للاسف نحنا السودانيين ما قادرين نستوعب انو تقدم الامم بتكون من بوابة الفنون بكل اشكالها وانماطها.
السينما السودانيه على سبيل المثال تحصى على اصابع اليد الواحده:امال واحلام والفيلم ده سمعت بيه سمع والتاني تاجوج وده اتعرض في مهرجان القاهره السينمائي في الثمانينات وبرضو ما شفته وما بقدر احكي عن شئ ما شفته لا سلبا او ايجابا.
في سودانيين متميزين اتخرجوا من المعهد العالي للسينما (اكاديمية الفنون بالهرم) من مختلف التخصصات اخراج ومونتاج وديكور وهندسة صوت ورسوم متحركه وانتاج.
ولانو في السودان مافي سينما اتشتتوا في ارجاء الدنيا والرجع السودان منهم مهندس الصوت طارق عبوده من اولاد الدويم وهو الصمم كل الاستوديوهات الفي العاصمه المثلثه بداية بسودانيز ساوند بخرطوم اتنين نهاية بالاستديو الشغال فيه اليوم وهو الصمم كل الاستديوهات للتلفزيونات الخاصه وقاعات المؤتمرات, في زول هنا في سودانيات بيعرف طارق عبوده؟ ما ظنيت لاننا بلد ما بتقدر الفن والفنانين للاسف.
عاطف سنهوري درس مونتاج وكان من المتميزين في دراسته وشغله لدرجة انو اشتغل مع اسماعيل عبد الحافظ بمجرد ما تخرج كمخرج مساعد في عدة مسلسلات منها الشراقي وليالي الحلميه(الجزء الخامس) والوسيه ولظروف خارجه عن ارادته رجع السودان ولم يجد الفرصه ولا المكان البتقدر موهبته واتعرض لاصابه اثناء تصوير فيلم تسجيلي بجبل مره وعانى ما عانى الى ان شفاءه الله .
وفي غيرهم كتار المخرجين عبد الرحمن سوركتي ومبارك بطري وفتحيه بله و مهندسي الصوت عادل عمر(مهندس الصوت في شركة الفنان عبد المجيد عبدالله بالسعوديه) والاخ سيف وغيرهم ومن المونتاج تغريد حاكم ورسوم متحركه حاكم محمد حاكم ومن ديكور برضو في مبدعين كتار ما متذكره اساميهم.
ومنهم من فلت من دائرة قتل الابداع سعيد حامد رغم تحفظاتي على تشويه السودانين في اكثر من عمل سينمائي والمخرج طارق المكي في قطر.


خلاصة الكلام لو اتلقى منتج متفهم لاهمية الابداع ومقدر للفنون ممكن تعمل فيلم عالمي بكل المقاييس وبمبدعين سودانيين وانا ممكن اعمل ليك لنك برضو مع المبدعين ديل لانو بتربطني بيهم علاقات طيبه وعشرة من سنة87.
مودتي

اليوم السادس والعشرين من يناير، يرفع هذا البوست للمناسبة، مناسبة تحرير الخرطوم.

عندي احساس انك رفعت البوست دا, لانو محسن رجع لاسلوبو القديم, والدليل كتابتو لهذه الجملة:
"وسيب إنسياطة بابكر دي، خليه يتمجمج براه أصلو مقسومة ليه المجمجة"

غايتو لو انت شايف انو "المجمجة" بترجعو الفولة; انا مجموج!

:)

سلام يا نديدي و يا خوي انت زعلان مننا لا سمح الله و لا شنو مجلينا و قارش ملحتنا في اكثر من مكان !! المهم انا حبيت انبهك انه الاقتباس من بوست و الرد في بوست آخر احتمال ترميك في شرك اللائحة و كدا !! فدحين مخمخ ليك مراقة ان تقاطرت عليك السهام ..

و العفو و العافية ..

اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif
عندي احساس انك رفعت البوست دا, لانو محسن رجع لاسلوبو القديم, والدليل كتابتو لهذه الجملة:
"وسيب إنسياطة بابكر دي، خليه يتمجمج براه أصلو مقسومة ليه المجمجة"

غايتو لو انت شايف انو "المجمجة" بترجعو الفولة; انا مجموج!



يا اخي بابكر ده مرات يديك احساس انو ماساهل ابدا

اجليك؟! حدي يقدر يجلي نفسو!
وحات سيدي الحسن، أمس القريبة دي، قطعت فيك!
فيما يخص المداخلات داخل البوستات فنحن دائما ما بنختلف وعدم التأكيد لذلك في البوستات، فقط من عيون العوازل.
بخصوص المراقة واللي منو: هو بس يجي 'يتمجمج"، ان شاء الله يوقفوني سنة! ما كتيرة "للمجمجة"