سلام يا غالي
البوست ده مما قريت فيهو تلاتة سطور
طوالي قلتا ادكنو طرف احندك بيهو روحي لحدي ما اجي براحة

تسلم على الشغل البديع ده ياخ
فكرة إطلاق العنان للحيوان الجواك مرة مرة حاجة ما بطالة ابدا
بعدين دباسة في الكف خير من كم سلمى Cc لي أسعد

سلامات ود الغالى..حيرتنى والله..!!!
مُش دى نفس قصة "موقعة ذات شرط البنطلون من الخلف امام الحَسان"! بسبب القمرى؟! والشرك!..!! ولا إتشابهو علي الروائع.looool


والله مشتاق ليك ومشتاق لهبة محمد عثمان..يجدها بخير وعافية ان شاءالله..والله ياخالد سمرية وسمراء يشهوك الديمقراطية والمنطق،المثلهن انقرضو!.. ياخى انبذنك ويمنطقنك ويمسحن بيك الواطة! وبعدة تقوم تتنفض من الغبار وتعتذر ليهن! بنات زى النسمة والله .يجدهن بخير انشاءالله،ويحفظن.:):)
من ناحية تانية; وبالنسبة للصور، اعتقد ياخالد بانى فى حظر اقتصادى فى سودانيات ,كل مارفع ملف ولا صورة ولا آى شى تجينى رسالة ادارية مكتوب فيها (فشل رفع البتهبب فيهو دا):D:D! او احتمال عاملين لى عمل فى جهازى!! غايتو بفكر جادى اودى جهاز كمبيوترى لفكى، عسى ولعل يفك العمل دا!. والله العظيم ياخالد ماقادر اعمل صورة رمزية لبرفائلى؟ انا اتنشيت عين إلكترونية ياخوى!..فوضة امرى لله.
من ناحية تانية شديد; وبالنسبة للفاكيها فى روحو gap; السابقاً شلاقة وفيمابعد وجدى والان اسعد ..!!.. انا حا ادردقو ليك وبجيب ليك الحُجار انت بس عليك إلا تردمو!:mad:
اما كبتنا بسام دا كوم تانى الله يطراهو بالخير ويجدة كما اتمنى انسان حبوب وجميل الاخلاق والخلقة وخفيف الدم..شخص لاتمل منو ابدا شخصية ماسية تشع فرح وحب ونكران لذات ..خلودى الزول دا رقم تلفونو ضاع منى لو عندك لزو لى عليك الله حا اعمل ليهو دعوى يجى هنا فى سودانيات..عشان الناس الهناء تزكرنى بالخير!اقلا شئ!:D:D


خلودى وكل المذكورين فى اسطرى تحياتى وحبى لكم جميعاَ والله.:cool:

أخى البديرى أسمح لى أسجل إعجاب بالطفل الطاغى فى دواخلك ..... ودا نموذج ما بيلاقينا كتير .......
بالجد بحس ببرأة الأطفال فى كلماتك وصدقها وعفويتا وحتى غضبك جميل زى بسمتك :)
** بالمناسبة كلامى دا إيجابى وصادق عشان ما تجى بطريقتك المتسرعة ديك تقول لى قاصدة شنو وتعالى إعتذرى عن كلامك دا :p:)...
مودتى التى لا تعلم:p

نسيت ياخالد، :D:D:D
قبل كدة كنت بفتش فى الامثال الشعبية السودانية مشيت لقوقول ساقنى وساقنى ، ابكن ببحث معاهو حوالى ٢٠ دقيقة! فى النهاية جابنى لمنتدى خليجى بتاع اولاد عز، النوع البجلط شعرو بالجِلْ وبخلوا حوالى ١٥٩ شَعرا واقفة( قُصا )على شكل تاج الديك!:D المهم ياحبوب لقيت ليك واحد اسمو (scutte)، ولا شنو كدا ماعارف، غايتو اسم قريب لدا، بياكل معاهم بالشوكة والسكين!gapgap وبعد بحيت وراهو عرفتو ليك دا شلاقتنا حروفو كانت لامعة ولكن فشلت ان تخفى الغباش السودانى الشلاقى! جيت كلمتو ، عمل فيها غمران! وما ردا على احدى الان! ;):D:D



تصبحون على خير ياحلوين
:cool:

اختى مواهب سلامات ومساء الخيرات
انتى قال ليك بعد كلامك دا حاقدر انوم!..معنويات الف الالف ياخ

وبعدين الغنية ;دى بذكرنى اول وآخر زعلة سببتها لشريكة حياتى! بعتها ليها ٠


تسلمى يامواهب..ولا اظن انى ذلك...اتمنيت لوكانت امى بتعرف تقراء وتكتب لعملتا ليها دعوى فى سودانيات..عشان تشوفوا غسيلى منشور كيف! تخلى المايشترى يتفرج!ههههههههههgapgap


تسلمى يامواهب والله يخليك للحوليك ويخلى الحوليك ليك يارب.ومودتى الدائمة على شيك ابيض لكِ:):)