اقتباس:
المشاركة الأصلية كتبت بواسطة الجيلى أحمد http://www.sudanorg.tk/vb/images/buttons/viewpost.gif طيب ياحافظ مربط الفرس انو بيننا جميعآ اللائحة , نجيبا ونطبقا.. ونشوف لو محمد فرح أخطأ وفقآ لبنودها , اذآ يتعاقب, ولو أى زول تانى أخطاء برضو يتعاقب.. الناس لو عايزة تغير وطن ومفاهيم , عليها أن تبدأ من هنا والآن , مافى حاجة اسمها لم يتغير النظام بعدين نبقا نشوف موضوع الديمقراطية والحريات دا .. من هنا يبدأ العالم الجميل الجيلى مالك ياااخ تمش بعيد و تجى قريب الموضوع فى حته مختصرة العضو فى الميثاق و اللائحه دى من غير تعديل كتب عنوانه (بعض الساقطين) (يحاسب ولا شنو قولك انت ياجبلى) شوف هنا الوثائق قالت شنو (بعدين هو كل مرة نجيب الوثائق ...لمتين ده) الميثاق يتمتع العضو بسودانيات بكل هذه الحقوق ادناه مالم تتعارض مع اي لوائح أو نظم قانونية سواء بسودانيات او تلك التي يخضع لها المدعي بمكان تواجده 1- الحق في التعبير عن الرأي، وإبداء التعليق والنقد بالإسلوب المناسب في خطابٍ معافىً من لغة التجريح والإساءة والسب بما لايخرق اللوائح والنظم المعمول بها بسودانيات أو اي انظمة قانونية أخرى مكتوبة ومعمول بها 2- الحق في الحماية من أي إعتداء أو عنف لفظي أو التهديد بهما . و بالمقابل فى الواجبات جاء 6- الحق في الرد على أي موضوعٍ أو مقالٍ ذُكر فيه الشخص المعني هو أو اسرته او تنظيمه الحزبي او كيانه الاجتماعي او الاقتصادي او الديني او اي كيان آخر ينتمي اليه العضو. رابعا: الواجبات: 1- احترام آراء الآخرين (مهما كانت لاذعـة و/ أو ساخرة). 2- عدم نشر أخبار كاذبة أو خاطئة أو اتهامات لا أساس لها. 3- تصحيح الأخبار والمواضيع التي نشرها الشخص المعني بسرعة بمجرد العلم بعدم صحتها وخطلها، والاعتذار للأشخاص الذين مـسَّــهم نشرها مع قبول تطبيق أى جزاءات نصت عليها اللائحة . من بند المشرفيين 2.4.5-ب: تعديلالأخطاء النحوية والإملائية والعناوين . 2.4.5-ج: الحذف الفوري للألفاظالجارحة. من ضوابط الكتابة يعتبر مخالفة اذا قام العضو بأى من الأفعال التالية1-: 6-1 تعدّيه بجارح الألفاظ أو الإستخفاف بموضوع مدرج أو كاتبه سواءً أكان ذلك عن طريق النشر بالموقع أو بإستخدام وسيلة الرسائل الخاصة التابعة للموقع شريطة تقديم العضو المتضرر لشكوى |
اقتباس:
لأنو ببساطة 1/ جارح الألفاظ دا راقد حب أطرش من ناس الآن قاعدين وبينظرو في هذه السيدة اللائحة ومافي زول قال ليهم تلت التلاتة كم (الجيلي نموذج) 2/ طارق الحسن نزل بوست - افهم روح العنوان - لكن نص العنوان كان غير صحيح حتى لا استخدم كاذب في موضوع صفية ... الحل كان اتسحب زي الشعرة من العجين ... تفسيري حتى لايتعرض طارق لحرج أو حتى لا يتعرض المدافعين عنه لحرج لاحقا 3/ وأنا اعتقد انو سابقة عسوم كانت امتحان للائحة والممارسة الواقعية وسقطنا فيه برضو البقدر اقولو للخروج من هكذا حالة كسيحة ومزدوجة إنو نعلن الطوارئ في المنتدى لحين تطبيق الديمقراطية في السودان كلو (كدا بنقدر نفهم العسف الاجتماعي والتطبيقي لللائحة الحاصل دا ) |
اقتباس:
الأخوة/ات المتداخلون السلام عليكم ورحمة الله وبركاته ثار جدل كثيف حول اللوائح التي نظمت هذا المنبر وهي ظاهرة صحية أن يراجع الناس مسيرتهم كلما طفى على سطح الحراك ما يستدعي ذلك .. ولعل أنه من نافلة القول أن نذكر أن هذه اللائحة والميثاق من عمل الأعضاء وجهدهم وهي لم ولن تأتي مبرأة من كل عيب ولو حرصنا .. ذلك أنها من عمل البشر .. وهكذا يكون الطريق الى مناقشة ما يمكن أن يسد فجوةٍ هنا أو هناك منها بالحوار الذي يجري هنا وجرى في مفترعات أخرى لأعضاء في هذا المنبر ظللنا نتابعها باهتمام ولا زلنا .. !! حول اللائحة نعدكم بعرض بعض الملاحظات التي تحدث عنها الأعضاء هنا ثم نطرحها للنقاش ومن ثم اعتمادها وفقاً للصيغ التي نصت عليها المؤسسية في هذا المنبر ..!! أما حول الفقرة أعلاه من حديث الأخ اسامة معاوية .. فالذي تم ليس سحب البوست ( زي الشعرة من العجين ) اتقاءاً لحرج أو تمييزاً لكاتب البوست فذاك قدحٌ في أمانة وحيادية الادارة .. ان الذي تم هو أن تقدم الأخ بدرالدين اسحق بشكوى في البوست المعني .. وكل بوست تتقدم بشأنه شكوى يتم تحويله لمنبر الادارة لتفصل الأمانة العامة في الشكوى التي بين ايديها .. وقد فعلت .. وتم الفصل في الشكوى وتمت عقوبة طارق الحسن وأُبلغ بها .. !! ان هذا الأمر يُظهر في السطح أيضاً رؤية أخرى يمكن أن يتم نقاشها ومن ثم اعتمادها تتعلق بنشر العقوبة اذ في ذاك مصلحتين مهمتين وهما : أولاً : أن يعلم الأعضاء بنوع العقوبة بشكل علني فتتحقق الكثير من الغايات لا تخفى على الناس أهمها أن الخطأ في الغالب يتم علناً بينما العقوبة سرية وفي ذلك ظلم وحيف كبير على صاحب الحق ومبدأ العدالة . ثانياً : أن اعلان العقوبة يقفل باب الظن والشكوك وربما أسهم في الشفافية والرقابة على عمل الادارة .. !! انه ليس من الحكمة ولا من الأمانة أن نحابي هذا على حساب ذاك فكل الأعضاء سواسية ولن نهزم مشروع هذا المنبر بمجاملة أحد أيا كان هذا الشخص .. !! لكم تقديري ومودتي طارق صديق كانديك رئيس مجلس الادارة |
تلغرافات
اسامة , النمازج بليز, وبالاقتباسات الكاملة .. ماتختنى نموزجآ لأى حاجة كان كعبة أو كويسة بدون ماتقيم على الدليل , وأنا متحمل تبعات كل كلمة كتبتها هنا أو فى اى مكان آخر , أيآ كانت ومت ما كانت.. _____________ منال, الكلام الفى مداخلتك الآخيرة دا قلناهو قبل كدا وبنفس الكيفية دى.. ______________ اسامة حالة الطوارئ البتقول عليها دى معناها نقفل المنتدى ونديك مفاتيحو ونمشى نشوف هاييتى ولا جزر الهاواى وبعد الايفيكشن ربك يحلها _____________________ نوري السوق المحجوب ود أحمد جابر كتب الزين .. كل الاوراق .. راشد كيف النوباوية ____________ منال تانى بحب الغنا شديد والله , لو مافى اعتراض يعنى ________________ الرشيد ازيك يااخى _______________ لخرطوم .. الخرطوم بحري .. كشك الشعلة النوباوية أنا في السكة وست الدار راشد ود الزين ود حامد |
بالرغم من و قع كلمة عقوبة الماساوي على النفوس
الا ان اظهارها اكثر ماساوية اذ يبدو الشخص كأنه مجرم حقيقي ونحن لانضمن ااساليب المتداخلين وتاثير المواقف الشخصية الاجدى ان تناقش الادارة الشخص وتكفل له ابداء رايه عن طريق المراسلة واتمنى خالصة ان يرتفع سقف الحريات بحيث يتعدى القوانين الموضوعة وان تصبح هي فقط للخروج من عنق الزجاجة حين تستعصى الامور ودام هذا الموقع رمزا للرقي و التحضر وكافلا للحريات ودمتم |
جيجى
كنتا عايز أقول ليك (ثقف الحريات ) دا مصطلح جديد؟ :D:D كسبب منى للعكلتة والقاء التحية ..:D ازيك وكثير تحايا |
اقتباس:
مافى سبب بخلينى ادافع عن محمد فرح, أنا بدافع عن الشغل الاتعب فيهو دا, وعن البناء الديمقراطى الساهرت عليهو الناس, وعن اللائحة الريقنا نشف فيها, بدافع عن حقى وحقنا جميعآ فى الحرية .. ماعندى سبب واحد بخلينى ادافع عن محمد فرح او غيرو.. وبعدين محمد فرح وحزبه ديل صحيح ماأدواك الحرية , طيب ليش* تعاملهم ذا سيم ؟ وبعدين يابشارى , انت لوعاملتهم بنفس المستوى بتاع الحجر وانعدام الحريات والغمت وكل أشكال الاقصاء, فقل لى بربك ماهو الفرق بينك وبينهم ؟ بماذا نعد الناس اذآ ؟ يازول العواسة بتاعت الديكتاتورية دى طعما واحد , كان عاسوها ناس الجبهة , ولا عسناها نحنا.. ______________ مادام السلفى ختانى مع بابكر فى سرج واحد , ماتلومونى على اى كلمة.. الواحد حصل ليهو انتقريشن :D |
سلام يا شباب/ات
معليش ما أظن أقدر أرد هسي علي كل المتداخلين لانو الدنيا خميس و الخميس دا بالنهار عندي أسوأ من الأحد .... لكن علي وعد بعد الساعة 5 مساهر بيكم مساهر بيكم فتكم بعافية , الدنيا قبايل أكل عيش |
اقتباس:
وشكرن على العكلته الجميلة:o ثقف من يثقف .ثقافة ورفع ثقف الحريات اي جعلها مثقفة هههههههههههههههه يعني اصله مانغلط..... ولانكتبها حسب نطقنا:D اتذكرت المرحوم خالد الله يرحمه يوم كتبت ليه في رسالة صباح القل(بالقاف) في الرد كنب ل نفسي اعرف صباح القل دا كيف |
اقتباس:
هههه ههههه سلام يا جميلة |
اقتباس:
ياعزيزي انا والله لا أقدح في الإدارة ولا في شخصك ... لكن ماتم من فعل يجعلني أقول ما قلته ... بوست يتفتح ... الناس تنق فيه ... شويتين يطير ... ولا زول يقول لينا الله يآجركم ... دا ياهو تفسيري ليهو ... أما أن تعلن تداعيات ما حدث ففيها شفافية ... وممارسة للديمقراطية بجرعة أكبر ... وخطوة خطوة نحو كمال استيعابها ياسيدي هل تعتقد أن مجرد سحب البوست - لنا نحن كأعضاء ماعارفين ماتم بي هناك - كاف ؟ |
اقتباس:
والله ان قت ليك بقدر اجيبلي اقتباس اكون كضبت عليك ... ما بعرف مرة واحدة... لكن يا الجيلي يشهد الله انت قت كتير من شاكلة ما يعرف بالألفاظ الجارحة ... وكان الكتير من المدافعين لايدفعون بأنها ليست جارحة لكنهم يدفعون بأنو ياخوانا والله الجيلي دا قلبو أبيض ... والقلب الأبيض من الأسود ما عندو علاقة باللوائح والمواد المدرجة بواسطة منال وحتى يتبين لنا القلب الأبيض من القلب الأسود نظل صايمين عن تقديم النقد للتجربة يعني ؟ اسع في ذمتك دي برقية دي ؟ اسامة حالة الطوارئ البتقول عليها دى معناها نقفل المنتدى ونديك مفاتيحو ونمشى نشوف هاييتى ولا جزر الهاواى وبعد الايفيكشن ربك يحلها أما في دي : لا بس المعنى مادمنا ارتضينا الديمقراطية خلونا ننفذا زي الله ما خلقا او زي ما نحن خلقناها أقصد |
اقتباس:
المشاركة الأصلية كتبت بواسطة أسامة معاوية الطيب http://www.sudanorg.tk/vb/images/buttons/viewpost.gif طبعا يا منال - بعد صباح الخير وكمية سلامات - أنا متحفظ جدا على اللائحة والميثاق وشنو شنو ديل لأنو ببساطة 1/ جارح الألفاظ دا راقد حب أطرش من ناس الآن قاعدين وبينظرو في هذه السيدة اللائحة ومافي زول قال ليهم تلت التلاتة كم (الجيلي نموذج) 2/ طارق الحسن نزل بوست - افهم روح العنوان - لكن نص العنوان كان غير صحيح حتى لا استخدم كاذب في موضوع صفية ... الحل كان اتسحب زي الشعرة من العجين ... تفسيري حتى لايتعرض طارق لحرج أو حتى لا يتعرض المدافعين عنه لحرج لاحقا 3/ وأنا اعتقد انو سابقة عسوم كانت امتحان للائحة والممارسة الواقعية وسقطنا فيه برضو البقدر اقولو للخروج من هكذا حالة كسيحة ومزدوجة إنو نعلن الطوارئ في المنتدى لحين تطبيق الديمقراطية في السودان كلو (كدا بنقدر نفهم العسف الاجتماعي والتطبيقي لللائحة الحاصل دا ) اسامة ازيك و مقيل العافيع بوقتى هنى اها يا اسامة اولتن كدى أقر انى ما متابعة البشيلو و البجبو صادى والبتبرسوا وكمان سقوطنا الجماعى لو سمحت بالاضافة فى المشكلة الذكرتها و مطينا اللائحة و سوينا السويناهو...بس كمان الحالات الكسيحه فى عنوان كبير و يشتمونا كلنا - (اتكررت كتيير) و يجوا ناسى فى الادارة معسمين و يبرونا عشان نرتقى بشنو داك ... و عينك ما تشوف الا السمح اصلو الشين بكتر براهو وماف قص او فصقصه و الذى منو ... اها نان مو فى بوستات كتيرة فيها نجمات العمدة عكود (الامين العام) و تزيلو لشنو حذف و قطع قلنا ماف طرد ولا يمكن يكون ... لكن نكون موضوعين و نعرف البخلى السيدة المدلـله لائحة الجن دى ما تطبق شنو؟ على كل عضو بما فيهم ناس الادارة ذاتم - اخطائهم تملأ القفه اتفقنا على العدالة ... ما بنمش وراء و نجى قدام تطبيق يعنى تطبيق طيب يا اسامة عندى سؤالى موجعنى هل سوادانيات تعتمد على الاثارة المؤذيه ؟ واخصك هنا بالاجابة و معاك عمو رافت ميلاد كايس ليهو و بجيك تانى عندى مآرب اخرى |
اقتباس:
يا أسامة الجزء الأول من مداخلتك لو سمحت أنقلو للبوست بتاع الأبيض والأسود يالأبيض ضميرك:D:D |
اقتباس:
|
| الساعة الآن 05:47 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.