يلا
تصبحو على خير, وتمنياتى بحوار مثمر.. ________________ ياجيجى اقفلى الباب:D:D |
يا الجيلى اى تعامل مع المراة يجب ان يكون فى اطار انها خلقت فى احسن تقويم وانها مؤهلة مثل الرجل مع مراعاة تكوينها الفسيولجى
والفيزيائى والنفسى..ان لم تراعى هذه الاشياء فى التعامل معها احيانا تكون النتبجة عنف خلينا نتفق;) المرأة تعمل فى وظيفة ضابط جيش مثلا عليها واجبات مثلها مثل زميلها فى نفس الرتبة ولديها حقوق الا لانها امراة قد تمر بظروف لا يمر بها الرجل وهنا تحتاج لمعاملة خاصة لو حرمت من هذا الحق يعتبر هذا الحرمان عنفا دا فقط على سبيل المثال مثال ثانى لما عباس الشريف الله يهديه يقول داير يجيب واحدة عضوة ويديها اسم بلومة ولاموزة ولاقمرية ما متذكرة المهم حتى وان كان قصده شريف هذه الاسماء للمراة فىى غير مواضعها تعتبر تقليل من شانها وحتى فى بوست زول الله كان اصابع الاتهام تشير الى المراة يا الجيلى المسالة كبيرة والموضوع اكبر من موزة وغزالة صدقنى بس يدى وجعتنى من لقط الحروف:( |
اقتباس:
غايتو ماواقعة لي حتة انو بلومة وموزة دي تقليل من شأن المرأة.. كيف يعني..؟؟ المشكلة في المفهوم عموما(مفهوم الوصف).. ولا المشكلة في المفردة المستخدمة.. ده اذا اتفقنا علي انو عنف لفظي.. عائشة ام المؤمنين كانت تلقب بالحميراء.. والتاريخ الديني حافل بالالقاب التي تطلق سوي علي المرأة او الرجل.. البلومة عيبيها لي..:) انتي فوق قلتي: اقتباس:
مراعاة تلك الاشياء التي ذكرتيها..ولا شنو..؟ عباس لو استخدم مثلا بدل قمري وبلومة وقال محتاجين بت ثعلب ولا مرفعين.. كان الموقف حيكون شنو مثلا.. يقولو قمري تقولو عنف..اها تاني في شنو..؟؟ ياسارة المفروض الناس تمرق شوية من محيط قشرية الاشياء.. يعني ماممكن ندور في فلك واحد نمشي ونجيهو كل مرة.. مسألة مراعاة الرجل للمرأة ككائن ناقص دي خطأ فادح بتأسس فيي فداحتو المرأة ذات نفسها.. بوست عباس في رأي الشخصي مافيهو اي عنف ولا حتي شبهة امحاولة اقصاء للمرأة ..المرأة براها بتقصي نفسها .. ياسارة انا حاسي بيك ماقلتي العايزة تقوليهو.. لأنو لو الحكاية كلها في مفردة البلوم والقمري وما ادراك.. يبقي ده ماموضوع . غايتو راجيك هنا ده.. ومشتاقين عديل برضو..بس ماتلخبطي الكيمان. ده حوار ونقاش وداك شوق براهو.:D |
الرشيد سلامات
استعمال المسميات فى غير مواضعها بيكون عنف لفظى دا قصدى قد نتفق وقد نختلف ...البلوم فى قصيدة للمرأة طعمها غير لما تستخدم كما استخدمها عباس زى لفظ قوارير يكون مقبول ان وضع فى موضعه واعتبره تقليل ان خاطبنى بهاحدهم وانا احاوره...مراعاة الانثى فى بعض المواقف واحترام وجود الانثى...امر تحتمه الظروف ولكل مقام مقال دا بس عشان تعرف انا شايتة وين ثانيا انا يدى وجعتنى لو بس شحدتونى كيبورد والله يا ويلكم وسواد ليلكم الرشيد لو بس راجعت مداخلاتى السابقة موضوع العنف ضد المراة هو عنوان لندوة تمت دعوتى لها من اسبوعين وستكون الاسبوع القادم تكلمت مع الاخ مبر بخصوصه وافقنا نناقشه فىى المنتدى وكان من وجهه نظرى العنف الفظى له اثار سيئة ونفسية وحسب الاتفاق كان المفروض انا انزل الموضوع وياتى هو بورقة مهمة الحاصل فى الاسافير عموما وفى سودانيات على وجه الخصوص يعتبر محفزا لنقاش بس مسالة الالفاظ التى ذكرها عباس اناجبتها كمثال دون ان تكون هى موضوعىى الاساسى وقع ليك يا جميل على فكرة شوق الكضب كضب دا ما بقسم معانا كلامك دا قولوا لى زول ما عندو حديدة;) |
اقتباس:
مابالضرورة ياسارة..مابالضرورة.. في اشياء ومدلولات تفهم من السياق اااي معاك فيها.. بس كل زول بعد داك وتأويلاتو الخاصة بيهو بس ماممكن تكون قاعدة منظمة ومطلقة في المدلول والاشارة.. نحن بنتكلم عن عنف منظم..موجه..مقصود..وليس سياقات للكلام وتأويلات لا ترتقي لتكون ظاهرة ناهيك عن منظومة للأفكار القهرية العنيفة.. وبعدين ياسارة مفردة عنف لفظي دي ذاتها ماواقعة لي وماشايف انها بتتماشي ووصف مثل هذه المفاهيم الناشئة بفعل الفاظ كل يؤولها علي حسب ما يصله من المعاني.. الافكار الكبيرة ياسارة بتنشأ من مجرد حاجيات لا نهتم بها كثيرا.. ياريت لو الناس تاخد اتجاه جاد في مناقشة الموضوع بصورة ممنهجة وبنماذج حية سوي كانت هنا ولا في اي مكان اخر..فالعبرة بعموم المفهوم ومطلقية الاشياء وليست بخصوصية المكان ولا الناس. ياريت البوست ده يكون نواة لحوارات جادة عشان نستفيد من خلال اراء الاخرين ونطلع علي الاقل بوجهة نظر معقولة عن العنف ضد المرأة.. االسياق التاريخي..اشكاله ونماذجه..هل هو ظاهرة ام مفهوم ترسخ وراثيا الاسباب والمسببات وكيفية الحد منه و..ووالخ. الموضوع كبير بس لما تبدوهو عليكم الله النماذج مهمة. قلتي لي البلوم مالافقة..:D برضو مشتاقين كان عندك حديدة ولا كان نحن علي الحديدة. تقديرا لوجع الاصابع بقول ليك زي ماقال بابكر: خليتك لي الله. بعد تلقي كيبورد تعالي. |
اقتباس:
اقتباس:
دا تعريف غريب جدا ودا طبعا اذا وافقك زول من الاساس على ( عبارة عنف لفظى اسفيرى موجه ضد المراة ) اقتباس:
يعنى نفهم من كلامك دا انه مبر بياكد انه فى مايسمى ( بعنف لفظى اسفيرى موجه ضد المراة ) ؟ ؟ ؟ وبيتفق معاك فى التعريف الاوردتيه فوق دا (استعمال المسميات فى غير مواضعها بيكون عنف لفظى ) :eek: امانة ما وقعت يا مبر |
رشيد احترم وجهه نظرك
ولكن انا من راى هناك عنف لفظى هناك الفاظ تطلق على المرأة لتحقيرها والتقليل من شانها ...تدخل فى اطار العنف ..واناباعتبرها مثلها مثل انواع العنف الاخرى بل اعتبرها اكثر خطورة لانها تؤثر على الجانب النفسى وهو اكثر ايلاما يعنى زى ما بقولوا ضرب الصوط بروح وضرب اللسان بيعقبنو جروح..دا مثل نجرتو من راسى هناك حرب لفظية تمارس لتحقير المرأة حتى الحديث المنسوب للرسول الكريم عليه الصلاة والسلام وان كان حسب ما علمت انه المقصود بناقصات عقل ودين لظروف المراة التى تمنعها من صيام الشهر كاملا الا ان الكثيرون يستعملونه فى مواضع القصد منها اهانة المرأة والصاق نقصان العقل والدين بها الرشيد والله يد وجعتنى ونعست بس اشواقنا الله كريم علينا والشكية لى الله |
اقتباس:
المشاركة الأصلية كتبت بواسطة طارق الحسن محمد http://sudanorg.tk/vb/images/styles/...s/viewpost.gif امانة ما وقعت يا مبر مُبر ولأنه في القاع أصلاً، فلا يمكنه الوقوع ! يا زول اختى دربي ( او كما قال أحدهم ذات يوم هنا) ... أنا لا قدرك، لا لحم سدرك ___________ تحياتي يا طارق ما ذكرته ساره عني هنا صحيحاً، وقد حدث بالفعل ... فقد حدثتني سارة قبل شهر أو يقل قليلاً، بأنه قد تمت دعوتها للمشاركة في فعالية تستهدف مناقشة قضية العنف ضد المرأة، أذكر إنني تناقشت معها في الإطار العام والشكلي للموضوع، ولكن للأمانه لم نتطرق لقضية العنف (الإسفيري) إطلاقاً ... لفتة : أنا شايف حواركم الأن أصبح أكثر نضوجاً أسئلتك أنت، ومداخلات الرشيد "الدسمة"، بالإضافة لدفوعات سارة، يمكن لها مجتمعة أن تخلق حوار موضوعي، غير متعصب، وجدير بالمتابعة منا واصلوا وأبعدوا لينا من الشخصنة يا أخوانا |
مبر سلامات واريتك طيب
حمد الله على السلامة...اولا لم اذكر ما دار بينى وبينك لتقوية موقف او خوف من مواجهه... ذكرته فقط لاهمية الموضوع بالنسبة لى..اما حكاية العنف الاسفيرى دى وكما ذكرت فى اول سطر لى فى بداية هذا البوست انها رأى الشخصى وانا مسؤلة عنه ومضايقة النساء فى الاسافير لاتحتاج الى ميكرسكوب واضحة زى الشمس واستعمال الفاظ ضد المرأة للتقليل من شأنها يملأ صفحات المنتديات ساحاول قبل ان ادخل فى تفاصيل جديدة ان ارد على بعض المتداخلين واعذرونا:confused: قلنا ليكم ما عندنا كىبورد:p شكرا اخى بدرالدين صحيح كما قلت لا نستطيع اختيار محاورنا ولكنى اتفق مع الاخ العزيز اللمين البشارى اننا نستطيع ان نتحكم فى اسلوب حوارنا واختيار مفرداتنا اما مداخلة الاخ زكى اقتباس:
لن اسالك كيف تتعامل مع اخواتك او اهل بيتك لكن تسعة وتسعين فاصلة تسعة من الرجال مارسوا بشكل او باخر عنفا ضد المرأة طبعا انا رغم انه يطلق عليا بوليس اداب البورد الى اننى محسوبة على قبيلة النساء لذلك تجدنى اتمنى ان يحترمنى الرجل والمجتمع وان لا يكون هناك تمييز الا ما يخدم حقوقى وتكوينى بعدين اكثر المدافعين عن المرأة من الرجال هم اكثرهم عنفا مع المرأة رايك شنو |
اقتباس:
يا الرشيد فينا,,,,,, تسلمى يا وهاد,,,,,, هذا هو جوهر القضية ماكان موروثا... وما كان متعمدا... للمرأة دور بدون شك فيه وما انا بصدد مناقشته هو وضع المشكلة على الطاولة مع اصرارى على تنوع العنف واشكاله بتطور الزمن يعنى تطورت انوع العنف لكنها لم تتناقص اما مسألة الكلمات التى تحمل ايحاءت جنسية رغم كثر الحديث عن الجنس ومفرداته الا انه لا يمكننا الحديث بمنأى عن تربيتنا وتنشئتنا احس انى قوية واننى كاملة الاهلية واننى ليس هناك ما ينقص انسانيتى كونى امرأة لا يعيبنى ولا ينقص من قدرى لكن احس بالمهانة عندما يتحدث أحدهم عن زوجته فى الاسافير ويختزل العلاقة السامية فى مسالة .. دق وركوب ...هذه يا أخى الفاضل اسوأ ما تتعرض له النساء والامثلة كثيرة بجيك صادة ان مد الله فى العمر |
ناصر سلامات واريتك طيب
اتمنى من خلال ردودى اكون جاوبت ضمنيا انا لم ولن انفى ان هناك عنف ضد الرجل انا بكتب عن وجعنا وانتوا اكتبوا عن وجعكم هذا حقكم ولكن لا ينفى ان هناك عنف ضد المرأة قائمته طويلة اخرها راى انا سارة العنف الاسفيرى انا شخصيا تعرضت لعنف اسفيرى:D:D:D |
نبراس يا حبيبة اى شىء يؤلمك يؤلمنى بجيك للنقطة دى
وحضورك مهم عندى العزيزة بدور تسلمى للحضور فقط...اقول عاطفة المرأة وحنيتها فطرة طبيعية تميزها ولكنها لا تقلل من مواقفها وارائها يسعدنى جدن وجدن ان تشعرى بالاحترام والتقدير فهذا حق اصيل من حقوقك فى هذا الصرح مودة تستحقينها |
اقتباس:
عابد اسعد الله اوقاتك بكل الخير اعلاها هى مداخلتى الاولى قلت انها وجهه نظرى الشخصية قلت هناك عنف فى الاسافير يبقى من حقك ومن حق غيرك مناقشتى فيما طرحت قد نتفق وقد نختلف كما اوضحت لاحقا غرضى من الموضوع لم اتهم البورد ولا ناس البورد لكن طبيعة الردود على بعض المتداخلين افرزت ما افرزت تمنيت ان تقرأ ما كتبت كما عودنا عابد عقيد مودة واحترام |
نبراس ىا حبيبة
اى عنف يترك اثار سالبة ...العنف اللفظى قالت احد الدراسات (هو الذي يلازم أي نوع للعنف ويكون سابقاً على العنف الفعلي وبداية له مع كثير من البشر. وتختلف مستوياته بحسب مقدرة المرء على ضبط نفسه، فقد يكون بسيطاً لا يتجاوز المرء في تعبيراته الخطوط الحمراء في الحوار، وقد يكون معقداً يحدث فيه فحش ومنكر من القول ) ان يصفنى احدهم فى منبر حوار بانى ما عندى احترام او ينصحنى بان اعرض نفسى على مختص وذلك فقط لاختلافنا فى وجهات النظر اعتبره عنف اما لفظ الوقاحة والشتارة وشبه الككو فالمفردات تترجم الحاصل يا نبراس اتفق مع الكثيرون ان اشتراكنا فى المنتديات يعرضنا للكثير وهذه ضريبة واجبة الدفع استنكارى ليس لطريقة البعض فى خلافاتهم مع المرأة ولكن لجعل الخلاف بابا للمذلة والنيل من انوثتها انا مثلا عارضت نشر كتاب النفزاوى وهذه وجهه نظرى لماذا يحاكمك البعض لانك اتفقتى مع عرض الكتاب؟؟ أليس من حقك ان تختارى ما يناسبك ؟؟ما تعرضتى له انتى وغيرك اعتبره عنف لفظى واسفيرى رغم معارضتى لرأيك |
اقتباس:
والكلام القبليهو اصلو مابدعموا ليك وجهة نظرك.. بل على العكس بخستكو ليك بالفكرة تمامآ.. ادينى ساعة زمن, وبجيك بى رواقة .. |
| الساعة الآن 12:03 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.