اقتباس:
ياخ في ناس كتيرة بتمشي تصوت لناس في السر عشان بيدفعوا ليها فلو س بس في رائك دا بيكون صدق مع النفس وفي النوع المنافق البياخد الفلوس ويمشي يسوط للهو عايزه- اها وريني السرية دي خدمت شنو غير انها فتحت باب النفاق ثانياماعارفة لي ما اديت التزوير دا حقو ياخ الشعوب دي اتظلمت بسرية التصويت وسرقةالاصوات الناتج عنها |
اقتباس:
نجي لكلامك المقتبساهو دا كلامي اللي ما بغباهو ولما جيتي تردي رديت ل(عثمان؟) ما علينا .. المهم لو اصلن ممارسة الديمقراطية بدون (وعي) بي اسسها بنفع ما كان في ديمقراطيات ويست منستر عايشة لي يوم الليلة دا ! يعني البدفعو ليهم فلوس عشان يصوتو ديل بعيشو كم دورة ديقراطية مثلن ؟ وهل بتكاثرو عشان يضمنو ديمومة فعلتهم دي ؟؟ علي قول عبد الخالق الله يرحمو ــ قليل من الوعي .. |
اقتباس:
أخي عادل دعني أصحح لك مفهوماً لمسته من كلامك أعلاه فممثل المالك يمكن أن يتغير وهو حي يرزق؛ أي بإمكانه أن يستقيل، أو يقوم المالك بإقالته كما أن ممثل المالك ممكن أن يكون شخصاً إعتبارياً؛ كمكتب محاماة، أو شركة متخصصة في إدارة مثل هذه المواقع ثم يا أخي نحن كأعضاء لسنا معنيين بالعلاقة التي تربط بين الأخ عكود ومالك المنتدى، وهي علاقة ليست خاضعة للنقاش ولا يمكن تناولها بأي صورة من الصور حسبما أرى وأخيراً فإن فكرة الأخ بابكر عباس إن وجدت القبول من أصحاب الشأن فإنني أرى أن يكون هناك شرط في عقد البيع يضمن حقوق المؤسس ويحافظ على فكرته تحياتي |
اقتباس:
استاذنا كيشو .. تحياتى كلامك سليم 100% كالعهد بك فى كل ما تتناوله لكن عادل يطعن فى هو معلوم بداهة وتواترت معرفته لكل متابع ولك أن تطلع على رأيه التالى الذى أثبته فى بوست معتصم الطاهر اقتباس:
اقتباس:
لك شكرى |
اقتباس:
ما قاصد الام والله لاحد ، فقط حاولت اخفف جو البوست المتنشن اصلا ، اسف لو ازعجتك لكن صدقيني لم اقصد ما ذهبتِ اليه ، تستحقي اعتذار كبير لسوء الفهم الحاصل ، وامسحيها في وشي المغمور دا ... ........................... |
اقتباس:
الظاهر انا دمى تقيل اليومين ديل ونفسياتى تعبانة والعفو والعافية |
والله اجمل دورة واجمل ناس، ولكم كل الحب والامتنان،على ضياع زمنكم وإستقطاعه من اوقاتكم الخاصة من اجلنا! إستقطعتم اوقاتكم من احبائكم من اجل مهاتراتنا ورزاز احرفنا..!!
لكم الحب وانتم توصلون الامانة على اكمل وجه. والله بقينا زى جمهور المريخ امام إستقالة رئيسة جمال (الوالى)! بعدتم..ولكن فى القلب محكرين...لن ننسا اياماً مضتة!:o:o |
تزامن ولوجى لسودانيات باجواء ضبابية ,ومعارك فى غير معترك, وخصومات نهّاشة لكل وفاق .....حز فى نفسى ان مع دخولى سأشهد نهاية الصرح لا محالة ...
ولكن سبحان المعطى علمنى مرور الأيام هنا كيف يمكن للحوار ان يكون راقيا" وللأزمات أن تكشف معادن الناس, ومعنى ان يكون هنالك ربان وقادة للمسير ...... وان بالصبر والحكمة واليقظة لن يكون للمستحيل مكان ..... تعلمت أن العواصف وان عتت فهى الى سكون ... تعلمت معنى أن أختلف من غير أن اكره .... ومعنى أن استصحب الرؤى المختلفة عنى من غير أن أنجرف .... معنى أن يكون لديك عشيرة ...... (وتعلمت منهم معنى أن يكون لى كبير ) شكرررررررررا" لكم .. وثقتنا فى القادم الأحلى .لأنه من رحم سودانيات الولود ... |
اقتباس:
صدقني لقد استصحبت أيرادك الكريم هذا وأنا أرد على الأخ بابكر... أما ذكري لمسالة وفاة ممثل المالك (بعد عمر طويل باذن الله) فقد ذكرته ك(ميس) لمآلات كي نتبصر الأمر منذ الآن... (أُشهِدُ الله) بأني لا أحمل للأخ أبوذر الكامل عكود أو أيما فرد في هذا المنتدى أو حتى خارجه الاّ كل الخير...وما تلك الاّ (جِبلّة) تربّيتُ عليها ورسخها دين وزادتها المبادئ والسنون متانة ومضاء... كل ما ارجوه هو أن يُحمل أيرادي ذاك على محمل ال(همّ) بأن تسير الم(مؤسسية) التي نسعى جميعا الى ترسيخها في هذا البراح الى الغايات المنشودة... فكلنا نحب خالد الحاج رحمه الله... وحبنا للراحل أحسبه يأطرنا أطرا لأن نجعل من هذا المنتدى (براحا) للكل ...دون سعي الى أقصاء أو تغوُّل بغير وجه حق... مودتي |
اقتباس:
الله يكملك بي عقلك يامواهب ياأخية وشكرا لسودانيات خالد الحاج |
اقتباس:
المشاركة الأصلية كتبت بواسطة عادل عسوم أما للزميل ابوذر الكامل عكود الذي أصبح (ممثلا للمالك) فأقول: هل تمتلك الشجاعة لتقول لي من هم من استشرتهم -من بعد استخارتك-عندما اخترت الزملاء الثلاثة؟ هلى تقسم لي بأنهم هم أعضاء مجلس الادارة والأمانة العامة فقط؟! وان كان هناك غيرهم فهل منهم أحد سوى أولئك الفئام؟! الاخ عادل سلام: ساركز تعليقي علي هذا الجزء من كلامك و سأقول كلام ماكنت سأقوله لولا أنني شاهد علي خطأ و كذب مقولتك هذه : راسلني و تحدث معي هاتفي الاخ الفاضل عكود و طلب موافقتي لترشيحي ضمن ثلاثة لمنصب الامين العام . اعتذرت له . حاول اقناعي الا أنني كنت مصرا علي أن فارق التوقيت سيكون اشكالا كبيرا . ذكرت له أسماء أخوة و أخوات آخرين يصلحوا للمنصب و يقيموا في الجزء الشرقي من الكرة الارضية , هو أيضا ذكر لي بعض الاسماء التي بذهنه . الشاهد في الموضوع : أن الاخ عكود طالما طلب موافتي لترشيحي وتداولنا بعض الاسماء اذن هو استشار شخصي السمين و أظنك ياأخ عادل توافقني بأنني لست من أؤلائك الفئام – يعني أنا فئام من نوع تاني خالص . أخوك ماشيوعي ولكن معظم شيوعي واشنطون – من السودانيين- أصدقاء لي – زي ماعندي أصدقاء آخرين من توجهات سياسية أخري . يعني ياعادل أنت ظلمت أباذر دون أي دليل بحوزتك , فقط بالظن , وكان ظنك نحوه سيئا . في الختام أقول لك قولة أخانا في سودانيات , هيثم, المشهورة "والله أحبطتني " , أو كما قيل . |
اقتباس:
الجزئية التي أوردتها من كلامي الذي وجهته الى الأخ عكود كانت منبنية على (جملته) التي ذكرها في معرض مداخلته بأنه أختار (المرشحين الثلاثة) بعد أن أستخار وأستشار... أي أن الاستخارة والاستشارة كانت مصوبة اليهم (هم) وذاك كان مثار استفساري... فان كان قد اتصل عليك فاتصاله قد كان قبل أن (يستقر) على المرشحين الثلاثة... ولا اود بأن أسالك هل استشارك عن ثلاثتهم أو ايما فرد منهم بعد أن أستقر اختياره لهم... ثم ان هذه الجزئية قد أتت في سياق ذكري لما أجده جنوحا وميلا منه الى فئة دون أخرى في هذا المنتدى... لذلك فان تمثيل المالك يجب أن يكون اعتباريا لدى (جهة) لا تتدخل في ايما امر تنفيذي وليترك ذلك (أي الأمور التنفيدية تلك) للأمين العام أو رئيس مجلس الادارة حتى تتم المساءلة والمحاسبة لننأى بالمنتدى عن هوى النفس وخطل التقدير الشخصي... مودتي |
اقتباس:
عكود بصفته ممثل المالك -لائحياً- غير مُلزم بإستشارة أحد، ومع ذلك شهادتي فيه إنه ما أنقطع عن المشاورة في كل كبيرة أو صغيرة من إمور المنبر. هذا وأحب أن أضيف لمعلوميتك شيئاً مهماً أخر، وهو إنه حتى بحياة المرحوم "خالد الحاج" كان عكود صاحب راي فصل في إختيار مرشحي الأمانة العامة، تحديداً قام عكود بإختيار مرشحي الأمانة العامة في الدورة السابقة وقد كنت أحدهم! |
اقتباس:
عاين لي هنا ده يا عادل عسوم ،،، ياخي مالك عاوز تعلمني السخافة والشناة بعد عمري ده ياخ ؟؟؟ مالك علي عاوز تأثمني في إني أقول عنك ما لا يليق بي أني أقولو ياخ ؟؟؟ ما عارف ليه إنتَ مُصر تحشر رقبتك دي في شئ إنتَ ما ليك فيه ياخ ؟؟؟ 100 مرة قالوا ليك ترشيح الأمين العام ،،، من خصوصيات مالك المووووووووووووووووقع ،،، وبما إنو خالد الحاج توفي إلي رحمة مولاه ربنا يرحمو ويغفر ليه ،،، وسلم البركل وسودانيات في يد أخوه عكود ،،، يبقي عكود هنا ممثل المالك ،،، وممثل المالك بتعني إنو يقوم مقام المالك ،،، يعني هسي دي عكود هني ده هو الماااااااالك بالنسبة لي لأنو المالك إتوفي لرحمة مولاه والمالك سلمو الموقعين ،،، شفت اللغة دي كيفنها ؟؟؟ أها تاني أشرحها ليك كيفن عاد ؟؟ وياخي بارك الله في خالد الحاج وربنا يجعل كل ده في ميزان حسناته الإتنازل عن حق أصيل في أحقيتو بترشيح الأمين العام وأشركنا في الحق ده بمفهوم التصويت ،،، شفت كيف ؟؟ وبارك الله في عكود الشال الشيلة التقيلة دي ياخ وواصل في ذات الطريق ،، وده بيعني إنو إحتيار أمين عام للموقع من خصوصيات سيد الموقع ياخ ،،، مُش علي كيفنا نحن نجي نتدلع علي كيفنا والله ده إقصائي وديك عينها عوراء وداك لابس ليه رداء وداك لونو لون زينب ،، ثُم ياخي شابكني شيوعيين شيوعيين وخايف علي سودانيات من إنها تتسرق وشنو شنو داك ،،، خلايا نايمه ولنا جعفر،،، بتعرف شنو إنتَ عن العلاقة البتجمع خالد الحاج بلنا جعفر ؟؟؟ خليني من الحزب الشيوعي السوداني ،،، خليني من السياسة البغيضة الكريهة دي ياخ ،،، بتعرف شنو إنتَ عن العلاقة البتجمع بين أخ وأختو ( خالد + لنا) ؟؟؟ وحتي ع المشكل الحصل بيناتهم ها في سودانيات قبل كده ،،، بتعرف عنو شنو إنتَ غير الوش الشين بتاع السياسة ؟؟ وبتعرف شنو عن وصية خالد الحاج ربنا يرحمو ويغفر ليه وصيتو الختاها لي في رقبتي دي ووصاني بإني أوصلها لأختو لنا جعفر سنة 2010 ؟؟ يا عادل عسوم يا أخوي ربنا يهدينا كلنا ياخ علي الصراط المستقيم وما أظن في أي إنسان جاي هنا عشان يقول خالد قال لي ولا قلت ليه ،،، ولو عاوز تفتح النافوحه دي ،،، عندي آلاف الكلمات الممكن أقولها وحصلت بيني وبين خالد الحاج ،،، وكلامي الفوق عن كلام خالد ووصيتو لي بإني أوصلها لأختو لنا جعفر جبتها هنا فقط عشان أثبت ليك بإنك شايت خارج شبكة الفهم الدقيق ،، وما تجي وتطلب مني بإني أقول ليك هو وصاني علي أختو لنا جعفر وقال لي أوصل ليها شنو لأن دي خصوصيات بين أخ وأختو ،،، أوك ؟؟؟ لا وكمان شنو ؟؟؟ برضو شايفك بتتكلم عن مهند الخطيب بإنو زول إقصائي وإنت ضد الإقصاء ووووو عادل عسوم ،،، ما تناقض روحك ياخ سمح ؟؟؟ يعني إنتَ ضد الإقصاء وتجي تقصي في الشيوعيين ؟؟؟ مالك ومال الشيوعيين ياخ ،،، مضايقنك في شنو ؟؟؟ ولا برضو حتجي وتقول لي ديل كفاااااااااار حطب النار نعم من حقك تخاف علي سودانيات ومن حق كل زول فينا يخاف عليها ،،، لكن بالمنطق يا عادل عسوم ،،، بالمنطق مُش بالتهريج ياخي تورت علي رويحتي البقت مافي دي ياخ ربنا يغفر لي وليك |
| الساعة الآن 06:32 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.