)..وليه سارة ليها ايّام بتبكي فرحاً..وليه حالة السعادة الحقيقية اللابسة المنتدي وناس المنتدي..ياخي الموضوع أجمل وأكبر من كدة.. الموضوع محتاج وقفة عشان نشوف إنو الشعارات قاعدة تتطبق رغم العوائق الكتيرة.. يا آمال الزول الفنان البرسم في لوحة..عشان يتأكد من تمازج الألوان وهارمونية المشاهد، لازمو أنو ياخد خطوة للوراء عشان يشوف من زاوية تانية..وهكذا البنّاء والمهندس..خطوة واحدة تكفي للتقييم.. ضروري نرجع لورا عشان نشوف انو النتائج البنشوفها قدّامنا دي ما جات عبث ساي.. ولا ضربة حظ أو مصادفة..الناس القبلكم أسسو.. وإنتو يا آمال ..إنتو كلكم ناس سودانيات وجنودها ومحاربيها القدامي حملتم هذا العبء وعبرتم من هنا وهناك حتي أثمرت مجهوداتكم جميعاً في ما نراه حاليّا.. ياخي التحيّة لكل المحاربين القدامي.. التحية لخالد الحاج حيث الحقيقة المطلقة.. التحيّة للأجيال التي حملت الفكرة وواصلت في سقياها.. وللأجيال اللاحقة التي واصلت في تعزيز الفكرة ومواصلة تعهد المبادي وفلسفة التواصل الانساني العظيمة هذي. لكل من عمل من أجل ان يكون التواصل خلاقاً مثمراً.. أنا بس داير الناس تنتبه للفكرة حال إنها عظيمة جدّا..ما ساهلة ياخي..والله ما ساهلة.. غايتو الفي بالي كتير بس ما عرفت أقولو صاح.. المهم: ياخي لسع هناك متكأ لنا في هذه الحياة. لسع ياخي. |
يا سلام عليك يا الرشيد ياخي . .
و يا سلام. كلام زي الدهب و يرجّب الواحد والله. على جنب: اقتباس:
:D:D:D |
اقتباس:
ريح..السلام عليك وعلى خالد يوم فارقنا ويوم يبعث حى..السلام لكل الجنود الذين يعملون فى صمت من اجل بقاء الفكرة ..سودانيات يا عكود اصبحت وطن يسكننا لا وطن نسكنه والتحايا عبرك لكل عضو عشق هذا المكان وعمل من اجل رفعته وخارج منطقة التغطية وخلف المنبر لو دخلت يا عكود وشفت قلبك تلقى فيهو زول بريدك اوعى تطلب منو ايجار لانـى لا دافع لانــــــــــــــــي طالع ومبروك عليهم وعلينا |
الف الف مبروك ياشباب
|
|
يا أخوانا عليكم الله نزلوا لينا:
دقت الدلوكة ..قلنا الدنيا ما زالت بخير .. أهو ناس تعرّس وتنبْسط! |
ألف ألف مبروك
عقبال الرشيد و شلته |
| الساعة الآن 10:18 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.