اقتباس:
السلام عليكم ورحمة الله وبركاته معلومات كاملة وماشاء الله والاخ قاسم اسمه الكامل هلري قاسم برنابا وقد درس في عطبرة في المدارس الحكومية ويجيد اللغة العربية ايجادة تامة مع اللغة الانجليزية لك الف تحية وألى لقاء [/align] |
اقتباس:
السلام عليكم ورحمة الله وبركاته لك الشكر على المشاركة بخصوص سؤالك صدقني انا وقاسم الجو كان برد والصورة دي كنا برالمة وربما انا وقاسم قد تعافينا من اثار البرلمة ولبسنا كان مع الجو لكن الظاهر صلاح مازل يعاني من البرلمة ذي اخوانا البرالمة الي كانوا بلبسو فانيلة شتوية كم طويل وفوق ليها قميس نصف كم لك الف تحية والى لقاء[/align] http://www.l44l.com/up1/uploads1/ima...5194351632.jpg |
السلام عليكم
حاصل شنو؟ بعد كل التسجيلات الجديدة دي !!! كمان بقيتو تنزلوا للدرجة الثانية ؟؟؟ وا أسيوطااااااااااااه ........... معليش الصورة باهتة شوية ولكنها منيرة بالوجوه الطيبة ..... يُحيّد د. عصام عليش ...مؤقتاً.... :):):) ...... http://sudaniyat.net/up/uploading/kashif.jpg ............. |
السلام عليكم يا صعايدة
د.الزوول عيدك مبارك وسعيد وشكراً علي الصورة ( قديمة وباهته من العصر الاسيوطيفيشي الثاني - الثمانينيات ) قالوا عشان تبني ( بيت ) تبدأ طوبة ..طوبة .. وفي لغة الاغاني للراحل سيد خليفة ( قشة ..قشة ) .. اها انا حا أسهل للصعايدة مهمة بناء الشخصيات الموجودة في الصورة.. من اليمين وقوفاً: محمد الشيخ ( تجارة ) ثم عد معاي 1-2-3 ناجي الصديق ( تربية ) وعدنان ( تجارة ) يتوسطهما جلوساً د.الامين ( صيدلة ) ... جلوساً من اليمين : د.العوض ( صيدلة ) وأسامة الكاشف ( زراعة ) ... ختيت ليكم حجر الاساس يلا جيبوا ( المونة والطوب ) أقصد حكوا دمغاكم واتذكروا الباقين .. هيلا هوب .. فطيت الاخوات عشان ما يزعلن لو لخبتنا في الاسماء وكده .. |
اقتباس:
أخوتى الصعايده السلام عليكم ورحمة الله وبركاته. عزيزنا الزول سلام وأشواق كثيره. الصوره اثريه جداً ولكن فعلاً مشرقه بى أشخاصها. يا مكى أنا حأضيف شوية مونه وكمان طوبتين , الجالسون من اليمين بالأضافه للعوض وأسامه الكاشف, (هبانى أفتكر تجاره) وبجانبه هارون (طب). |
أسايطه سلام
هاكم باقي الذاكره دي ولو فيها أي تخاريف بالله صححونا الوقوف محمد الشيخ ( تجاره ) ، سليمان الكنين ( عليه رحمة الله ) ، قاسم عبدالحفيظ ( صيدله ) ، أماني ، ناجي محمد مجذوب ، عدنان عبدالدايم . الوسط pass ، اقبال صيدله ، د.ساتر ، مزاهر ، عامر حسن ( صيدله ) ، حنان كرار ويتوسطهم د. كمال محجوب ( رد الله غربته ) وبعده حنان ( زراعه ). الجلوس أخونا العوض ( صيدله ) أو كما يصر الكثير د. الزول بعده أخونا أسامه الكاشف ثم الهادي هباني ( تجاره ) وآخر واحد على اليسار الأخ أنور محمد عثمان ( صيدله ). أها يا مكي تميت ليك باقي البناء فضل حاجة بسيطة كده وتعرش طوالي بالله كيف معاكم الذاكره الديناصورية دي ... قصرت معاكم ؟ تحياتي لك د. الزوووول وللجميع . يا ناس شبارقة وعموم أهل الرياض ... انتو وين ؟ |
تهنئة + تعريف+ تصويب
اقتباس:
|
الاخ عمر
الف مرح بيك حبابك البيت الاسيوطي نور كلامك صحيح الشخص اللي في الصورة ليس عصام جاويش اما الاخت نفيسة مبارك ابوزيد من ابوروف سوق الشجرة(كانت في زراعة) وليس تربية وكان ما اخاف الكضب حولت معهدصحي تحياتي لها وللاخ مجتبى |
اقتباس:
http://sudaniyat.net/up/uploading/ahm.jpg |
أولاً الف مرحب الأخ الدكتور مبارك
والأخ عمر يا منتصر أنا ما لابد لكن الزوول كتر خيره نزل لينا صورة حلوة قلنا نسكت يمكن قلبو يحن وينزل لينا صور تانية (لاحظ قاعد وين.. غايتو يا مهران زرعت ليك غواصة كتامي) البين قوسين ده بيني وبينك إن شاء الله ما يقراه ويحرد ما ينزل لينا صور تانية |
مطلــــــــوب عاجلاً
إذا لم يطل كيشو وشبارقة وكباشي عاجلاً وعاجل جداً سيكون لنا حديث آخر (ما يكونوا لحقو صاحب البوست) |
[align=justify]الاخ الزول وكل الاسابطة
السلام عليكم ورحمة الله وبركاته الاخ الزول لو ماعملنا كده ماكنتو طلعتوا التحف الداسنها .الصورة. جميلة بكل ماتحمل من الاعزاء اللذين بوجوههم الطيبة يكملون لنا الصورة الجميلة التي مازالت في قلوبنا . اما الاشخاص الي في الصورة الوجوه معظمها شاإيفها لكن الوحيد الي عرفته بأسمه هي الزميلة د/ ساتر وللاسف الاخ عبد الله عبد اللطيف عرفها قبل ان اذكرها وماخالاها لي عشان اقول إسمها . بالمناسبة د/ساتر آخر مرة فابلتها في عام 1987 في السودان وأتمنى ان أعرفها احوالها واحوال الاخت مزاهر التي كانت فردة ساتر لكم الف تحية وألى لقاء [/align] |
اقتباس:
السلام عليكم ورحمة الله وبركاته وكمان عازف الاورج وشايف منتصر كمل خروف الضحية وظهر لك الف تحية وألى لقاء[/align] |
[flash=http://www.youtube.com/v/nHnToJ1y5ao&hl=en&fs=1]WIDTH=400 HEIGHT=350[/flash]
...إهداء خاص للأخ العزيز الزول... انا عارفك مغرم بأغاني الحقيبة ..وأغاني التراث الجميلة... والله مشتاقين ليك كتير يازووول.... وهذه ليله ويا لها من ليله... |
[align=center]شباااااااااااااااااااااااااارقة[/align]
وينك يا زول [align=center]كيييييييييييييييييييييييييشو[/align] خلاص الطول طول ناسكم وينهم يا صعايدآ متأسف قصدي يا [align=center]أسسسسسسسسسسسسايطآ[/align] |
استاذنا ود مخير
طلتك ابهجتنا لكن الغياب والله جهجهنا نقول مشغوليات لكن بس حتى لو طلة من الشباك تطمننا. |
اقتباس:
إلأخ العزيز ود البك... الف مرحب بك في دارك وديارك ... وشرفت المكان والحبان.. ونأمل التواصل بالذكريات الجميلة .. ود البك من الشخصيات التي تطلق الحكمة بطريقة ساخرة جدا.. وجميله في آن واحد وله الكثير من الاقوال المأثورة.. نأمل أن يمتع المنتدى بذكرياته...النميس .. عم مراد..عربية رش المبيدات والدخان الكثيف .. والجري ده ما حقي..?? وشقه النميس التي ضمت عمار عباس وابراهيم وتاج السر( طب) وعصام تجارة.. |
اقتباس:
لا زال الأخ ودعليش يتحفنا بالابيض والأسود من العصر الكرجويلي ... الأخ ابيل كان في زيارة الى اسيوط ..وقد كان قبلها في اسيوط قبل ان يتحول الى طنطا... وكانت ليله جميله جدا مع الكرجويل.. وذكريات ..وابيل هذا من اظرف الشخصيات .. هل من صور يا عصام..?? |
اقتباس:
من اجمل الرحلات ... ليه يا الزول الصورة باهته..??انت ما عامل بتاع كمبيوترات ونصائح.... على العموم ود الشيخ لم يكن في هذه الرحله ...قاسم .. اللمين الطيب .. عامر صيدله..عدنان .. ناجي .. ودالكاشف .. هارون زكريا..هباني..انور .. حسن عبد اللطيف ابو العلا (طب)من اسوان وله علاقات طيبه مع السوادنه... بالله جيب صور واضحة..يا الزول.. |
اقتباس:
السلام عليكم ورحمة الله وبركاته اشكرك على الرد ابشرك بانه مازال هنالك رصيد وافر من الصور الابيض والاسود في العصر الكارجويلي والملون في العصر الصابري على وزن اخي العزيز صابر احمد الزبير لك الف تحية وألى لقاء [/align] |
اقتباس:
|
اقتباس:
|
اقتباس:
|
اقتباس:
العزيز د.منتصر والصديق محمد الطيب عبد الله الف مبروك للمريخ وان شاء الله يرفع راسنا في البطولة ( بتحقيق النهايات - يعني بالعربي الدارجي حقنا يجيب الكأس ) .. والله أدعو للمريخ من قلبي ..ولكن في السودان دائماً ( تخذلنا ) الفرق ..ونقول ( يا حسرة ما تمت ) ده مثل صعيدي مصري.. تعرف يا د. منتصر ( مرات ) شيطان الكورة ..يوسوس لي في رأسي يقول لي يازول ما تخليك علي فريق ( بري - أسد البراري ) ..هوه الساس والرأس وأول ,اقدم نادي سوداني .. ومن نسي قديموا تاه.... |
اقتباس:
سلام من زمان معروف؟! الحزب الشيوعي برسل ناسو للدراسة في المعسكر الشرقي وناس الشريف "الله يرحمو" حسين الهندي بيمشو إنجلترا (ناس الوزراء حسي وبعض من الأسرة) البعثيين للعراق وكدآ،،،، أسيوط دي كانت لي ناس جمال الواليloooollooool الشي كلكم رشاشاتgooodgoood ليكم محبة ومودة |
أخوتى الصعايده السلام عليكم ورحمة الله وبركاته.
أبو الجيل سلامات وليك وحشه كبيره. اتصلت بيك الأسبوع الماضى في تلفون البيت ولكن يبدو أنو الرقم أتغيّر. كذلك تكلّمت مع الأخ طارق حمّاد وهو ببلّغ كل الأسايطه تحياته. شقة النميس والأخوان عمّار عباس, تاج السر, أبراهيم, وعصام رفقة البرلمه والزمن الجميل,فعلاٌ أيام لها ايقاع خاص. عمّار تقابلت معه مرتين فى آخر زياراتى للسودان (أغسطس 2008) كذلك تكلّمت معه خلال العيد وأخبرنى بأن هناك تجمُع للأسايطه فى الباقير يوم 25/12/2008 تاج السر حاولت الأتصال به أكثر من مره ولكن دآئماً جرس بدون رد. أبراهيم ماعندى منه أخبار قريب, أما عصام فآخر عهدى به قبل التخرج. أبوالجيل باللّه أعمل لينا update بى تلفوناتك لأنه الظاهر العندى دى قديمه. |
المستحيل
اقتباس:
اسيوط عمرها ما كانت للوالى ولا ح تكون. اكيد قصدك والى الدين(رحمة الله عليه) عاذراك لانه احيانا كترة المشاغل بتخلى الواحد يخطئ فى التعبير والspelling:p:rolleyes::mad::confused: |
اقتباس:
مرحباً بأصدقاء الأسايطة د.بابكر مخير أولاً يا الحبيب ( شخصنا الضعيف ) هلالابي علي السكين وقاعد لي في بلداً ساقطة خلت دمي (بارد شديد الزرقة ) عاين لون الخط البكتب بيهو لكن طبعاً أخوانا وزملاءنا ( المريخاب ) بقيادة ود الطيب وزميلك في المهنة د.منتصر لازماً يصبحوا علي وعلي الهلالاب من ( الاسايطة ) بعد كل مباراة قلنا نبارك ليهم أسع ...وبعدين نشاغلهم !!! تسلم يا الحبوب .. عليكم الله يا صعايده ضيفوا الدكتور .. الاخت حليمة بالله كباية عصير قصب مثلجة ...looool وكان عندك مشكلة مع السكر الهلالابي ناسنا المريخاب هنا حا يضيفوك بي كباية ( عرقصوص ) من النوع البداوي القحة ..:D دمتم بي عافيه جميعاً |
اقتباس:
|
اقتباس:
اقتباس:
|
أخوتى الأسايطه السلام عليكم ورحمة الله وبركاته.
قهوة ماجيستك فى كثيرٍ من الأحيان أُُُصابُ بداءِ وهن الذاكره, فأفشلُ عند أمتطاءِ حبل الذكريات فى استرجاع الحدث أو الزمان و المكان, فيبدوء لى بعضاٌ منها فى صورةٍ ضبابيه غارقه في بحرٍ من العتمه. لعل ذلك بفعلِ عامل الزمن, تقدم السن أو جفاف الغربه أو كلها مجتمعه. برغم تشابك الأحداث واختلاط الأمكنه الا أنه يظلُ بعضها مشرقاً مضيئاٌ, بل يأخذُ حيّزه المميز فى الذاكره. من تلكم الأمكنه قهوة ماجيستك. يقع مقهى ماجيستك فى قلب مدينة أسيوط مواجهاٌ لمحطة القطار, دائماٌ يعجُ بالزبائن والحركه الدؤوب. كنتُ وفى معيتى الأخوه, عمّار عباس, مجدى جاد الكريم وعبد الماجد صديق زبائن شبه دائمين خصوصاٌ فى بدايات العام الدراسى قبل اشتداد ضراوةا التيرم. كنا نرتاد هذا المكان كثيراٌ, نمضى فيه أوقات فى لعب الدومينو (الضمنه), احتساءِ الشاى وألتهام ما تيسّر من سندوتشاتِ الطعميه. كان عبدالماجد أكثرنا اجاده لفنون اللعبه وكثيراٌ ما كان يحسم الجولات لصالحه. مجدى كان مولعاٌ بالمكاواة وكثيراٌ ما يطلق العنان لضحكاته المجلجه عقب نجاح كلِ محاوله له لاغاظة أحدنا وأخراجه من طوره. كانت محاولاته غالباٌ ما تلاقى نجاحاٌ معى وعبدالماجد, أما مع عمّار ذلك الرجل المسكون بالهدوء والسكينه فكانت تذهبُ أدراج الرياح. على الرغم من أن عبد الماجد كان هو الوحيد الذى يدخن من بيننا, الا أننا كنا نشاركه التدخين سلبياٌ بأستنشاق الدخان الذى ينفثه من سيجارته كليوباتره أو الروثمان عندما يكون قابضاٌ للأعانه الشهريه (البريزه), والتى كانت عشرون جنيهاٌ في ذلك الوقت وقبل التعديل. كنت كثيراٌ ما تتملكنى الدهشه ومنظر الشاى حينما يأتيك به الجرسون تتصاعد منه الأبخره كثيفه كأنما الجنّى عند خروجه من القمقم, ولكن مآ أن تأخذ منه أول رشفه تجده بارداٌ وكأنه (Ice Tea). أخوتى الأعزاء برغم كل هذا التراكم من السنوات والحواجز الجغرافيه الا اننى لا زلتُ أسمعُ صخب المكان, جلبة الزبائن, قرقرة الشيشه, الرنين المنبعث من أرتطام الأوانى والكبايات ببعضها البعض, صوت السيده أم كلثوم وهى تصدح بأغنية ألف ليله وليله, يقاطعه صوت الجرسون بين الحين والآخر (عندك واحد شاى وصلّحو). ولنا عوده |
اقتباس:
اقتباس:
[align=justify]عمر مرزوق شفناهو من خلال المنتدى في صورة قديمة وشفناهو في صورة حديثة من خلال الصورة التحت دي[/align] [align=center]http://www.l44l.com/up1/uploads1/ima...c8d11f10d2.jpg[/align] [align=justify]لكن عاوزين نشوف ود البك قديما ً وحاليا ً [/align] |
goood
اقتباس:
يديك العافية وكل سنة وانت طيب وسمين(جيبك ما تمشى لبعيد) وامين ولزوجتك والامورة شهد تحياتى وامنياتى |
اقتباس:
|
حليل العشرة
اقتباس:
سلام عليك وكيفك وازيك .ليك وحشة سكينا تلفونك كتير لكن ما قدرنا نتحصل عليه وسمعنا انك معانا فى السعودية .نرجو مواصلتنا وكل سنة وانت طيب.بالله اخبارك كلها.اعذرنى دخولى من الe mail بتاعى على الردود للموضوع البكون كتبته.goood |
اقتباس:
تحياتي لك ولأسرتك الكريمة .[/align] |
اقتباس:
أخى العزيز شبارقه السلام عليكم ورحمة الله وبركاته. لدى العديد من الصور ولكن فى نفس الوقت أعانى من مشكله بتاعت Scanning . أعدك فى القريب العاجل بأنزال صور لود البك قديماٌ وحديثاٌ, ولك الشكر كثيراٌ على الأقتراح الطيّب والذى أتمنى أن يعمل به كل أخوتى الصعايده المشاركين للمزيد من تحديث الصور المطبوعه فى الذاكره عنهم. |
السلام عليكم يا صعايده
د.منتصر سلامات الله ينعم عليك بالسعادة انت وأولادك الاثنين والعروسة بنتك يا أخي فتلت لينا البوست !!! انت ما معترف بإمكانيات واستشارات د.الزوول ولا كيف ؟ الراجل مشرف عام علي منتدي الكمبيوتر وشرح موضوع انزال الصور دي كم مره ..يعني الا يعمل درس عصر أسيوطي ولا شنو؟؟ ...بنهزر معاك.. هاك الصورة : http://sudaniyat.net/up/uploading/Dr.Muntasir.jpg مرحباً بعودة الاخ شبارقة وللاخوة المتابعين مداخلاته علي موقع سودانيات ( الراجل قال حا يغيب لفترة إنشغال ببعض الأمور وراجع ) حمداً لله علي السلامة أخي شبارقة .. الاخ الشقيق كباشي الحاج قاعد ومرروه علي الموقع دائم ..بس الصعايدة ( مستوحشين ) لي أنسك معاهم بخشوا الموقع ده وطوالي علي بوست الأسايطة يا صعايدة الموقع ده كان فيهو انتخابات ( مجلس الإدارة ) ومن قبل ( الامانة العامة ) نسيتوا الانتخابات الطلابية ( للاتحاد العام ) ..تذكر يا شقيقي كباشي ( قاعدة طلابية جاهلة بي حقوقها ؟!).. أما عن الأخ كيشو فهو متابع ( الموقع ) قبل ( البوست ) وبيدخل زائراً ..وإن شاء الله علي مطلع العام الجديد ..عائد وبي قوة ...( شيخي كيشو ..والله ليك وحشة ..يا أخي بتبالغ !!!) يا صعايده والله ماكناني ( نزلة برد ) الله يعافيكم منها ..اسمحوا لي وداعاً .. |
السلام عليكم
التسري صورتك دي "ذات الحجم الفيلي" فتلت لينا البوست فتلة ما حصلت حا انزلها ليك في المداخلة دي ممكن تمسح الصورة الفي مداخلتك..... http://sudaniyat.net/up/uploading/montsir2.jpg ... تخريمة: ما شاء الله ولادك بقوا كبار الله يحفظهم يعني يقيت "جولكين" عديل كدي... |
لا حوووووله ولا قوة
شفتو أحمد رمزي الحقيقي لكن يا منتصر السقط ما سقط معاه حاجات كتيره اللهم أسترنا من عين الحسود فضل ليك "أرتشو" يعني بقيت تسرح بالبشكير |
| الساعة الآن 01:11 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.